خطتي للحمل .. و النتيجة

[البريد الملكي]

السلام عليكم و رحمة الله وبركاته
مبارك عليكم الشهر عزيزاتي
حبيت اشاركم تجربتي البسيطة في محاولتي للحمل واتمنى انها تكون مفيدة للبعض
اولا انا ام لطفل واحد كمل الأربع سنوات و حملت به حمل طبيعي في شهر أبريل جاني ألم فضيييييع جدا في جهة المبيض الأيمن رحت للطبيبة و عملت لي سونار و النتيجة كانت ... كيس دم على المبيض و المبايض ضعيفة فقالت الدكتورة لازم تاخذي حبوب منع حمل عشان يوقف التبويض !!! طبعا كانت صدمة و ثانيا انا ما كنت ابي آخذ حبوب منع الحمل لأني كنت مخططة اترك الموانع شهر مايو و احاول احمل قالت لي لو تفكرين تحملين لازم تاخذين حبوب منشطة
طافت السالفة و نزلت الدورة و خف الألم و من نهاية شهر مايو بدأت احاول وشريت جهاز متابعة التبويض وقربت الدورة وقمت احس بشغلات واعراض حمل يعني عادة ما تجيني وقت الدورة يعني غثيان و شوي روايح و شوي صدري حساس و ثقيل و يألمني و شريت اختبارات حمل وكلها سلبية وبجدارة ويوم 20/6/2013 شرفت الدورة حمدت الله و رحت للطبيبة اللي ما تدري وين الله حاطها وقالت لي اي ماراح تحملين اولا فيك تكيس قلت لها شلون انا ما عندي اعراض وانتي ما سويتي لي تحاليل و دورتي منتظمة قالت لي اي بس انتي وزنك زايد اكيد عندك تكيس و كتبت لي كلوميد و علاج ثاني ما اذكر شنو و قلت لي يبيلك تستمرين عالعلاج ثلاث شهور و تنزلين وزنك عشان تحملين ... طلعت منها مع اني ما كنت مقتنعة بس الكلام أثر فيني مع ذلك اخذت الكلوميد و اهملت العلاج الثاني
طبعا الكلوميد اخذته من ثاني يوم إلى سادس يوم حبة باليوم بس في يوم نسيت وما اخذته يعني اخذت اربع حبات بس و طبعا كنت مداومة على حمض الفوليك من الشهر اللي قبل و اكلي كان صحي قد ما اقدر و احاول استغفر قد ما اقدر و الصدقة باللي اقدر
المهم عاشر يوم من الدورة قلت خل اجرب جهاز التبويض مع انه من المفترض لسا بدري على التبويض و يطلع لي ذاك الوجه المبتسم يعني في تبويض ^_^ طبعا استغربت بس تذكرت ان الكلوميد يقدم التبويض طبعا حصلت علاقة و خلصت ايام التبويض وانا اعد واحسب و انتظر اخذ التحليل
يتبع

[غصن ألبان]

يلا حبيبتي كملي القصة شوقتينا ننتظرك ياقمر

[البريد الملكي]

وجا يوم ٩ واخذت تحليل كلير بلو الرقمي و النتيجة not pregnant و بالفعل ما كنت احس بشي بس كان باقي عندي تحاليل فقلت خل اجربها يوم ١٠ و ١١ و ١٢ كله سلبي لدرجة زوجي قالي بس خلاص الله ماكتب ان شا الله الشهر الجاي
يوم الخميس كنت احس بحرارة شوي وكانت حرارتي ٣٧.٥ وكنت احس بخمول شوي المهم يوم الجمعة كان عندي ضيوف وقت الفطور كنت احس بحرارة في جسمي واحس بدوخة ونعاس طلعوا الضيوف و قمت اصلي الفجر يوم ١٣/٧/٢٠١٣ قلت يلا خل اجرب اخر تحليل كلير بلو وبس ما راح اشتري تحاليل بعد المهم عملت التحليل و توضيت الا واشوف الجهاز يقوووووول Pregnant 1-2 طبعا وجهي صاااااار كذا و رحت صحيت زوجي و بشرته و فرح كثير و ماصدق قال يمكن مو صج قلت له لا والله صج و شككني شوي وقلت يمكن سويت التحليل غلط الصبح و شريت تحليل ثاني رخيص و بعد خطين بس الخط الثاني خفيف و اليوم رحت للطبيب و أكد لي الخبر و الحمدلله يا ربي انا حامل
و عقبال الجميع الجميع بدون استثناء ربي يرزق كل محرومة وكل منتظرة للحمل و لايخيبها
طبعا نصيحة للبنات اخذي نصيحة دكتورة و ثانية و اذا تطلب الأمر حتى ثالثة شوفتوا كيف هالدكتورة خرعتني و انها خربوطة و ما تبي تتعب روحها
ثانيا مو شرط كل عرض يكون من اعراض الحمل انا هالشهر ما جاني و لاعرض لا حمل و لادورة و لاشي بس الحرارة و صار لي يومين بس كثرة دخول الحمام و هذا بعد يجيني اذا قربت تجيني الدورة
ثالثا اذا تفكرين تحملين اخذي حبوب حمض الفوليك
واي سؤال انا حاضرة
و سامحوني طولت عليكم بس حبيت تشاركوني و تستفيدون
تحياااتي للجميع
أحبكم كلكم

[غصن ألبان]

ياعمري ماشاء الله تبارك الله ..... الف الف الف مبرووووووووك

ربي يتمم حملك بألف سلامة


حبيت أسألك عن الكيس نزل لو صرتي حامل وهو موجود ؟

[البريد الملكي]

ياعمري ماشاء الله تبارك الله ..... الف الف الف مبرووووووووك

ربي يتمم حملك بألف سلامة


حبيت أسألك عن الكيس نزل لصرتي حامل وهو موجود ؟

الله يبارك في حياتك عزيزتي
و يوم اللي لك ان شا الله
بالنسبة للكيس اي اختفى لأن غالبا ما يصير حمل اذا في كيس دم و بعدين الألم خف و من كم يوم كان عندي سونار للكبد و قلت للأخصائية انها تشيك لي عالرحم و المبايض كمان و قالت لي ان كل شي سليم مافي شي مو طبيعي
و الحمدلله

[Carolina]

ما شاء الله والف مبروووووووووووووووووووووووووك والله يتمم لك حملك ع خير ويرزقك بيبي سليم معافى كامل الخلق والخلقه والله من قلبي فرحت لك

[البريد الملكي]

ما شاء الله والف مبروووووووووووووووووووووووووك والله يتمم لك حملك ع خير ويرزقك بيبي سليم معافى كامل الخلق والخلقه والله من قلبي فرحت لك

حبيبتي و الله يوم اللي نفرح لج يا رب

[عائشه مصطفي عمر]

الف الف مبروك اتمني من ربي يرزقك بيه ويتمم حملك ويثبته والله فرحتينا مبروك عليك وقصتك طريقه كتابتها حلوه ومشوقه

[أم تميم1]

ماشاء الله لاقوة الابالله
ألف ألف ألف مبروك حبيبتي ربي يتمم عليك ويحفظك بحفظه
ويااارب نفرح بالبقية في هذه الشهر بالحمل وتفرحوا فيني بإذن الله

[البريد الملكي]

الف الف مبروك اتمني من ربي يرزقك بيه ويتمم حملك ويثبته والله فرحتينا مبروك عليك وقصتك طريقه كتابتها حلوه ومشوقه

تسلمين عزيزتي الله يبارك فيك كلج ذوق
ربي يرزقك بما تتمنين و يفرح قلبك