متابعة الحمل في مستشفى الملك فيصل التخصصي بالرياض

[أم حمودي وعبودي]

السلام عليكم

من عندها معلومات عن متابعة الحمل في مستشفى الملك فيصل التخصصي بالرياض ؟
وخصوصاً الدكتورة ندى الصحن _ لحالات الحمل الحرج ؟




أنا بانتظار معلوماتكم وشكراً

[υм вtℓαα]

وعليكم السلاام
ان شاء الله بنات الرياض يفيدونك

[بحــ العيون ــــــــر]

شوفي حنا بجده مستشفى الملك فيصل احسه احسن شئ بصراحه
وان شاء الله ربي يكتب لكي الخير يا الغلا
وتوكلي على الله وان شاء الله البنات الي يعرفون الدكتوره ماااااايقصرون معك

[بحــ العيون ــــــــر]

اراء البنات للمستشفى التخصصي

أنا اراجع فيه اول مره طبعا المتابعه نفس المستشفيات الثانيه وعلى حسب حالتك اذا كنت تعبانه وكذا يعطونك مراجعات

وراء بعض كل أسبوع أو أسبوعين وتدخلين على كذا دكتوره واشوفهم كويسين

والولاده على حسب ماقالو ا بعد الولاده بساعه يعطونك البيبي يكون معك الا اذا كانت الوحده تعبانه يكون معاهم البيبي


ومافيه حليب صناعي ترضعين البيبي طبيعي وعندهم تختارين المسكن اللي تبين ابرة الظهر والا الكمامه والا اللي بالعضل


ومرافق واحد وقت الولاده والولاده الطبيعه تجلسين 24 ساعه والقيصيري 72 ساعه

[بحــ العيون ــــــــر]

انا اتابع عندهم واولد عندهم جربتهم بولادتين محوله من مستشفى ثاني
مريح ويهتمون فيك وفي البيبي الغرف خاصة والبيبي عندك ويعطونك حليب بس مايرضون يهاوشون يقولون لا رضعيه طبيعي
والاكل من قائمة تختارين بس يبقى اكل مستشفيات

[بحــ العيون ــــــــر]

الغرف خاصه-الاهتمام توب-تختارين المسكن الي تبينه-الاكل تطلبينه من القائمه-البيبي معك بالغرفه- حكومي وببلاش يالله من فضلك
بس لان حالتي صعبه قبلو يدخلوني

الله يهون علينا يارب

[بحــ العيون ــــــــر]

احس سالفتي مع هالمستشفى المنتدى كله يعررفها من كثر ماأعييييدها بس لعيونك وللفايده بقووول مره ثانيه
انا تابعت وولدت عندهم ٣مرات اوك
المميزات:
المتابعه ممتازه،مواعيد دقيقه،كل مره اشاعه وتدخلين ع طبيبتك،ادوويه ع كيفيك متى ماطلبتي يعطونك لو كل زياره ،الزيارات شهريه ماعدا الثامن مرتين والتاسع كل اسبوع
الولاده الاستقبال رائع تدخلين لك طاقم خاص بلحالك ممرضتين وقابله وتمرك الدكتوره تشيك ع الرحم ،الكمام موجود ،ابره مسكنه موجوده ،يسمحون للمرافق يجلس معك الين ينفتح الرحم ١٠سم يطلعونه ينتظرك برى بس موبعيد قريب حولك
عنايه ممتاااازه مااأظلمهم تشجيع اثناء الولاده ولايحرصوون ع الطلق الصناعي ولاالعمليه يعني ينصحونك تمشين وتطلع معك ممرضه وتسلمك للمرافق تمشين في حولهم
بعد الولاده يطلعونك لغرفه لحالك بحمامها كل شي عندك فوط صحيه وكلوت بس مااحب كلوتاتهم اجيب معي كلوتات الدوره
المسكنات وتشيك ع الضغط والحراره مستمر الين تطلعين
الاكل قااائمه ويعطونك وجبات خفيفه بعد العشا
اذا قلتي لاتزعجوني ماحد يجيك ولايقبل
النظافه ممتازه ولاعليهم اي كلااااام
الطفل يجي مع سريره دولاب تحت مالينه غيارات وبامبرز وكل شي تبعهم بشكل مرررررتب وحلو
بعد النفاس لك موعدين ياخذون مسحه لكشف سرطان عنق الرحم وعلمونك النتيجه بالموعد الثاني
والطفل له موعد واحد عند عيادة الاطفال
المساااااوئ:
مااايخيطونك ابدا بعد الولاده اللهم في بكري نزل الطفل مقعدي وسعوني وخيطوني خاارجي
وطلبت منهم يخيطوني ورفضوووا تماما يقولون مانفتحك ولانخيطك
فتقوا سر بناتي الثنتين والممرضه الله لايوفقها من ردي حظي جتني ع الثنتين معن بينهم حول ٣سنوات بس حظي لك عليييه وكانت يهوووديه الاصل امريكية الجنسيه
الطفل مباشره بعد الولاده ٣ساعات عندك صااااليه الين تطلعين ياخذونه يروشونه ويغيرون له يومي
ويزعلون اذا لبستيه من ملابسك يفصخونها ويسفطونها ويعطونك اياها يقولون دامه عندنا لايلبس الا حق المستشفى
حليب صناعي ماااافيه يخلون الطفل الين يتعسر من الصياح ثم يجيبونه لك رضعيه اقول مافيه حليب يقولون مانعطي حليب صناعي المهم صرت اعطيهم هدايا وفلوس واقول رضعوه وخدوه بنام والله ياخذونه ورضعونه
المهم قصيت عليك قصة حياتي لعلك تستفيدين بنتي الصغيره اخر وحده ولدتها عندهم عمرها ٤سنوات وشوي
هذا معلوماتي عنهم في تلك الحقبه اذا تغيروا الله العالم ملفي عندهم فقط للولاده

[أم حمودي وعبودي]

الحمد لله أنا رحت موعدي وكل شي هناك ممتاز
الدكتورة والسونار وكل شي

[sada]

كيف أفتح ملف عندهم
هل أستطيع أتعالج عندهم على حسابي وكم تكلف المتابعة و الولادة عندهم

[أم حمودي وعبودي]

ما أدري إذا ممكن ولا لا لأني محوله عليهم من مستشفى حكومي عشان عندي تأخر بالحمل وإجهاض متكرر
يعني لو حالتك حرجة ممكن يحولونك عندهم
بس لو حالتك كويسه ممكن تروحي أي مستشفى بالرياض