دردشة بنات العراق, دردشة حوامل العراق , تجمع بنات العراق

[فوفو العراقية]

ام نورهان
اف اف اف
كل هذا بيج؟
حبيبتي ديري بالج على نفسج
واسمعي كلام الدكتورة وخليها على الله لا تقلقين نفسج
بس اخاف الطفلة بيها سكر لا سامح الله...
او هية اساسا خشنة او جهاز الدكتورة بي غلط بالحساب لان حملنه انحسب اول يوم الدورة ههههههههه
ف مضبوط ومابي خربطة
بس انتبهي لحجم الطفلة لان لو زادت ولادتج تصير صعبة ولو الشغلة سليمة بحالة القيصرية ف لا تقلقين
لانها لسلامة الطفل تكون العملية صح.
والف سلامة عليج



واني باجر اخابر مركز الحوامل وسوي موعد للدكتورة للسونار
لان المي دا يزيد نزولة ولما يتحرك الطفل او لما اكح ينزل بغزارة
وكلش زاعجني وقالقني ف ممكن يكون مخلوط بماء الجنين والله اعلم

وهذا لو حجزة الموعد ولو ماحجزتة لازم اروح لطورائ الحوامل.

[ام نورهانه]

ههههههههههه والله يافاديه اني هم اخترعت من كالتلي كلت بعدني ببدايه الثامن وهيج وزنها من اوصل للتاسع شكد يصير شلت هم زين اذا اني مابيه سكر شلون هي يصير بيها يعني اكو هيج حاله لان وزنها ما شاء الله 2 كيلو ونص
وعلى فكرة اني نورهان جبتها بأخر يوم بالثامن وكان وزنها 3 وشويه
يارب يسهلها عليج وعليه وعلى كل الحوامل ونجيب اطفال صحتهم زينه ونكوم بالسلامه

وانتي عود طمنينه ان شاء الله ماكو شي اني بنورهان كنت اذب هم مي من دخلت الثامن بس كان طبيعي يعني كل ما اروح للدكتورة تكولي طبيعي مي الطفل وهذا الي تذبيه مي زايد

[فوفو العراقية]

حبيبتي ام نورهان
اني انوار بنتي جبتها علىسبعه ونص وجان وزنها 3290
وجان بيها سكر
واني مجان بية شي
والسكر عند الطفل ميبين لا بتحليل ولا بسونار ابد الا بعد الولادة
وبعدما جبتها صارت 2 كيلو
يعني نزلت كلش هواي بسبب السكر


واني يوم 22.6.2012 وكالتلي وزن الطفل 1كيلو و100 غرام
يعني ممكن يكون هسة كيلو ونص
مع اني عندي سكر والمفروض يزيد وزنة وحجمة
حاولي تاكلين اكل صحي وشوفي وضعج شلون يصير.

[ام نورهانه]

صدك والله خوفتيني يافاديه زين اكلج اذا لا سامح الله طلع بيها سكر يروح منها بعد الولادة يعني انتي بنوتج هسة مابيها شي مو لو ظل وياها لا سامح الله

[ام نورهانه]

وها صدك فوفو انتي بنتج شكد بقيتيها بالخدج وظل السكر وياها لو راح

يمكن رحتي نمتي من تجين حبابه جاوبيني

[أم أيهومي]

هلوووووووووووووووو بنات

زنوبه حبي,,,الف الف مبروك بولادة رضا جعله الله من ابناء السلامه ماشاء الله تبارك الله منور حبيبي يارب يحفظه الكم من كل شر ومكروه ويوم الالج ونشوف بنوتج,,واحلى شعور لمن اتصيرين عمه شي ايخبل

وشكرا حبي على سؤالج على ايهومي صار احسن الحمد لله,,

سراوي حبي اتشرف بيج غلاي منوره الصين حياتووو ههههههههههههه,,
نورا حبي شكرا لكلماتج الحلوة يارب يوم الي اتشوفين عبودي بخير وسلامه

[أم أيهومي]

هلو علياء حبي فدوة لزهراء ماشاء الله حلوة نزلينه صورهة خلي نشوفهة زين

صفحتي على الفيس بوك هاي وهلا وغلا بيج
Najlaa ALobady
ومخليه صورة ايهومي بيهة

زينه حبي حمدلله علسلامه وين هالغيبه وشلونهة هلونه مشتاقيلج

[أم أيهومي]

Najlaa ALobaidy

علياء هذا السبيلنك الصح

[أم أيهومي]

فله حبي سلامتج كبدوشه يارب مابيج غير العافيه وعادي حبي هو من خوفه عليج مرات الزلم يعبرون عن خوفهم عن المقربين الهم هيج
انتي التزمي الصمت ثم الصمت وهسه اتشوفيه يتندم ويرجع يعتذر لو ممهتم وعادي عنده كان انتي انقهرتي كلتي ممهتم ولاعبالك
بس اعذريه هو من خوفه عليج
ولج هاي جنتي من هسه هيج شالعه كلبج اني اشلون شراح اتسويلي ههههههههههههههههههههههههه

عود متفقين نعلن خبر الخطوبه خخخخخخخخخخخخخ وايه محضرتهة خطابه ودااريد اتوسط يم فوفو ونجيب نورا وكرشهة هماتين ههههههههههههههههههه خطيه ايهومي مشاياته كلهة حوامل بس ايه وانتي اذا منطيتيهة ايه تكمشج وتبسطج هههههههههههههه حلوة خوش فلم هندي بطوله ايوته ام سفسف
هسه تجي اتمووتني خلي افلت ههههههههههههههههههههههه

[فوفو العراقية]

صباح الخيرررررررررررررر حبايب

اسفه حبي ام نورهان مارديت عليج البارحة
لان جنت نعسانة ورحت علمود انام وهذا الوكح خبلني بدفراته ويفرفر براسه وبوكسات للصبح هههههههههه

حبيبتي
لا تقلقين حبي
بس اهم شي اكلي كل ساعتين او 3 فد وجبة ولو زغيره
ومابيها اي شي ان شاء الله
بس اتوقع انتي اطفالج يكبرون عندج بالبطن
مع انج تشتغلين هواي وتتحركين
بس ممكن اطفالج بيهم خشونة.

نورهان بعد الولاده نزل وزنها؟
لو مانزل وضلت عادي على حجمها ف هذي طبيعة نمو اطفالج ومابيها شي.
السكر عند الطفل بالبطن مياثر
اهم شي اكلي اكل صحي نوعا ما
ابتعدي عن الدهون والسكر
وديري بالج .... لالالالالالالالالازم لازم لازم متجوعين هواي
كلما تجوعين الطفلة يكبر حجمها اكثر
واني جنت اصوم بيها طاحضي
لغايت من ولدتها وهية بعدها صغيره
بس ماصار بيها شي وما خلوها خدج
وجتي عادية بس مورمة ومزكت رحمي ياله طلعت هههههههههه
والسكر همة وخرو بنفس اليوم
الطفل سهل
لان جابولهة حليب وشربوهة
بس حليب مال ام ثانية لان حليبي جان خفيف بعده
ونزل مباشرتا عدهة وضل ينزل
وهية مخلوهة بالخدج وجنت عادي وياهة بالمستشفى لمدت اسبوع
وبعدين كالولي اطلعي انتي وهية تضل هنا لغاية ما يبدي وزنها يصعد
لان ضلت اسبوعين تنزل ومتصعد من الورم الاكلته ههههههههههه
وبعدما طلعت ب 10 ايام هية طلعوهة وجنت كل يوم اسحب الهة الحليب وودي الهة وضل يمهة كم ساعه ورجع للبيت
جنت ارجع للبيت اقضي نوم ههههههههههههه
بس هسة هية الحمد لله نشيطة وذكية كلش وحنونه فديت قلبهة

[فوفو العراقية]

ام ايهوم ههههههههههههههههههه
كتابتج كلش جبيرة وواضحة
كووة قريتهة هههههههههههههه
ولج يا مشية ويا خطابة
هوة احنة نكدر نمشي؟
عود نتوسطلج هنا هههههههههههه

[**نورا**]

ههههههههههههههههههههههه ام ايهومي ابشري هسه البس واكشخ واجيج اني وكرشي ونروح نخطب ههههههههههه

[**نورا**]

نفسي تلعب بسلا استفرغ مابيه حيل وااااااااااااااع

[ام نورهانه]

ههههههههههههههههههههه فديت سوالفج ام ايهومي اي بله شفتي جنتج شسوت بيه بس ياله معتمده على ايهومي هو يمشيها على عجين متلخبطوش هههههههههههههههههههههههههههه
فديتج وفديت الخطابه مالتج ههههههههههههههههههههه
والنعم من فوفو ونورا وام فسفس ولو هسه جيوبها مدمرتها اذا تعطس علينه اطيرنه ههههههههه


فوفو الحمد لله فدوة النواره ربي يحميها ويخليها الج
اني نورهان لا منزل وزنها بالعكس زاد وكالولي لو مخلصه بيها التاسع كان وصلت للخمسه كيلو لان خشنه ومن صار عمرها 4 اشهر صار عدها بدانه لان وزنها كان يصعد هوايه حتى بوقتها الدكتور كالي ادري شتطيها ثريد مال باجه وهيج نافختها هههههههههههههه
واني كنت بس على الممه وكان حليبها كيكوز ومكنت ارضعها لان لو اضل يومين متعوفه الصدري تشفطني حتى اني ههههههههههه
فدوة القلبها بس وره السنه ومن كامت تسنن بدت تضعف

[ام نورهانه]

ها نورا مو كتلج راح اجيب قبلج هههههههههههههههههههههههه
شلونج حب سلامتج لج هي بدايتها هيج اني بنورهان ضليت استفرغ وره 3 ايام جبتها

[أم أيهومي]

هههههههههههههههه فوفو موايه من اكتب جبير اتكول مااشوف حيرتوني راح اكتب كلمه هيج وكلمه هيج

اي حبي خطبة بنت انفال ونريدج ويانه ايهومي ايكول الا خاله فوفو تتوسطلي خخخخخخخخخخخ مو انفال اخاف تطلب مهر هوايه وايهومي بعده لاروضه ولامدرسه خطيه مصرفه يادوب حفاظات بامبرز وحليب ههههههههههه

[ام نورهانه]

فوفو باعي انوشه من كان عمرها هنا تقريبا 5 اشهر او اقل ههههه كولو ما شاء الله

http://forum.hwaml.com/imgcache2/hwaml.com_1342087240_702.jpg (http://www.hwaml.com/up/)

[أم أيهومي]

ههههههههههههههههه تسلمين نورا كبد انتظرج لازم تخطبين يالله اتجيبين خطيه الولد ايريد يحجزها هاي انفال اخاف اتفكر وزنهة ذهب ومدام وزنهة قليل خلي انلحك هههههههههههه

فله تفداج نجلاء حبي,,تسلمين حياتوو

اما عن الوزن ايهومي جبته ماشاء الله اربع كيلوات ونص لذلك كالتلي الدكتوره مستحيل اتجيبين طبيعي ابنج رجال موطفل حبيبي حتى الملابس الي مشتريتهة مكفته طلعت زغار

[أم أيهومي]

فله ماشاء الله حياتي اتئبللللللللللللللللللل حبيبة خالتهة.. بوساتي

نفس قريولة ايهومي ...

[ام نورهانه]

وهاي صورة انوشه قبل كم يوم

http://forum.hwaml.com/imgcache2/hwaml.com_1342088012_328.jpg

http://forum.hwaml.com/imgcache2/hwaml.com_1342088012_328.jpg

[فوفو العراقية]

فديت التجمع وهلة

ولج ام ايهومي
مو بيج خير وتدللين
راح ندفع مهر ايهوم قرأن مقدم و500 الف يورو مؤخر خخخخخخخخخخخخخخخخ
فديت الويلاد اني
يلا نورا شدي الهمة
خل نكشخ ونروح احنة وكروشتنه خوش خطابة هههههههههههه

ام نورهان
فدوووووووووووووووووووة البنوتات
لالالا بعد ام ايهومي متجوز حالج خخخخخخخخخخخخخ
ولج ماشاء الله تبارك الرحمن بما خلق
حبيبتي تخبلللل
لعد لا تخافين هسة تجيبين نفس الوقت الي جبتي نورهانة وبنفس الحجم
حبيبتي تخبل ماشاء الله ربي يحفظهة.

اليوم خابرت مركز الحوامل وحجيت ويا الاخصائية عن حالتي ويا المي
كالت لازم ترحين للمستشفى وتتاكدين من المي هذا
كلتلهة البيبي يتحرك بقوى كالت نقصان المي القليل مياثر على الحركة بس ياثر عليج وعلى الطفل
ووقت الولاده خطر قوي ف لازم اتاكد
كالت اي وقت تردين روحي لمستشفى الحوامل وهمة يتاكدون منة
بس كالت الافضل بالنهار روحي حتى متنتضرين هواي
بس والله مالي خلك
والسيارة شالعه كلبنة لان طلعت هواي شغلات لازم يغيرها بالفحص افففففففففففففف
يمكن باجر اروح لو اخليها على ويك اند او اثنين لان طول الاسبوع اكدر اروح
بس امووووووووووووووت من الفحص كلللللللللللللش.

[فوفو العراقية]

ولكم عيني هذا خبلني بالرفس
من البارحة لليوم ماهداء حتى بالليل
عجيب امره
دب وخلصت فترت سباته ههههههههههههه
دا اموت والله حتى اصابعه وراسة احس بي يفره
يمة وليدي فدوة وكح طالع على ابو ههههههههههههه

[ام نورهانه]

ههههههههههههههه حبيب قلبي فديت الدفرات

اي لج اني هم البارحة بالليل اتخبلت عليه مع العلم هي صارلها تقريبا 4 ايام خاتله ومالها حس البارحه ضلت تدفر بحيث تدرين من البارحه لسه منايمه يمكن اكثر من 3 ساعات من وراها وهم نوم متقطع لان من تدفرني افز لان دفرتها تأذيني وتفرفر بروحه يمنه يسره بس هي من البارحه مجلبه بصفحتي اليسره اعتقد راح تسوي بكليتي اليسره شي من دفراتها ههههههههههه ربي يحفظها الي ويحفظلكم اطفالكم ونشوف اطفالنه سليمين معافين من كل مكروه

[فوفو العراقية]

حبيبتي اللهم امين
فديت الكتكوته اني
خليها تدفر
بس الولد دفراته توجع اويلي علية بس انتي بنتج اكبر حجم من ابني
ف الله يعينج ههههههههههه
ولج اني بالعكس
من حملت لهسة تمركزة باليمنة
ومتأذية لغاية الفخذ
وراسة جوة ورايح عاليمين من اكمشة احس بي ومن يفر وجهة هم احس بي
حتى احس اكو شعر او هيج شي ناعم
ولج اموت وشوف بنتج وبني
يالله تمم علينة وتمم على كل حامل وزيد فرحتنه يارب بحمل باقي البنات مثل فروحة وخواتنة كلهن هنا
حبيبتي ديري بالج على نفسج ولا تنسين تلتزمين بالعلاج,
واني يمكن باجر اروح وشوف وضعي لان هسة غسلت لماعين وجيت اريد اكعد حسيت روحي ذابه كومة مي
اشكد ازعاج
والمشكلة ماعرف من وين يعني لو برميل جان فرغ
بس ان شاء الله يعتبر مي زيادة.

[فوفو العراقية]

اكلكم
اليلة حلمت اني جايبة ودا ارضع ابني
والحليب جان بغزارة
خير ان شاء الله؟؟؟؟

[zena]

حبيبتي ام نورهانه الف سلامه وان شاءالله ماعندج بس العافيه انتي والنونيه الحلوه



ام ايهومي الورده شلونج تسلميلي عمري اني بخير وبنوتي زينه بوساتي الايهومي ولو زعلانه عليه لانه مخطب هلونه ههه

[ام نورهانه]

هلو حبي فوفو ان شاء الله خير وطبعا الي اعرفه الحليب كلش خير ورزق من الله وان شاء الله يجي اليوم وتشوفين البنبوني بحظنج يرضع حياتي ياله مظل شي هانت ان شاء الله


اني اليوم اروح الاهلي فد يومين اكمل علاجي بين متجي عمتي لان ماعندي احد غيرها يضربني ابره غير ماما هم فمن تجي عمتي ارجع

[zena]

حبيبتي فوفو هاي شنو طلعتي صدك قريبه ع مكان البواخر هه يالله كومي بخير وسلامه وان شاءالله نشاوف بس شلون بالويق والواق هههه

[فوفو العراقية]

هلو حبي زينة شلونج قلب
وشلونهة اللعابة الحلوة

اي لعد شلون
قريبا كلش 7 دقايق وكون يم الباخرة
ولا يهمج ان شاء الله نلتقي
والواق والويق متعودين عليه ههههههههههههه
البنون زينة الحياة الدنيا.

[المغتربه المتفائله]

مساء الوررررد
شلونكم بنات
ام نورهانه حب ماعندج اله العافيه استمري على العلاج وان شاء الله من تروحين للمراجعه الجايه ماعدج مشكله
وعادي حبي زوجج من خوفه عليج صار عصبي بس همه هاي اسلوبهم
وبنوتج ما شاء الله تخبل عيني عليه باررده الله يحفضه وياررب وتفرحين يوم عرسه
ام ايهومي حب انتي المنوره حياتي
شلونج شخبارج العريس ايهومي شلونه
فوفو شلونج حب شخبارج
ان شاء الله بخير النونو شلونه
شابعج دفرات من هسه يرد يثبت رجولته هههههههههه
الله يحفض كل الحوامل ويرزق فروحه الحمل ياررب
باقي البنات شلونكم حبايب ؟؟

[أم أيهومي]

هههههههههههههههههههههههههه هلو بنات ولج فوفو دمرتي لايهم اذا مهر 500 الف يورو منين يجيب المكرود هو ملحك على البامبرز والحليب حبيبي من هسه راح يشيل الهم,,

نورا اختفت بس لاجابت خطيه بالي يمهة اتذكر من كنت حامل طلعت روحي بس اريد اجيب واخلص,,

زيونه حبي والله مشتاقيلج وهلونه حبيبتي وين اكو مثلهة بس شسوي قسمه ماكو لانه اكبر منه هههههههههههههه

ابرار بنت مي اكبر منه 10 ايام ورفضهة يدور كتكوتات فديته اني (هسه تجي مي تكلب التجمع على راسنه )هههههههههههههههههههه

سراوي حبي تسلمين حياتوو والله احسن صار الحمد لله والشكر وعينه مبيهة شي بس خبلني بالوكاحه نااااااااااااااااااااااار والهة شرار مااكدر اخليه ابحظني وعصبي نار مينجرع كتله من تكبر اشلون اجرعك مااعرف اذا هسه وهيج
يارب يتمملج على خير والله ايساعدج الصين حلوة بس اكلهة لعبان نفس ابن عم زوجي تاجر ويروح ويجي ايكول اكلهة مينكال ابدا
فله فلافل حضري نفسج وره الولاده بأسبوع احنا جايين مو اتكولين مكلتووو هههههههههههههههههههه

فديتهة لنواره يمه صايره بنوته حياتووو حبيبة خالتهة...

ايوته ماككووو..؟؟؟
وفروحه الهة وحشه والله,,اشتاقينالهة هي ومياوي ام ابرار وسجاوي مااعرف شنو اخبارهة,,
يارب الكل ابخيررر..

[مرام محمد]

http://forum.hwaml.com/t154492.html

[المغتربه المتفائله]

هلوو ام ايهومي
الله يخلي فدوووووه لعصبيته الله يعينج على تربيته
اي صحيح الصين حلووه
والاكل لاتحجين ههههههههه ماكو شي ما ياكلو
والريحه مالته ما تنطاق اني من حملت لليوم
حابسه نفسي بالبيت حته ما اطلع واشم ريحه اكلهم
والعيشه هنا ملل زوجي يطلع من الصبح لساعه 8باليل
يله يرجع واني كاعده وحديhwaml15
كل سنه ارجع شهر بس
وهاي السنه تصادف فتره ولادتي وي الشهر نفسه الي ارجع بي
يعني راحت علي هاي السنه ماكو رجعه لبغداد hwaml80

[أم أيهومي]

الله ايساعدج سراوي,,والله صحيح مرات الوحشيه والوحده تكتل واتحسين بالاختناق,,بس انتي حاولي تتعايشين وي الوضع لانه التفكير مرات يخنق بالزايد الله ايعينج حبي..

هسه من تولدين تلتهين وي النونو وتنسين حتى العراق من كثر متلتهين وياه,,

[zena]

تسلمين عمري فوفو الله اكومج بسلامه انتي وابو الكلات هه

[zena]

هاي شنو عيني ام ايهومي كبرتي بنتي هيه اكبر منه بكم شهر هلونه زعلت دكول بس أشوفه اعضه ابو سن واحد ههه

[**نورا**]

رجعت الكم وهم بعد مجايبه ههههههههههههه مبين راح اعوشر
اليوم رحت مشيت وماكو اوجاع بس احس النونو حيل ضاغط عله المثانه ذاب ثكله كله جوه وماكو بوادر ولاده
وشتريت زيت الخروع وخبطته ويه عصير وكلت اشربه ضكته عبالك زيت مال سيارات شلته وشمرته ههههههههههه
وهاهيه هف هف
انتو اخباركم اموركم

[فوفو العراقية]

مساء الخيرررررررررررررررر
شلونكم؟

نورا
راح اجيب قبلج
يلا عاد مصختيهة ترى هههههههههه
مال هسة اجيلج وركصج الا اخليج تجيبين اليوم هههههههههههههه
ضلي امشي
ماكو شي يسرع الولادة اكثر من المشي

[**نورا**]

ههههههههههههههههههههههههه هوه هم هيج فوفو مببين راح تسبقوني
والله دا امشي مو كلش هوايه بس هالاكدر عليه وبقه التسهيل يم الله
انتي شلونج اخبارج النونو شلونه

[**نورا**]

يله تصبحون عله خير حبايب اروح انام

[أم أيهومي]

ههههههههههههههههههه زيونه فديتهة للقموره هلونه,,يالله لتزعلين الشرع حلل بأربعه خخخخخخخخخخخخ

[أم أيهومي]

وينكم الوووووووووووووووووووو

[فوفو العراقية]

حبيبتي نورا الله يسهل عليج وتجيبين وتكومين بالسلامة وتفرحينة يارب بشوفت البيبي
حبيبتي اني بخير والبيبي شاك بطني من الدفرات والحركة مالته موتتني اليوم كمت ابجي منة
ويمكن باجر ماروح للمستشفى لان لو اكو شي مجان هيج بهذلني هههههههههههه


حبيبتي تصبحين على الف خير .


ام ايهومي شلونج حبي؟

[فوفو العراقية]

صباح الخير
واخيرا فتحو اليوميات؟؟؟

المنتدى كلة جان ميشتغل صار يومين
اشتاقيت الكم
شلونكم حبايبي؟؟؟؟؟؟؟؟؟؟؟؟؟؟
شخباركم؟

يلا وحده وحده تكتب شصار وياهة هاليومين؟؟؟؟

[فوفو العراقية]

هاي وينكم؟
اشوف ولا وحده جتي؟

[White angel]

هلوووووو بنااات شلونكم
مشتاقة لكم موووووووووووت
صار يومين مدا يفتح عندي موتني المنتدى
بنات مشتاقققون
اليوم مسويه دولمه ولاول مره بحياتي ههههههههه
اني شنو اجرب يطلع يجنن بس اشو هاي زوجة حمايه ادكولي غطي الدولمه بماعون
وامليها مي
اجيت لكيت شكم وحده مفتوحه وعندي خطااار شكد عييييييييييييب اذا فشلت

[فوفو العراقية]

هلو زنووووووووووووووبة
شلونج
ترى احنة اشوق
اي المنتدى ميفتح عند الكل اتوقع
الف عافية عالدولمة
اي الدولمة لازمها مي بس مو تتغطى بالمي
ولازم ماعون يضغط عليهة كلهة حتى من تفور ماتنفتح
وعادي لو كم وحده فتحن
لان عادي قلب
الف عافية على قلوب كل من راح ياكلها
بس شلج بهالتعب ونتي حامل؟؟؟
الله يسهل عليج وينطيج العافية.

[White angel]

هلوووو حياتي فوفو
شلونج كبد مشتااقين والله
والله يافوفو ماعون وضاغط ع الدولمه بس عبالك دا تنفتح ميفيد
والله غير زوجي سوي دولمه سوي دولمه ع اساس يوديها الزوجة اخو تسويها بس مقبلت اني لان شنو هسه ادكول
مابيها خير وم هذا الحجي
بس والله مليتها مي غطت الماعون حتى بس بعدين شلت منها مي وهسه خليتها ع 6 لان زوجي على جيه دا انشف المي

[ام نورهانه]

هلووووووووو حبايب شلونكم مشتاقتلكم كوووووووووووووووووومات وربي

والمنتدى بهذلني صارله يومين مينفتح

شلونكم اخباركم اموركم

اني هسة يم اهلي صارلي يومين وباجر ارجع البيتي ووضعي موزين كلش بس الحمد لله
لان التقلصات دتزيد عندي كلش وياها الم يبدي من محالبي وكلاويه وظهري وبالكوه اتحرك واحس النونونيه مالتي كلش نازله جوه لان احس بحركت راسها جوه تروح يمنه يسره عبالك دتسويلها طريق والله اليستر بلكت ربي واخلص هالاربع اسابيع على خير وكاعده اخذ علاجي وابري ومدا اكدر اكعد من وراهم هههههههههههفففففففففف الحمد لله ربي يكتبلي بيها اجر ان شاء الله لان والله بنات كلش تعبانه

[فوفو العراقية]

هلو ام نورهان
حبيبتي ماتشوفين شر
والله حالنة كلش يتشابه
البارحة اني حسيت ردت اجيب من كثر ما الم قوي صرت ابجي
وبعدين رحت نمت بالكووة بحدود 2 ونص
وكل شوية كاعده وهم احس الطفل راسة يفره جوة كلش
وحسة ناازل كلش
ولج كلما اوديها وجيبها اشوف نجيب سوى ههههههههههه

[ام نورهانه]

هلوووووووووو حبيبة قلبي فوفو هههههههههههههههههههههه اي احنه شكلنه ماراح نطول لج عيني ليش هيجي حظنه ماما تكولي اذا حبلت بعد اموتج تكولي انتي تظلين كل حمل مشلوع قلبج وقلب رجلج وكل شويه موكلتنه هبطة اوووف ياربي والله كلش تعبت ومليت بس اكول حرامات مظل شي شهر وتعدي على خير ان شاء الله وطبعا طبعي مااعرف اكعد لازم اتحرك ومن اكعد كلش اختنك

[فوفو العراقية]

مســـــــــــــاء الخير
شلونكم
وينكم؟
اشو ولا وحده
وينكم؟

[قمر بغداد]

هلووووووووو بناااااااااااااااات شلونكم شخباركم
ملتهية وتعبانة مووووووووووووووووت
اولا عمتي ام زوجي اجتي من العمرة الثلاثاء ساعة وحدة من الليل
ثانياً حماتي هم الثلاثاء بس ساعة 10 ونص بالليل سوت عملية قيصرية لان حامل شهرين وطلع حمل خارج الرحم اللة يبعدكم من كل شر وخطية شالو الطفل والانبوب الايمن لان تالف من النزف
ثالثاً اني كلش تعبانة لان خطار والطبخ والشغل كلة علية هم عدنة مريض وهم عمتي راجعة وهوسة وكومة ناس بحيث البارحة تخربطت وكعت وجهي اصفر وتعرفون عندي نقص بالسائل مال البنوتة وداحس اكو شي ديضغط من جوة مع العلم هسة اني بعدني بالثامن ومادري شسوي وين اروح بس اريد انام ومدالحك من الهوسة
شخباااااااااااااااااااااااار الحلوات الحوامل والامهات والمو حوامل والبنوتات

[المغتربه المتفائله]

صباح الورررررررررد والعسل hwaml7
شلونكم بنات شخباركم
المنتدى صارله يومين ميفتح عندي
الضاهر عند الكل ميفتح
مشتاااااااااااااااقين
فوفو حب شلونج النون شلونه
ام نورهانه حب شخبارج
الله يسهل عليج انتي وفوفو وتدخلون التاسع وتولدون ياررب
بنتج وابن فوفو مبين مسوين مسابقه من ويجي قبل الثاني حته يصير اكبر منه
زنوبه حب شلونج البنوته شلونه
باقي البنات شلونكم ان شاء الله بخير ياررب

اني صارلي يومين مصخنه حرارتي مرتفه وحلكي متروس حبوب من الحراره ما اكدر اكل
ولثتي ملتهبه متورمه وتنزف من انضف اسناني بالفرشة
عادي يصير بالحمل لو لالا؟؟؟
لو لازم اروح للمستشفى
اني عندي موعد بعد يومين اروح للمراجعه

[المغتربه المتفائله]

هلو قمر شلونج شخبارج
حمد لله على سلامه عمتج الله يتقبل الطاعات
وحمد لله على سلامه حماتج سلامته الله يكومه بالسلامه ويعافيه ياررب
بس ليش عمليه قيصريه يكدرون يشلوه بمنضار
الله يساعدج ويكون بعونج على التعب والخطار
ديري بالج على نفس والبنوته
حاوولي ترتاحين وما عندج اله العافيه حبيبتي

[قمر بغداد]

هلوو بنات عفية اريد اسأل
رحت فحصت الضغط طلع 8 على 5 وبحيث راسن كتبولي على بطلين مغذي بالوريد وضربتني ابرة مقوي لان فقر دم عندي عفية خوما المغذي يأثر عالطفل لاسامح اللة بس شأسوي

[قمر بغداد]

شنو بعدكم نايمين وينجن يمعوداااااااااااااااااااااااااااااااااااات

[أم أيهومي]

هلو بنات,,مقريت بس هاي الصفحه
فله حبي سلامتج غلاي يمعوده كعدي ارتاحي طز بالشغل وكلشي مبقالج شي هو شهر واتحملي لاشغل ولا هم يحزنون

هباوي سلامتج حبي حمدلله علسلامة عمتج ويارب عمره مقبوله,,وحماتج هماتين حمدلله علسلامتهة خطيه قهرتيني عليهة الله ايعوضهة

وانتي ديري بالج على نفسج المغذي ميأذي حسب علمي بنت عمي ياما علكولهة مغذي فلتخافين ماكو الا الخير وارتاحي وديري بالج على نفسج


سراوي حبي سلامتج مابيج الا العافيه وهاي شغلة الاسنان عادي اني صارت عندي فلتخافين واللثه هاي من الصخونه ومابيج غير العافيه حياتي

البقيه وينكم
اروح اقرا الصفحات وارجع

[قمر بغداد]

تسلميلي ام ايهومي الوردة

[قمر بغداد]

اشووووووووو ماكو البنات

[**نورا**]

هلوووووووووووووووووووووووو بنات شلونكم حبيبات مشتاقتلكم هوايه عبالك شهرين مو يومين هههههههههه
فوفو وفلا وزنوبه وقموره ونجوله وكل البنات الحلوات شخباركم وشلون النونوات
اني بعدني مجايبه وااااااااااااااااع وممبين راح اجيب اله اكمل الشهر راح اسمي عاصي وافضها عباتله ههههههههه

[ندوووش]

تفضلوو وشااركو معناا في اقوى مسااابقه ع حوااااااامل

http://forum.hwaml.com/t154956.html

[المغتربه المتفائله]

ام ايهومي حب شلونج
ان شاء الله عادي ماكو مشكله بس حبيت اسألكم لان اني ما اعرف اول مره
نورا شلونج بعدج مجايبه يمعوده شوكت تطلعي للحلو
ابنج ايحبج كلش هوووووواي متشوفي ميطلع لازك بطنج هههههه
الله يسهل عليج ولادتج ياررب

[قمر بغداد]

نورا شلونج هذا ابنج لوتي يكول خلي ابقى شعندي مسوي بطنج فندق وبكيفة يدفر وماخذ راحتة

[فوفو العراقية]

صباح الخيررررررررررررر
حبيباتي شلونكم؟

قمورة حبيبتي سلامتج
والحمد لله على سلامة عمتج من العمرة انشاء الله سعي مشكور
والحمد لله على سلامة مريضتكم والله يعوضها بالخير
بس حبيبتي لازم اديرين بالج على نفسج كلش لاتنسين انتي باخر شهرين للحمل
اهتمي بنفسج وطفلج يمعودة.


المغتربة حبيبتي سلامتج
الف سلامة
بس ترى الحرارة خطرة عالحامل
وكلش لازم تكونين حذرة منها
لا سامح الله تقتل الجنين بهذي الفترة لو تجاوزة ال 39.

اني واجبي احذرج
راجعي طبيب علمود تعالجين الحرارة ولا تاخذين ابر ابد
والتهاب اللثة لازم يتعالج لان اهم شيئ الاسنان
والنزيف مال اللثة ترى يروح مباشرتا للجنين وممكن يسوي تشوهات لا سامح الله
لهسبب هنا الحامل اول وحده ينطوهة موعد للاسنان لانه اهم من كل شيئ بالجسم

وهوة عادي يصير عند الحامل التهاب لثة او حساسية اللثة
لكن مو لهذي الدرجة الي انتي بيها.

واتمنالج كل الصحة والعافية حبيبتي
وعتذر ما اتمنة اخوفج بس لان الحالة البيها انتي واجب احذرج منها لان مريت بيها للاسف ومحد نصحني.


اما عن اخباري ف الحمد لله
وضعي تمام
الم ماكو والطفل يتحرك بشكل زايد يدل على الصحة ان شاء الله
والسكر عندي منتظم ومسيطرة عالوضع ههههههههههه
انتو شخباركم ؟؟؟؟؟؟؟؟ عسى الكل بخير يارب.

[فوفو العراقية]

هلا والله ب نورا
قلب شلونج
هههههههههههههه عاصي
يمعودة خلي بأمان الله وامان رحم الام
شلة جاي على هالدنية من وقت
ريتنه نرجع لبطون امهاتنة والله ياريت هههههههههههه

ياريت الطفولة تعود يومأ هههههههههههه
حبيبتي ان شاء الله تولدين وتكومين بالسلامة
بس امشي هواي على فترات قصيرة من 20 الى 30 دقيقه مشي خفيف
وان شاء الله تتم ولادتج بسهولة وتكومين بالسلامة...

[المغتربه المتفائله]

هلو فوفو حبيبتي
وان شاء الله دووم بخير وضعج تمام انتي والنونو
اني شايله هم عله مشكله لثتي واني قبل الحمل ردت اروح لدكتوره الاسنان لان عندي تسوس
زوجي ما قبل ياخذني وقبل الحمل صايره اكثر من مره عندي تتورم لثتي وتنزف من استخدم الفرشه بس يومين وتصير زينه
هسه بالحمل هم مرتين صرت هيجي اليوم احسن خف التورم بيه
وحرارتي قسته اليوم طبيعيه الحمد لله
ان شاء الله اروح يوم 17عندي مراجعه واسأل الدكتوره واخليه تعرضني على دكتور اسنان
لا حب ماكو داعي تعتذرين بالعكس اني الي لازم اشكرج لان تنبهيني واني اسألكم لان انتو اعرف مني وعدكم خبره hwaml13
سولفيلي شنو الحاله المريتي بيه........هههههه فضوليه hwaml02
مشكورررره حبي

[أم أيهومي]

هاي شنووووووووووووو وينكم؟؟؟؟

[قمر بغداد]

هلوووووووو مغتربة اكلج استعملي غسول اسنان اسمة لسترين لونة ازرق كلش زين اني هم استخدمة لان عندي اسنان تالفة وماكدر اروح طبيب الا اولد بس لازم يتخفف لان كلش حار وفد منعش تحسين براحة من تستعملي
الطبيب وصفة الي وكلي استعملي معجون سنسوداين حالياً

[قمر بغداد]

بنات اشو ماكو احد وصايرين قليل تدخلون خير شبيكم

[المغتربه المتفائله]

هلووووو
صباحووووووووووو قشطه
شلونكم بنات
ليش ماكو كلكم مختفين
ام ايهومي حبي شلونج شخبارج
قمووووووره العسل شلونج
اي حبي عندي غسول لسترين
ان شاء الله استخدمه
معجون الاسنان اني استخدم سنسوداين ايزو اكتيف
باجر عندي موعد واشوف الدكتوره واسأله

[عسل بغداد]

مساء الخير بنات شلونكم اخباركم مشتاقتلكم كومه ومشتاقه لسوالفكم الحلوه
اي منو حبلت منو جابت

[عسل بغداد]

هاي شنو اشو ماكو احد اني اليوم يله كدرت ادخل
ابني صار احسن من قبل وخف عنده ابو صفار واني شلت الخيط مال العمليه وبديت اتحرك بالبيت

[ام نورهانه]

هلوووو حبااااااااااايب شلوونكم مشتاقتلكم لقد عدت الى اوطاني سالمه ههههههههههه قصدي رجعت البيتي شكوش ماكوش


لك هلوووووووو سجاوي شلونج حب وشلون الكتكوت فديته لج نزلينه صوره عباس المستعجل وج بنتي غارت وهم تريد اتصير مستعجله مثله ههههههه
قمورة شلونج حب اخبارج
نجوله فوفو سارة وزنوبه وكل الحبايب مشتاقتلكم

[ام نورهانه]

الحمد لله راح منه ابو صفار اكلج شكد الج وجبتي بالضبط وبيا مستشفى علمود احضر روحي ولج اني هم بده ميها يقل وهي كلش نازله ماخذلتي وضع الولادة بنت الزفره بس ماكو توسع انطوني ابر الرئه وكالو ارتاحي ومثبتات ويوم السبت ارجع بلكت صاعدة وميها زيدان بس كلت اجيك يااحسن مستشفى وبيها خدج زين وشكد وزنه من جبتي ولج هتخبل من الخوف والقلق

[عسل بغداد]

هلو فله الغاليه شلونج حبي اخبارج اوففففف من الولاده المبكره ضبط 17يوم بالثامن وجبت وزنه2ونص ولازم خدج جبت باليرموك علمود الخدج لان الاهليه مابيها خدج انشالله تكملين للتاسع وتفوتين بالعاشر يله تجيبين انتي وكل الحوامل لان الولاده المبكره شلعان قلب ولازم عنايه ومداراه خاصه

[ام نورهانه]

حبيبي ربي يحفظه ويخليه الج اكلج تقصدين مستشفى اليرموك هي نفسها مال طوارئ لو غيرها اني نورهان جبتها اخر يوم بالثامن بمدينة الطب والحمد لله محتاجت خدج بس شوي اعتناء خاص وكان وزنها 3 كيلو وهاي الي مطمني وزنها هم كيلوين ونص بلكت تزيد واوصل النهاية الثامن لان بعدني ببدايته اني الظاهر جهالي ميتحملون يبقون 9 اشهر هم 8 اشهر ويريدون يطلعون هههههههههه
وهسة شلونه زاد وزنه لو بعده واكلج شكد بقيتي خدج وطلعتي من الاربعين لو بعدج يارب ان شاء الله تشوفي عريس وتفرحين بيه حبيبي

[فوفو العراقية]

صبحكم الله بالخير يا هلي الطيبين...

شلونكم
لك يسعدلي هالصباح
عسولة وام نورهانة والمغتربه وقمورة وكل الموجودات
شلونكم حبايب
شخباركم وخبار بيبياتكم

عسولة
كوليلنة شلون صارت ولادتج هيج بسرعه؟
يعني نزل المي ورحتي لو مراجعه قلقتهم ف جيبوج
احجيلنة ونزلينة الصور مال البيبي فديته

ولج ام نورهان هدي نفسج ودعي نجيب عالتاسع
والله اني مجربة الولادة المبكرة
تعبت وقتها كلشششششششششششش
يااااااااااااااارب خليني ماجيب الا بالتاسع لو يوم داخلة بي
وتكون صحة الطفل بخير وميحتاج اضل بالمستشفى اكثر من يومين
امين يارب العالمين
لان الطفل احسة بعده صغير
وماعتقد يتجاوز الكيلو ونص
مسكين من الاكل القليل ميصعد وزنة
بس احسن اريده يطلع ناعم حتى ينملص بسرعه
ههههههههههههههههههههه وبعدين اني ادبدبة هههههههههههه
كولو امين والسامعين.

[ام نورهانه]

هلووووووووووووو فوفو حبي شلونج
ولج الصغير بالعكس يشلع القلب ميطلع بسرعة الكبير شويه احسن يطلع اسرع من الصغير الصغير يعصه بالكوه يطلع لان ماعنده قوة مو مثل الوزنه كبير
اي والله اني هم اكول لو ساعة وحده بالتاسع هم ميخالف وان شاء الله ياربي نوصل للتاسع

[قمر بغداد]

هلو حبايب ام نورهانة اني هم نازلة كلش البارحة اخذت سونار والجارة هم نازلة عندي كلش ونسبة الدم صايرة 9 فأنطتني ابر لونها اسود وكالتلي يرادلج راحة وتنامين عالجانب
ديري بالج ترة احنة بالاشهر الخطر وخاصة انتي بالسابع واني بالثامن

[قمر بغداد]

تدرون بنات اني صارلي 11 يوم بالثامن ووزن الطفلة كيلو و 800 يعني ناعمة بس الدكتورة كالت خلال الشهر الجاي يزاد وزن الطفلة بعد كيلو تقريباً وبعد مادري

[ام نورهانه]

اي والله قمورة وج عيني اني على حساب السونار تكولي داخله الثامن صارلج اسبوعين وخبلتني

[ام نورهانه]

اي قمورة هاي الابر السودة مال حديد اني انطتني ابر رئه اربعه وكلورفان 6 وهم كالتلي نامي ورفعي رجليج وانطتني حبوب كالسيوم وزنك بس جرعه قويه وياها حبوب مال فيتامينات عامه
وانطتني دوفالون مرتين باليوم نص حبه

[قمر بغداد]

يااااااااااااا اكلج شلون شنو حاسبة غلط لان السونار اضبط بالحساب هسة اني حسابي وية السونار مضبوط متشابه هاي الا انتي حاسبة غلط

[قمر بغداد]

هسة اني داخذ حبوب فيرلوس مرة باليوم وكبسول بركنك كير هم مرة كلهة حديد وفيتامينات علمود فقر الدم الي عندي

[ام نورهانه]

لا والله قمورة حسابي مضبوط بس دتطلعي صايرة قبل الدورة وخبلتني ومرات تكولي حجم البيبي كبير فلهذا يطلع فرق بالحساب وبعد مااعرف اني هم دااخذ بكرنن كير ومال كالسيوم اسمها اوستيوكير

[قمر بغداد]

اي احتمال عالحجم مال طفلة لان ممعقولة صايرة قبل الدورة اللة كريم وتعدي هاي الايام على خير ايدي على كلبي

[قمر بغداد]

بااااااااااااااااااااااااااااااي

[أم أيهومي]

هلووو بنات فله حبي اني كان وزن ايهومي كبير ماشاء الله ومعترفو بحسابي ومشيت عالسونار وجبت هماتين بمستشفى حكومي بالعلويه للاطفال بالكرادهلانه كالو فايت وكت ولادتج ويرادله سكر جهاز تنظيف الانف والفم ولازم جهاز حديث ومظبوط واحتمال يرادله خدج وجبت بالعلويه والله الي شفته بعيني مستشفى اتخبل ومرت اخويه ورايه جابت هم عمليه بمستشفى اهلي لحد الان اتعاني من عمليتهة وطبعا مو كل المستشفيات هيج اذا دكتورتج الي تروحيلهة اداوم بالحكومي فأعتبري نفسج جايبه بمستشفى اهلي لانه هي اداريج هناك اني اخر ايام راجعت دكتورة اختي ذكرى بهجت ابغداد الجديده رئيسة قسم العمليات بالعلويه وهناك شالوني شيل وهماتين صديقتي دكتوره اجت وياي والحمد لله ارتاحيت كلش,,

سجاوي حبي لو ادري بيج باليرموك والله جان جيتج هي هياتهة يمنه وحمدلله على سلامتج وسلامة كرومي,,

[أم أيهومي]

فوفو حبي يارب اتكملون التاسع انتي وفله بجاه محمد وال محمد,,ويارب اتجيبون وتكومون بالسلامه
وهباوي هماتين يارب اتجيبون بألف سلامه,,لانه انتو مظللكم شي
والله ايسهل لكل حامل

[أم أيهومي]

فوفو البارحه حلمت بيج حلمت رايحه لبيتكم ودتعرفيني بأطفالج وانتي حامل ولابسه فستان حوامل كلش حلو,,,ههههههههههههايكولون الروح تطلع من الجسد وتروح لغير مكان,,يعني البارحه روحي راحت لفنلندا من كعدت خربت من الضحك,,يارب الله يكتبلنه اللقاء ونتشاوف

[rahaf ahmed]

مرحبااااااااااااا

[أم أيهومي]

اهلا رهف مراااااااااااااااااااحب بيج

[مروة87]

هلو بنات
منو موجود ؟؟؟؟؟؟؟؟؟

[ام نورهانه]

هلوووووو حبايب شلونكم حياتو ام اليهومي الوردة مشتاقتلج قلب وتسلمين على الدعوة الحلوة والطيبه مثل قلبج

هلو عيني رهف
هلو مراوي حبي

[فوفو العراقية]

مساء الخير
شلونكم حبيباتي

طبعا كلش تعبانة وعندي الم قوي
الله يسهل علية وعلى كل حامل
لان من الضهر لهسة ضهري يوجعني
طلعنة شوية بالسيارة مو مشي
ورجعنة وهم طلعنة
وبعدين حسيت الالم دا يزيد
وحاولت ارتاح ومافاح وهسة ضهري احسن بس حركة الطفل ماكو
وبس احسة نازل كلش
اوووووووووووف عالحمل وتعبة الله يعوضنة الاجر بتعبنة يارب....

انتو شخباركم؟

ام ايهومي حبيبتي
سبحان الله
القلوب عند بعض لاني اتمنة اشوفج وشوف كل خواتي هنا وتكون حقيقه مو بس عبر النت
يلا سولفيلي شلون جان شكلي؟
حلوة لو لا بالحلم هههههههههههه
فديت قلبج.

[ام نورهانه]

هلووو حبي فوفو سلامتج قلب الف سلامه ولا تخافين تره هي هاي الفتره الطفل يخنس كلش هوايه وحركته قليله كلش لان المكان يضيق عليه وهم هسه يكولون صار ينام فترات طويله وان شاء الله كلها بيها اجر النه

[قمر بغداد]

هلوووووووووووووووو بناااااااااااااااااااااات شلونكم
فوفو يمعودة ديري بالج لتروحين تجيبين بنص الليل اذا تحسين نفسج واصلة حدها روحي للمستشفى لتتأخرين
ام ايهم البارحة متغطية زين لولا من نمتي هههههههههههههههههههه

[قمر بغداد]

اهلا ام نورهان شلونج وشلون صرتي

[**نورا**]

هلووووووو بنااااااااااااااات شلونكم اخباركم شكو ماكو
طبعا صار يومين كاضيتها كلها دكاتره اسم الله عليكم لان الضغط ويه الحبوب مينزل وجسمي كام يورم
وحددولي الخميس الصبح عمليه قيصريه وطبعا حيل خايفه ادعولي الله عليكم

[قمر بغداد]

نورا توكلي على اللة شتسوين الله يعينج حبيبتي خطية انشاء اللة ربي يكتبلج الصحة والسلامة وتشوفين النونو بأحسن حال ويسهل عليج وتعدي على خير ياربي وديري بالج على نفسج

[ام نورهانه]

هلو قمورة حبي اني بخير انتي شلونج

[قمر بغداد]

شنو وين الباقين

[قمر بغداد]

ام نورهان اني زينة داضرب بهالابر والحمدللة تزرفت واللة ههههههههههههههههههه

[ام نورهانه]

هلو نورا حبيبتي يله اهم شي سلامتج وسلامة الطفل ياقلبي ولا تخافين ساعة سهلة ان شاء الله والله هسة ببالي اريد اسأل عليج ياعيني ولا تخافين تره الخوف يصعد الضغط بالزايد

اني زوجه حماية جابت قيصري وخيطوها خياط يسمو كبس او خياط العروس يعني بلا نفد ولا خيط بس يكبسوها بفد ماده والله ثالث يوم كامت تمشي عادي والحمد لله وباليوم الخامس مااعرف السادس راحت شالت البلاستر وبلا خياط ولا كلشي

[ام نورهانه]

لج اسكتي قمورة اني طيطي صاير طكع طكع زركه من الابر وحتى احسه معنجر ههههههههه احس روحي صرت مثل توم وجيري من يشرب مي ويطلع مزرف يطلع المي من كل مكان بجسمه وفوكاها بعدلي ابر الرئه اووووووف يابه ويوم السبت لازم اروحلها اجيك بلكت زايد المي والالتهاب رايح وهم اكيد اسحب دم واصعد درج وانزل درج

[قمر بغداد]

اي واللة مزوركين ويوجعني من اكعد وباجر هم عندي ابرة وهم عندي مراجعة بعد 10ايام واشوف المي لان مثلج هم عندي نقص بالسائل مال الطفلة واحلل اشوف نسبة الدم زادت لو بعدها
ضحكتيني ذكرتيني بتوم وجيري صدك صرنة مثلة ههههههههههههه عبالك واحد راكعنة دك جلاليق خخخخخخخخخخخخخ

[قمر بغداد]

يلة بنااااااااااااات اترخص اني اروح امدد شوية القاكم غدا بعونة تعالى وتصبحون على خير وعسل وقشطة ومربة مال مشمش تخبل هههههههههههه
باااااااااااااااااااااااااااااااااااي

[فوفو العراقية]

هههههههههههههههههههههه مساءكم عسل
شنو هاي طيطي وماطيطي ازرك هههههههههههههه

والله الله يعينكم على هالطب الكلة ابر
هنا ماكو ولا ابرة ويعتبروها من اخطر العلاجات للبشر

حبيبتي ام نورهان
اي عمري اعرف انه الطفل يخنس والالم يبدي بهاي الفترة على الاقل تشليعات مبكرة
الله المعين.

حبي قمورة
والله الليل منمته من الم ضهري
وكل شوية كايمة واكفه حتى زوجي ماكدر ينام وكل شوية طافر ويخاف بية شي
مسكين حررم يخلف بعد خخخخخخخخخخخخ يكول الا لو بنوته مستعد يسهر عمر وياي هههههههههه

بس لا تخافين اني خبرة بألم الولادة ههههههههههه
يعني اعرفها من تحمة اروح اسبح وتشيك على سنكة 10 وروح للمستشفى ههههههههههه >>>>>>فوفو !! رايحة عرس اخوج؟

[ام نورهانه]

ههههههههههههههههههههه هلو حبي فوفو هاي رجلج مثل رجلي كلما اكوم عباله بيه شي اخير شي عطت بيه كتله نام معليك بيه عود من احس قربت ولادتي ذيج الساعة اجفص ابطن الخلفوك نام ههههههههه وهو مطفي عين مفتحة وعين مغمضه وجان يرجع ينام
اليوم كتله لا تضل كلما كلت اها وانت من يمك يصفر وجهك كتله هذا مو اول طفل علمود هيج تخاف عندي تجربه واعرف شوكت اقفل وبعد مابيها مجال فلا تخاف كال مو انتي تزلبطيهم قبل وقتهم فيظل قلبي يلعب لا على غفله وتعيطين ههههههههههه

[White angel]

هلووووووو بنااات
شلونكم اخباركم
اني صار اسبوع عندي خطار واليوم راحو ومقبوضه روحي عليهم
تعودت عليهم
لان صديق زوجي كلش سبورت ويشاقه ويضحك
ومكااانه خالي
البارحه رحنا المدينه ابعد من يمنه بساعتين
ومناك اخذنا باخره وعبرنا ع الدنمارك
وتغدينه هناك وزوجي نركل هو وصديقه وردينا رجعنا للسويد واخذنا كوممممممة صور اني وبطني خخخخخ
عاد رجعنا ب 12 بليل متاخرين نمت
وكعدت الصبح رحت يم اهلي هناك نمت وهسه رجعت
شلونكم اخباركم
نورا حيااتي ربي يقومج بسلامه بحق محمد وال محمد ياربي الساعه السهله
صبايا شلونكم وحده وحده

[ام نورهانه]

هلوووووووو زنوبة قلب شلونج مشتاقين وشلون الكتكوته ودفراتها

[White angel]

هلوووووو حبي ام نورهانه شلونج كبد
أني الحمد الله زينه وبلنسبة للكتكوتة كامت تظرب بوكسات وخاصه من تسمع صوت أبوها هههههههه تبقى تضرب تضرب تضرب ومن يسكت تسكت هههههههههه فداوي القليبها أني
وانتي شلون الكتكوته الحلوه يمج ونورهانه الكبد شلونها

[ام نورهانه]

اووووووووووي فدوة للوكياتالي من هسة تتلوك لابوها
اني الحمد لله وكتكوتي خانسة وبس تفرفر براسها وتريد تطلع
ونورهان حياتي صايرة وكحة وشوي عدها جسارة وصايرة اكتلها لان كلش صايرة مااتحمل وهي صايرة تعاند كلش كلش ومتخاف

[White angel]

حياتي نورهااانه والكتوته ربي يحميهم ويحفظهم
ربي يقومج بسلامه حبي ويعدي عليج هذا الشهر انتي وفوفو
خطيه نورهانه واكعه بنص انتي تعصبين وتشمرين عصبيتج بيه يمه تؤبرني حبي

[قمر بغداد]

صبااااااااااااااااااااااااااحو شلونكم

[**نورا**]

مشكورات على الدعاء حبيبات ويارب يسهل عليكم ويتمم عليكم حملكم

[رونزا]

شلووونكم حبيباتي... اني حام بشهري الثاني واتمنى تنصحوني بأسم دكتورة مرتبة وزينة وتفتهم ابغداد ابقى وياها للولادة....

[قمر بغداد]

اكو فد وحدة قبل شوية دزتلي طلب صداقة من المنتدى وايميلها وهي من بيروت وكالت اريد اتعرف عليج
لما احجي وياها عالياهو كامت تحجي حجي مادري شلونة عاد راسن انطيتها رفض صداقة ومسحت اسمها من الماسنجر

[قمر بغداد]

هلو رونزا اكو دكتورة بان المعموري بالحارثية
دكتور سيمون اوهانيس بساحة الواثق
ليث توما بالكرادة يم الراهبات وايمان ابراهيم جميل يم الراهبات هم بالكرادة
زينب ابو رغيف بشارع فلسطين وداوم بمستشفى دار النجاة بساحة الواثق

[قمر بغداد]

طبعا سيمون وليث هم يشتغلون بالراهبات (سان روفائيل) ماعدا العيادة

[White angel]

هلووو بنات شلونكم
أني هواايه مكتأبه
خطيه زوجي إشتراله محل مال غذائيه قبل فتره بشهر الواحد
وهنا نظام خايس يعني السرقفليه لازم يدفعلهم إيجار
لان هم اصحاب الملك ولازم يأجره من عندهم
وكلبه صالون مال حلاقه كووووومة مصاريف
وهسه الانذال قررو يهدو بناية المحلات كلها
ومن ضمنهم محل زوجي وروحي طلعانه بعد كل هاي المصاريف يجوون يهدوهم
بس عجبا ليش هاي المحلات مكيفين وطايرين من الفرح
دا يكولون نتعووظ ومااتصور يعوضون لان محامينه يكول منتعوض لان هم اصحاب الملك
اوففففففف يابنات راح أموت من التفكير

[رونزا]

قمورة حياتي مشكورة اني اراجع يم ايمان ابراهيم هم نصحوني بيها..

[فوفو العراقية]

مساء الخيررررررررررر
شلونكم حبايب
نورا يووووووووووووووووووووه
بعدج مجبتي
ولج اشبيج متتلحلحين شوية مو خلص صبري
ياااااااااااااااارب الليلة تسويها ونشوف النونو قريب..


قمورة هههههههههههههههههه تحصل في احسن العوائل
اني مرة وحده صار وياي هالفلم
وكمت ارفض كل الدعوات والصداقات الماعرفها
ههههههههههههههه


ام نورهان
ولج لا اجي اكفشج من شعرج
عصبيتج هاي طلعيها على رجلج
مو على نورهانة
ترى ازعل هاه!!!!!!!!!!


خطية حبيبتي من هسة هيج انتي وياهة ورة الولادة شلون؟؟؟؟؟؟؟؟؟؟؟؟؟

زنوووبه
سفرة سعيده والخطار الله وياهم
ديري بالج على نفسج يمعودة لاتجهدين روحج.

باقي البنات شلونكم حبايب؟

فروحة اشو ماكو؟؟؟

[فوفو العراقية]

قمورة
ليش جدول الحمل مالتج متوقف
رجعي سوي من جديد هههههههههههههه

[فوفو العراقية]

مساء الخير
هاي وينكم؟
اشوف ولا وحده
يلا تعالو راح انزل صورتين
بيهن صورة لزوجي من جان زغير هوة و اخوه التوئم
كولولي منو زوجي ومنو اخو هههههههههههههههههههههه
اريد احيركم
لان اعرف ماراح تعرفون لاني اني ماعرفت
ولا زوجي عرف روحة ههههههههههههه
اخته الجبيرة كالت النة بعدما حيرتنه ههههههههههههه
يلا هذني الصور...

http://forum.hwaml.com/imgcache2/hwaml.com_1342549368_261.jpg (http://www.hwaml.com/up/)

http://forum.hwaml.com/imgcache2/hwaml.com_1342549368_430.jpg (http://www.hwaml.com/up/)

[قمر بغداد]

خخخخخخخخخخخخخخخخخ فوفو هاي شنو همزين متخربطين بيناتهم
يجوز ابو الابيض السادة
مادري هاي ليش ميمشي الشريط يلة خلي يبقى هههههههههههههههه

[فوفو العراقية]

ههههههههههه قمورة اني ممتاكدة يمكن الصورة الاولى اعرف انه عاليسار بس الثانية ماعرف
يمكن هم هوة عاليسار خخخخخخخخخخخخخخخخ
خو هسة همة بعد اكثر مينعرفون وخايفه من اروح يمهم اشتبه بينهم
بس لازم اركز عالعيون
لان اخو عيونة بيهن زراك وزوجي خضر على رصاصي
ف لازم اخذ بصمت العين حتى اكدر اميز ههههههههههههه

[قمر بغداد]

اكلكم شبيكم مختفين ولاوحدة بس لاصايرين تضوجون تدخلون تسولفون
كلما ادخل ما الكة احد

[فوفو العراقية]

مساء الخير
شلونكم

حبايبي ليش ماكو تواجد صار فترة؟
عسى المانع خير


اي والله قمورة
كلهم ماكو
حتى ضوجة
بس اني ونتي نتواجد اشكد نشيطات هههههههههه
بس الله اعلم من نولد بالسلامة ندخل بعد لو لا!
ههههههههههههه
شلونج قموور؟.؟

[nada ali]

hwaml10best idea in worldhwaml12

[ام نورهانه]

هلو بنااااااات شلونكم هاي شنو عبالي بس اني كسلانه وماادخل طلعتوا كلكم هيج شلونكم اخباركم

طبعا اخباري مو كلش لان احس بدت عندي تشاليع الولادة بس على الخفيف والله اليستر اليوم ظهري كله تشنج بحيث اختنكت ومتحملت من الالم ضليت ابجي وهسة عيوني مورمه

ونورهان يوميه مهبطتني عبالك منفوسه من البارحة طبعا كنا كاعدين اني وابوها بالسيارة ووكفنه بالازدحام مال سيطرة حي الجامعة وطبعا هي متعودة تكعد وره بس هلكد مضلينه واكفين بالازدحام اجتي ونبصت بحظني وضلت تلعب بالشباك تنزل وتصعد المهم اني دااحجي ويا ابوها وملتهين وكان تخلي راسها وتسد عليها الشباك وظلت لازمة الدكمه مال شباك وصار العياط وبس نريد انطلع راسها بالكوة واختنكت وهسه سودة عليه الحز مال شباك على ركبتها الله ستر ولطف واليوم الصبح كاعدة امسح الاستقبال بل ماسحة ومشغوله بالمسح وهي اني مأمنه عليها بالغرفة تباوع براعم ليش مو الماسحة عصت جوه القنفه دا اجرها حيل ومااحس الا نورهان ورايه كان توكع وتظل تعيط طلعت ضاربتها بالحافه مال ماسحة على حاجبها وانشك حاجبها والدمايه تكت واسكتوا وخلوها واكلت هبطة معدله بحيث شلتها وركضت على عيالي بس اخذتها مني حماتي وكان اوكع بالكاع تخربطت وطلع ضغطي فد مره هابط ومن الصبح لسه ظهري مشنج وعصوصي ديموتني وتقلصات رهيبه ورجليه ديونن شفتوا شلون حظي بس الحمد لله ودوها عيالي للطبيب مابيها شي بس جرح عادي حتى محتاجت خياط بس عقمها

[ام نورهانه]

ها وهسه لساني ولثتي كلها مفركسه

[فوفو العراقية]

حبيبتي ام نورهان الف سلامة عليج
كل هذا صاير ؟؟ سودة علية
حبيبتي نورهانة خطية اليوم ماكلة وجع وبجي الله يحفظها يارب
وانتي الف سلامة عليج هاي عين وماصلت على النبي سوي حرمل يمعودة
موخوش اليوم
الله يحفظكم من كل سوء وكل امة محمد بجاه لا اله الا هو..


واني عندي الم ليلي مانمتة ورجلية ماكدر اسدهن وطول الليل حاطة مخدات 2 بين رجلية وأون من المي
وظهري دا ينكسر احسة
وحضرت نفسي رحت سبحت وحفيت وصرت عروسة وجاهزة للولادة في اي وقت من الاسبوع هههههههههه
لان مي دا ينزل رجع ومادة مخاطية كومة وحس نفسي تعبانة وحتى اكل مدا اكدر اكل
يلا ان شاء الله يسهل علينة بوقت يكون بي صالح النة وللطفل انه يولد بسلامة ... امين يارب العالمين.


اخبار نورا شنو؟
ماجابت؟

[White angel]

هلووو بنات شلوونكم
اني هستوني رجعت من المستشفى
نزل عليه اسم الله عليكم دم
متت من الرعب
اخذو النبضات مالتها وشافوها والحمد الله طلعت زينه وعدت سلامات
يعني ردت انجن
وهسه حرجع البيت اهلي لان تعبانه ومهبووطه
وسلامتكم يابنات متشوفون شر ياربي

[فوفو العراقية]

زينب حبيبتي الف سلامة عليج
ليش نزل دم؟
كلة من التعب اكيد
مو كلتلج ديري بالج على نفسج
حبيبيتي ماتشوفين شر وهتمي لروحج وماعندج غير العافية.

[ام نورهانه]

هلوووووووو بنات شلونكم
طبعا بالي يم نورا يارب تجي وتبشرنه بولادتها
وتوته ونجوله وزنوبه وسارة ومي ومراوي وفروحه وكل البنات مشتاقتلكم وينكم تعالوو

هلا حبي فوفو تسلمين قلبي والله ابوها هم كال هيج وكال راح يذبحلها شي فجران دم وهو خبلني طكطيلها حرمل كتله واني منين اجيبلك حرمل كال هسه اوصيلج امي تجيبلج

اما على التعب اوووووووووف والله يافوفو ياربي مليت لان كلش تعبانه وثقل بس الله الي يعلم بي بنورهان ابد محسيت بهيج ثقل وهم نفس الحاله مااكدر انام لا على ظهري ولا على الصفاح انام واني كاعده اخلي مخدات 2 ورايه و2 جوه رجلي وبين رجليه وبالكوه دا امشي واس ظهري بده ينفتح

[قمر بغداد]

ام نورهان وفوفو وانجل شبيجن شو عطلات صايرين الف سلامة عليكم يمعودات شنو السالفة اللة يستركم
نورهان حبيبتي ديري بالج عليها انفال بنتج خطية

[قمر بغداد]

اي فوفو من نولد شلون يمكن بس انام لان جوعانة نوم لان هسة محرومين من النوم الليل كلة بس اتكلب لو بالحمام صارت حسرة الغفوة من هسة قررت من اولد راح اروح بيت اهلي وانطي بنتي لامي فد اسبوع وانام نومتي القديمة بطح صفح ونص عالبطن أخخخخخخخخخخخخ شكد مشتاقتلهه ههههههههههههه

[قمر بغداد]

اكوووووووووووووووو احد لوووووووووووووو كالعادة ممتواجدين

[سما الدنيا]

رمضان مبارك عليكم اخواتي من العراق يتعاد عليكم بالصحة والبركة والعافية..
اختكم من فلسطين

[قمر بغداد]

رمضان مبارك على الجميع بكل الدول وينعاد بالصحة والخير والبركة والسلامة
ربي يسهل على كل حامل ويسر امرها ويرزق الكل بالذرية الصالحة امين

[قمر بغداد]

ولجن ماكو وينجن بس لا كلجن جبتن واختفيتن ههههههه

[قمر بغداد]

الوووووووووووووووووووووووووووووووووووووووووووووووو وووووووووووووووووووووووو
راح اروح انام

[فديــته الــ غ ــالي]

كل عاااااااااااام وبنااات العراااااااااااق العظييييييييييم بصحه وسسسسلامه يااارب

[عسل بغداد]

مساء الخير
رمضان كريم ينعاد عليكم بالصحه والسلامه وربي يحقق امانيكم وانشالله تكومون بالسلامه

[عسل بغداد]

ام ايهومي تسلمين عمري متقصرين واعتبري نفسج اجيتي
نورا انشالله ساعه السهله وترجعين بالسلامه انتي والنونو
فوفو وام نورهان وقموره وزنوبه سلامتكم ماعدكم الا العافيهي وانشالله توصلون للعاشر يله تجيبون

[ام نورهانه]

هلووووووووووووو سجااااااااوي ابن الحلال بذكره والله هسه ببالي كلت خلي افوت وج تعالي فيديني يمعوده شلونه كرومي واحجيلي على الخدج ولج محسوبتج راح تلحكج بحيث من اول البارحة لزمت جسمي كله سويته لان كلش حسيت بالطلوقه بس على خفيف واليوم ذبيت فد شي قطعة بيضه صافيه مثل الاستيكه من دورت بالنت كالو هاي سدادة الرحم وبعدها تصير الولادة واني ابر الرئه بعدني مخلصتهم

[ام نورهانه]

رمضان كريم ينعاد على الجميع بالخير والسلامة والصحة
هلو حبي قمورة

[ام نورهانه]

سجاااااااااااااوي عاااااااااااااا بس لا رحتي يمعودة تعاااااااااااااااااالي

[ام نورهانه]

.................................................. ..........................

[فوفو العراقية]

مساء الخيررر

ام نورهانة حبي شلونج
ولج اشبيج
سدادة الرحم بس دم
مو شي ثاني
بس اكيد النازل عليج شيئ من المخاط السميك المحيط بالرحم
وكلهة تدل على ولادة قريبه
بس انتي لو تدرين هذا غشاء عنق الرحم ... شلون تضلين كاعده
متعرفين انه موزين يروح ؟

اهتمي لنفسج ولا تشتغلين هواي
واني هم حضرت روحي البارحة ههههههههههه
بس انتي اتوقع تجيبين قبلي لان طفلج وزنة اكبر وممكن تتم الولادة ابكر والله اعلم
حبيبتي الله يسهل عليج بالوقت المناسب وتجيبين وتكومين بالسلامة يارب.

[فوفو العراقية]

http://forum.hwaml.com/imgcache2/hwaml.com_1342705119_703.gifhttp://forum.hwaml.com/imgcache2/hwaml.com_1342705120_272.gif

[White angel]

هلوووو بنات
شلونكم حبايبي
رمضان كريم وينعاد عليكم بكل صحه وسلامه
ويوم الي نرجع للعراق ونلتقي ببلادنا الحبيب
ويوم الي الله يشيل هل غمه عن العراق ويلعن شكو ارهابي بس مجرد ميفكر بالشر للعراق يـــــــــــــــارب بحق رمضان وبحق القران ان يحمي بلاد الرافدين من كل سوء ويلعن شكو ظالم ويجيب حق كل مظلوم يارب

اشكركم حبايبي للسؤال عني
اني بخير والحمد الله
تطمنت ع بنوتي الحلوه واكدولي انو بنوتة
فديتها وكيحه ونشطه ربي يحميها ويحمي كل جنين ويفرح امه بي بحق محمد وال محمد
بس مكالو لي شنو الدم الي نزل فحصتني داخلي والرحم سليم الحمد الله
هم عبالهم انو صايره فتحه بالرحم والبنوته دا تريد تنزل اسم الله بس ماكو شي
بس واني بالمستشفى صار عندي هبوط كلش قوي ومفاجئ بحيث كمت اعيط اريد ازوع وكمت اعيط اكول الهم حاره متت من الحر زوجي خطيه يمي شمر لي الربطه ونزعني البلوز بحيث خطيه لزم منشفه وكام يهفي لان ماكو بنكات هههههههه

ورجعت سلاماااااات

[فوفو العراقية]

هلو زوبة
الحمد لله على سلامتج وسلامة البنوته.


اكول بنات
عندي سؤال حول الكورسيه بعد الولادة
اني بعد ولاداتي اتعذب بالرياضة هواي حتى تروح البطن مال الحمل
وهالمرة ناوية البس كورسيه بعدما اطلع من المستشفى او بعد اسبوع من الولادة
منو جربت الكورسيه
وشنو رايكم عنة؟
ياريت تفيدوني لو وحده استخدمتة منكم.

[White angel]

الله يسلمج كبد فوفوايه
والله اني سامعه انو كلش زين وب الاخص من تجيبين
تدهني بطنج بزيت الزيتون واستغليهن بما انو وقت نفاس دهني بطنج ب الزيت الزيتون واربطيها ليل نهار ولاتنزعي ابد وترجع بطنج مثل قبل واحسن..!!
بنات اكول اسالكم عن الحكه مال البطن
يكولون انو يسوي خطوط ب البطن بعد الولاده
واني اذا خربت بطني خرب كل جسمي واااااااااااااااااااا
شنو رايكم شسوووووي

[ام رحمة]

هلو بنات
اشلونكم

[عبير الحرية]

اسالكم بالله لا تنسوهم ... (http://forum.hwaml.com/showthread.php?p=2421651#post2421651)

[أم أيهومي]

هلووووووووووووووووووووووو بنات

رمضاااااااااااااااااااان كريم وكل عام وانتم بألف خير يارب ينعاد على كل المسلمين بالخير والسلام والامان

حبي فوفو,,والله شفتج بالحلم كلش حلوة تشبهين ممثله اسمهة هناء ثروت كلش قديمه وشعرج كاري كلش اسود وسرح ههههههههههههههولج هباوي والله متغطيه زين عابتلج

فله حبي هاي شنو سلامات حبي حمدلله علسلامة نورهانه,,خطيه حياتي سوده عليه,,وهاي شنو انتي ديري بالج على نفسج حياتي ولج اتركدي اشويه وعوفي الشغل هسه
مابيج غير العافيه

وزوبه هماتين سكراب سلامات زنوبه حبي ولجن شبيجن فد وكعه وكعتن يمعودات اقرن قرآن وادعيه وديرن بالجن على نفسجن

حياتي نورااااااااااااااااااااااااااا اليوم عمليتهة والله هسه قريت يارب يسهل عليهة وتكوم بالسلامه ويخفف عليهة الم العمليه لانه اني شفته
وتطلع هي وعبودي بألف سلامه

سجاوي حبي رمضان كريم عليج وعلى كرومي الورده مشتاقيلج حبي,,وصدكي لو ادري والله اجيج لو اوصي جيرانه دكتوره عليج هي بالولاده اداوم يالله ربج سهلهة والحمد لله علسلامه

بنات اني مدااطب لانه لقحت ايهومي وصخن صارله يومين واتخبلت عليه حبيبي الليل كله كمادات اسويله والحمدلله اليوم زين
وملتهيه دااكمل شغل قبل رمضان علمود بس يبقى عندي تنضيف يومي خفيف,,

ايه ماكوو ؟؟ وفرح انقطعت تماما يارب ايكونون ابخير
وبقية البنات يارب ابخير زينه ,,ساره,,علياء,,مروة...شمس,,سلامي للجميع

[فوفو العراقية]

هلو بنات

زينب
حبي شكرا لردج على سؤالي
وراح ارد على سؤالج لانه مهم جداااااااااااا
الحكة فترت الحمل معناها الجلد جاف ويريد يتوسع حجمة ويتشقق
احذري تحكي
حذاااااااااااااااااااري
تصير خطوط كلش ويا الحمل مو بس بعده ياشطورة
ومتروح لو ترحين برفيسور عالمي هم ميحل هالمشكلة
ديري بالج
دائما دهني بطنج ولما تحكج حكيها بالمسح مو بالاصابع
واكو دهون بالصيدلية خاصة للحامل تدهن بيها البطن واي مكان تريد حتى ميتشقق ولا يترهل
اني مشترية منه تحففففففففففه.

[dudu]

مرحبا بنات شلونكم اني عايشه بالعراق وحبيت اتعرف على وحده عايشه بالعراق لان للأسف ما عندي صديقات

[White angel]

صباح الخير
شلونكم
اخباركم
فوفو حبي اني ببداية حملي احكها البطني ب اظافري لان كانت تجي لي حكات قوووويه
يعني متصير الها حل هسه
اويلي خرب جسمي شسوووووووووووي
من البارحه لليوم دا افكر شسوي حتى لاتصير بيه مثل ميصير ب الاغلبيه يبوووووو

[White angel]

هااااي شنوو بنات اشو ماكوو ولاوحده شو دا اشمر الابره واسمع صوتها
شنو لازم جبتو ههههههههههههه
نورااا حياتي وييينج دا تبشرينه بقدوووم عبوودي
فرووحه الج وحشه
ام نورهانه شلون صارت الكبد نورهان وانتي شلون صرتي
ساره ومروه اشو مختفيات
قمووره كل مره انتي موجوده ومحد موجود وهسه اجه دوري
فوفو شنو وين صرتي يمعوده
ام ايهومي سلامة ايهومي
توتايه ماكو
يوووووو ع اساس حتجاوبون

[المغتربه المتفائله]

هلوووووووو بنات
شلونكم شخباركم
مشتااااااااااااااااااااقين
رمضان كريم وكل عام وانتو بألف خيررررر الله يعيده بصحه وسلامه على الجميع hwaml7
هاي الايام مشغوله بالتحضير لرمضان
ورحت عندي مراجعه سويت سونار وتحاليل دم الحمد لله كلشي طبيعي
وككككككككلللللللللليييييييششششششش hwaml02
دخلت الشهر الرابع واخير خلصت من الثالث

فوفو حب شلونج يارب توصلين للتاسع وتجيبين احلا نونو

زنوبه سلامتج ديري بالج على نفسج وعلى البنوته يوم التشوفيه بحضنج

ام ايهومي سلامه ايهومي وديري بالج عليه

قمورره شلونج يارب تكومين بالسلامه

ام نورهانه سلامه الاميره الحلو نورهانه وديري بالج على نفسج

نورا سلامتج عيوني وينج بشرينااااااا

فروحه ماكو يارب تجي تبشرينا بحملج ياررب

اهلا وسهلا بالبنات الجدد منورااااااااات ورمضان كريم عليكم
باقي البنات شلونكم حبايب

[White angel]

هلوووووو عيني ساره
شلونج
الف الف الف مبروك دخولج الرابع هههههههههههههه شلعان قلب علما فتي اعرف اني نفسج احسب يوم يوم ومن فتت الرابع عاد الباقيات ركضن ركض هههههههه ربي يقومج بسلامه وربي يوم دخولج التاسع ويوم ولادتج لاحلى نونو

الله يسلمج حبيبي انتي ويوم الي تشوفين النونو باحضانج

[فوفو العراقية]

مساء الخير
هاي انتو وينكم
اشو ماكو تواجد

حبيباتي كل عام وانتو بخير
اني كلش ضايجة هالسنة ماكدر اصوم ابد
الله يسهل عليه واصوم القضاء بعد الولادة
وان شاء الله على شهر الواحد لان وقتها يكون الافطار ساعه 3 ونص الضهر بالتوقيت العادي هههههه احلى شي
والله بس ماكو احلى من شهر رمضان
وهسة الافطار عدنة ساعه 11,40
والامساك ساعه 2.00 الفجر
يعني جوع مو طبيعي وحرمان
وخايفه على الاطفال اكيد ماراح يكدرون يصومون أووووووووف ربي سهل على الجميع.

[المغتربه المتفائله]

هلو زنوبه
الحمد لله بخير
الله يبارك بعمرج تسلمين حبي
هههههههههه اي والله هسه اررررررررتاحيت من خلصت من الثالث صار سنه مو شهر
فوفو كبد شلونج
حيييييييييييل من الساعه 2 لساعه 11
طبعا دمار جوع موطبيعي شي اكيد متكدرين
و الله اني هم ضايجه كلش
لان البارحه صمت كلت اجرب نفسي اذا اكدر اتحمل
لساعه 5العصر بعد ما كدرت اوكف راسي يوجعني وتلعب نفسي صارت عندي دوخه
زوجي من شافني هيجي كال بعد ما تصومين كتله اشوف اصوم بعد يوم ثاني واشوف نفسي
اذا اتحمل اصوم حته لو موكل رمضان اصوم بين يوم ويوم
بعد ميقبل اصوم اوني هم كلت خليه بعد الولاده ان شاء الله اصوم
لان موحرام واني ما مجبوره اصوم عندي عذر
الله يسهل على الجميع
الله يتقبل الطاعات

[White angel]

هلووووو فوفو
شلونج حبي
اي قلبي والله اني هماتين مراح اصوم
لان فطورنه تقريبا نفس الوقت
موت احمر
شنو بس احنه نصوم 21 ساعه وب ال 2 الامساك ههههههههههههه حتى منلحك ناكل مره ثانيه
بس فوفو شلون حتصومين ب الشتاء وانتي مرضعه
يعني تصير
اني افكر اصومهن بشهر الواحد لان يجننننننننننن الساعه 3 كلشي اوكي هههههههههههههههه

نسيت اباركلج رمضان
رمضان كريم وينعاد ع الكل ب الصحه والسلامه

[فوفو العراقية]

هلو حبي المغتربة

حبيبتي شلونج
حبي اني ببنتي انوار الزغيرة جنت بنص السابع وصمت رمضان كلة
ويوم العيد نزل دم علية
وجنت كلما اجي للفطور تجيني طلوكة وهالحال مدة شهر استمر
وطبعا جبيتها ثاني يوم العيد
وجان عمرها بنص الثامن
تعبت كلش بيها
ديري بالج تصومين
لان بنتي بسبب الصيام اجتي مورمة وصاعد عدهة هية السكر
وتعذبت خطية كلة بسبب هالغلطة
الحـــــــــــــــــــــامل حراااااااااااااااااااام تصوم وخصوصا بهالحر والنهار طويل
نصيحة لله ف لله
الي حامل وتصوم ويصير بالطفل شي ترى تتحمل الاثم امام الله وتتحمل مسؤلية مايحصل لطفل.


حبيبتي زينب
حبيبتي وكل عام وانتي وكل البنات بالف خير يارب
ينعاد عليكم بالصحة والعافية وفيه تحقيق الاماني...

اي والله صيام مميت هنا
واني توبة اصوم بالحمل...
وعالشتة اي الصوم وقت قليل
لان الامساك ساعه 9
والافطار ساعه 3 ونص
هههههههههههههههه اكو احلى من هيج وقت؟
بعدين اني مناوية ارضع هواي من شهر الى 3 وبس
وبالنسبة للصوم بالشتة لو جان هيج وقته ف مياثر ولا على رضاعه ولا شي لان وقت قلييييييييييييل كلش..

واني ماصوم لسببين
1- سكر الحمل..
2- الحمل نفسة بفترة صعبة ووقت طويل..
الله يسهل عالجميع
وربي يتقبل الصيام والقيام من الكل..

[أم أيهومي]

هلو حبايب اشلونكم
هاي نورا لوبس جايه مطمنتنه ظل بالي عليهة والله

زنوبه حبي تسلمين عنوني ربي ايخليلج العبيديه ههههههههههههه

سراوي حبي شكرا للسؤال ومبروك دخولج الرابع ومثل منكول بالعراقي طار شرك لانه الرابع الحاله تستقر احسن ان شاء الله

ولج فوفو ياصيام هذا اكعدي راحه يمعوده انتي معذوره وخطيه بنتج حياتي سوده عليه انقهرت عليهة وينهة ووين السكر اول مره اسمع بالطفل ابطن امه ايصير بيه سكر؟؟
اني رمضان الفات صمت كنت حامل 7 اشهر والحمد لله كملته بس كنت بالشمال ابيت اختي والجو ايخبل ومحسيت بكلشي والحمد لله

فله ماكو وايه هماتين وسجاوي باكهة كرم منا..

[ام نورهانه]

السلاااااااااااام عليكم بنات شلووووووووونكم
رمضان كريم على الجميع وينعاد عليكم بالخير والصحة والامان انتوا واطفالكم

تسلمولي حبيباتي السؤالكم عني زدعواتكم والحمد لله اني بخير وكتاكيتي بخير والبارحة رحت شفت بنوتي بالسونار الملون ولكم شنووووووووووووو يمه فوووديتها تخبل والله شعور مينوصف لما تشوفون انسان كامل بداخلكم بحيث هيج بودي اطلعها ابوس واعضعض بيها وارجعها
ههههههههههههههههههههههههههههههههههه وفد مشتاقتلها ولو بيدي يوميه اسوي هذا السونار لان طلعها الي واضحة طبعا تشبه نورهان عيونها كبار وحلكها صغيروني وعدها خدود عبالك تفاحات فدوه الخدودها وفوكاها تثاوب وتبلع بالمي وتمطك اخير شي ضاجت كالت ليش ديباوعون عليه كان دتنطينه ظهرها وطبعا الحمد لله سليمه وكامله والكمال لله والمي الحمد لله راجع الوضعة الطبيعي
بنااااااااااااات انصح كل وحده تسوي السونار الملون لان فد احساس مو طبيعي لما تشوفين طفلج بحيث اني اضحك ودموعي تنزل شكد مفرحت بيها والنوب صرت اشتاقلها اكثر واحلم بيها فدوه اروحلها الله لا يحرمني منها ولا من نورهانه ربي يحفظهم الي ويحفظلكم اولادكم واحبابكم
الف حمد وشكر الك ياربي

[المغتربه المتفائله]

صبااح الخيررر
شلونكم بنات
هلو حبي فوفو الحمد لله زينه
لا صدك خوفتيني بعد ما افكر اصوم
زوجي يكلي لا تصومين وان معانده اله اصوم
يله خليه ان شاء الله نقضيه بعد الولاده
ام ايهومي حبي الله يبارك بعمرج اي والله صدك خلصت
لان اني جنت خايفه ما اتحرك ولا اطلع
هسه اتحرك على راحتي ان شاء الله
ام نورهانه شلونج
اوووووووي فدوووووووه للبنات الله يخليه الج ويحفضه هيه ونورهانه
ما كلتي شنو ناويه تسميه للبنوته ؟؟

[فوفو العراقية]

¨صباح الخير عليكم ياطيبين
شلونكم؟ عسى الكل بخير...
ام ايهومي حبيبتي فديت كلبج
هنا النهار صيامة للحامل انتحار بالمختصر المفيد هههههههههههه.

ام نورهان حبيبتي فديت البنوتات...
الف حمد لله على سلامة البنوته ونعمة العطاء
ربي يتمم فرحتج ويحفظلج بناتج وزوجج ويخليكم سالمين لبعض..

المغتربه حبي
الحامل معذورة عن الصوم
خصوصا بالوقت الطويل والصيف اني لا مفتي ولا اي شي
اني حذرت من الي شفته بحملي وعنادي للصيام
وطبعا كنت ادفع ثمن صحة بنتي ثمن هالعناد هههههههه
بس الحمد لله مرت على خير..
واني ماريد اخوفج لا والله
بس ماريد يصير بيج مثلي
لان اني سالت الدكتورة وكالت تكدرين تصومين
بس الاوربيين صيامهم غير شي ويمكن فهمتني انه راح اصوم مثلهم..

انتي اسالي طبيبتج وبعدين صومي لو تكدرين.

[المغتربه المتفائله]

هلو فوفو
اني سألت الدكتوره وساعه على ما فهمت شنو الصيام
كالت لا تصومين
وبعدين رجعت كالت اذا تكدرين صومي
اني جربت يوم بس صرت فلم لساعه 5ههههههه
واني هم سألته لامي كتله اريد اصوم
كالتلي لا تصومين لان هيه
بأخويه علي صامت شهرين
ومن جابت علي طلع كلش ضعيف وزنه قليل وخلص طفولته بي جفاف وسوء تغذيه
بس هسه من كبر عوض الجفاف ههههههههههه صار ما شاء الله اضخم من بابا
ومشكوره حبي على نصائحج اليه hwaml29
يارب يتمم حملج للتاسع وتجيبن احلا نونو
ويحفضلج اطفالج وزوجج وتكمل فرحتج بالنونو وتشوفي بأحضانج ياررب

[فوفو العراقية]

تسلمين حبيبتي المغتربة
الله يتمم على الجميع ويسمع منج ودخل التاسع بسلامة
لان كلش دا احس بالتعب
والبارحة هم نزل مي وحتى وصل للسوفه كمت اركض عالحمام ورجلي والاطفال يضحكون علية
والمفروض اروح للمستشفى بس الطفل يتحرك طبيعي واكثر من الطبيعي ههههههههه ابن ال .....
حبيبتي لا اصيام كلش مضر للام والطفل
وانتي تعرفين ان الاكل مهم والغذاء والفيتامينات للام والطفل همة اساس هالفترة
ف رب العالمين سبحانة سهل كل شيئ النة
ومنعنة عن التهلكة
ولا يكلف الله نفسأ الا وسعها...

[أم أيهومي]

هلووو بنات ...هلو فله فلافل اوووووووووووووووووي حبيبة خالتو فدوة اشكد احب اشوف الاطفال بالسونار يارب يتمم الج على خير وتشبعين منهة اتعضعض وبوس فديتهة لجنتي ههههههههههههههه

فوفايه حبي شبعت ضحك على شغلة المي وزوجك والاطفال ايضحكون اتخيلتج هيجي اتركضين ركض ههههههههههههههه

سراوي انسي الصيام حبي ومثل مكالت فوفو انتي معذوره خطيه الطفل شنو ذنبه وهسه هو بفترة التكوين ولازم تتغذين زين لانه وزنه كله يعتمد على هالشهر..

بنات اريد شي يقلل الدوره راح اموت صار اسبوعين غايبتلي عبالي حمل والحمدلله بس موتتني,,وتعبت من الدكتورات كلشي ميفتهمن

[White angel]

هلوو بنات شلونكم حبايب
اني لعبانه روحي وميته
بنااااااااااااات ميته من الجووووع بس هاي الحرقه الي ب المعده عذبتني مااكدر اكل
وكلش متأذيه راح امووت منها
اكلج فوفو حبي اشو مجاوبتيني
اني بداية حملي من جانت تحكني بطني جنت احكها ب اظافري
مامن سالفه هسه اسويها قبل ماتخرررررررررررررررررررررب بطني

[فوفو العراقية]

هلوو ام ايهوووم قلب شلونج
حبيبتي مافهمت عليج
يعني الدورة تتاخر ومن تجي تكون قوية وتردين تقل حدتهة ؟؟؟؟


زينب حبي
الشخوط طلعت يعني؟
ولونها احمر لو ابيض؟
لو صارت بيضة انسي تروح وماكو اي حل
ولو حمرة او جوزي ف بيها حلول لان ممكن تروح بالعلاجات من الصيدلية
واكو علاج اسمة Bi oil
وهذي صورته موجود بالصيدلية وبعض الاسواق
وهوة مفيد جدا لتشققات الجلد
ويساعد على ترطيب الجلد خصوصا للحامل..

http://forum.hwaml.com/imgcache2/hwaml.com_1342879108_225.jpg

[عسل بغداد]

مساء الخير حبيباتي قليباتي شلونكم
سلامات حبي فوفو من التعب لعد شعبالج هاي الاشهر الي تشك الحلك اني فلتت من شهر
ام نورهان بشري شلون صرتي خوما بعدج تريدين اتجيبين
ام ايهومي شلونج حبي مشتاقين
وزينب وساره وميوشه وتوتايه نورا جابت لو لا منو تعرف اخبارها وباقي البنات مشتاقتلكم والبنات الجدد اهلا بيكم
اما عن اخباري اني زينه وكرم زين يبوس ايديكم بس ابو صفار مدينزل اليوم اروح اسويله تحليل حبي فوفو تدللين على صور اول ميكوم ايواجه اصوره وانزل الصور

[عسل بغداد]

فوفو اذا راح تجيبين طبيعي عادي الكورسيه كلش مفيد من اول يوم لحد الاربعين

[White angel]

فوفو حبي مطلعت اي شخوط بطني عاديه
بس شخط الحمل الاسود الي صاير شلون الزائد ب العرض والطول بس عندي شخوط بيضه ب رجلي بدايه يعني ب زري هههههههههه بيض اشكال والألوان

[zena]

هلو حبيباتي ان شااءالله الامور تمام اني مكاعده ادخل لانه حيل ضايجه ع اهل زوجي خطيه بسوريا ومن باب البيت ميكدرون اطلعون وزوجي هنا متخبل عليهم بلكي تفرج عليهم وع كل العراقين يارب

[White angel]

لج هلووووووو عسووله كبد
شلونج قلبي
اخبااارج
وأخبار كرومي شلونه ان شاء الله بخير
بوسيلياه وكولي له هاي من خالتك زينب فديتو

[المغتربه المتفائله]

مساااء الخير
فوفو حبي سلامتج ياررب تخلصين هاي الاشهر وتوصلين للتاسع وتولدين
ام ايهومي حبي شلونج
اي لا شلت فكره الصيام من راسي
اهم شي الطفل الله عوضني بعد صبر
الله يحفضه ويتمم على خير يارب
وعلى سؤالج على الدوره اذا تتأخر عليج فتره وتنزل طبعا تصير نزوله هواي
روحي لدكتوره زينه تنطيج علاج ينضمه وسلامتج
زنوبه سلامتج حب
التشققات تصير خطوط حمره وهيه تصير بالطبقه الثانيه من الجلد بسبب تمدد الجلد بفتره قصيره وبعد فتره تصير لونه ابيض يعني من يزيد وزنج بفتره قصيره ايصير الضغط على الجلد وتمدد بسرعه اكثر مكان تصير بي البطن والافخاذ والصدر
تكدرين تحافضين على نفسج ترطبين منطقه البطن على طول حته ما تتشخط لان اذا طلعت ما اله علاج
عسوله شلونج الكتكوت الحلو شلونه منتضرين صورة

[ندوش ام عبدالله]

هلوووووووووو بنات اني من العراق واتشرف بمعرفتكم اني صارلي é' يوم من ولدت الحمد لله طبيعي واي وحدة عدهة استفسار تدلل

[ندوش ام عبدالله]

صارلي 24 يوم من ولدت

[ام نورهانه]

هلووووووو بنات صيام مقبول وافطار شهي
ولكم دا احوص على الصيام لان اموت عليه بس لا زوجي ولا اهل زوجي ولا اهلي يقبلون اصوم علمود كلياتي والطفل وزوجي يكول خطيه بركبتج اليوم القيامة اذا صمتي وصار على الطفله شي ومااسامحج ابد
واني دااحوص اريد اصوم بلا مااكول بس مشكلتي يبين عليه ورأسا اصفر ياااااااااربي شكد كنت مشتاقتله الرمضان بس مع ذلك صح اتريك الصبح بس اظل مااكل النهار كله عدا المي للفطور واروح يم عيالي افطر لان احب اللمه على الفطور


زنوبه ونجوله وفوفو شلونكم حبايب

سجاوي تسلمين حياتي على الرد وربي يخليلج كرومي واخوانه وتشوفيهم عرسان كبالج بوساتي للكتكوت
واني الحمد لله رحت البارحة اطمنيت البنوته شويه صاعدة والمي راجع طبيعي والف الحمد لله والشكر هو بقالي شهر ويروح شري انشاء الله

كل الهلا بأم عبد الله ندوش وحمد لله على سلامتج وبالخير مااجاج ويارب تشوفين بره وتشوفي عريس
ونتشرف بيج وبمعرفتج بس ممكن السيفي
دودو كل الهلا بيج عيوني ونتشرف بيج نكون صديقات وخوات الج واني من بغداد كل الهلا بيج بس ممكن السيفي

[فوفو العراقية]

مساء الخير عالجميع
حبيباتي الصايمين الله يتقبل وافطار شهي والمصايمين مثل حالاتي ف الله ينطينة العمر ونصومة ونتمم واجباتنا
والله يا ام نورهان اني هم احوص
اليوم جهالي وزوجي كلهم صايمين اكثر من 21 ساعه واني بس اطبخ وحتى ما اشتهي اكل
بس والله اتنغصت
الم عند مال طلوكة اويلي ربي
احس يريد الطفل يوكع مني ورجلية مفتوحة
والله تقلصات ولادة تجي وتروح من الصبح لهسة
كووة سويت الهم الفطور
سويت لزانية وكباب وشوربة فطر وسلطة مشكلة وخضرة وحلويات بسبوسة ومحلبي وماذكر بعد شنو
ولهسة الجهال عالسفره ههههههههههههه
خطية ماتو جوع
بس راح اخليهم بين يوم ويوم يصومون لان اخاف عليهم من النهار الطويل وضرر وهمة توهم بسن المراهقة
يعني جسمهم ميتحمل
يارب اني هم اجيب بالسلامة واقضي ماعلية بالشته...

[ام نورهانه]

هلو حبي فاديه اي والله يعينه ربي كلش احب الصيام واما على جهال عادي ما شاء الله اطفالج كبار يعني يتحملون وانتي هم لا تخليهم يتحركون هوايه وحاولي تخليهم ينامون بس نصيحة مني لا تعوديهم يفطرون واذا على الفيتاميانات الي يحتاجوها عوضيها بوقت الفطور كثريلهم بروتينات وفيتامينات تكون مخزون الهم بالصيام تدرين اني ماما اني واخويه خلتنه من صف اول ابتدائي نصوم بس شنو متخلينه نتحرك يعني انام النهار كله وتكعدنه وقت الفطور ومتخلينه ننام الى وقت سحور ححتى كنا نقوم الليل وياها بحيث من انام انكون هلكانين ونظل نايمين للفطور

وطبعا اني عندي صيام رمضان اسهل من القضاء بعد رمضان لان برمضان الواهس واللمه على الفطور تكون الج دافع بس شنسوي معذورين والحمد لله

[ام نورهانه]

اما عن فطورنه فأحنه لمه يم عيالي يعني بيت اهل زوجي ننجمع الحموات والحموين وكل عائله تسويلها فد طبق وعمتي الاطباق الرئيسيه وتشوفينه برمضان نكوم نبدع ونسوي اطباق كومه وفيكات فلهذا اتونس على الفطور كلش يمهم

[ام نورهانه]

هلو حبي سارة ومبروك دخولج الرابع ويارب يوم دخولج التاسع وتكومين بالسلامه انتي والنونو طبعا الشهر الرابع والخامس من اسهل شهور الحمل واخفهم وتحسين نفسج ريشه ولا عبالك حامل بس من تدخلين السابع يبدي شلعان القلب والحمد لله على هالنعمة

واما بنوتي ان شاء الله اذا الله راد اني مصره على اسم سيرين وماااااراح اتنازل عنه لو شميصير ولو رجلي يوم يكول اوكي ويوم لا بس معليه بنورهان ولا ادري شسماها للان للولادة واحنه متناكرين تالي جابلي البيان بأسمها نورهان فدوه القلبها

[فوفو العراقية]

اني زاد عندي الالم وراح البس وروح للمستشفى اشوف السبب
ادعولي بنات.

[ام نورهانه]

ها فوفو سلامتج الف سلامه ياقلبي بالي يمج عليج الله طمنينه عنج من ترجعين بس يمكن لان تعبتي اليوم الله يسهلج حبيبتي

[White angel]

هلوو بنات لكم راح امووت من الحرقة الي صاعده على بلاعيمي شسووي دا أخذ كافيستون بس مدا يفيد

[فوفو العراقية]

هلو بنات أني دخلوني مستشفي ونطوني إبرة كورتزون و3 حبوب تقلصات وكالو الباجر لو راحت التقلصات نطلعج بعد الله كريم. بس وزن الطفل زين تقريبا 2كيلو. واني بالكتب من ايفون حتي اطمنكم. ادعولي اطلع باجر لان اكره المستشفي

[ام نورهانه]

صباح الخير حبي فوفو سلامتج الف سلامه وياربي تطلعين من المستشفى اليوم وتخلصين شهرج بخير وسلامة ياااااااااارب بحق هذا الشهر الفضيل ويحفظلج النونو
مو كتلج انتي تعبتي البارحة من وكفة المطبخ لان جسمج ممتعود على حركة قويه وطفلج مدلل فديته ههههههه فشافج البرحة تعبتي وتعبتي وياج كال الا اعلمها اني توكفني يم الطباخ هلكد هههههههههههههه بعد من تطلعين ان شاء الله خلاااااااااااااص ماكو حركة ابد ابد اتركدي بس هالشهر مظل شي لان ان شاء الله دخلنه الثامن على خير وسلامة ولو اقرف شهر هو والثالث وطويلات


زنوبة حبي عندي الج دواء سحري ببهذا الحمل جربته وكلش خفف عندي الحرقة والجالي وهو الحليب الباااااااااااااااارد اني اخلي علبة الحليب هاي مال مراعي بالثلاجة واشربها بدل العصير يعني كلما اعطش واخليها باردة كلش بحيث تهدء الحرقة كلش هوايه وتدرين باليوم اخلص العلبه كامله يعني لتر كامل بس شنو راحة مو طبيعيه وبالذات من تكون باردة متحسين بطعم الحليب ويوم الي مااشربه اضوك الويل

[فوفو العراقية]

صباح الخير والله الليل منمته من وجعي واثنين مزعجات سمي بنفس الغرفة بس بعدهم الدكتورة مجتي بس عالاغلب ميطلعوني اليوم لان لازم أخذ بعد ابر كورتزون ولان التقلصات ماراحت بس كلس كآبة ومع انهم زينين بس ماحب المستشفي عفية ادعولي اطلع بسرعه لان الدكتورة شاكة بالولادة تتم خلال اسبوع حبيبتي ام نورهان تسلميلي عالدعوة الحلوة الله يسمع منج يارب بس والله من قبل ما اوكف بالمطبخ جان الام جاي وتهاونت بس بعدين متحملت وعلاجهم فاد بس اقصي حد اربع حبات ولو مفردة يعني ولادة وميفيد العلاج. حبيباتي ادعولي اطلع اليووووم. مليت والله.

[فوفو العراقية]

لا تحجون تري الأيفون يخرب بالأحرف ومزعج بس حتي أتواصل وياكم وجوده ولا عدمة هههههه فديتكم وحده وحده لا تنسوني بالدعا

[فوفو العراقية]

بنات ادعولي راح يولدوني اسطناعي

[المغتربه المتفائله]

هلووو صباح الخير بنات
حبي ام نورهانه الله يبارك بعمرج
شلونج شخبارج
الله يخليلج نورهانه والكتكوته الجديده واسم سيرين حلوووو
فوفو حبي سلامتج
الله يسهل عليج ولادتج ياررب وتكومين بالصحه والسلامه انتي والنونو ياررب بالي يمج حبي
طمنينه عليج الله يجعله ساعه سهله ياررب

[White angel]

صباح الخير
لج فوفو سلامتج حياتي
هاي شنو
مو بعد وكت
ياربي تقومين بسلامه
يمعوداات شكو شكلنا كلنا حنجيب من وكت ربي يسهل عليج يافوفو وباقي البنات بحق كلمة لااله الاالله

[عسل بغداد]

صباح الخير حبايبي
سلامات حبي فوفو انشالله تكومين بالسلامه والنونو يكون بصحه وعافيه وتفرحين بي
ولجن شنو السالفه مال الولاده المبكره الله يتمم عالجميع

[ayobah]

لا تحجون تري الأيفون يخرب بالأحرف ومزعج بس حتي أتواصل وياكم وجوده ولا عدمة هههههه فديتكم وحده وحده لا تنسوني بالدعا

[فوفو العراقية]

سلام بعدني بغرفة الولاده أني حجيت ويا الدكتورة وكلتلها أني خايفة عالطفل وماريد أولد هسة ماكو حل غير الولاده بهاي حالتي؟ كالت راح نخليج بغرفة الولاده وننطيج علاجات عبر جهاز خاص وعبر المغذي ونشوف اما تزيد التقلصات ونجيبج او تروح التقلصات ويثبت الطفل لحين موعد ثاني للولادة وهسة الألم اقل بس لازم ما تحرك أبدا من السرير وممكن اطوول هنا. ادعولي بنات الله يخليكم.

[White angel]

حبي فوفو سلامات قلبي
ربي يقومج بسلامه وتعدي على خير
وربي يبعد هاي التقلصات منج وتجيبين ب التاسع يارب

حبي ام نورهانه تسلمين لي قلبي ع الدواء السحري هههههههههههههه تره ميفيد وياي
متت واني اشرب حليب حتى لعبت روحي منه ومدا يفيد
اذا خف يخف شويه ويرجعلي
اشوف باجر شدكولي الطبيبه
عسوووله حبي مشتاقين نورتي كبد شوكت تنزلينه صور كرومي حبيبي

[White angel]

لا تحجون تري الأيفون يخرب بالأحرف ومزعج بس حتي أتواصل وياكم وجوده ولا عدمة هههههه فديتكم وحده وحده لا تنسوني بالدعا

ممكن نعرف ليش تقلدين فوفو وتنسخين كلامها؟؟

[ام نورهانه]

هلو بناااااااات
حبي فوفو لا تخافين والي رايده ربج يصير وهناك الطب متطور وان شاء الله تكومين بالسلامه انتي والنونو يارب ولا ماانساج بدعائي ان شاء الله

هلو حبي سارة وسجاوي وزنوبه شلونكم حبايب
توته ونجوله مختفيات
اليوم افطر يم عيالي وسويت برياني اذا لحكت اصوره وانزله الكم وره الفطور
دخلت حتى اطمئن عليكم وبالذات فوفو حبيبه قلبي ضلي طمنينه عنج حبيبتي لا تنسين تره بالنه كله وياج قلب
واويلي على الولادة المبكرة اني اليوم ان شاء الله دخلت الثامن ربي يخلصه على خير واوصل للتاسع بخير وسلامة

[المغتربه المتفائله]

هلو بنات مساء الخيرر
شلونكم
فوفو حبي الله يبعد عنج التقلصات وتطلعين من المستشفى وتجيبين بالتاسع ياررب
طمنينه عليج الله يسهل امورج
ام نورهانه الله يتمم عليج وتولدين بالتاسع ان شاء الله
وزنوبه وباقي البنات شلونكم حبايب ان شاء الله بخير

[توتايه]

ولكم شنو عسوله جابت شنو شوكت شلون عفيه احجولي بيا شهر ليش مبكر

شلونكم اخباركم اني الي نفس الحال كل يوم عركه وامالخ وكلبان وجه

رمضاااااااااااان كريم عليكم حبايب ما اريد اعدد اسامي حتى ما انسى ولا وحده مشتاقتلكم بكد الكون

فوفو سلامتج قلبي طمنينا

[فوفو العراقية]

صباح الخير. شلونكم احلي صحبة مشكورات كل من دعولي وتمنولي السلامة. حبيباتي اني بعدني بالمستشفي وانطوني علاجات وهسة اكو علاج عبر الوريد وعبر جهاز محدد يضخة وهوة خاص حتي يزيل التقلصات المبكرة وماشين وياي بالتحاليل وابر الكورنيزون بس الكرتزون رفع إلسكر كلللش والله يستر. طبعا محتمل اليوم هم ميطلعوني وكلي مكتابة من المستشفي. والبارحة طول الليل ابجي ومشتاقة لطفالي الله يسهل علية وعلي كل حامل يارب. نسالكم الدعا حبيباتي.

[White angel]

هلووو بنات شلونكم
اني هستوني رجعت من الدكتوره
كلشي سليم والحمد الله
والدكتورة منعتني
ان اصوم كالت انتي عندج نقص بالحديد وممكن تاذين نفسج وتاذين الجنين
اني على اساس اصوم اليوم بس بعد مصارت
منعتني من الحبوب مال الحديد لمدة اسبوع لان اسم الله عليكم دا اتوجع بطني وظهري عبالك الدوره دا تنزل
سمعت النبض طلع عندها 135 وتمام
قاست بطني كالت كلش حلوه بطنج
وبعد هماتين حسبت لي ب اي شهر ادكولي ب الخامس انتي كلشي صدكت الا هاي مال الخامس هههههههههههههههه
فوفو حبي سلامتج قلبي ربي يقومج بسلامه كبد
باقي البنات شلونكم

[ام نورهانه]

السلام عليكم حبيباتي شلونكم
وج توته منوره قلب حوبة وينج مشتاقيلج وشلون يوسف بوساتي اله لج تعالي مشتاقيلج كبد كبد انتي ونجوله حبيبتي هم مشتاقيلها غايبة يمكن من وره رمضان وتعب رمضان ربي يكتبه اجر النه

فوفو حب الله يعينج ويكومج بالسلامة وترجعين البيتج واطفالج وزوجج وبيدج النونو الصغيروني ربي يسهلها ويهونها عليج ولو ادري كعدة المستشفى تضوج بس الحمد لله عسى ان تكرهوا شيئأ وهو خير لكم

زنوبة شلونج حبي وشلون الكتكوته ربي يحفظها ويخليها الج وتكملين التاسع وتولدين بالسلامة
والصوم معذورين احنه ان شاء الله ويارب نولد ونفيهم على الشته ان شاء الله اني هم منعتني الدكتورة تخاف لا المي يقل والالتهابات تكثر فمنعتني
اسكتي احمدي ربج على الخامس والسادس لج راحه مو طبيعيه بس الثااااااااااااااااامن اويلي على الثامن ايد بالمي وايد بالنار والبطن واصله للخشم وصايره بطه ومااكدر امشي مثل العالم لان مااكدر اسد رجليه ولا اكعد مثل العالم ومن اكوم تكولين خنفسانه مكلوبه على ظهرها هههههههههههههههههههههه
والله حتى صلاتي اني كاعدة لان مااكدر اسجد

[فوفو العراقية]

مرحباً. بنات حبيت أسألكم عن إبرة يومية تحت الجلد بالبطن كتبوها الي ونطوني اليوم اول وحده وكلش توووووجع. وكالولي لازم كل يوم وحدة حتي بعد الولاده. واسم الإبرة clexane 40 mg عفية منو عدهة معلومة عن هالابره تفيدني. لان الي عرفته انها لتخثر الدم وضد التجلط. وااااااااع نفسيتي تعبت كلش من الأدوية والله صرت سكراب.

[أم أيهومي]

هاي شنو فوفايه حبي شبيييييييييييييييييييييييييييييييييييييييج ولكم شصاير وراي
انا مدااطب للدردشه لانه النت عندي زفت والدردشه كلش ثكيله خخخخخخخخخخ يمكن لانه صرت مشرفه

حبي فاديه شبيج طمنيني

[مروة87]

هلو بنوتات شلونكم حبايب
مدااطب للمنتدى لان ملتهية برمضان وماعندي وكت احك راسي ههههههههه
شنو هالاخبار فوفو حبي ربي يكومج بالسلامة وتفرحين بالنونو ويجي بصحة وعافية
بالنسبة للابر اعتقد ابر هيبارين لان اكو وحدة اعرفها جانت تضربها بس هاي من بداية حملها الى ان جابت هي سمعت مال تخثر الدم بس مااعرف تفاصيل عنها والله

[توتايه]

لج قوليبي انفال اني الحمدلله يا ن ع ا ل ه ولا تسألين علية ولا اوفلاين ولا قزرقط منج اني اعلمج شلونج بنات شنو سالفة الولاده المبكره كرايبنا بتونس بعدها اسبوع وتخش التاسع وجابت وابنها دينطوه ابر مال رئه ومجيبيها فتح بطن لا اله الا الله

اخباركم ولج نجوله شلونج حياتي مبروك الاشراف قلبي

فوفو ربي يقومج بالسلامه ابر الهيبارين هاي مال تجلط وتخثر يمكن صاعد عندج الضغط لو السكر ينطوج ياها حتى تمنع تخثر الدم ويوصل الدم للنونو

[أم أيهومي]

حياتي فوفو والله بالي يمج ياعمري انتي ان شاء الله ماكو شي بحق هذا الشهر المبارك الله يحفظج انتي وحبيب خالته والله مردتي كلبي مرد واني مقصره وياج والتهيت عنج ومسألت عليج ملتهيه ارد تهاني الاشراف,,ويارب تطلعين بألف سلامه ومابيج غير العافيه ياروحي,,طمنينه عنج حبيبتي

ايوو حبي الله يبارك بيج مشتاقتلج هاي وينج

[توتايه]

قلبي انتي نجوله من اشترينا السياره ليهسه من شغله الشغله شلون عين تخبل انركعنا بيها ههههههههههههههههههه هم ياريت بيها خير اشو بالاقساط

[فديــته الــ غ ــالي]

تعاااااااااااالوا بنات سولفوا معنا وشاااركونا واتعرفوا على صديقاااات

http://forum.hwaml.com/showthread.php?p=2430076&posted=1#post2430076 (http://forum.hwaml.com/showthread.php?p=2430076&posted=1#post2430076)

[فوفو العراقية]

صباح الخير. اعذروني علي تأخري بالردود بس بعدني بالمستشفي يارب ياااارب يطلعوني اليوم. لان مندرونن اشكد تعبانة من المستشفي. ادعولي اطلع حبيباتي.

[فوفو العراقية]

مرحباً. والله هم ماطلعتني الدكتورة. وهسة حتي شالو علاج التثبيت من عندي. والدكتورة كالت ماتوقع حالتج تتحمل الخروج لان الطفل نازل 4سنت بس عنق الرحم مسدود وعندي تقلصات باينة بالسونار بس اني ما احس بيها بسبب العلاج بس هسة وخرو وراح انتظر لباجر يتابعون حالتي لو رجعت التقلصات او نزل المي مال الطفل راح يولدوني وقتها بس كالت الدكتورة حالتج مطول اكثر من 31 اسبوع للحمل والله كريم الي كاتبة رب العالمين خلي يصير الحمد لله علي كل حال. دعواتكم خواتي.

[ام نورهانه]

هلو حبي فوفو ربي يكومج بالسلامة انتي والنونو واكيد مننساج بدعواتنه ويارب يفرجها عليج ويكتبلج الي بي الصالح

نجوله حبي الف الف الف مبروووووووووووووووك الاشراف وتستحقيها وبجدارة ومن اعلى الى اعلى ياغاليه

وكيد العواذل ياقمر كيدي هههههههههههههههههههههههههههههههههههههههههههههه فديت اختي وحبيبتي اني هههه

[عسل بغداد]

مساء الخيرات على عيون حبيباتي الحلوات
فوفوحبي بالي يمج ادعيلج بالسلامه انتي والنونو هاي الابر اني استعملتها بالبطن مال هيبارين علمود التجلط بس ما استمريت عليها بعد الولاده انشالله تطلعين اليوم بالسلامه
ام ايهومي مبروك الاشراف انشالله تصيرين رئيسه قسم لو رئيسه وزراء
البنات الباقيات شلونكم ويه رمضان

[White angel]

هلووووووو بنات شلونكم حبايب
فوفو ربي يقومج بسلامه يارب
ام ايهومي مبروك الاشراف عيني
عسوله وباقي البنات شلونكم
لككككككم السويد صايره مووووووت حررررررررر
دا الوووووووب من الحر كل شويه ينزل ضغطي ميتتتتتتتتتتته من الحر ربي يساعد اهل العراااااااااق

[ام نورهانه]

هلوووو حبايب سجاوي وزنوبة
لج زنوبة تعالي شوفي العراق هسه عند مي التانكي عبالك مي سخان متكدرين تغسلين ايدج بي وكهرباء سلام الله عليها وصايرين نطلع من الحمام مدبكين وانتي تخيلي


بناااااااااااات بالي يم نورا اشو كالت راح اجيب وبعد مدخلت اليوم كلش كمت الوب عليها يارب ترجعلنه هي والنونو بالسلامة كلش ظل بالي يمها

[المغتربه المتفائله]

هلوووووووووو بنات
شلونكم
فوفو حب الله يكومج بالسلامه انتي والنونو ياررب
ام ايهومي الف مبروك الاشراف حبي
ام نورهانه زنوبه وعسوله شلونكم حبايب ان شاء الله بخير
لاتحجون على الحر بكل مكان هنا بالصين الجو رطوبه عاليه مبوخين طول اليوم بس الحمد لله كهرباء موجوده
الله يساعده اهل العراق شلون متحملين الحر والكهرباء وفوكاهه صايمين

[أم أيهومي]

هلو حبيباااااااااااااااااااااااااااتي
اشلونكم حياتووو فوفايه اشلونج كليباتي يارب اتكومي بألف سلامه والله بالي يمج ويم نورا حبيبتي مشتاقتلهة وبالي يمهة

ولج فله فلافل ههههههههههههههههههههههههههه شنو هالتهنئه الخنفشاريه فديتهة اني وفديتج يااحلى اخت حبيبة كلبي اشكد جنت اتمنى عندي اخت ازغيره بس الله مكات امي جابت بنوته وراحتلكم فدوة ورايه,,

حياتي انتي اتشرف بأخوتج ياروحي

سجاوي تسلمين كليباتي عالتهنئه ياروحي يخليلج كرومي وبس اصير رئيسة وزراء وعد مني اخليج وزيرة حقوق المرأه هههههههههههه بوساتي لكالميروو فووووووووووووديته حبيب خالته..

زنووووووبه عمري تسلمين عالتهنئه غلاتي يوم الي اتفرحينه بالعبيديه فديتهة حبيبة عمتهة بس بنتج اكوللهة حبيبة عمتهة لانه عبيديه هههههههههههههه بوووساتي الهة خلي زوجك يوصلهة لانه عبيدي وتوصل بأمانه البوسه لانه الدم واحد (راح انكتل الظاهر )ههههههههههههههههه


سروره عمري تسلمين حبيبة كلبي عالتهنئه يوم الي ايشرف حبيب خالته ولج ساره كلما اريد اكولج انسه لتظلين اتباعين على الصينين انوب ابنج يطلع عيونه مشكمه خطيه خلي صور اهلج وزوجك وباعي عليهم ومن اطلعين لتباعيلهم ابد,,هههههههههههه


بوساتي للكل اليوم متت من الصيام وعصبت على ايهومي وضربته وحتى فطور مفطرت زين من قهرتي عليه حبيبي والحلوة ميصيحلي ماما يصيحلي (ننا ) لو (دادا ) يمكن عباله اني اخته هههههههههه

[قمر بغداد]

هلووووووووو بناااااات شلونكم جنت ممتواجدة وياكم هذيج الايام ان جنت كولش تعبانة والضغط ديصير 8 على 5 ودوخة قوية وبس نايمة وبس اوكف ادوخ والبارحة نزل علية قطرات قليلة مي صافي مادري ليش

[فوفو العراقية]

صباح الخير. شلونكم بنات بلدي الغاليات. اني بعدني بالمستشفي والدكتورة رفضت تخرجني. تكول لازم نتأكد من عدم وجود التقلصات بعد ظلت ورة الله سبحانه يسهللي وطلع. بنات اعذروني لعدم الردود بس تعرفون حالي والايفون كلش مزعج بالكتابة بس ان شالله من اطلع بالسلامة نكتب ونطمن علي بعض. مشكورات وربي يجريها كل خير الي دعنلي بالسلامة.

[قمر بغداد]

فوفو الحمد للة عالسلامة ماعندج غير العافية يارب مابيج شي وتدخلين بالتاسع افضل الج وللطفل واحنه ننتضر اخبارج؟؟؟؟؟؟؟؟اوكي

[sarabaghdad]

هلو بنات شلونكم رمضان كريم
اني حيل زعلانه منكم لان ولاوحده كلفت نفسها وسالت عليه

[المغتربه المتفائله]

هلووووووو بنات
شلونكم
فوفو حبي الله يكومج بالسلامه طمنينه عليج
ام ايهومي حبي شلونج والله ضحكتيني ههههههههه على عيون الصينين
عندي وحده من صديقاتي حملت ولدت بالصين
ما تصديكن اذا اكلج عيون بته قريبه لعيون الصينين ههههههههههه
الله يستر وطفلي ما يطلع هم هيجي
قموررره سلامتج ماعندج اله العافيه حبيبتي
سارررررررة منوره مشتاقيلج ولاتزعلين حبي
انتي الخير والبركه
ورمضان كريم عليكم الله يعيده بالصحه والسلامه

[sarabaghdad]

هلاو حبي المغتربه شلونج وشلون وضعج
انشاء الله زينه

[White angel]

هلووووو بنات شلونكم
اخباركم
فوفو كبدي شلون صرتي ياعمري اشو مصخهه هذا ابنج شنو دا يلوب دا يريد يجي من وكت كولي له اكعد راحه عاااد تره اجي هيج املخه ههههههههههههههه لاحبي اشاقه بس والله بالي يمج كبد ربي يقومج بسلامه وتعدي هاي الايام على خير
اسكتي وخليها الطب بدول الاسكندنافيه حييييل عاااوي
ربي يحنن قلبهم عليج يارب هذوووله عندهم بروود مو طبيعي اساليني عنهم

ولج ام ايهووومي صدك باينتج راح تنكتلين ههههههههههههههههه شنو العبيدين بس يوصلون الاماااانه ولج اكوله الزوجي هاي بنتي بصراويه على امها يكوولي ومنو كالج امها من البصره امها من الموصل هههههههههههههههههه
والله العبيديه تصول وتجول بس تضرب خبلتني وبس تسمع صوت العبيدي تضرب اكثر شايفه بله
انتي شلونج حبي اخبارج واخبار ايهووومي الكتكوووت شنو

ام نورهانه شلونج عيني اخبارج واخبار الكتاكيت, سكتي عيني احنه ممتعودين والله كلها ثلوج ومطر هاي صار 3 ايام والله ابجي من الحر وهاي بنت الاوادم العبيديه ع كولة نجووله مخبلتني ب الحر ميته ودا الوووب والمسكين رضاوي امي 24 ساعه مكمطته خبلتني اكول الها موتتي للطفل خطيه حااره مووت ادكولي اسكتي كلشي متعرفين هههههههههه

باقي البنات شلونكم حبايبي مشتاااقين

[White angel]

سويراااات شلونكم هههههههههه حلوه مال سويرات
قمووره ونورا وباااقي البنات شلونكم

[عسل بغداد]

مساء الخير بنات شلونكم صيام مقبول وافطار شهي
ساااااااااااااااااره بغداد حبي انتي عالبال دائما شلونج عمري شخبارج
ساره الصين شلونج عيوني
البنات الباقيات شلونكم اخباركم
منو موجوده ؟؟؟؟؟؟؟؟

[عسل بغداد]

هلو زنوبه عيوني شلونج اخبارج واخبار بنوتج
هذا ابن فوفو يمكن كام يغار من ابني يريد يطلع

[sarabaghdad]

هلاو حبايبي شلونكم اني الحمد لله
مبروك حياتي عسوله على المولود الجديد تره صارلي فتره مطابه منتدى لان مو زينه جنت
اخبارج ؟

[عسل بغداد]

الله يبارك بيج عمري يوم الج انشالله
اليوم انتي وفله المغرب على بالي لان رحنه خطار للغزاليه فطرنه ورجعنه

[sarabaghdad]

الف الف عافيه واخذتي كرومي وياكم فدوه نزلي صوره بعد

[عسل بغداد]

الله يعافيج حبي كوكو اول واحد بدل وصعد بالسياره

[ام نورهانه]

مسااء الخير حبايب شنو هالجمعة الحلوة صارلنه كومه ممنجمعين والله مشتاقتلكم كلش هواية اخباركم
سراوي حبي شلونج ولاتزعلين علينه قلب حبيبتي والله كلنه متبهذلين بهالحمل والحر انتي شلونج ولج اشو بعدج مجبتي ياجظي يمه اني مااتحمل ان شاء الله اول يوم بالتاسع اطلعها لان متت تعب والله بس هو اليدري وعبالك مكتوله بتوثية جسمي كله يوجعني ومكسر
سجاوي وزنوبة وسارة الصين ههههههههههه
سجاوي اكول الغزاليه اليوم منورة طلعت سجاوي وكرومي بيها بوسيلياه امانه ونزلينه صوره فدوة القلبه

[sarabaghdad]

هههههههههههههههه كرومي ..

لج هلو ام نورهانه شلونج حبي الحمد لله زينه اني باجر انشاء الله اروح للدكتوره
واشوف شتقررلي عمليه لو طبيعي لو بيدي هسه اطلعه والله واخلص عضامه دتموتني من اكعد من انام
احس القفص الصدري دينفتح ههههههههههههههههه

[عسل بغداد]

هللللللو فله هذا نورج غلاتي البنوتات شلونهم بوسيلياهم
اليوم زوجي طلع وبقيت اني يم النت عيني والله اني مشتاقتلكم اكثر

[عسل بغداد]

http://forum.hwaml.com/imgcache2/hwaml.com_1343245164_943.jpg (http://www.hwaml.com/up/)
هذا كرومي اجه لخاطر عيون خالاته الحلوات

[sarabaghdad]

اوي فدوه ماشاء الله صاير حلو الله يخليه الج اكلج
شكو ملبسته هدوم بقي بلحفاضه وفانيله لان ابو الصفار يجي من الحر همين
وتعرفن احنه الحر مالتنه مينوصف خطيه والله حاره

[عسل بغداد]

هم اخليه بالحفاضه هواي
وهسه كعدحبيب ماما يله بيباي

[sarabaghdad]

الله وياج حبي

[أم أيهومي]

هلوو بنات..فوفو حبي يارب اتكملين التاسع ابخير وسلامه,,ويجي حبيب خالته بالسلامه هم الاكراد هيج خلفتهم تشلع الكلب على كولة اختي
ههههههههههههههه يالله حبي هانت ومظل شي

[ام نورهانه]

هلووووو بنات شلونكم فوفو قلب شلونج اليوم تعالي طمنينه

نورا حب وينج بالنه يمج فدوة ارحمينه وتعالي طمنينه عنج


لكم يمه كرووووووووومي فديت النايم اني فدوة القلبه صدك عبالك كتكوت وج سجاوي هيج بوسي الي وشمشمي من الركبات يمه فديت الركبه اني حبيب قلبي

ام ايهومي الورده حياتو شلونج وليش هيج ويا ايهومي عابتلج ومو هذا خطيب بنتي فدوه القليباته ولو اني صايره اضرب منج صايره ازهك بسرعه وخلكي صاير كلش ضيق ومااتحمل عليج الله بوسيلي ايهومي فدوة العيونه

زنوبه وسويرات ههههه ومراوي وقموره وايوته وكل الحبايب شلونكم مشتاقين

صدك قمورة وينج شلون صرتي وشلونج ويا الحمل حبي