تعبت من هالغربة وهالظلللم لافيني أرجع ع بلدي الدامي ولاضل مع هيك زوج رح أطلب الطلاق

[سيران]

بسم الله الرحمن الرحيم
قصتي طويلة،أديش حاولت خبيها عليكون بس ماقدرت،انا عم موت كل لحظة مليون موتة،صرلي اقل من سنة متجوزة ومتغربة بس مااااافي تفاهم،كله كان كذب،بنات انا ضايعة،ماعاد اتحمل هالعيشة،لاتواخذوني عهالكلمة وتعتبروها كفر بس حتى الدعاء مافاااااد ولاشي،مبين آخرتنا طلاق،صار كذا مرة من وقت ماجيت عم نصير ع بواب الطلاق،بس اللي كان يرجعني انو مالي مرجع غير لعنده،مالي حدا هون ولابعرف لغة،ولافيني ارجع لعند اهلي لان الوضع صعببب...اذا بحكيلكون لتستغربوا من صبري...آه يا بنات اديشني موجوعة،مالي حدا ابدا ولا فيني اعتمد على حدا و حتى على نفسي،بدي اطلق لان حكى معي كلام كبير كتير وسبني بأهلي وضربني و جرح ايدي...هالحكي كلو صار من شوي..انا قرفانة،ماضل اسلوب وحل واتبعته....انا عم موووت..ادعولي بس انو الله يريحني،وشي شوي بدي ناديه واطلب الطلاق حاج لاتقولولي اصبري لانكون مابتعرفوا شي،ولافيني احكي كل قصة حياتي.بدي بس الله يخلصني
مابتعرفوا اديش صعبة انوتوثقي بشخص وتقطعي المسافات بالويل وتتبهدلي لتوصلي لعنده واخر الشي يطلع هالشخص مو منيح،ومايكون عندك حدا هون بالغربة ولافيك ترجعي...آاااااه اه

[ملامح حاليه]

الله يعينك حبيبتي ... دام انو ما عندك اطفال وش يصبرك ع حياة نكد

ما ادري وش اقولك ولا كيف اواسيك ِ الله يصبرك

[آفاق]

حبيبتي الله يعينك ويصبرك ويفرج عنك

مااملك غير الدعاء

[ريوماتي]

ان شاء الله الله يصبرك ويهدي بالك الله يكتبلك الخير شو ما تختاري
بيتي استخارة ويلي ربك بيلهمك عليه هو الخير
الله يكرمك

[فتاة الإسلام]

ربنا يصبرك ويفرج عنك يااارب
مع كل شي لا تيأسي من رحمة ربنا أبدا ... ولازم تدعي دايما
استخيري وشوفي قلبك وين بيرتاح ..
ولرب نازلة يضيق لها الفتى ذرعا وعند الله منها المخرج
ربنا يريح قلبك ويختارلك الخير يااارب

[يآ أرحم الرآحمين]

لا حول ولا قوة الا بالله الله يصبرك اختي الرجال غالبا ما بيراعي احساس زوجته خصوصا اذا كانت بتعاني ااااه من الغربة حتي انا كرهتها و مش قادرة اتعايش ودايما عندي حنين لبلدي بالرغم اني ما اروح كل سنة شهرين علي الاقل
انتي وين ساكنة ؟ حبيبتي شووفي الجانب الايجابي في زوجك اذا بتحبيه يعني ضروري عندو جانب حلوو ولا تخلي الشيطان بينكم
اول سنة زواج اصعب سنة لانو فيها بيتم التعارف الحقيقي
الله يعينك

[على ابواب الامومة]

حبيبتي الله يصبرك ويفرجها عليكي يااا رب

بس سؤال انتي وين مغتربة؟؟؟

[neeevooo]

الله يصبرك يارب هذا اختبار من الله وخلي ايمانك قوي
وصلي استخاره وشوفي الخير فين
وربك هيسرلك الخير سواء الاستمرار او الطلاق

[سيران]

انا سورية عايشة بألمانيا،جيت لهون بطلوع الروح،اهلي كلون بسوريا حلب،الوضع مابيسمح ارجع...بنات مابتتخيلوا اديشني متبهدلة هون،لك والله خجلانة احكي من كتر القرف،لك وربي ماضل شي وماعملته ومازبط شييييي....
تحاكينا من شوي وقررت يطلع هو من البيت بدال ماانا اطلع واتبهدل،بكرا رايحين على شركة البيوت...وهلق هو بغرفة وانا بغرفة.....لك آخ بس آخ...شقد انا بحاجة اهلي،حتى مافيني دق واخبرون....ياالله ساعدني يااااربييييي،انا موجوعة وخايفة،الله يلعن هداك اليوم اللي قبلت فيه و جيت عالغربة لحالي،حتى ماعندي ورقة زواج،قرأوا اهله واهلي فاتحتي وقت كنت بسورية وماكان في محاكم وجيت لهون ولسى بده وقت طويل لنحسن نعمل ورقة زواج...كيف قبلوا اهلي ووثقوا ووثقت مابعرف لان هون في شروط للزواج ومنها الشغل ونحنا مابتتوفر عنا هي الشروط....نشفوا دموعي وربي....كله طلع كذب كللللله...حياتي جحيم وحياة الله

[البريد الملكي]

عزيزتي لا تأيسي وما تضيق الا وتفرج انتي الآن موجوعة ومتضايقة اهدأي وفكري وفكري وفكري حتى لو اضطر الوضع اخذي ورقة وقلم وكتبي فيها ايش الايجابيات وايش السلبيات واذا حسيتي السلبيات ارجحت كفتها وقررتي واقتنعتي انك تنفصلي ( لازم يكون قرار ناتج عن تفكير وقناعة مو شي اتخذتيه لحظة غضب او بسبب ضغط معين ) لازم ما تروحي وبكل سهولة تقولي انك حابه تنفصلي لا انتبهي وخصوصا انك في بلد غربة
اول شي اذا انتي في دولة مثل بريطانيا او امريكا تقدرين تروحي لأقرب مركز شرطة وهذا ممكن تستخدمين خرائط قوقل و تتابعينها إلى ان توصلي هناك خبريهم انك تحتاجي احد يتكلم عربي اكيد راح يوفرون لك مترجم خبريهم ان زوجك يضربك وان جرح ايدك و ان يتعامل معاك بعنف ولا تخافي عشان تكوني تحت حماية قانون و اتوقع في بريطانيا حتى ممكن يعطونك حق اللجوء ويعطونك بعض الشغلات مثل السكن ومثل راتب يمشي لك اسبوعيا لحد ما تتدبري امورك
واذا تطمنتي على وضعك اطلبي الانفصال وبعدها حاولي ترجعي ببلدك بمساعدة مكتب الهجرة وما تتبهدلي
واتمنى ان امورك تتصلح وما تنتهي حياتك بالطلاق و لاتظني ان كلامي دعوة وتشجيع عالإنفصال بس حبيت انبهك لبعض الشغلات اللي ممكن تساعدك في حال اتخذتي قرار وحاول اخليك تتجنبي البهدلة وفي حال احتجتي اي مساعدة لا تترددي
تحياتي لك