دردشة بنات العراق, دردشة حوامل العراق , تجمع بنات العراق

[ام مهدي22]

طوووووط ذكرو القط كام ينط ولجن والله مستاقتلجن مكموعات بس سحلول ساحلني سحل ولجن تعبني

[ام مهدي22]

سلامي للكل مراوي كاردينا وشموسه وشموعه وبشاره وزنوبه ورنوده وشهوده وأم حمدمد حبيباتي وبدور الحقيرة الئ منعرف شنو صار بيها ووووووالكل بدون استثناء بوساتي الكم وسراوي وأم حمدمد جابت لا

[ام مهدي22]

شوفو ترى اذا مااجه احد ازعل وروح

[ام مهدي22]

يصباح صبح على الحلوين اللللللو نسيت ماسلمت على الحب ميوشه ام بروره

[*شفق*]

صباح الخيراااااااااات حبايب شخباركم ؟رقية تارة فرح عمري وكل الباقين آسفة بعدني ماعرف الكل
وعذروني مادخل هواية أشو ما لحك على شغل البيت

[*شفق*]

هلاوو بنوتااات شلوووونكم ان شاءالله بخيييير ..

عندددي استفسااار صغنووني .. قبل اسبوعين سويت سونار ..كنت هستووني داخله الشهر الخامس
الطفل كان كاعد ..و الدكتورة ام السونار كالتلي ولد !!
سؤؤؤال شلون عرفت ولد وهو كاعد؟ الي اعرفة انو البيبي من يكون كاعد ميبين جنسه صح؟؟؟
حتى من وديت السونار للدكتور مالتي كال مكتوب بالتقرير مال سونار كاعد و اذا كاعد ميبين جنسه

شنوو رأيكم انتووو ؟؟

وسؤال الثاني .. شتعرفوون عن تحديد جنس الجنين ؟؟ اكو يسوو هنا بالعراق ناجح لو لا؟
اني كلش بنفسي اجيب بنية و خايفة ما اخلف بنية ابد لأن ام زوجي حلفتها كلهم ولد ( ملاحظه هيه تصير عمتي اخت ابويه)
يعني خايفه الوراثة تلعب دور و انحرم من البنية طول عمري :(
هلو حبيبتي .. شوفي ...
آني نفسج ب5 كان كاعد وبالسونار كالت ولد وكلت موصح شلون بين ؟؟؟
ب6 ولد ب7 ولد والحمدللة جبت ولد
ماريد اضوجج بس ممكن يخطأ عادي ... يارب تكومين بسلامة

[شعور الامومة]

ام سحلول ادري فايته عدل وكبل خير خوما اكو شي غير تنبيهة فد شي حتى اجي
شلونج شخبارج قلب سحلول شلونه اخباركم شكو ماكو وين تغطين وبعدين تطلعينه مكموعات وهاي السوالف وترجعين تختفين

[ام مهدي22]

هههععع حبي روز كولي الحمدلله والشكر اهم شي اتمام الخلق
حبي شفق هلا بيج اني ملاك من بابل وعمري 23 واسكن حاليا السويد وشكرا هههعععع
ولج شعور اني اجي انتوا تختفون شكو والله إحنا زينين والحمد لله
بشري شنو صار وياج

[شعور الامومة]

هلا هلا ام مهودي وشفق ام يقين شلونكم

[شعور الامومة]

اني هم زينة شنو هلصدفة يعني انتي زينة واني هم سبحانك ربي ههههههههههههه حبيبتي كلشي ماكو كاعدين وساكتين

[شعور الامومة]

شفوقة شلونج قلب شخبارج شلونهم جهالج يقين ومحمد

[شعور الامومة]

والله ام يقين حقج شغل البيت ميخلص اي شمسوية اليوم غدة

[*شفق*]

هلو بيج ام مهدي .. شكرا عالترحيب .. هلو رقية
تقريبا اعمارنا متقربة بس ردت اعرف اكبر وحدة بالتجمع شكد عمرهة ؟؟؟

[شعور الامومة]

ها وين اختفيتو راح ازعل واسوي اضراب مثل ام سحلول اهئ اهئ اهئ

[*شفق*]

بعدني ممسوية بس راح اسوي مركة مال كبة برغل ..... وانت؟؟؟؟

[شعور الامومة]

طلعت ام يقين موجودة حبيبتي كلهة نفس الكصة جماعة العشرينات يمكن اكبر شي 26 على مااعتقد اني وام سحلول 23 وبدور 21 والباقيات نفس الشي يعني مو فرق هواية

[شعور الامومة]

اني سويت تمن جزر ومرقة دجاج

[شعور الامومة]

شلون تسويهة حمرة لو بيضة مدري صفرة ههههههههههه

[شعور الامومة]

اليوم لازم من ارجع اكمل تنظيف الاسبوعي مال البيت يعني مو كلة حتى لو نص باجر اطلع اروح لبيت اهلي الحياة سعيدة خصوصا اذا بيهة دياحة

[شعور الامومة]

يلا اني هم اروح اشتغل عود شوية وارجعلكم الي تجي تنبيه

[*شفق*]

شلون تسويهة حمرة لو بيضة مدري صفرة ههههههههههه
لاحبي صفرة سامعة يسووهة حمرة بس مضايكتهة

[شعور الامومة]

لاهم طيبة الحمرة انتي دتشتغلين بالبيت وفاتحة النت مو مبينة لان تتاخرين بالرد على ما تغسلين المواعين وتكنسين الله يساعدج والله شغل البيت اوووووووف ميخلص

[شمعه امل]

صباح الخير بنااااااااااااااات
شلون الكل
اني كلششششششش زعلانه ومقهوره ومزعوجه ومن البكي
والعصبيه بطني صارت تاذيني
منو موجودة احكي معاه لان والله راح انفجر

[شعور الامومة]

هلو تارة وينك حبيبتي اني موجودة اجيت ليش تبكين ياعمري اكو شي طمنيني عنك

[شمعه امل]

تاره .. رقاوي..فروحه ..بسومه..سراوي ام موكي .. ميوشه ..ام مهداوي .. ام قبس ..كاردينيا ..سرى1 ..ام ليوثي ..مناوي..بدووره نورتي .. ام ايهومي .. شهوده ام دندونه
وكل البنات عذروني اذا نسيت اسم وحده
صباح الفل و الياسمين على عيونكم الحلوييييين

هلووو مروة الك مده مختفيه هسه انتي لي من هسه تفكري بالولاده ولي الخووف خلي ليومه
اني بيومه بقيت ابكي للصبح وباب غرفه العمليات مسلمت ع احدلان خفت اضعفف وما ادخل للمصلخ دا اساويلك فيلم رعب بزياده خخخخ
بس اصلالالالا متحسسي بس بشكه ابره وتنااااااااااااااااامين بسرعه فضيعه تقفل عيونك ساعه كانك بعالم ثاني وبعدين تبتدين تحسسين وكانو مصار شي تكولين شنو بسرعه خلصت العملية معقول تحسين اول ع الصوت بس تشوفين بس مغوشه وراه تاخذين نوره وعادي اخذي اغراضك وروحي لبيتكم شفتي سهلللللللللهhwaml7

[شعور الامومة]

حبيبتي وينك

[شمعه امل]

هلووو روورو مزعوجه من زوجي والله ما اعرف شسوي
دا احس يحكي ويه بناااااااااات راح يخبلني

[شمعه امل]

عنده بيج ع الفيس كومه يتكلمون بي اسلوب رد البنات علي يثير
غيرتي ويجنني
لحد اليوووووووووووووووووووووووووووم احساسي صار قوي اانو يحكي وية وحده منهم والله مدا اكدر اسكت وخايفه لنفسيتي تاثر ع حملي

[شعور الامومة]

حبيبتي النت عندي ثكيل داأتاخر بالرد عليج ..
شوفي شلون شكيتي يعني شنو طبيعة الردود الي تثير غيرتج وشلون عرفتي ديحجي ويه وحدة منهم

[شمعه امل]

كاتب اني وصلت لدبي
وفي ولد رادين الحمد لله ع السلامه
واكو وحده ورده الورود راد علي حمد لله ع سلامتك افتقدك هواية شوكت راح ترجع
دخلت ع اسمهااا انصدمت البارحه كلها منزله اغاني اهداء لروحي ولحبيبي كله عن السفر واهداء للمسافرين
شنو قصدها مو يعني عدها علاقة بزوجي؟ ولا هاي بس براسي

[شعور الامومة]

يمكن يكون عادي بس انتي دتحسين هيج لان بعيدة عنه

[شعور الامومة]

هو صحيح مسافر لدبي

[شمعه امل]

خابرت زوجي كتله منو هاي بيكلي ماعرف
هسه امسحها
كتله اوك اعطيني باسورد فيسك اني امسحها رفض ورفضه خلاني اتاكد
قفلت موبايلي مبريد حتى اسمع صوته لانو والله خايفه لا احكي ويا ويصير فيه شي
لان احس جسمي ديرجف والالم بطني اسفه زعجتكم بس اخاف احكي لااهلي ويصير غير شي

[شمعه امل]

اي روقيه امبارح سافر لدبي

[شعور الامومة]

حبيبتي اتعوذي من الشيطان يعني لان اكو اهداء اغاني تشكين اهم شي لتعبين نفسج واهم شي بهالوقت حملج وعوفي هلافكار وشيليهة من بالج واكو هواية ميحبون زوجاتهم يتحكمون بيهم وياخذون الباسورد يعني اصبري وعديهة على خير اذا لكيتي دليل قاطع ذاك الوقت يلا تكدرين تواجهي زوجك

[شمعه امل]

اني الي موكفني اتخذ اي اجراء اني مو يمه
بس باذن الله لما ارجع مراح اسمح اصلا انو يفتح الفيس
لان رورو هاي مو اول مره ودائما يكلي مو اني صديقي يحكي بالفيس
مالتي واعذااااااااااااااااااااار ما اعرف لي مااصدك استغفر الله اتمنى لو الكه من يكدر
يهكر صفحه البيج والفيس ماله حتى اتاكد

[شعور الامومة]

حبيبتي هي نفسج لادخلين الشيطان بينج وبين زوجج شدي حيلج واولدي بسلامة حتى ترجعي لزوجج وترجعون مثل قبل اتوقع لان بعيدين عن بعض تصير هيج نوع من المشاكل كولي ياالله ارتاحي حبيبتي

[شعور الامومة]

عين العقل خليج على رواق وخليج بهدوء الاعصاب باجر من ترجعين يمه تكدرين تمنعيه من الفيس يعني من تحجين هسة يكلج وين اروح انتي موموجودة ويحب يسولف يدردش مع اصدقاءة

[شعور الامومة]

زين انتي تعرفين طبيعته هو من النوع الي يهتم للبنات

[شمعه امل]

وفووووووووكاه هو عصب لما طلبت الفيس ماله
يكلي موو ملاحظه مشاكللنا كله بسبب الفيس
مليت وراد يسكر الخط اني سديته بوشه قبله وقفلت الموب

[شعور الامومة]

اسفة حبي تارة النت زفتتتتتتتتت
هسة شنو قرارج شسوين

[شعور الامومة]

توتو حبيبتي مااعرف بس من كلامك عرفت انو دائما مشاكلكم بسبب الفيس انا راي حتى لو عندة علاقات بس تكوني يمه راح تكدرين تخلي يترك الفيس بطريقتك لاتزعلين حالك وخليه على الله وعادي زوجك يعصب لانو الرجال ميحب يحس انو مرتو بتتحكم فيه كبري عقلج وصيري اقوه من المشاكل

[شعور الامومة]

توت وينك وين اختفيتي طمنيني عنك ليكون صارلك شي لاسامح الله

[شعور الامومة]

ياعضاء حزب الحدايق ابشركم استلمت الراتب اليوم ........ راح اجيب هديه لست الحبايب

[شعور الامومة]

اني راح اروح طمنيني عنك تارة النت زفت وثكيل بااااااي

[شمعه امل]

اسفه روقيه حبيبتي بس انكطع الكهربا اني صابره لبينما ارجع
بس بالزوووووووور دالزم نفسي والله المعيين اي صح كل مشاكلنا
بسبب الفيس الله معاك حبيبي مشكورة ودوختك ويايه

[بدور السماء]

هلو حبايب شلونكم كلكم مشتاقتلكم كللللش بس حمادة ماخذ كل وقتي وتعبانه حيل والخياط مال الولادة مدمرني
طبعا سلامي الكم وحدة وحدة بدون ذكر اسماء الا بدورة لاحظتها راجعه حبي اشتاقينالج كللللش الج وحشة لتكطعين هيج
طبعا اشكر كل وحدة هنتني وادعو الله ان ينطي كل وحده بيكم حاجتها الي تريد طفل يرزقها بحمل سليم واللي تريد ولد ينطيها والي تريد بنيه ينطيها والحامل ربي يسهل عليها بولادة ميسرة واني دعيتلكم جميعا بساعه الولادة وخصيت بدور ورقيه بالدعاء

حبي زيونة الله يسلمج والله انتو هم الكم وحشة وحبي مرة لخ الف الحمدلله ع السلامة واشكرج لان منسيتيني باصعب الاوقات الله يحفظلج حمدمد ويوم التشوفي عريس انشالله
اخت عزيزة وغالية والله انت وكل بناتنا الحبابات

[بدور السماء]

تاره .. رقاوي..فروحه ..بسومه..سراوي ام موكي .. ميوشه ..ام مهداوي .. ام قبس ..كاردينيا ..سرى1 ..ام ليوثي ..مناوي..بدووره نورتي .. ام ايهومي .. شهوده ام دندونه
وكل البنات عذروني اذا نسيت اسم وحده
صباح الفل و الياسمين على عيونكم الحلوييييين

حبي بشورة النور نورج يالغالية واحشتني موت اشو ماكو؟؟؟؟

[بدور السماء]

فرحرح حبي الله يسلمج زوجي الحمدلله هسة زين ماشالله انت شخبارج حبي وشلون الطلاب وياج
خوما متعبيج وية النونو
ربي يطلعه بالسلامة

[anosh omar]

هلوو بنات
ششلونكم
ان شاء الله بخير
اني انوش اذا اكو وحدة تتذكرني ^_^
متزوجة صارلي سنة ونص
وحامل بالشهر السابع
ربي يسهل علينة كلنة
حابة اتواصل وياكم هنا


هلا بية مووو..؟؟

[anosh omar]

بنات اكو وحدة صاير عدها حصو بالكلى اثناء الحمل
اني عندي مشكلة بالكلى جان عندي توسع بوحدة وباللخ اكو رمل خشن
الظاهر بعدة ما راح لان بين ترة وال خاصرتي تهيج عليه
كلت اعوفها ورة الولادة اعالجها
لان ما اخذ اي ادوية خلال الحمل

[بدور السماء]

سلامي للكل مراوي كاردينا وشموسه وشموعه وبشاره وزنوبه ورنوده وشهوده وأم حمدمد حبيباتي وبدور الحقيرة الئ منعرف شنو صار بيها ووووووالكل بدون استثناء بوساتي الكم وسراوي وأم حمدمد جابت لا

لج ياهلا وميت هلااااااااا
ولج حقيرة انا ماعندي نت بالبيت اعتزلت النت من ورة بيت حماية وحماتي ولج طلعو بيت حماية وبقيت وحدي وخلصت
ولج عوبة سحلول التمساح شلونه؟
مشتاقتلج حقيرة

[بدور السماء]

هلو انوش شلونج قلبي انا ما اعرفج بس راح اعرفج على نفسي
احم احم
انا بدور من بغداد متزوجة بالانبار من 3 سنوات وحديقة ماكو لا بيبي ولا جنين
هههههععع
واهلا بيج طبعا

[بدور السماء]

ولج هلو تراوي ولج عوبة لتخلين ابالج هاي الافكار الشيطانية ان اغلب الظن اثم عوبة
ولج توكلي ع الله وادعي ربج يسهلج حتى ترجعين لزوجك ولبيتك وصدكي هاي كلها افكار نفس ويجوز من ضوجتك عليه كمت تفكرين وتربطين الامور ببعضها من هذا المنطلق
بس امانة لتخليها تأثر عليكم العشرة الها حوبة قلبي

[بدور السماء]

انوش ضربتني بوري بس يالله راح اردلها
حبي انت روحي للدكتورة وشوفي شتكولج وماعندج غير العافية
وسالي الدكتورة على الزنجبيل والنومي حامض هاي وصفة تفورين الزنجبيل وتعصرين نومي وتخبطين لتر بلتر بس ضروري المقادير متشابهة شكد متحطين نومي لازم تحطين زنجبيل وتربين استكان جاي ورة كل وجبة تفتت الحصوة
زوجي استخدمها بس انت سألي دكتورتج قبل متستخدميها خاف الها اثار جانبية ع الحمل



دوتج مو؟؟؟؟
ادري هههههععععع

[anosh omar]

هلو انوش شلونج قلبي انا ما اعرفج بس راح اعرفج على نفسي
احم احم
انا بدور من بغداد متزوجة بالانبار من 3 سنوات وحديقة ماكو لا بيبي ولا جنين
هههههععع
واهلا بيج طبعا

حبيبتي اتشرفت بيج

الله يرزقج بالذرية الصالحة ان شاء الله
ويسعدج حب

[anosh omar]

انوش ضربتني بوري بس يالله راح اردلها
حبي انت روحي للدكتورة وشوفي شتكولج وماعندج غير العافية
وسالي الدكتورة على الزنجبيل والنومي حامض هاي وصفة تفورين الزنجبيل وتعصرين نومي وتخبطين لتر بلتر بس ضروري المقادير متشابهة شكد متحطين نومي لازم تحطين زنجبيل وتربين استكان جاي ورة كل وجبة تفتت الحصوة
زوجي استخدمها بس انت سألي دكتورتج قبل متستخدميها خاف الها اثار جانبية ع الحمل



دوتج مو؟؟؟؟
ادري هههههععععع



ااااي مو اني ما احب الزنجبيل ولا اجرعة
اهئ
اريد فد شي طيب ههههههههههه
ان شاء الله اسالها بس بكل الاحوال يمكن اعالجة ورة الولادة
هسة داحاول اكثر من شرب المي


تسلميلي قلبي ع الرد

[مي &]

مرحباااااااااااااااااااااااااااااااااااا

حبايب

[بدور السماء]

حبي اخت غالية انوشة تدللين بس انت حاولي تجرعيه اعتبريه دوة مال كحة
هههههععععععع
عندج العافية قلبلب


ولج هلوووووووووو ميشة ام ريشة
هههههههععععععج ام سحلول تعاي شوفي اللقب الطلعته لميشة ام ريشةخخخخخخخخخخخخخخ
والله حلو هذا اللقب موووووو؟

[مي &]

ههههههههههههه
شلونج حب وينهه الريشه مااشوفهه

[بدور السماء]

موجودة طالعة على راسج
ههههععععععع
ولج برورة شلون صارت؟

[مي &]

اعذريني حبي اتاخرت عليج ابرار كعدت وجانت نحسه شويه
والله بعدهه شنسوي مندري اريد اوديهه غير طبيبيه علواهه تنطيهه ابر لان الادويه مده اتفيدهه

[بدور السماء]

لاحبي عادي انا بقيت افرفر بالنت
حبي عدها العافية اي هي الا ابر يالله ترتاح شوي

[بدور السماء]

ولج ميشة ام ريشة وينج قلب

[شمعه امل]

ولج هلو تراوي ولج عوبة لتخلين ابالج هاي الافكار الشيطانية ان اغلب الظن اثم عوبة
ولج توكلي ع الله وادعي ربج يسهلج حتى ترجعين لزوجك ولبيتك وصدكي هاي كلها افكار نفس ويجوز من ضوجتك عليه كمت تفكرين وتربطين الامور ببعضها من هذا المنطلق
بس امانة لتخليها تأثر عليكم العشرة الها حوبة قلبي

هلا بدور حبيبي شلونك مشكوره حبيبتي تاركته يم الله واحاااول اقنع حالي باني اتوهم بس ترجع الوساوس تكلي زوجك يخونك المشكله انو البنت الي بالفيس شمعنا نزلت اهداءات لحبيبها كلها عنالسفر بيوم سفر زوجي والادهى معلقه تكوله افتقدك شوكت ترجع يارب ترجع با اقرب وقت والضوجني زوجي مسح البوست لو ميهمه لي مسحه اني واجهته كلي انت متحسسه كلش وانتي تعبانه ماريد اضايقك اصبر لبينما ارجع ويارب يصبرني
اعذروني ازعجتكم مالي احد اكيله وماما اخااااااف اكول اله وتكبر الموضوع وما اعتقد اهلي راح يسكتو

[المغتربه المتفائله]

هلووووو بنات

شلونكم

مشششتاقتلكم

ملاك ماخذه كل وقتي
سهر بالليل والنهار ما الحك
على شغل البيت والطبخ

طمنوني عليكم ان شاء الله الكل بخير
سلامي للكل بدون استثناء

[ام مهدي22]

ياحقيره يابدور وينج ياسايبه مشتاقتلج والله واني اروح الأميل واطوط وماكو والله مستاقتلج حياتي انتي

[ام مهدي22]

هلو سوسو حبي اشلونج الله يعينج

[بدور السماء]

لج هلو حبي ملوكة والله انا هم مشتاقتلج كومات انشالله من احط خط انترنت ارجع اتواصل وياكم وانا باقية يم اهلي اسبوع النوب
مهيدي شلونه حبيب خالته والله مشتاقتله دنزليله صورة دنشوفه

[بدور السماء]

اي تراوي حبي ماطول هو ميريد ايزعلج ويضايقج معناها ماعنده شي
وانصحك نصيحة لوجه الله لتدورين وراه ع الفيس لان تتعبين والمشاكل راح تكبر اكثر
وعادي حبي لا ضوجتينا ولا شي مويكولون الصديق وقت الضيق؟

[بدور السماء]

سراوي حبي شلونج قلبي الله يعينج ع التعب
ملوكة شلونها انشالله زينين امانة من يصيرلج مجال نزلي صورها انا مشفتها

[بشارة]

صباحووووو شلونكم... طبعا بعدها النعووووسه بعيني ههههههه
بس جوعانه حكوم اتريك وارجع انام

شكوماكو ... شو دا اقره بالصفحات ماتشجع اكو ناس دتبجي ... توته من اصحصح ارجعلج حتى اعرف احجي زين هههههههه

[بشارة]

شونج بدوره حياتي والله اني هم مشتاقتلج عمري
اني صاير دخولي قليل لان تعبانه و دائما متنحسه
لكن احاول افتح نت من الموبايل اطمن عليكم و اطلع

انتي شلونج شو اخبارك

[شعور الامومة]

http://t0.gstatic.com/images?q=tbn:ANd9GcTU2nKnIYx3M-PT0Cgt4GzYuTAr70-JxoL1gvqWAqVD8FU5Px-r

صباح الشاي المهيل والقيمر والقشطة صباح السرور والامل صباح ازكى من عطر الورد

[شعور الامومة]

شلونكم بنات ميوشة وبدور وام سحلول ومراوي ومراوي 2 وسمر وبسومة وسارة وسرى وام مهدي وزنوبة وشهودة وام جمانة وام قبس وام حمودي وشفق ام يقين وانوش وام فهد وام ياسر وكل البنات

[شعور الامومة]

تارة حياتي شلونج شخبارج اليوم بالي يمج انشاء الله شلتي الافكار الموزينة من بالج وحبيبتي لتكولين ضوجتكم احنة هنا صديقات وكل وحدة تحجي همهة للخ طمنيني عنج

[شعور الامومة]

https://fbcdn-sphotos-f-a.akamaihd.net/hphotos-ak-ash3/c32.0.403.403/p403x403/544258_447707735308817_344677885_n.jpg

[شمعه امل]

صباح الخير بنااااات
كيف الحال
يسلمو مروه ورورو حبيبتي شلونك

[شعور الامومة]

هلو حبي تارة شلونج اليوم انشاء الله احسن

[شمعه امل]

اي تراوي حبي ماطول هو ميريد ايزعلج ويضايقج معناها ماعنده شي
وانصحك نصيحة لوجه الله لتدورين وراه ع الفيس لان تتعبين والمشاكل راح تكبر اكثر
وعادي حبي لا ضوجتينا ولا شي مويكولون الصديق وقت الضيق؟

مشكوره بدور حتى اخويه كلي لظلي دوري ورا لان راح تلاكي اشياء تزعجك اتمنى يكون ماعنده شي البارحه حتى لغه متابعتي للفيس ماله يعني قبل كان ميخليني اعلق هسه حذف متابعتي وتعليقات البنت هاد مو حاذفها البارحه كاتبه اله فديتك قلبك يالحنون وهي الوحيده من البنات تعليقها هالشكلhwaml4 عصباااااااااانه اني حيل لدرجه لو زوجي يمي جان كتلتهhwaml17
فعلا احنا صديقات يمكن نشكي الي بداخلنا الي مبنكدر نحكي لااحد

[شعور الامومة]

وينج تعالي سولفيلي شسويتي البارحة بس لاتعاركتي ويه الرجال خطية والله شنو شكيت من اهداء الاغاني

[شمعه امل]

والله رورو لا جديد نفس البارحه ماشي الحال
انتي شلونك استخدمتي علاجك

[شمعه امل]

اي مو هاي البنت بيوم سفر زوجي منزله ع الفيس مالتها اغاني اهداء لحبيب روحي وكلها عن المسافر

[شعور الامومة]

هسة ايجوز هي معجبه بي لج بابا لتفكرين بس تروحين يمه تمشينه على عجين ميلخبطوش ههههههههههههه

[شعور الامومة]

اني الحمد لله دا أخذ العلاج بس زوجي ممبتعد عني شسويله ميقبل يكول اجيبلج العلاج مرة لخ وكرريه

[شمعه امل]

والله خااايفه لعقلي يظل يوسوسلي وما ارجع تصرفاته تخليني اشك
طيب برايج لي حذف حتى متابعتي للفيس ماله وجربت من غير اكدر بس من فيس قبل حذفني
مكنت اكدر اعلق هسه حتى ما اكدر اشوف صفحته

[شمعه امل]

لا رورو حبيبي نصيحه صار بيه ومراحت الالتهاب لازم تنقطعي هي 3 ايام هههههههههه وكوليله بعده اخذ راحتك

[شعور الامومة]

اعتقد لانو شكيتي بي حتى متصير مشاكل وانتو اغلب مشاكلكم عالفيس حذفج
لتفكرين راح يبقى عقلج يودي ويجيب وبدون نتيجة

[شعور الامومة]

ههههههههه اليوم راح اروح لبيت اهلي وراح تجيني الست دورة وهاي خوش فترة للعلاج

[شعور الامومة]

توتو شكلج يشبه سيرين مو ؟؟؟؟؟؟؟
اتخيلج تشبهين سيرين

[شمعه امل]

ههههههههههههههههههههه بس وقت الدوره لتستخدمي العلاج

[ام مهدي22]

طوط وصباح الخير
وبيببب ومساء الخير
وعنننننن على بنات بلادي
وهلا اشلونجن ياحلوات

[ام مهدي22]

هلو شموعه وهلا بشعور اشلونجن والجن اني الفيس
راح يجلطني من ورئ الرجال شنو اسوي مااعرف
الركاله ملهومش أمان ياختي ههعععع الفيس غضب
نزل علينا

[شعور الامومة]

هلو ام مهدي شلونج مكموعه وين هالغطة عيني متكولين خلي احجي ويه شعور تدخلين بالوقت الني مو موجودة بي

[شعور الامومة]

ولجن احجن عن نفسجن اني رجلي ميحب الفيس يموت منه ههههههههههههه الحمد لله

[ام مهدي22]

هلو شعار اشلونج والله مشتاقتلج اني موناقصه
أنسى ايام الكيمر والصمون الحار

[شعور الامومة]

ها وينج ام سحلول خبصتينه طووووووووووط وعنننننننننننننن وبعدين ددعمتينه ورحتي هههههههههه

[شعور الامومة]

هلا والله نورتي التجمع بتواجدج شلونه سحلول
الكيمر والصمون راح بغيابج تركت الشغل بعد ميصرف

[ام مهدي22]

اني زوجي هم ميحبه بس المشكله هو مالته الفيس قبل
منزوج ولي هسه حتى معجباته ماماسحهن بس ها كل
يوميه اسويله كميل ههععع خطيه ميحجي ويا احد
بس اني اشك مرات تدرون بالنسوان

[ام مهدي22]

ولج حبي ليش ماصرفلج لوين اتجهتي أكيد للجبن

[شعور الامومة]

سولفن هسة اجي بس اروح اتاكد يمكن هاي الحبابة شرفت من نعله على والديهة كرهت شي اسمه دورة

[ام مهدي22]

شنو وين رحتي وما كتيلي شنو سويتي ويا الحمل
اكولج اختي جانت متحمل وكان حليب ابصدرها
ونطوها حبوب اجفف الحليب وبعدين الحمدلله حملت وجابت
بنوته وعلى الاربعين هم حملت وجابت ولد
انتي اخاف اكو حليب ابصدرج

[ام مهدي22]

ههعععععععععععععععه ولا يهمج اغيرلج اسمها

[الكاردينيا]

هلوووو ياحلووووات شلووونكم شخباااركم يااارب الكل بألف خير

ام حمودي الف مبروووك والحمد لله على سلامتج ويااارب تفرحون بي وتشوفي احلى شاب بالدنيا

رقاوي شلونج اخبارج ان شاء الله نفسيتج صارت احسن وارتاحيتي ويارب يخلص علاجج بالخير وتفرحين بس ترة وكت المهجومة ميصير تاخذين علاج التهابات كولليلة انطيني استراحة ههههههه لعد من تحملين شيسوي حرمان عام مثل اللي عدنا يمكن ينتحر هههههه يااارب يفرحكم ويبعد عنكم عيون الناس

تارة اختي وحياتي شلونج مشتاقتلج شلون صرتي ياارب احسن وبالنسبة لزوجج حقج تغارين اني قبل يومين مريت بنفس الموقف ويمكن اكبر وحسيت راح يصير بية شي وسكتت الخاطر اللي بطني حبي مبقة شي ونشوفهم نجوم الضهر ههه اهتمي بروحج وصحتج وصدكيني اللي الله كاتبة يصبر ويارب يبعد عنهم بنات الحرام اللي يستغلون الفرص والظروف

فروحة شلونج اخبارج حب وعروستنا شلونها بدت تضرب جلاليق لو كاعدة عاقلة ههههه

مراوي شلونج بشريني مدخلتي بشهرج يااارب يسهلج وتولدين بالف سللااامة يااارب

وسلامي للكل ام مهدي وام ابرار وام ملاك وام دانة وام جمانة اللي مختفية وبدور وكل اللي موجودين واللي غايبين

لاتنسوين بدعائكم الله يتمم اللي بخير واشوف ابني بحضني القلق موتني

[ام مهدي22]

بنات لحد تكتب شعور راحت تقضي حاجه ههععععع
ولج هو منو اهنا غيري خخخخخعععععع ام بوله

[شعور الامومة]

اجيت ولج ام مهدي ماكو شي بس شكلهة جايتني جايتني ظهري ديموتني هههههههههههههه قضيت الحاجة
حبيبتي جيكت ماعندي شي بس حجم البيضة وهرمون برولاكتين بعد الدورة اجيكهة

[ام مهدي22]

هلو كاردينا حب اشلونج

[شمعه امل]

هلا ام مهدي شلونك وسحلول شلونه
ايييييييي والله غضب الفيس والنت والموب
والشك حيموتنيي هههههههه

[شعور الامومة]

سمر شلونج شخبارج مشتاقيلج يارب يتمملكم على خير وجيبون من يشكم هالزلم ويدوخهم بس صيرن شاطرات وخليهم يتحملون دوخة الجهال وياكم مو بس انتم تدوخون وهم يفرفرون بالفيس ويلعبون بذيلهم هههههههههههه اكيد ماعندهم شي خطية بس ديقضون وقت ودردشة مواكثر بس يمه منه احنة النسوان منكعد راحطة الا نشك بيهم خطية

[شعور الامومة]

تارة وام مهدي وسمر مو بس انتو تغارون لا شوفو اني شسويت بالمسكين مرة خطية جان ديتفرج على اغنية وبيهة بنات يركصن كتلة منو احسن وحدة تركص بيهن ........ جان يكولي هاي احسن وحدة على فد وحدة من يمهن كتله بعد متشوف اغاني وطفيت التلفزيون معناهة انت متسمع الاغنية انت دتباوع على اليركصن وهو يضحك عليه

[ام مهدي22]

ام حمودي جابت ولكم ومحد كالي اليوم اكلب الجو
اطلعي ام بوله

[شمعه امل]

هلوووووووووووو سمر منوره حبيبي ربي يتمم عليك بالسلامه انتي والبيبي والله اني مصبرني حملي من غير شي بالصلوات اعدي شهر نتحمل لعيوون الي بطنه وعكولتك بعدين نوريهم

[شعور الامومة]

شوفوالسحك راحطة .....يعني راحة ههههههههههههههه

[شعور الامومة]

ام مهدي ام حمودي جابت انتي غير قديمة المرة راح تعدي الاربعين وانتي بعدج متدرين بيهة جابت لولا

[شمعه امل]

اي والله الله يعمي ازواجنا ميشوفون غيرنا
ويبعد عنهم هالبنات لا حول ولا قوة الا بالله معصبه حتى صار يومين ما اكل
ولما يتصل كوه احكي معا واتصنع الهدوء

[شعور الامومة]

توتو حبي على كولة الخليج الله هداج لاتكبريهة وهي زغيرة لاتعصبين وخليج هادئة واهتمي باكلج لخاطر البيبي

[شعور الامومة]

وين راحن سمر وام مهدي وتارة

[ام مهدي22]

الف الحمدلله علئ سلامتج ام حمودي حبي

[شمعه امل]

تارة وام مهدي وسمر مو بس انتو تغارون لا شوفو اني شسويت بالمسكين مرة خطية جان ديتفرج على اغنية وبيهة بنات يركصن كتلة منو احسن وحدة تركص بيهن ........ جان يكولي هاي احسن وحدة على فد وحدة من يمهن كتله بعد متشوف اغاني وطفيت التلفزيون معناهة انت متسمع الاغنية انت دتباوع على اليركصن وهو يضحك عليه
هههههههههههههههههههه والله رورو صدك همه يتفرجون ع البنات

[شمعه امل]

اني مره كنت اتفرج مسلسل نور
سالني مهند حلو ؟ كتله لا
كلي طيب ليش تتفرجين المسلسل كتله حلو
حذف القناه اصلا

[شعور الامومة]

راح اروح شوية وراجعتلكم عندي شغل بس اكمل ارجع

[شعور الامومة]

اني مره كنت اتفرج مسلسل نور
سالني مهند حلو ؟ كتله لا
كلي طيب ليش تتفرجين المسلسل كتله حلو
حذف القناه اصلا

ياواد ياجامد hwaml4hwaml4هسة شنو رايج بمهند بعده حلو hwaml13 لوتحتاجين hwaml17 حتى تغيرين رايج hwaml93

[*** أم فهد ***]

هلوووووووووووو شلونكم مشتاقتلكم كلش
اعذروني اني ما اكدر ادخل كل يوم لان عندي دوام وامتحانات والحمل صايرة هوسة عليه كلش هههههههههههه
شكو ماكو منو صارت حامل واني ماادري منو جابت واني ماادري
الله يسهل ع الجميع ان شاء الله

[نور الرافدين]

مساء الخير على الجميع .... شلونكم شلع........... سوري شعور رحت اسوكت واجيت ....والله مليت من الغده والعشه والريوك حتى ساعه وحده الظهر وما اشتهي اتريك والله

[شعور الامومة]

هلو ام فهد كلشي ماكو الحدايق اني وبدور وبعدنه ........
هلو نور الله يساعدج عيوني ليش متشتهين تاكلين ميصير هي اهم شي الريوك ومنورة التجمع بوجودج

[شمعه امل]

ياهلا ام فهد ونور الرافدين نورتو

لالا رورو اي حلو ههههههههههههه بس مرات احب اثير غيرته مثل ميصير فيه
اريد يحس هالشعووور كم مؤلم ويعصب

[شمعه امل]

بنات سلام للكل ساره وشهد ومروة وام ليث ومي وام جومانه وسمر وسرى ومنى وفوفو وفرح وام قبس وام حمودي وام مهدي وووالكل لكون نسيت وحده

[شعور الامومة]

والله شكولج تارة يعني هو الشعور المؤلم اذا يجيج فد راشدي عدل ومستقيم على وجهج هههههههه

[شعور الامومة]

ام فهد ونور وين رحتو خير بس مديتو راسكم وطلعتو

[نور الرافدين]

هههههههههههههههههه موجوده والله ... التجمع منور بوجودكم حبيباتي مااشتهي اتريك قلقه مو تدرين اليوم موعد الخاتون ... وجماله باجر عيد ميلادي راح ابجي من الضوجه هههههههههههه

[نور الرافدين]

http://www.hwaml.com/up/uploads/1362652015781.jpg (http://www.hwaml.com/up/)

شوكت تجيني هاي الكيكه

[شعور الامومة]

كل عام وانتي بخير مقدما ويارب مو بس تجيج الكيكة انشاء الله تصيرين مثل الكيكة منفوخة هههههههههههه وعندج بطن وبيهة احلى نونو كولي يالله

[شعور الامومة]

وحزب الحدايق الماكون من بدور ورقية زادو واحد يارب ارزقنا الحمل يارب

[نور الرافدين]

ياالله
ان شاء للجميع يارب

وانتي بالف الف خير يا غالية

[شعور الامومة]

واني بدت اعراض الخاتون بالظهور بشكا متميز ومنفرد بحبوب في الوجه والم الظهر والباقي اعظم اه ياربي

[شعور الامومة]

نور انتي من اربيل مو؟

[شعور الامومة]

http://t0.gstatic.com/images?q=tbn:ANd9GcRMIuMvKEyPh0E_0p4E00Jjjx3WmGVe6 aI5znNAQAYyYVjrMYfM

وهاي الكيكة بمناسبة عيد ميلادج وكل عام وانتي بالف خير ويارب تحقيق امانيج وانشاء الله 100 سنة بصحة وعافية

[بسومة الطائي]

هلو حبيباتي علة تارة ورقية اشلونكم اني ضااااااااااااااااايجة اليوم وطافرة روحي hwaml15hwaml15hwaml15hwaml15hwaml15hwaml15

[شعور الامومة]

http://t0.gstatic.com/images?q=tbn:ANd9GcSo5Wc1mfCkwCdVYJvQiAtGdCoYEoNvq OZO-n7pbZoMOCrFZFJlkA

وهاي الهدية مو نجيب الكيكة ونبقيج بلا هدية هاي احلى هدايا لعيونج

[نور الرافدين]

ربي يخليج يا احلى رقية وانتي بالف خير وصحه وعافية ونون يملي حياتيج يارب يارب يارب

اني بغدادية بس ابويه كردي وهسه رجعنا لاربيل علمود رزق زوجي لان الشغل تعبان ببغداد والله

[شعور الامومة]

ياستار ياربي شلونج بسومة ليش شبيج ضايجة ؟؟؟؟؟ وروحج طافرة

[شعور الامومة]

كلا الهلا بيج عيوني نور نتشرف بيج وماكو فرق بين كردي وعربي تارة الي هي شمعة امل كردية على الراس

[نور الرافدين]

يسلم راسج وتشرفت بيكم حبيباتي

[بسومة الطائي]

من البيت وخالتي والدنيا كلها روقية ضااااااااااااااايجة

[شعور الامومة]

بسومة شنو طفرت روحج وطفرتي وياهة طمنينه عنج شكو

[شعور الامومة]

على كيفج بسومة كولي يالله واحجي شنو الموضوع شبيهة خالتج

[بسومة الطائي]

ههههههههه والله ضحكتيني ومالي واهس ولج تعبت من الشغل ظهري اموتني وماكو فايدة من الحجي ورجلي فقير كلشي ميسوي

[بسومة الطائي]

لج مدتكعد راحة واني بالسابع يعني اتعب من اي حركة وهي خالة كلشي براسي

[شعور الامومة]

يعني شتشتغلين بالبيت وشيحجون واذا تشتغلين ليش ديحجون

[نور الرافدين]

الله يساعدج بسومه اني ماره بهاي الحالة طولي بالج عمري

[نور الرافدين]

الله يساعدج بالسابع والله خطيه الله يكون بعونج يارب

[نور الرافدين]

لاحبيبي عادي ... كلا الهلا بيج... الله واكبر ر..ماتخاف على الي بطنج شنو هاي رحمتك يارب

[شعور الامومة]

اول شي اتعاملي بهدوء ومو لانو زوجج فقير ميسوي شي اي واحد مينطي باهلة اني بعدني ماحاجية ويكوم شلون تحجين على اهلي واني مااسمحلج ومن هالحجي مومن صالحج تدخلين زوجج
تعاملي بالهداوة وحسسيهة انتي دتعبين ..... زين ماكو احد يساعدج ليش الشغل عليج

[شعور الامومة]

زين هي جبيرة بالعمر يعني متكدر تساعدج

[شعور الامومة]

ههههههههههه ضحكتيني تخافين منها شوفي اذا بيهة حيل وموجبيرة بالعمر كوليلهة مدااكدر اشكيلها بطريقة متسويهة عصبية والبيت مولازم يومية يتنظف اذا متساعدج قسمي الشغل يومية شوية ميصير كل هذا الشغل وانتي حامل الله يهديهة الج حبيبتي والله يعينج حبيبتي ويارب يتمملج حملج على خير اني راح اروح يوم الاحد انشاء الله اشوف اخباركم انشاء الله ماكو الا الخير بس انتي سوي مثل ماكتلج قسمي شغلج
باي بنات

[بسومة الطائي]

باااااي قلبي ان شاء الله خير

[نور الرافدين]

الله وياج رقية الوردة نشوفج بخير يارب

حبيبي بسومه قسمي شغلج واشكي لزوج بس بصورة ماتثير المشاكل وبكل هدوء

ربي يهديها عليج يارب

[نور الرافدين]

بسومه حبيبي اني اترخص لاتخلين بالنا حاولي تتفاهمين بطريقة ماتثير المشاكل وربي يهديكم يارب



مع السلامه

[&ام همام&]

مساء الخير
شلونكم بنات
نسيتوني مو اكيد محد تسال علية

[anosh omar]

هلووو بنات ششلونكم اليوم


بسومة الطائي
احنة حوامل نفس الوكت تقريبا ممكن اتعرف عليج ونستفاد من بعض؟؟؟؟

[بسومة الطائي]

هلا حبي منورة يدللو اني اسمي بسمة صارلي سنة متزوجة وهسة حامل بالسابع اني من بغداد ومعلمة رياضيات بس ممتعينة بعدني مواليد 87

[ام مهدي22]

هلو. حبايبي منو اهنا ترفع شعرها وتلبس الحجاب ههعععع

[ام مهدي22]

هلا بسومه اشلونج حب

[ام مهدي22]

كل الهلا بيك ومرحبا
البيت زاد نوره بيك وياغلا
حبي نور ماكو فرق هذا البيت بيت كل الأطياف العراقيه
انشاالله ماكو احد راح يتحسس من احد
والله يبعد الحاقدين وميعملونا مشكله امين

[ام مهدي22]

بنات شو ماكو ليش ياترى؟؟؟؟؟؟؟؟؟؟؟؟،،،،،
!!!!!؟!؟!؟؟!؟؟؟؟؟؟؟؟؟،؟!؟!؟!؟،!؟؟؟،؟؟،،

[&ام همام&]

صباح الخير
شلونج ام مهدي

[ام مهدي22]

وراح ارجع اعرف عن نفسي
1- اني ملاك من بابل
2- اسكن السويد
3- ماعندي غير زعطوط واحد ويبلغ من العمر 4ونص أسهر طبعا ولد واسمه مهودي
4-نسيت عمري23 سنه
5- شكرًا على حسن المتابعة والى إلقاء

[ام مهدي22]

هلو سراوي كل الهلا بيج اشلونج حب

[ام مهدي22]

سراوي اعطيني كل ما تعرفين عن نفسج علئ السريع
ههععع

[&ام همام&]

هلا وغلا اني اعرفج
وين رايحة

[ام مهدي22]

النونو اشلونه وشنو جنسه وشراح اتسمو

[ام مهدي22]

لا مارايحه بس احب كل شي حار لان اعرفجن اشويه
وتشلعا ههعع

[ام مهدي22]

اكو واحد ميعرفني اذا صوتي واصل للبيت المغربي ههعع

[&ام همام&]

احم احم
اني من المحمودية مزوجة صار سنة و4شهر ونص هذا طفلي 2الاول مات بطني ب3شهر وشهادتي بكالوريوس علوم كيمياء
وصار شهرمن داخلة 24سنة

[ام مهدي22]

همزين يعني اني اصغر منج الحمد لله طمنتيني
العمر كله بدون مااعرفج عن نفسي انتي اتعرفيني
يارب يتمملج على خير امين

[&ام همام&]

اكو واحد ميعرفني اذا صوتي واصل للبيت المغربي ههعع

والنعم منج بس اني انضميت للمجمع بشهر 1وتقريبا جنتي هستوج والدة وطهرتي مهودي واني باركتلج بوكتها اذا تذكريني

[ام مهدي22]

اني اتخرجت من التجاره قسم محاسبه وسافرت

[ام مهدي22]

تعرفين من جبت زاد عندي النسيان
ياحبيبتي والله جنت ملتهيه ويمكن مارديت عليج
عذريني حبي

[&ام همام&]

شلونها السويد يكولون حلوة اني عمي وعائلتة عايشين هناك وميقبلون يرجعون انتي كاعدة بالعاصمة

[ام مهدي22]

اي هما وين اباي منطقه اني بستوكهولم

[&ام همام&]

لا حبي ليش تعتذرين عادي قصدي انو اعرفج انطتج دليل ههههههههه

[ام مهدي22]

حلوه بس للي عنده عائله وأهله اهنانه بس المشكله اني
الحالي وزوجي هم الحاله

[ام مهدي22]

حبي خلي اروح اتريك ورجعلج انشاالله موجوده

[&ام همام&]

حقج الغربة صعبة متراد
لاموبستولكهوم نسيت اسم المدينة
هو زوجج غريب لو اقاربج

[&ام همام&]

حبي خلي اروح اتريك ورجعلج انشاالله موجوده


على راحتج صحة وعافية مقدما

[&ام همام&]

عزيزتي ام مهدي الدردشة وياج حلوة بس لازم اروح بيت عيالي اليوم جمعة لازم نشوف شكو ماكو اترخص منج
جمعة مباركة ع الجميع

[&ام همام&]

هلو منو كاعدة هسةhwaml7

[anosh omar]

هلا حبي منورة يدللو اني اسمي بسمة صارلي سنة متزوجة وهسة حامل بالسابع اني من بغداد ومعلمة رياضيات بس ممتعينة بعدني مواليد 87



عاشت الاسامي حبي
الله يسهلج حملج وتجيبين بالسلامة
اني صارلي سنة ونص متزوجة وحامل بالسابع
بعدني طالبه مرحلة رابعه
مواليد 90

[anosh omar]

منو هناااا؟؟
ضايجة كلش
اريد اسولف واطلع الي بقلبي!!

[بسومة الطائي]

جمعة مباركة للجميع
هلو ام مهدي الج وحشة شخبارج ومهودي حبيب خالة اشلونة ياربي اتكونين بأل5ف خير
سرواي مشتاقون اشلونج قلبي

هلو انوش شلونج قلبي

[نور الرافدين]

جمعة مباركة على جميع


شلونكم بنات


شلونج بسومه
بشري شلون نفسيتج وشخبارج

[&ام همام&]

هلو بسمة شلونج
شخبارج النونو شلونة

[نور الرافدين]

هلو سرى شلونج اني صديقتكم الجديدة نور

[&ام همام&]

اهلا وسهلا بيج
نورتي التجمع
شوكت انضميتي للمنتدى

[نور الرافدين]

وبيج اكثر عمري

صار اكثر من سنة
بس ماجنت ادخل لهذا التجمع


منوووورين

[انسانة]

هلو بنات اشلونكم مشتاقتلكم بس نفسيتي تعبانة كلللللللش صار عندي اسقاط اسم الله عليكم وهسة منهارة نفسيتي ومداابطل من البجي

[White angel]

هلووو بنات
جمعه مباركه يارب
شلونكم حبايبي أخباركم
اخباري والله ملتهيه وي كوكه صار أسبوعين افلاونزه وصوتها مطبك
مشتاقة للمه والله
خل أصير حامل مره لخ وارجعلكم خخخخخخ يبووووووووو
مستحيل خل تكبر كوكه هسه وعود افكر
صدك بنات أني لحد هسه منزلت الدوره عندي ومع هذا أخاف أخلي زوجي ينام بدون مايشوف لي حل
بس يا ترى ممكن أصير حامل بدون دوره

[شهدعمري]

هلوووووو بنات شلونكم انشاء الله بخير على بالي بس انا ما كاعد افوت طلعتو اغلبكم هاي احنا من ايصير عدنا اطفال ما نلحك على شيء
سلامتج حبيبتي انسانه الف سلامه الله يعوضج انشاء الله خير لا تضايقين روحج قل لن يصيبنا الا ما كتبه الله لنا
زنووووبه حبي شلونج شخبارج شلونها كوكه حبي انا بعد نفسج الدوره سة اشهر ما تجي ومن سالت الدكتوره قالت اياحتمال ايصير حمل والله اعلم الاحتياط واجب

باقي البنات شلونكم طمنونا منو ولدت منو حملت بشاره حبيبتي بقيتي انتي هالشهر ولادتج انشاء الله

[شهدعمري]

وينجن يمعووودات شو الكل مختفي

[شهدعمري]

راح احط صورة دانه بس ربع ساعه ههههههههههههههههههههههه انتن وحضجن اذا شفتنهاhwaml7

[قمر بغداد]

سووووووووووو دررررررررب لأم جمانة خلوهاااااااااا تلعب جولةاها اها اها اها اها اها اها ههههههههههههههههههههههههههههههه
اني اجيت بعد غيااااااااااااب طويل شلونجن حبيباتي وشخبار الحلوووووووووااااااااااات
اريد وحدة حبابة تنطيني اخباااااااركل البنوتااااااااااات

[قمر بغداد]

مشتاااااااااااااا قتلكم موووووووووووووووووووت

[قمر بغداد]

http://www11.0zz0.com/2013/03/08/21/888275347.jpg (http://www.0zz0.com)



شووووووووو فووووووووووووو بنوتي

[شهدعمري]

هلا والله بام جمااااااااااااااااااانه نورتي ونورت جمانه فدوووووة لربها حبيبتي كبرت واتغيرت وحلوووت الله ايخليها الج يارب
ولله الاخبار ما اعرف كل الاخبار بس انا ولدت جبت دانه وساره المغتربه المتفائله جابت بنت انا وهي بنفس الشهر فرق 20 يوم وام حمودي ولدت وجابت حمودي من اسبوع تقريبا الحمد لله على سلامتهاا اما الباقي ما ادري لان دانه مو عاطيتني فرصه افوت hwaml9

[قمر بغداد]

اي واللة صرتي ام دانةكبرتي هههههههههههه صرتي اماية مبروووووووووووووووووووووووك حبيتتربة بعزكم ودلالكم
مغتربة اييييييييييييييييييييييييييييييييييييي فضيتيها يمعودة كولش طولتي سوسو حبي مبرووووووووووووووك
ام حمودي شلونة ابنج زنكلوني هههههه مبروووووووووووووووووووووووووووك ام حموصي

[قمر بغداد]

http://www11.0zz0.com/2013/03/08/21/755807493.jpg (http://www.0zz0.com)


جماااااااااانة تحجبت شوفوها صايرة وكيحة نااااااار وشراااااااااااااااااار يوم الالج شهودة وبنتج تتوكح

[شهدعمري]

هههههههههههههههههههههههههههههههههه لج عيني انا امايه من قبل عندي اثنين وهسه صارو 3 ما شاء الله ولدت بشهر الواحد اليوم صار عمرها شهرين

[شهدعمري]

يمممممممممممممممممممممه فدوة للمتحجبات بس الصورة طالعه نصهااااااااااااا

[قمر بغداد]

صغري الزوم مال شاشة مالنج من السبانة الفوك خخخ وهسة تطلع كاملة
طلعتي قديمةانتي ومن زمتن شكد اني مطفية

[قمر بغداد]

زمتن منو ههههههههههه قصدي من زمان داكتب وضوة مطفي لان جوجة نامت كاعدة بالظلمة مثل البووووووو؟؟؟؟؟؟؟؟؟؟؟؟؟؟؟؟ خخخخخخخخخخ

[قمر بغداد]

بناااااااااااااااااااااات حزبي وينجن حدايق نايمات حبيباتي نوم العافية والهنى
امهات الفايبر امهات الاسرار وينكم شو مختفيات

[شهدعمري]

يممممممممممممممممه فدوووواتها ربي الله يخليها الج يارب اي من زمان هههههههههههههههه انتي مطفيه جمانه نستج كلشي

[شهدعمري]

مممممممممممممممممم بيها فايبر واخبار ؟؟؟

[شهدعمري]

هههههههههههههههههههههههههههه اقصد واسرار

[شهدعمري]

اكوووم انام احسنلي لان دانه نامت كيبل لا يبلش السهر الطووووووووووووووووووويل يالله حبي اشوفج بخير بوساتي لجمانه

[قمر بغداد]

رقية
سمرمر
تارة
فرح
سارة
انجل
زينب
زينة
شمس
ام ايهم
انفال رفيقة دربي
ام ابرار
كردينيا2
ام قبس
ام مهدي ام سحلول
بسومة
بدور
بشارة
نور
مروة
رويدة
ام بساسة
فوفو ام الياس
توتاية
عذروني اذا نسيت بنوتة منكم تحياتي للكل ومشتاااااااااااقة مووووووووت

[بشارة]

صباحوووو ... منو كاعد هسه ؟؟...ههههههه بالخمسه ونص وخمسه

مدا انام صايره بحصرة النومه

شونكم عيوني

قموره شهوده منوريييييين حبيبااتي شخباركم ان شاء تكونون بخير

[بشارة]

هلوووووو بنات شلونكم انشاء الله بخير على بالي بس انا ما كاعد افوت طلعتو اغلبكم هاي احنا من ايصير عدنا اطفال ما نلحك على شيء
سلامتج حبيبتي انسانه الف سلامه الله يعوضج انشاء الله خير لا تضايقين روحج قل لن يصيبنا الا ما كتبه الله لنا
زنووووبه حبي شلونج شخبارج شلونها كوكه حبي انا بعد نفسج الدوره سة اشهر ما تجي ومن سالت الدكتوره قالت اياحتمال ايصير حمل والله اعلم الاحتياط واجب

باقي البنات شلونكم طمنونا منو ولدت منو حملت بشاره حبيبتي بقيتي انتي هالشهر ولادتج انشاء الله

ام دندون الورده شونج عمري
مشتاقيييييين لسوالفلج الحلوه حياتي شونج
اابنات شلونهن يارب تكونون بالف خير

[بشارة]

منو هناااا؟؟
ضايجة كلش
اريد اسولف واطلع الي بقلبي!!


هلو حبي كيفيك
اني اسولف وياج بس غيري الصوره الشخصيه مالتج ههههههههههه
مرعب هذا الرسم

[بشارة]

بنات شو ماكو ليش ياترى؟؟؟؟؟؟؟؟؟؟؟؟،،،،،
!!!!!؟!؟!؟؟!؟؟؟؟؟؟؟؟؟،؟!؟!؟!؟،!؟؟؟،؟؟،،

هلا هلا هلا
هاي منو هنا
شونج حبي شخبارج
.. حلو خوش بدايه ليوم جديد ان شاء الله كل الحبايب كاعدين
شونكم شخباركم مهودي شلونه حياتي

الكيمر وييييييييييين هههههههه ميته جوع هسه اني بس ماكدر اكوم اكل خاف زوجي يفز خطيه بعد وكت بس اني حخرب من الجوع

[بشارة]

سراوي .. رقاوي .. تاره ..سرى1..ميوشه ..ام قبس ..كاردينيا ..ام كوكه..ام حمودي ..بسومه..مناوي..فروحه ..والبنات الجديدات عذروني بعدني محافظه الاسماء
صباحكم عسل و كيمر و كاهي
وستكان شاي على حسابي
هههههههههه

[بشارة]

اليوم عندي موعد ويه الطبيب ان شاء الله
يفحص الحوض .. ماعرف شنو طبيعة هذا الفحص ههههههه راح يشوف الدبل قماره مالتي لو شنووو ههههههههه
يارب بلكت يطلع توسع بعنق الرحم ويكلي انتي منا لاسبوع اتجيبين
الللللللللللله اللللللللللله
ياااااااارب
ادعولي بنااات رحمه لوالديكم

[نور الرافدين]

صباح العافيه عليكم جميعآ

منوره بشاره

ويارب الله يسهلج يارب

[أم أيهومي]

هلو بنات اشلوووووووووونكم كلكم

مشتاقتلكم موتات هوايات كولشات
منو جابت ومنو حااامل ؟؟بشرووني

شهووده فدوة لدانه حبيبة خالتوو نايمه نومة العصافير
ربي يحفظها ويخليها الكم يارب

ويرزقك بأخ الها ان شاء الله

سراوي شلونها ملوكه؟؟وانتي شلونج
فروحه شلونه الحمل
هباوي جمانه ماشاء الله كبرانه حبيبتي ابني راح يتخبل ميعرف منو يختار من بناتكم خطيه يوميه يبصبص على وحده

ههههههههههههه
مياوي شلونها بروره وشخبار كماشه

البقيه شلونكم يارب الكل ابخير,,

[نور الرافدين]

صباح العافيه منوره ام ايهومي

[وردة الصباح]

السلام عليكم
بنات اني اتزوجت من 5 اشهر وصار عندي حمل واجهضت وهذا الشهر راجعت الطبيه وقالت حجم البويضه 22 وعطتني ابره وتفائلت انو يكون حمل مع انو من عطتني الابره عندي الم استمر 3 ايام في بطني ورخف ورجع وماكو اي سؤائل من يوم التبويض وهي اول مره تصير معي ممكن يكون حمل خصوصا داحس باعراض الدوره بالالم بس لسه بعد 8 ايام موعده ساعدوني بليز

[شمعه امل]

اليوم عندي موعد ويه الطبيب ان شاء الله
يفحص الحوض .. ماعرف شنو طبيعة هذا الفحص ههههههه راح يشوف الدبل قماره مالتي لو شنووو ههههههههه
يارب بلكت يطلع توسع بعنق الرحم ويكلي انتي منا لاسبوع اتجيبين
الللللللللللله اللللللللللله
ياااااااارب
ادعولي بنااات رحمه لوالديكم
هلو مروة حبيبتي hwaml7ان شاء الله خير هو فحص الحوض يشوفه اول بفحص الايد من البطن ويشوف قياس الحوض بالسونار يحددون كيف تكون الولاده طبيعي او قيصري
الله يسهل عليك ياقلبي ويجعل السهل الك وتفرحي بشوفت نوره
اني صار كم يوم عندي الم بمكان العمليه وبس ابكي الالم مخووفني موت hwaml9

سلام لكل البناااااااااات سمر ومي وروقية وساره وفوفو وام مهدي وام جومانه وام ايهومي وام ليث ومنى وسرى شهد وفرح وام قبس وايت انجل ليلي روز وبسومه وبدور ونور الرافدين والكل الجدد اعتذر مقريت الصفحات كتير تعبانه

[بشارة]

هلو بنات هسه رجعت من الطبيب
ضغطي صاعد 14على 9
وعندي زلال صليب واحد

كال منا لعشرة ايام لازم اعيد التحليل و اشوف الضغط
اذا بقه نفس الشي لازم اسوي عمليه و اطلع ننوشتي

اني هسه كلش خايفه
و دخت من كلامه راسي انسطر

[شمعه امل]

مروووه حبيتي الضغط هذا عادي اخر شي يرتفع
اني كننت باخر شهرين بس امشي شوي لدكتورة تقيس ضغطي يرتفع
بجيكه بالبيت طبيعي جيكي بالبيت اذا عندك جهاز ضغط اتركي الملح بالاكل وحطي ليمون حامض
بالسلطه ينزل الضغط
والزلال هم عادي اتركي البيض والبقوليات قلليهم
و اذا ع العمليه صدكي لتخاااااااااافي هي ابر ومتلحك يفوت بجسمك وانتي تنامي
تصحي بعد ساعه ننوشه بصفك

[بشارة]

هلو توته اسم الله عليج من الالم حياتي اكيد ديتمدد جدار البطن لذلك تاذيج بطنج
الله ينطيج الصحه والعافيه

حياتي انتي هو دخول العمليه سهل
بس اعراض مابعد العمليه هيه هنا الاذيه
واني بله شي جبانه ..الله الله

يارب سهل عليه اني مو حمل اذيه يارب سهل يارب

[بشارة]

صباح العافيه عليكم جميعآ

منوره بشاره

ويارب الله يسهلج يارب

تسلمين عمري بارك الله بيج ياورده
الله يسهل عالجميع

[شمعه امل]

مروه قلبي تسلمي الله يعطينا جميعا الصحه والقوه
صح اني ما اكذب واكول سهل العملية بس طبيعي او عمليه اكيد تالم
لعد ليش الله سبحانه خله الجنه تحت اقدام الامهات متجي بالساهل
هو الالم كم يوم بس متحسي بي راحح يعطوك مسكنات وابر مسكن وتلتهي بالنونو
والخطار متحسي بالوقت والطبيعي ما اعرف حتى احكيلك عنه الله اعلم
بس دعواتي انو الله يسهل عليك ووع كل حامل ويشيل الخوف منه
وربي يرزق كل المنتظرات قريبا يارب

[بشارة]

روحي يا تاره الله يعطيكي على كد نيتك الطيبه .. تسلميلي على دعواتك الحلوه يا اختي الغاليه
الله لايحرمني منك

حتوكل على رب العالمين و قل لن يصيبنا الا ما كتب الله لنا

هاهيه شلون ماتصير خلي اتصير المهم السلامه و تمام الخلقه

الله يفرحنه ويقر عيونه بشوفة ننوشاتنه

اللهم امين يارب العالمين

[&ام همام&]

هلو بنات شلونكم
مشتاقتلكم ولو ادري محد ذكرني بس اني مشتاقتلكم
صار فترة مبتعدة لان تعبانة وما مستقرة نفسيا
صايرة ما اكدر اكعد احس يضرب بالكاع مع انو كاعد على مقعدة
ما ادري عادي لو لا شوكت ادخل بالتاسع حتى اطمئن hwaml15

[&ام همام&]

هلو بشورة شلونج الله يسهلج بجاه الحسين وتكومين انتي والنونوبالسلامة وتفرحون بشوفتة

تارة شلونج صوفي شلونة النونو انشا الله بخير

سلامتج انسانة متشوفين شر والله يعوضج بس اهم شي تسوين تحاليل الاجهاض حتى تعرفين السبب

فروحة شلونج صديقتي بالحمل دخلتي بالسادس لو لا

بقية البنات شلونكم انشا الله تكونون باحسن حال

[شمعه امل]

تارة شلونج صوفي شلونة النونو انشا الله بخير



هلالا سرى تسلمين ياقلبي دائما اذكر اسمك وي اسماء البنات اظاهر انتي مو قاريه البيجات الفاتت لتخافي اذا ع النفسيه كلنااااااااااااا قلق واني صايره ازعل بسرعه واعصب وابكي
الله يتمم عليك وتكملي ال9 وتولدي بالسلامه ويمم علينا جميعا ويرزق كل البنات امين

[&ام همام&]

هلو تارة
موجودة لو رحتيhwaml7

[شمعه امل]

هلا سرى موجوده
حبيبي

[قمر بغداد]

هلوووووووووووو بنااااااااااات شلونكم
اوي بناااات شهر الثامن بالذات مينجرع وشطووووووووولة ميخلص وتضلين تفكرين وتخافين واحلام وكوابيس وهوسة وتحضبرات ومراجعات للطبيب والسونار وفحص ولعبان نفس اللة يعينكم وربي يسهل عليكم كلكم ويسر اموركم ويعطيكم الصحة واهم شي السلامة والخلقة التامة
بس اهم شي الحالة النفسية ديرو بالكم على نفسكم الحمل متعب حيييييييييل

[""ام حمودي""]

هلو بنات شلونكم وحدة وحدة انشالله بخير مشتاقتلكم موووووت
حمودي ممخليني اشوف دربي ماخذ كل وقتي يااارب كل اموركم تمام بدون ذكر اسماء
هذا الرابط مال قصة ولادتي روحو اقروه ولو مطولتها بس حبيت اكتب بالتفصيل هههههه
ارجو ان تستمتعوا بقرائتها هههههههه
http://forum.hwaml.com/t242918.html

[شعور الامومة]

صباح الخير عليكم يابنات شخباركم شكو ماكو مشتاقتلكم
لمياء حمد لله على سلامتج ولتزعلين الله يعوضج انشاء الله بس اهم شي بعد متستقر حالتج النفسية سوي فحوصات مال الاسقاطات وراجعي دكتورة حتى تعرفين سبب الاسقاط ولتضوجين اكيد الله كاتبلج الافضل
بسومة حبيبتي شخبارج شلون صرتي يارب بخير وشسويتي
تارة حبيبتي شلونج قريت بالصفحات انتي تعبانة خير خوما اكو شي
مراوي عيوني الله يسهلج ولادتج ويجعلها ساعة سهلة عليج يارب
ام حمودي الف حمد لله على سلامتج والتعب يسوه جاب حمودي الله يحفظه الكم ويتربى بعزكم ...... يوم المراوي وكل البنات انشاء الله
سرى حبيبتي شلونج شخبارج
شهودة شلونج دندونه شلونهة مشفتهة
ام جمانه فدوة لقلبهو جمانه بوسيلياه من خدودهة
زنوبة شخبارج انتي وكوثر الحليوة ام دم العسل بوسااااتي اله
ميوش ام مهدي ام فهد ام ياسر نور ليلي روز انوشة عمر وكل البنات سلامي الكم

[شعور الامومة]

http://t1.gstatic.com/images?q=tbn:ANd9GcQyL_Cxqj1J099aJTycTp2bKZCGs1rP-M-O7f9TzrGyO2fFAttdfA

[شعور الامومة]

http://t0.gstatic.com/images?q=tbn:ANd9GcSKBM4a6-DqskO8XD0c-T4DPwPmrv1s1tGAEvSGBnWNBXPguTQT

[شعور الامومة]

http://t0.gstatic.com/images?q=tbn:ANd9GcQAkgc_eFLS3tCfwDzXJ7Cjdhzp1lVFj r-SixtD1SG8MhpbHxBU4w

يلا ياحلوات وينكم hwaml7hwaml02hwaml13

[المغتربه المتفائله]

هلووو رقاوي حب
اجييييييييييييييييييييييييييييييييت

[المغتربه المتفائله]

البارحه دخلت للمنتدى واجيت كتبت وتالي راحت الكتابه كله انقهرت وطفيت الابتوب hwaml4hwaml4

هسه نجي اول شي
مراوي
انتبهي حبي على الضغظ
اني دخلت عمليه بسببه
الله يرزقج الولاده السهله
ابتعدي عن التوتر وحاولي ترتاحين
نفسيا وخلي كلشي على الله
واتركي الملح نهائيا من الاكل
اكلي ليمون اصفر يفيدج
حبي الله يكومج بالسلامه

[المغتربه المتفائله]

ام جمانه حبي الله يبارك بيج تسلمين عمري
مااااشاء الله تخبل جمانه
الله يحفضه يارب ويفرحج بشوفته عروس


انسانه حبيبتي الله يعوضج خير ويرزقج الحمل التام


ام ايهومي منوره حبي شلونج وهيمو شلونه


فروحه حبي شلونج والنونو شلونه ان شاء الله امورج تمام


ام حمودي الف الحمد لله على سلامتج وقصه ولادتج حلوه
ان شاء الله يوم لمراوي وتكوم بالسلامه وراهه باقي البنات


سرى حبي شلونج لاتخافين وخليج مرتاحه اهم شي الراحه النفسيه
وفكري بلاشياء الحلوه وان شاء الله تدخلين التاسع وتولدين وتفرحين بالنونو


تاره حبي شلونج وصوفي شلونه
حياتي بالحمل تصيرين حساسه
لاتوكفين على كلشي وتسوين مشكله
ماكو شي يسوه وانتي هم قدري موقف زوجج وحده
باقي انتي صح تعبانه من الحمل ومسؤليه مصطفى
يعني لا عتب عليج ولا هوه عتب عليه
حاولي تهدين وتمشين الامور طبيعي
الله يسعدكم ويبعد عنكم المشاكل

[المغتربه المتفائله]

بدووووووور حبي
تددلين هاي صوره
حبيبه ماما

http://www.hwaml.com/up/uploads/1362899971851.jpg (http://www.hwaml.com/up/)


http://www.hwaml.com/up/uploads/1362899971912.jpg (http://www.hwaml.com/up/)

[المغتربه المتفائله]

رررررررررررررررقاوي

وينج راح تكعد ملاك وانتي ماكو ؟؟؟؟؟؟؟؟؟؟؟؟

[& زهرة حياتي &]

مرحبه بنات اشونكم ارجو ان تقبلوني صديقه الكم هاي اول مشاركة الي بالتجمع ينات اريد مساعدتكم محتاجه طبيبه زينه بغداد منو برئيكم انا هذا اول حمل الي واني هسه بالاسبوع السابع بعدني مسامعه نبض الجنين اريد تنصحوني بدكتوره زينه وتدعولي اسمه نبض الجنين وشكر جزيلا