دردشة بنات العراق, دردشة حوامل العراق , تجمع بنات العراق

[فوفو العراقية]

هلو عسولة حبي شلونج

نورا حبي
الله يسمع منج ولو اني صرت اشك انو عندي سكر
لان قبل ساعه حللت طلع 9,1 وهسة حللت طلع 6,2
زين لو عندي سكر خلال ساعه وبدون انسولين ينزل 3 درجات؟
زين هذا معناها البنكرياس عندي ممتاز
لو شنو رايكم؟

ماتوقعت هيج بالسرعه هاي ينزل...
يارب باجر يكولولي مابيج شي ياااااااااااااارب.

[**نورا**]

هنا الجمال فدوه وفداوي
http://forum.hwaml.com/imgcache2/hwaml.com_1340648985_499.jpg (http://www.cu-g.com/vb/t16402.html)

[عسل بغداد]

http://forum.hwaml.com/imgcache2/hwaml.com_1340649013_924.jpg (http://www.hwaml.com/up/)
يمه فدوه لعمرهم يخبلون

[o فرح عمريo]

اووووي اول ماطبيت الدردشه فزيت من هاي الصور خرب ببليسج نورا منين جايبتهم متكليلي هههههههههه

شخبارج حبي وشخبار النونو ان شاء الله تمام
هلوو عسوله حياتي شلونج وشخبارج

[**نورا**]

انشالله باجر يكولون مابيج شي حته ترتاحين

[**نورا**]

فروحه احلاهم ابو خشم موووووووووووو ههههههههههههههه

[عسل بغداد]

حبي فوفو عندج العافيه
بس خاف ترتبكين يم الطبيب وطلع عندج هيج السكر عالي
اني من اقيس ضغطي عند الدكتوره يطلع كلش عالي وبالبيت يطلع طبيعي

[**نورا**]

اني الف الحمد لله والنونو يبوس ايد خالاته كلهم

[o فرح عمريo]

اي ذوله الجهال الحلوين الي يفتحون النفس ع الخلفه ههههههههههههههه

حياتي فوفو لتخافين ان شاء الله ياربي باجر تجين تطمنينه بجاه كلمن عنده جاه
وترتاحين وترجعين مثل قبل كلج حيويه ومرح وسعاده

[**نورا**]

اي صح العامل النفسي والقلق هم ياثر .................

[o فرح عمريo]

يمه يمه فدوووه لنونو يارب يجي بالسلامه وتشوفي عريس
صدك مكلتي شراح تسمي لو كايله واني ناسيه هههههههههه

[عسل بغداد]

هلو فروحه شلونج حتاتي

نورا انشالله اتجيبين ولد خشمه اكبرمن هذولي

[عسل بغداد]

اكلكم اني جان عندي الورم بس برجليه انوب هسه بيدي وخشمي وتكرمون الشحاطه صايره متفوت برجلي

[o فرح عمريo]

بخير سجاوي اني بخير اسأل عنج انتي شخبارج وشخبار فروووحه الصغنونه ان شاء الله تمااااام والنونو شلونه ؟؟؟

[o فرح عمريo]

اي شتوو ماتووو جديد

[**نورا**]

اني انشالله اسمي عبد الله عبودي
سجاوي دخليج كلشي ولا هيج خشم ههههههههههههههههه خنفشاري

[**نورا**]

زلال يعني لو شنو السبب

[o فرح عمريo]

اهاااا حلوو
عبووودي
ياربي ينولد بألف سلامه

[عسل بغداد]

لعد جايبتهم جايه علينه على شنو
متكولين هنا اكو حوامل خطيه

[o فرح عمريo]

هههههههههههههه صدك بناات هاي صحيحه الشغله مال وحده حامل تباوع على صور يطلعون مثلهم

[عسل بغداد]

تكومين بالسلامه ام عبودي
ماعندي زلال سويت تحليل ذاك الشهر والخميس اروح واعيد التحليل

[**نورا**]

حبيبتي فروحه يوم الي نفرح بيج انشالله طبعا كل شويه اغلط باسمج واكتب فروجه هههههههههههه

هههههههههههههههههههههههههههههههههههههههههههه سجاوي شسوي لعد وين اودي يوميه يطلع بوجهي كلت اجيبه اخلي يمكم ههههههههههههه

[**نورا**]

الله يسلمج حبي انشالله ربي يتمم عليج وساعة السهله (هاي قبل كم يوم كالتها اليه الخياطه ) هههههههههههه

[عسل بغداد]

لاحبي فروحه لتخافين معليها بالصور كلها كلاوات
هاي كالو هيج حتى الي تجيب طفل مو حلو تكول والله تنسيت بوجه فلان
يعني اذا زوجك موحلو لتشيلين هم يجي ابنج قمررررررررر14

[o فرح عمريo]

ولج اسكتي ذاك اليوم مي هم لطشت فروجه كلساع تصلحها وهم تطلع فروجه
اخر شي سجى كالت فروجه وشلونه الديك
خربنه ضحك
هذا هم حضي هههههههههههه

[o فرح عمريo]

لا ولج رجلي حلوو يخبل
لعد هذا ابني يطلع يشعشع خخخخخخخخخ

[**نورا**]

ههههههههههههههههههههههههههههههههه اخاف تحبين الدجاج وكاعد نغلط باسمج هوايه

[White angel]

هلو بنات
شلونكم
أني هماتين حغيب
لان اسم الله عليكم فايروس مو طبيعي وصخونه
وراسي
وهاي سببها طبعا الجوو المتغير بين ساعه والثانيه

[**نورا**]

سلامتج زنوبه حياتو ديري بالج عله روحج مو زين هيج تتمرضين

[o فرح عمريo]

لا منيييييييييييين اصلن اخااف منهن وخصوصا من يكمزن
اني فد جباااانه ماكو تكي

[عسل بغداد]

النت كام يمسلت
ثكيل فد مره

[o فرح عمريo]

زنوبه حياتي سلامتج كبد
مابيج غير العافيه ان شاء الله
ديربالج على نفسج فدوه

[**نورا**]

اكلكم شو زينب السعدي ماكو شعجب

[o فرح عمريo]

زنوبه خطيه انحضرت بس مااعرف شنو السبب
واني عندي اميلها بس مشايفتها هالأيام
ولله هواااي بنات مختفين مشتاقيلهم هواااي وان شاء الله يجون يطمنونه عنهم

[White angel]

الله يسلمج حبي نورا شسووي لعد بعز الصيف تمطر ونلبس قماصل

حبيبتي فروحه الله يسلمج شسووي وياها وياها

[عسل بغداد]

زنوبه ديري بالج على نفسج اني صار عندي فايروس بالسادس يتعالج لتخافين بس ديري بالج من ارتفاع الحراره عندج العافيه

[**نورا**]

يله من رخصتكم تصبحون عله خير حبايب

[o فرح عمريo]

يبوووو الله يعينكم ويسهل عليكم ان شاء الله

[عسل بغداد]

وانتي من اهل الخير

[o فرح عمريo]

الله وياج حبي نورا وانتي من اهله
وليله سعيده واحلام اسعد ان شاء الله

[sarabaghdad]

اي فروحه حياتي جهزت صارلي هوايه
النونو الحمد لله بس تعبانه حيل من ثكل

[sarabaghdad]

اها اي لعد انتي قبلي
نورا تكومين بسلامه حبي
هذا اول طفل الج مو ؟؟

[عسل بغداد]

يله بيباي اني اروح
تصبحون على خير

[sarabaghdad]

هايه وين سجاوي بعد وكت

[مريم الهلالي]

السلام عليكم بنات اني جديده بلمنتدى حابه استفسر منكم كم شغله اني توني حامل وبدا عندي تورم بلقدم هذا الشي اله علاقه بجنس الجنين

[**نورا**]

صباح الورد والفل والقرنفل شلونكم بنات اخباركم اليوم
ساره حب حب اني هايه ثاني بطن عندي بنيه مواليد 2004 واني عمري 23
نورتي مريم هلا وغلا بيج وهاي ضيافتج


http://forum.hwaml.com/imgcache2/hwaml.com_1340698030_299.jpg (http://forum.hwaml.com/imgcache2/hwaml.com_1340698030_299.jpg)

[فوفو العراقية]

صباااح الخير
شلونكم حبايب

رجعت من شوية من عيادة الحوامل
وطبعا أكدولي ان عندي سكر حمل
ومتوقع يضل بعد الولادة واااااااااااااااااااع

ونطوني جهاز ودفاتر لمتابعت الحالة
وجداول
ومعلومات
وطبعا هم كالولي الهومجلوبين الحديد نااااااااااازل نزول فضيع
وراح يعالجو بأقرب فرصة لان عندي موعد ويا الطبيب يوم 5
وراح يسوولي سونار بعد 3 اسابيع حتى يتابعون نمو الجنين ولو حجمة كبر اكثر من الازم ف راح يولدوني مبكر
على الاغلب الاسبوع 37
والله كريم

بس كالتلي لازم 5 وجبات باليوم
3 رئيسية و2 خفيفه
ومامنعتني من شيئ لكن كالت مثلا قطعة كيك مرة باليوم وصغيره
ولازم اضل اتابع السكر كل يوم قبل وبعد الاكل
ولو ارتفع ومانزل لازم اتصل عليهم وهمة يدخلوني مستشفى...
ادعولي يا بنات ربي يسهل علية ويمضي ايامي على خير
كولو امين.

[مي &]

امين يارب العالمين يافوفو وتكملين شهرج واتجيبين بخير وسلامه


شلونكم ياربنات مشتاقتلكم هوااايه

شكوماكو منو جابت منو حبلت

هله وميه هله بلبنات الجديدات
مشتاااقتلكم

[مي &]

ولج سجااوي هااي شنو فروحه اتجنن ماشالله عليه عين الحاره بارده انشالله
واخوهه خوبن رجال
اني عن نفسي اموافقه اذا تردين ابرار لعلاوي تره اشيل وانطي يمعوده كله رجوله الله ايخليه وايحفضه انشالله

وبلعاافيه عليج زكريا ني اموت على زكريا بس ماسويتها حرامات

[عسل بغداد]

هلو بنات شلونكم
فوفو سلامات انشالله تكومين بالسلامه ويسهل عليج الحمل والولاده

هلو ميوش شلونج حبي
باقي البنات شلونكم كبدات

[مي &]

فروحه الغايله
ساره وساره المغتربه وزنوبه ونورا وام ايهم وام هيمن وام نورهانه وايه

كلكم اشلونكم حبيباتي

[مي &]

هباااوي حبي شلونج مشتااقتلج ولج اشوكت اطبين بلثامن صارلج قرن بلسابع الله ايساعدج

[مي &]

هله حبي سجاااوي شلونج كلبي والف عااافيات زكريا

[عسل بغداد]

الله يعافيج حياتي
وبالنسبه لعلاوي كبعي واخذي

[عسل بغداد]

شكو ماكو اخبار امورات

[مي &]

ههههههههههههههههه ها زين اذا اكبعه واخذه اني امي اتكول ابرار اذا انريد انزوجهه ننطي بيت وسياره فوكاهه لان حيل وكحه


ماكو شي بس خبر مفرح جدا جدا
كماشه هسه بلمطار رااح اتسافر

[sarabaghdad]

ولج شكد عمرج ومزوجه نورا ؟؟ اذا بنتج 8 سنوات ؟؟؟

ماعندج غير العافيه فوفو انشاء الله تفوتين بشهرج والله يتمم الحمل مالتج على خير

[sarabaghdad]

هلاو مي حبي عاش من شافج هاي وينج وبروره شلونها

[عسل بغداد]

هو منا لحد متصير ابرار مره نصير مثل الهنود الاهل ينطون المهر للرجال

ايييييييييييييي هذا خوش خبر وين موووووووليه

[مي &]

هله حبي ساره شلونج اني عاش غاليج حياتي

والله ملتهيه بلهل دنيا

وبروره اتبوس ايدج

وبلنسبه لنورا اني اجابوج عمرها 15سنه ومتزوجه خطيه حيل صغيره

[عسل بغداد]

راح تخلصين بعد منو يكدر يحجي وياج
اليوم غني ضل البيت لام طيره وطارت بي فرد طيره

[مي &]

خخخخخخخخخخخخخخخخخخخخخخخخخخخخخخخخخخ

هههههههههههههههههههه هههههههههههههههههههههههه

اشتعل ابليسج سجى على حجايتج مال وين اموليه

راحت لدبي اتشوف اخوهه

[مي &]

ههههههههههههه اي والله
راح اغني مااجمل الحريه ههههههه

بس عافتلي مسؤوليه اتهد الجبال عافتلي رجلها هو حباب بس مسؤواليه اشكبر

[عسل بغداد]

عليش خطيه احسن تزوج زغيره تخلف وتزوج جهالها وهي بعدها زغيره

حتى يبقى بيها حيل للمهابد مال الجنه
اني هم 15 وتزوجت

[مي &]

ها اي صدك اتذكرت انتي همين 15 سنه مو اكو متشبع من اهلها

[عسل بغداد]

ولي عابتلج العم فدوه لعينه حباب شلون ميصير ويصير يحب الجنه
هسه اتطيب الها الكعده بدبي وبعد متجي

[عسل بغداد]

هم الاهل مينشبع منهم بس هاي سنه الحياه

[مي &]

ولج عمي حباب متتصورين شكد ايموت عليه وبس انزل ايضل ايغنيلي ههههههه
وايموت على ابرار حتى اكثر من بنت بنته

بس شنو هو اكله وشربه ونومته وكعدته دائما مو يانه كلش قليل يصدف ويانه
لان هو مينام بليل يكعد ايفسر قران واينام بلنهار ويكعد الضهر لو العصر لو المغرب فلازم اربع وعشرين ساعه ابقه عيني على باب غرفته من يكعد اسويله اكل ورااح اتحدد بروحتي لبيت اهلي
هي بتههه هنايه بس وجوده مثل عدمه شكد مكروهه

[مي &]

ساره وسجا وين اختفيتو

[عسل بغداد]

اااا يعني عدكم بنيه ممتزوجه
اكيد ما عليها اعتماد

[عسل بغداد]

لا موطفت الكهرباء ورجعت هسه

[مي &]

ولج اي حماتي اهنايه ممتزوجه عمرها 20 سنه بس تنبل بس اكل ونوم وانترنت

[عسل بغداد]

لوتدرين شكد عندي شغل ومابيه حيل اسوي اي شي
من وره الحر

[عسل بغداد]

عادي تره كل البنات هيج تكول خلي اتدلل بيت ابويه

[مي &]

ولج هاي حماتي الدنيا طشت لو رشت متدري
وكله اتريد اني اسويله الاكل لازم ولازكتلي بلطله والطبه
يوم الي اطلع ويه رجلي وحدنه ايصير عيد

[عسل بغداد]

زين حبابه لو مثل امها حاكمتج

[عسل بغداد]

الله يزيح عنج وترتاحين
عود دا اعبر لج التجفص مالتج لان مالي واهس اضحك

[مي &]

لا والله تفرض رايها دائما واني انالله وانا اليه راجعون مثل الطرنه ابقى واكفه ما اجاوبها لان مااكدر على لسانهه

[مي &]

يله غلسي غلسي

[عسل بغداد]

اني جانت حماتي الزغيره مثل هذا السنفور الي يكول انا اكره كل شي
من ماعدها شي تقفل باب الغرفه على روحها وتكعد وحدها تكول هيج احسن شي عندي

[مي &]

ولج شي زيحا الهه ميقبلون ايزوجوهه ابد ابد لان بزر الكعده هاي واصلا هي متفكر بشي اسمه زواج

[عسل بغداد]

لا حشاج شنو طرنه انتي ام ابرار
بس كولي مو عرمه اي

[مي &]

ولج هلي كلش ميعجبهه وكلشي متحب تاكل وووووووووو
عناد ماله والي وتفرض رايها على الجبير واصغير

ولج لو اكعد اسولفلج لصبح ما اخلص

[عسل بغداد]

اي صدك هاي اكثر البنات صايرات اني ما افكر بالزواج

بس غير عدها عذر لو الدراسه لو تحب واحد ومتكول

[مي &]

ههههههه تسلمين حبي اي والله هنى عرمات

[عسل بغداد]

اوي عشتو عله شنو شايفه نفسها
البسيها ختولي

[عسل بغداد]

مادام عمتج موهنا شسويتي غدا اليوم

[مي &]

الكعده وياج حلوه حبي خلي اروح رااح يجي رجلي من المطار هسه خلي احضرله الغده


باااي ولي عوده اكيد

[مي &]

سويت تاجينه فاصوليه خضره
ولعمي سمج لان بس سكر

[عسل بغداد]

الله وياج حبي اني هم عندي شغل
بس انتي الي يكولون عليها ملهيا الرعيان ههههههه

[مي &]

بوساتي لفروحه ولنسيبي

[عسل بغداد]

يوصل تدللين واني بوسيلي بروره

[عسل بغداد]

الف عافيه اموت عالفاصوليا الخضره

[o فرح عمريo]

هلاووو ينااااااااااات

[sarabaghdad]

هلاووو يـــــــناااااااااااات

hwaml02hwaml02hwaml02

ههههههههههههههههههههههههههههههههه غلس

[**نورا**]

هلووووووووووووووو
رجعت بعد ما كملت الشغل واتغديت وطبعا مدري شبيه نفسي لعبانه واستفرغت عبالك توني حامل واتوحم
ساره جاوبتج ميوشه 15 سنه كوزوني هههههههههههه
ميوشه بالخيييييييييييييييييييييييييير عليج سفر كماشه عساها روحه بله رده هههههههههههه
فروحه شنو هاي السحك من الصباحيات ههههههههههههههههه

[**نورا**]

فوفو حبي الله يساعدج ويشفيج ويتمم عليج الحمل للاخير بس الولاده بالاسبوع 37 كلش زين يعني اسبوع بشهرج يعني ماعليه خطر انشالله لتخافين

[مي &]

ولج كماشه بلمطار اسمهه ماكو بلسته مال المسافرين واخااف ايرجعوهه اليه

اندعولهه ايخلون اسمهه بلسته واتسافر

[عسل بغداد]

هلو فروحه ونورا ومي مره ثانيه
يا اسمها ماكو الله يساعدج شلون استقبلتي الخبر
انشالله يحطون اسمها بس على لائحه الذهاب بدون اياب

[مي &]

شفتي بلله عليج سجى يافرحه متمت

[فوفو العراقية]

هلو حبايب

عسولة حبيبتي تسلمين على الدعاء والامنيات الحلوة
ربي يتمم عليج وعلى الجميع يارب
والورم عادي اني من زماااااااااااان ورمت
بس هسة بدة يخف لان وزني نزل والاكل قل... حبيبتي سلامتج الله يتمملج على خير..


فروخة .... (فروحة) منا وجاي اسميج فروخة حتى تجيبين فروخ عيال يعني هواي كولو امين يا بنات..
حبيبتي تسلمين عالدعاء ربي يفرحج يارب,


سارة سوسو بغداد
مشكورة ياعمري عالدعاء ويارب يتمم عليج وعلى الكل ياااااااااارب.

نورا حبيبتي
الحمد لله المهم الطفل بخير شوكت مايجي المهم ماينظر
والله بالي كلة ويا فديت قلبه بس يدفر شلع بطني شلع ههههههههههه فرحان وهوة ابطني
بس اني متوقعه اجيب قبل التاسع اصلا لان اني هيج ولاداتي مبكرة لو بدون تثبيت
بس اتمنة الطفل يجي سليم وبوقته يارب... وطبعا الولاده من وقت افضل لان الحمل صعب اخر شهر ههههههه
بس الكلام بيناتنة الجوع عندي فضيع ووجباتي قليلة كلش
مدا اشبع ولو شبعت يصعد السكر للظاللين هههههههههههه.



ميوش ام برورة حبيبت الملايين
شلونج قلبي
مشكوووووووووووورة عالدعوة ويارب يخليلج برورة ويفرحج بيها ويرزقج اخو الها يارب.

باقي البنات.... شلونكم؟؟
نسألكم الدعااء.

[هدى حسن]

هلو بنات شلونكم مبروك على افتتاح الموقع وان شاء الله نتواصل

[مي &]

اشكرج حبي فوفو
انشالله اتكومين بسلامه وتجين اتحطيلنا صورة النونو ونباركلج ونهنيج على كومتج بسلامه اتصير هاي سوالف


هله حبي هداوي اهلابيج اتشرفنه

[عسل بغداد]

هلو حبايب شلونكم طلعت للسوك قبل شويه ستوني رجعت رجليه كامت تون من التعب
رحت جبت مميه وليفه مال نونو وشغلات للبيت
بس شنو حااااااره ناااااررررررررررر

[مروة87]

هلو بنات شلونكم مشتاقة
طبعا من دخلت وياكم بالمنتدى كام يطير الوقت عندي جنت اكعد اتصفن والله وهسة مدااحس الا صار العشا ولازم اكوم اسوي عشا ههههههههه
يلة بس لازم اطلع من جوة الكع وقت الكم حبيباتي

[مروة87]

هلو سجاوي طبعا شوقتيني ان اشتري غراض النونو بس بعد وقت الي كلما افوت من يم محل احس انجذب لملابس النونو ههههههههه

[عسل بغداد]

هلو مراوي حبي
انشالله تشترين وتملين من الشرايه بخير وسلامه

[ام رحمة]

هلو بنات اشلونكم

[o فرح عمريo]

مساء الخير والعافيه حبايب قلبي شخباركم اليوم ان شاء الله تمام

اني اعلمج ساره صايره تدورين اغلاط ورايه وتفضحيني الا اكعدلج على ركبه ونص منا وجااي وياويلي اذا تغلطين بحرف يبووووو خخخخخخخخخ
هلوو ميوش حياتي مبروووك سفر كماشه وان شاء الله تجي مفرمته مناااك وتصير على هواااج
حياتي عسووله الف عااافيه ع المميه والليفه وشخبارج اليوم وشخبار القمر فروحه الصغنونه وابنج ان شاء الله تماام
فوفو عمري مناسيج بالدعاااء وربي يتمملج على خير وشكرا عل الدعووه الحلوه ياغاليه بس شنووو محلووو فروخه فرووجه ارحم هههههههههههههههههههه

ام نورهااانه مختفيه مشتاقيلهاا هواااي
ام هيمن\ ام ايهوومي \ نورا\ ساره بغداد\ ساره المغتربه\ قموره \ زنوبه\ مروه \رويده\ امونه\ رحوووبه\
تحياتي ياغواالي

[o فرح عمريo]

اهلااا ام رحمه عيوووني شخبارج
وين هالغيبه ؟؟؟

[sarabaghdad]

هههههههههههههههههههههههههههه فروحه عابتلج

[sarabaghdad]

تعبانه حيل والله رح اموت بس بجي
من وره عيالي ورجلي متغير شسوي

[o فرح عمريo]

ليش عمري خير شبيهم
اويلي وتالي ويه العياااال اويييييييييييييييييلي

[o فرح عمريo]

يمعووده ولا يهمج تره مو زين البجي وانتي حاامل
ولله محد يفيدج

[sarabaghdad]

والله فروحه لان بيت اهلي جايه واني جيت لان وضعي مو زين المي قليل عندي
ولازم راحه وبيت عيالي ماكو راحه
وكاعدين يحشون براسه وهوه حيل متغير شسوي

[o فرح عمريo]

اخاف لأن بعيده علي
ضايج وهيج يتصرف وياج
واخاف انتي صايره حساسه بسبب الحمل
ليش هو مو يعرف وضعج
قابل رايحه تتونسين

[sarabaghdad]

لا يعرف كلش زين بس اهله وماادراك ما اهله
ولج ناس متستحي والله تعالي اشتغلي رح يصيرلي شهر بيت اهلي بس مره وحده امه
دكت عليه والله

[مروة87]

هلو بنات منو موجود
اكلكم بنات منو تاخذ كبسول الحديد هذا اللي بي حبيبات ناعمة حسيتو بي اعراض جانبية لو لا ؟

[sarabaghdad]

هلاو مراوي اني بس فولك اسد لان شكلت عندي مراره
بس اختي استعملت هذا ابو الحبيبات واذت معدتها

[مروة87]

حبيبتي سارة الفولك تركتة اول اسبوع بالرابع وكتبتلي الفيروفول هو ابو الحبيبات بس من كمت اخذة ادووووخ واجوووع هههه

[فوفو العراقية]

مساء العسللللل
يلا تفضلو سويت كعك بسكر دايت سمحتلي بي الاخصائية
وفرحت لان صرت اكدر اسوي الي اريده من الحلويات بي
طبعا فد طيب؟؟؟؟؟؟؟؟؟؟
مع انه بحليب خالي الدسم وزبد نسبة الدسم 3%
بس كلش طيب واكلت 3 قطع صغار
يلا تفضلو وياي..
http://forum.hwaml.com/imgcache2/hwaml.com_1340742398_692.jpg (http://www.hwaml.com/up/)
http://forum.hwaml.com/imgcache2/hwaml.com_1340742399_934.jpg (http://www.hwaml.com/up/)

[sarabaghdad]

وهم يسوي لعبان نفس وتقيؤ
اني هم تركته بس رجعت ع فولك لان معدتي متتحمله
واصلا ابد مخليته بحلكي اذا موالمج خلي دكتوره تغيره الج انتي وين بيتكم؟

[White angel]

هلووو بنات شلونكم حبايب
طبعاُ لي هسه فلاونزه وضايجه ومكتأبه
لان وحدي وهسه يمنا الساعه 10 ونص
زوجي بالتمرين وكاعده وساكته

انتو شلونكم

[فوفو العراقية]

اي بنات حبوب الحديد تلعب النفس بس انصحكم تستمرون بيها
ترى نقص الحديد يهدد حياة الام والجنين للخطر اثناء الولاده

اني دا اخذ حبتين وحده ليل ووحده الصبح
ورغم هذا بعد عندي فقر دم حاد
والدكتورة راح تكتب الي حبوب اقوى ويمكن ابر ماعرف
بس حتى وقت الولادة ميصير بية وبالطفل شيئ لان لا سامح الله خطر الوفاة محتمل بسبب نقص الحديد عند الام.

ديرو بالكم والف سلامة عليكم...


سلامتج حبيبتي زينب
الف سلامة عليج
حبي شربي عصير برتقال او اخذي حبوب فيتامين سي من الصيدلية
وستمري عليه كل يوم
لو اشربي عصير ليمون قبل النوم
وتروح بسرعه الانفلاونزة.

[مروة87]

حبي سارة اني بالموصل ساكنة
لا حاليا دااخذة بالليل قبل ماانام عادي يروح مفعولة للصبح
بس من اخذة بالنهار يدوخني
من اراجع دكتورتي مرة لخ اكلها بلكي تغيرلياه
فوفو الف عافية عالكعك والله شهيتيني هسة كاعدة دااتشهة خليت زوجي يروح يشتريلي هسةههههههههههههه

[فوفو العراقية]

هلو حبي مروة
اي جيبي اكلي حبي الف عافية
لو عندج المواد سويهة كلش طيبه
اذا تردين انطيج المقادير
سهل وطيب روووووعه وهش كلش.

[مروة87]

اوكي حبي علوا انطيني المقادير احب هاي السوالف مااشبع منها

[فوفو العراقية]

تدللين

كعك دايت
وممكن بدل الحليب الخفيف حليب عادي وبدل الزبد زيت عادي والسكر هم عادي

اني سويته دايت
علمود السكر

بيضة وحده
كوب سميد
كوب شوفان القمح
نص كوب طحين
كوب سكر
نص كوب مبروش جوز الهند
كوب الا ربع حليب
نص كوب دهن
فانيلا خاشوكة جاي
وبكم باودر خاشوكة جاي
وتخلطيهن سوى
وتخليهن بالخاسوكة بصينية الفرن على الورق مال الشوي
دوائر تقريبا
ولو تحبين حطي عليهن جوز الهند او سمسم
والفرن على حرارة 200 مأوية
والف عافية
طبعا طعم روووووووووووووعة

[مروة87]

اوكي سهل بس عادي اذا بدون شوفان لان ممستعملته ابد

[فوفو العراقية]

يلا حبايب اروح اقيس السكر ونااام
تصبحون على خيرر.

[فوفو العراقية]

اي حبي عادي بس كثري سميد
بس الشوفان طعمة ميبين بس يسوي مقرمش وكلش طيب وصحي
جربي كلش مفيد.

يلا تصبحون على خير.

[مروة87]

انت من اهل الخير حبي
عندج العافية

[**نورا**]

صباح الخير عله اهل الخير شلونكم بنات اخباركم اموركم احوالكم يارب زينين

طبعا بارحه حلمت جايبه ودا ارضع النونو يبوووووووووووووووووووو كعدت من النوم عيوني مدمعه وكلبي يدك يؤبرني عبودي شوكت اشوفه ههههههههههه

[**نورا**]

فوفو حبي عاشت ايدج عله الكعك مبين لذيذ

[**نورا**]

هاي تحية الصباح
http://forum.hwaml.com/imgcache2/hwaml.com_1340784202_211.jpg

[o فرح عمريo]

مساء الورد والعااافيه

[أم أيهومي]

هلووووووووووووووووو منو موجود

[أم أيهومي]

هلو فروحه مساء الورد

[أم أيهومي]

فوفو الكعك مبين مقرمش بس ليش شوفان اني عندي شوفان بس اسويه وي المقالي مثل السمك ايقرمشه

[o فرح عمريo]

هلاووو حبي نجلاء
منوووره ياعسل

[**نورا**]

هلا فروحه ونجوله شلونكم شكو ماكو

[**نورا**]

جنت افتر بالمنتدى وشفتلكم ولاده وبكت طن هوه ههههههههههههههههه

[o فرح عمريo]

هلاوو عمري نورا اني بخير اسأل عنج انتي شخبارج ان شاء الله تمام
اهاااااااا اي صدك البارحه مرت حمايه شايفته للفيديو وكالتلي شوفي بس نسيت
هاي عود انتي الي جايبه قبل شحال احنه يبووووووووووو

[**نورا**]

ههههههههههههههههههههههههه لالا لتشوفي اني جانت معنوياتي عاليه وصفرت من وره هذا الفديو ههههههههههه

[**نورا**]

يمكن غيرن رايي العمليه احسن عينيي ههههههههههه

[أم أيهومي]

هلو حبايب اشلونكم خخخخخخخخخخخ نورا اني مشفت الولاده ولا الطلوكه لانه مصارت عندي طبيت للعمليات بلا اي وجع

يارب ايسهل عليج حبي واتكومين بالسلامه

ونفرح بخبر حمل فروحه قريبا

انطيني اللنك خلي اشوفه

[**نورا**]

غيرت عود ههههههههههههههههه

[**نورا**]

ههههههههههههههههههههههه احسن شي هسه اجيبلج الرابط لحظه

[**نورا**]

http://forum.hwaml.com/t92867.html
من يخلص هذا راح تطلع ويا مجموعة فديوات شوفي الرعب واااااااااااااااااااااااااااااااااااااااااع

[عسل بغداد]

مساء الخير بنات شلونكم اخباركم اموراتكم شكو ماكو

[فوفو العراقية]

مساء الخير
شلونكم كلكم؟؟؟؟؟؟؟؟؟؟؟؟؟؟؟

ام ايهومي
الشوفان صحيا مفيد واني قبل السكر وبعده استخدمة
طبعا للحامل كلش زين
لان يمنع الورم وكلش بي الياف عالية
وينزل السكر هواي خصوصا بالريوك


نورا
ولج هالفيديو اني طبقو بية بحملي السابق هههههههههههه
لان الطفل جان نهاية الثامن وما مفتر
على فكرة هوة سهل ولا يوجع ابد

والفيديوات الورا اني يطلعن اشياء غير شكل خخخخخخخخخخخ فضايح وشكال والوان هههههههههههه
وخرته رأسا لان رعب من نوع ثاني خخخخخخخخخخخ

مشكورة قلب لب.

[**نورا**]

والله شكلج يا فوفو لحد اليوم الظهر جنت اريد اجيب طبيعي بس هسه اريد عمليه ههههههههههههههههه

[o فرح عمريo]

مساء الخير

[مروة87]

هلو بنات
شو الحمدلله لسة معنوياتي عالية حتى من شفت الفيديو تصورته اكثر رعب هههههههههههه
لعد ذاك اليوم رحت للمستشفى على دكتورتي فداادور عليها بيا غرفة وافوت غرفة بالغلط وحدة كدامي دتجيب وخطية اثاري بالسابع بكت هوة بوكتها بس شنسوي براسنا براسنا هههههههه

[فوفو العراقية]

ههههههههههههه ماعرفجن هيج خوافات
صلن عالنبي يمعودات

الولادة الطبيعية وجع ساعه والعملية وجع سنين وكافي اثرها
والطفل من يجي عملية ماحس ان الام تكون حنينة عليه بكد الطبيعي
سبحان الله (وجعلنا لكل شيئأ سببأ)
وهذا سبب يجعل الام اكثر تحس بمعنى الامومة والطفل لان مو بالساهل اجى ومو بالساهل يروح ويعيش...

اني برايي الف ولادة طبيعية ولا قيصرية وحده
اني شالولي مبيض واحد بسنة 1996
وشوهو بطني منها وكرهت اسم عملية
كولو اهم شي ولادة طبيعية بلا خياطات من جوة
لانها صدك دمااااااااااااااااار
اشكد حلو من وحده تجيب ومتحس بالالم وتكوم وتكعد براحتها؟

خلوها على الله والطبيعي احسن شي.

[فوفو العراقية]

مساء الورد فرووووووووووووحة
شلونج قلب؟

[**نورا**]

هلا بيج حياتو فروحه شلونج شكو ماكو
مروه لو اني بمكانج جان بقيت وياها لحد متجيب حته اشوف النونو مالتها هههههههههههه
فوفو والله كلامج يهدي الاعصاب ويشجع الواحد ادامك الله لنا هههههههههه من صدك جنت شويه متشنجه وافكر بس كلامج مريح

[o فرح عمريo]

هلوو حياتي فاديه اني بخير اسأل عنج انتي شخبارج وشلونه وضعج هسه
عمري نورا شلونج اني بخير اسأل عنج حياتي ان شاء الله بخير
ربي يسهل عليكم ان شاء الله ويكتبلكم ولاده ميسره وسهله اميييييييييييييين يارب العالمين

[o فرح عمريo]

عمري نجوله ربي يفرح قلبج وينطيج ضعف ماتتمنين حياتي انتي

[فوفو العراقية]

نورا
هههههههههههههه وادامج الله انتي هم
ترى صدك الولاده الطبيعية اني احبها كلش لان اول شيئ المها بدرجة شهيد
ثانيا الاحساس بعدها حلو
والاهم انج تكومين زي الحصااان وحركتج زي الفل هههههه بعدها
مو عملية وقلت حركة والعملية تنزف وتلتهب وخياطات شيليهن
والبنج مالتهة من يروح تشوفين انجوم الضهر
يمعودة كولي يالله الطبيعي يكسب... يحيا العراق ههههههههههههه



على فكرة الولادة الطبيعية وقت الطلوكة خلي زوجج يمج
وطلعي حركتج بي
وراها يفوخ كلبج
هاي نصيحة لكل زوجة تحب زوجهة هع خخخخخخخخخخخخخخ

[فوفو العراقية]

الحمد لله فرووووووووووحة
فديت هالاسم
احلى شي اول حرف لانه ف مثلي ههههههههههههه

حبيبتي اني زينة ومتعايشة
بس هذا ابن ال .............. طلع لي نخلة براسي
كل دفرة وحركة تشك شك
والله خايفة تجي فد حركة منه وتنزل مية الراس
يبوووو
عود من رجلي يخيلي ايده على بطني يوكف الحركة
بس قبل شوية حاولنة نهدي بس اتخبل بالزايد
رجلي حس حتى ب اصابع الرجل
فديت قوليبه
يوم الج تاكلين جلاليق ههههههههه

[White angel]

هلوو بنات شلونكم حبايب
شنو أنتو وياي عبالك
أني من صرت حامل لحد هذا شهري اسكت بنفسي حتى مااتذكر الرعب واكول أني أجيب عمليه
أمي اليوم حجت عليه ادكولي كافي هيج تحجين شنو عبالج العمليه سهله كافي تفاولين على نفسج
هيهيهيهي وهسه دا اشوف البنات يكولون عمليه وخوف ورعب يااامو مااجيب بطلت هههههههه

[ام نورهانه]

لكم هلاااااااااااااااااووووووووووو حبيباااااااااااااااااات قلبي
وربي يشهد مشتاااااااااااااااااقتلكم مووووووووووووووووووووووووووت ولجن شلونكم اخباركم اموركم وشلون بيبياتكم فديت قلوبهم اني
لكم مشتاقتلكم عاااااااابتلكم هههههههههههههههههههه
استوني رجعت الى ارض الوطن هههههه اقصد الى بيتي واول شي فتحت كلت خلي اطمئن عليكم

[sarabaghdad]

هلاووووو بنات شلونكم
فوفو ليش جيبين بالثامن وشلون تصير عندج طلوكه بالثامن ؟ وتوسع وجيبين

[أم أيهومي]

لج هلو فله حقيره ظل بالي عليج حمدلله عالسلامه حبحب اشتاقينالج عابتلج لتغيبين بعد هيج غيبه تره اندز انذار الولي امرج ههههههههههههههههههه

تسلمين فروحه غلاي عالدعوه الحلوة مثلج الله ينطيج على كد نيتج يارب

فوفو حبي انا ماايدج بالكلام انه ام العمليه متكون حنينه على ابنهة وهاي اني كدامج جبت عمليه وعندي ايهومي بالدنيا مااكدر ابتعد عنه لحظه وخصوصا من انومه على ايدي اوووف يحظني حبيبي وينام تره الحنان غريزة ربانيه بغض النظر عن كيفية الولادهواني قريت تقرير انه طفل العمليه ايكون اذكى من الطفل الاعتيادي لانه راس الطفل بالعمليه ميتعرض للظغط والعصر والدفع
اليوم اخذت ايهومي للدكتور مالته حبيبي اسهال وكلب الميزان واغراض الدكتور الي عالميز مالته اتخبل الدكتور ايكول بالله هاي عمايل واحد مريض ههههههههه وذيج المره جر السماعه من اذنه وهو ديفحصه

[أم أيهومي]

هلو زنوبه حبي اشلونهة العبيديه فداوي

[أم أيهومي]

نورا من شفت الفديوو خفت بس كلت يالله هو اني حوضي ازغير حتى اذا اصير حام مره لخ هم عمليه عود دااقنع بنفسي خخخخ

[ام نورهانه]

لك هلوووووووووو نجوله حبيبة قلبي انتي شلونج وشلون ايهومي الورد فداوووي العيوناته وسلامته الف سلامة بوسي الي فوديته انتي شلونج اخبارج مشتاقتلج
وبالنسبه للانذار اذا ولي امري هو الي لهاني عنكم ههههههههههههههههههههههه

[White angel]

هلو عيني ام أيهم شلونج عيني اخبارج

والله العبيديه مخبلتني لي هسه ومتحركت والعبيدي متخبل عليها يكول اشو متحركت
واني اخر اسبوع ب الخامس ودا اشوف شكلها عنوديه ع أمها ههههههههههه

[sarabaghdad]

ام ايهم اكلج شنو شعورج من دخلتي غرفة العمليات وديخلولج البنج
اني اخاف من هايه السوده الي تتخله ع وجه وتاخذين اوكسجين منهاي

ولج ام نورهانه هاي وينج رحت للسونر كلي منو دلاج عليه هسه ياله
جيتي غير تجيني من شهر الخامس يبين اكثر وضوح مو كبير
كتله والله وحده صديقه اسمها ام نورهان جان يكلي ها يمكن عرفج

[فوفو العراقية]

هلو حبايب

ام نورهان حبي مشتاقين
الحمد لله على السلامة
شلونج وشلونه البيبي؟

حبيبتي سارة بغداد
اني عندي مشاكل بالحمل وميثبتون وبنتي الاخيرة بدون تثبيت بس انشلع قلبي
لان زلكت من الدرج وجنت بالخامس ومن يومها الطفل ينمو بالحوض جووة ومحصور
وضلت عندي الام لغايت السابع واني كحلتهة
صمت رمضان وجنت بنص السابع هههههههه وكل يوم اكعد عالفطور تجيني طلوكة
لغايت ليلة العيد نزل دم ورحت كالولي توسع عندج 3 سنت
دخلت وره ساعتين جبتها وجنت بنص الثامن
عادي حبي الطلوكة تجي والولاده عادية وتوسع طبيعي
وجتي حجمها 3.290
جان بيها سكر هية بسبب الصيام ماجنت اعرف ميصر
وبعدين نزل وزنها لل 1.800
وضلت بالمستشفى واني طلعت وورة 20 يوم طلعتهة.


ام ايهومي حبي انتي مافهمتيني شنو اقصد
اني ماكلت ان ام القيصرية ماعدهة حنان
اني اكول تزيد حنيتهة اكثرر من العملية لان الالم يخليها تتعب اكثر بي
وبهيج يكون اغلى والله اعلم بما في القلوب
يمكن انتي تحبي بجنون الابنج بس اكو اكثر ماحد يعلم غير الله
والذكاء موهبة مو بسبب الولادة يصير اقل ذكاء لان اغلب الناس تجيب طبيعي وماشاء الله اطفالهم اذكياء
ربي يحفظلج ايهوم ويفرحج بي يزيده ذكاء وصحة وعافية بحق لا اله الا هو.
اتمنة تفهمين قصدي بالاول عزيزتي.

[sarabaghdad]

الله يساعدج والله
اني بس اريد اجيب وخلص لان تعبت ادعولي

[White angel]

ام نورهاانه حبي الحمد ع السلامه ألج وحشه

[أم أيهومي]

هووو فله حبي الله يسلمج حياتي فديت قلبج ويبعد عنج كل شر

[أم أيهومي]

هلو زنوبه حبي تتحرك لتستعجلين ولو العبيد ماعدهم صبر بس كوليله لزوجك هسه تشبع منهة وتمل ان شاء الله

[فوفو العراقية]

الله يسلمج سوسو
الله يسهل عليج يارب
كلشي بوقته حلو
الله يفرحج بالولادة السليمة السهلة وتسمعين صوت النونو من يطلع يبجي فددددددوة
ربي يتمملج على خير يارب.

زينب
انتي مثلي
متحرك بالبداية وحتى الخامس ونهايته كلش
بس شنوووو؟؟؟؟ عينج متشوف غير النورهههههههههه
تكولين دب وجا الصيف هههههههههههههههههههه
مرات ابجي من الضرب احس رجل راح تطلع من بطني والاصابع احس بيهن....
انتظري والله يعوضج بدل الحركة حركات ههههههههه

[أم أيهومي]

حبي فوفو اني افتهمت كلامج هيج لانه موضحتي اكثر بس صدكيني هو تعب بالحالتين ومرار ويجوز مثل مكلتي ام الطبيعي وجع ساعه وترتاح

ساره حبي اني اصلا مجان عندي اي شعور لانه ممسويه عمليه قبل ابدا ومن طبيت ظليت اقرا ايات والخوف مسيطر عليه بس من اتذكرت انه بعد ساعه ابني راح ايصير ابحظني اتشجعت وصعدت وكمت احجي وياهم واتشاقه الى ان رحت بالبنج وحسيت عبالك وره خمس دقائق لكيت نفسي بطني مظبره وعندي الم بس شوفة ايهومي نستني كلشي فديت شوفته حبيبي كان مفتح ويباوع عليه ابد ماانسى هاي اللحظه وتخافون صدوني اني جنت ميته خوف بس الحمد لله اذكرو اللهويروح الخوف (الا بذكر الله تطمئن القلوب )

[فوفو العراقية]

اي والله ام ايهومي
اني انقهر على ام العملية بحالة الرضاعه
من تنام صفح
اويلي
تكول عبالك حديد مكان الخياط
وتتالم
اني شايفه امهات العملية شلون
الله يكون بعون كل وحده قيصرية
ماتنحسد عليها
لان الولادة الطبيعية تروح ثاني يوم للبيت ويا طفلهة
بس العملية لازم تضل ويا الطفل وتحاليل وخياطات وتعقيم كل يوم
ووراها هم لازم ترجع تشيل خياط ........................................... الخ
الله يبعد احتياجات العملية عن كل وحده وتكوم بصحة وعافية بعد الولاده مباشرتا.

[أم أيهومي]

حياتي فوفو تسلمين ربي يخليلج اطفالج ويكومج بالسلامه يارب وتفرحين بشوفة النونو بخير وسلامه

[sarabaghdad]

الله يتمم على الكل بالولاده السهله ياربي

[sarabaghdad]

ام ايهم شكد بقه عندج الم وره مفتحج البنج وصدك من يفتحج تختنكين ؟؟
والالم مثل شنو تحسين بي

[أم أيهومي]

اي والله فوفو اني من وره الخياطات مكدرت ارضع ايهومي كلش اذتني الخياطات وهسه متبهذله بالمميات والحليب والله انصح الكل لتعوفون الرضاعه الطبيعيه لانه هي الي تسوي مناعه للطفل وتحميه

[أم أيهومي]

ساره حبي اني من طلعت من العمليات بده الالم الم فظيع مينوصف ومااكدر اكلج شنو بس بالمهدئات واابر يخدرونه وبالفعل من فتحني ابنج بديت اختنك لانه اعفو متقيأته بس اختي مرت بهاي التجربه وعلمتني كلما احس بالاختناق يشربوني مي دافي بيه اشوية حراره فيروح الاختناق الى ان اتلاشه تماما بس ثاني يوم اختفى الالم بس بقه الم الخياطات والجكه مالتهة بس من فتحت الخيط ارتاحيت والحمد لله
بصراحه نسيت كلشي ايهومي نساني وفرحته غطت على كلشي وعميتي زينه والحمد لله بالغرم سويتهة بمستشفى حكومي لانه كان فايت موعد ولادتي 15 يوم ولازم حكومي علمود الخدج

[White angel]

ام ايهومي شسوي غير تتحرك مااعرف دا تتحرك ومدا اعرف الحركتها لان هي ب السونار خبلتها لام السونار والله لو تشوفيها ادكولين ممعقوله لي هسه متحركت بس دا انتظر ولااا زوجي يكولي يارب تطلع صدك بنوتة وتفرح قلب أبوها واني هماتين بس انتظر بس افوت ب السابع واروح اشوف

والله يافوفو دا انتظرها يوم وره يوم أكول بلكي تتحرك هاي العنود وماكو
الله كريييييييم ربي يسهل

[توتايه]

هلو بنات شلونكم بنات عفيه اليوم لكيت مثل الخيوط سوده بس رفيعه كلش بخروج يوسف والله خايفه والدكتوره حجزتله يمها يوم السبت عفيه بلكي احد يطمني

[أم أيهومي]

الله كريم زنوبه يظل بالج حبي بس اهم شي سلامتهة خليهة حتى لو عجوزيه ومتتحرك هههههههههه

[White angel]

اي والله اهم شي سلامتها وصحتها السليمه وكلشي مااريد بعد

[أم أيهومي]

هلو ايوته لتخافين حبي عادي اني هم مرة صارت عد ايهوميي كالي الدكتور عادي ولتخافين اختي اتكولي اخاف ماكل ابنج خيووط

[**نورا**]

يااااااااااااااااااااا هلالالالالالالالالالالالالالالالالالالالالالالالا بام نورهانه وهلا بسورها وبنورها وين الغيبه حبيكو شلونج وشلون بنوتج والنونوه انشالله زينين
باقي البنات شلوووووووووووووووونكم شكو ماكو
اني حجزت يوم السبت اخر يوم بشهر الثامن يعنني اروح اشوف الدكتوره شتكول
والله كريم

[**نورا**]

توتايه حبي سلامت يويو لتخافين انشالله ماكو شي
زنوبه شلون صرتي حبي

[**نورا**]

صباحكم عسل
http://forum.hwaml.com/imgcache2/hwaml.com_1340865810_205.jpg

[عسل بغداد]

صباح النور حبيبتي شنو هالصباح اليخبل

البنات حبايبي شلونكم
فوفو حياتي شلونج اليوم

[**نورا**]

هلا بسجاوي شلونج اليوم شخبارج شلونهم الجهال والحمل

[**نورا**]

بنات اريد اسالكم اني بوكت بنتي من جبت صدري تشكك ودمايه ومن ترضع وجعععععععععععععع مينحمل ابد هاي بالبدايه هسه كاعد يكولون دهني من هسه شنو رايكم بالموضوع

[فوفو العراقية]

صباح الخير
شلونكم حبايب
ان شاء الله كلكم زينين


حبيبتي عسولة اني زينة انتي شلونج والبيبي
عسا الجميع بخير؟؟؟

والله اني اليوم نحلانة كلش
والدوخة مموتتني
والم عندي بجهة اليمين جوة ببطني وتقلصات بدت عندي خصوصا بالليل
الله يستر ما اولد هالفترة,

[فوفو العراقية]

نورا حبي
الدهن يفيد وقت الرضاعه مو هسة
ولو قررتي تحطين دهن فلازم وصفه طبية
لان اكو دهون مضرة عالجنين وتوصل للمشيمة وتخترقها

وهذا الم الحلمة اني شايلة همة هسة
بس اول طفل يختلف عن الثاني بالرضاعه.

[**نورا**]

هلا هلا حبي فوفو سلامتج هاي بسبب قلة الاكل يمكن الدوخه بس ديري بالج ليروح صدك تجيبين بعده عنوني خطيه
اني هم شايله هم للرضاعه تدرين هسه بس تنطخ توجعني حته ما اكدر اغسلها بس بالمي مدري شسويلها بس امي تكولي يوميه خلي عليها زيت الزيتون منا لحد متجيبين

[مي &]

هلووووووووووووووووووووووووووووووووو

[o فرح عمريo]

مساء الورووووووووود ع كل الوردااااااااااااااااااااات

[o فرح عمريo]

ياهلاااا بأم نورهاااانه حياتي منوره ياعسل اشتاقينالج حياتي شخبارج وشخبار كتكوتاتج ان شاء الله تماااااااااام
هلوو توتايه لتخافين ان شاء الله ماكو شي ومابي غير العافيه ليويو

زنوبه \ نورا \ميوش\ فاديه \قموره \ ساره بغداد\ساره\ ام هيمن\ ام ايهومي\ سجااوي\ مروه
وكل البنااات تحياتي واشواقي الكم

[**نورا**]

هلاوووووووووووو بنات
خابرونه بيت خالتي وعرس بنت خالتي انشالله يوم 7/5
وديسالون عن صينية الحنه وشيخلون بيها وعن الشمعه الطويله الي بطول سليمه هههههههههه شوكت يعلكوها بالحنه لو بالسبعه
ياريت اذا تعرفون تكلولي حته اكللهم

[عسل بغداد]

هلو بنات شلونكم
نورا عالخيرزواج بنت خالتج والله يكثر افراحكم
الشمعه يشعلوها بالحنه والصينيه يخلون بيها الحنه وكيكه وجكليت وحلقوم وشموع زغار واكو ناس يخلون سكر بماعون وملح بماعون ثاني علساس حتى يبقون العرسان عالحلوه والمره
واهم شي الي تحني العرسان وحده حظها كاااااااااعد هذا الي اعرفه

[عسل بغداد]

اليوم اروح للدكتوره عندي مراجعه
يله بيباي

[**نورا**]

شكرررررررررررررررررررررا حبي سجاوي يوم زواج بنتج واجي احنيها لان شنو خيه عود اني حظي كاعد
هههههههههههههههه

[**نورا**]

الله وياج من تجين طمنينه

[o فرح عمريo]

هلووو حبي نواااااااااااره الف عالخير زواج بت خالتج وياربي السعاده الدائمه

شوفي حبي اني الشمعه الطويله شعلولياها بلحنه وخلوها للصبح بحيث هي ماعت وحدها
وصينة الحنه يخلون ياس وجكليت وحلقوم ومي ورد بكلاص وحامض حلو مو كلش ضروريات بس علمود الشكل اهم شي حلويات
وبكوس صغار شكر وطحين وتمن
اني الي سامعته بعائلتنه ميخلون ملح ويخلون هاي المواد لأن بياضات وعلى حسب كولتهم تدل على السعاده
وسامعه الي حضها كاعد تفرش الفرشه همين مال عروس حتى تصير مثلهااا

[o فرح عمريo]

خلصت الحصه لعد خخخخخخخخخخخخخخخخخ

حبي سجاوي الله وياج بالسلامه ان شاء الله

[**نورا**]

مشكووووووووووووووووووووووووره حياتي فروحه يوم الي تفرحينه بخبر حملج امين

[**نورا**]

يكلك لو ضاك خلكك اذكر ايام عرسك
صدك احلا ايام هيه ايام العرس

[o فرح عمريo]

يسلموووو حياتي نورا
اهااااااااااااااا لازم حنيتي

[مروة87]

هلو بنات شلونكم
اخبار النونوات ان شاء الله بخير

[sarabaghdad]

هلاو فروحه شلونج عمري
شخباركم بنات انشاء الله بخير

[فوفو العراقية]

هاي بنات ونساء وحريم وزوجات وامهات وكروشات
شلونكم خبط لبط.؟؟؟ هههههههههههه

[o فرح عمريo]

مسائووووووووووو ع الحلواااااااااااات

[ام رؤياا]

هلو بنات ممكن نتعرف

[o فرح عمريo]

هلاوو مراوي حياتي
هلوو فاديه شخبارج عمري
باقي البنااات شخباركم حبايب

[o فرح عمريo]

مليووووووووون مرحبااااااا بيج حبي ام رؤياااااااااااا
طبعا ممكن ونورتي التجمع

[ام رؤياا]

هلو اني اسمي سيسي

[ام رؤياا]

شكرا حبيبتي انت انور

[o فرح عمريo]

http://forum.hwaml.com/imgcache2/hwaml.com_1340908564_430.gif (http://www.rafat0004.com/gallery/-Admin/73941-pic_5.htm)


http://forum.hwaml.com/imgcache2/hwaml.com_1340908564_261.gif (http://www.rafat0004.com/gallery/-Admin/212-pic_8.htm)

http://forum.hwaml.com/imgcache2/hwaml.com_1340908564_474.gif (http://www.rafat0004.com/gallery/-Admin/1-pic_7.htm)

[ام رؤياا]

هلو فرح انت دجاوبين علية

[o فرح عمريo]

عاشت الأسامي حبي يله انطينه السي في مالتج
اسمج
وعمرج
وصارلج شكد متزوجه
ومن اي منطقه
لأن اي وحده تجي جديده تعرفنا بنفسهااا

[o فرح عمريo]

اييييييييييييييي اني
طبعا بناات
اني وام رؤيااا
غرفه بصف غرفه
لأن هي مرت حمااايه
يله اريد ترحييييييييب حااااااااااااااااااار بيها

[o فرح عمريo]

شكو ماكو مكيفنه هم رجع حااااااااار
انتي شخبار مكيفج ؟؟
متنطيني خط هههههههههه

[o فرح عمريo]

هاااااااااااا اشو اختفيتي ؟؟؟؟؟؟
الوووووووووووووووو

[فوفو العراقية]

يا اهلا وسهلا ب سيسي
منوووووووووورة ياقلبي
اي طبعا نتعرف ونتشارك كل شي حتى الزاد والملح ههههههههه
لعد وينج من زمان دام فروحة عضوة هنا ويانة؟؟؟

ااني فوفو
نجفية وعايشة ب فنلندا من 16 سنة تقريبا
عندي 3 اطفال وحامل بالسابع
عمري 29
وانتي؟
http://forum.hwaml.com/imgcache2/hwaml.com_1340909301_611.gif
http://forum.hwaml.com/imgcache2/hwaml.com_1340909301_268.gif

http://t3.gstatic.com/images?q=tbn:ANd9GcTkqUVMREistKTtPY5k2Gnz0fdaIIh_F InUkA4cv5QwxuSomFGViZ7j9JY_

http://forum.hwaml.com/imgcache2/hwaml.com_1340909301_791.gif

[o فرح عمريo]

بناااات اجه رجلي وجايبلي موطااا
رح ارووووح
اشوفكم على خير
تصبحوون على خير
وديربالكم على سيسي
بااااااااااااااااااااااااااي

[ام نورهانه]

هلاااااا بالطش والرش هلا بكل الحبايب بدون ذكر اسامي شلع قلع فديتكم

لج نورا قلب قلب اني بنورهان نفس حالتج ومن حبلت من شهر الثالث انطتني الدكتورة بيبينايثين كريم للحلمة لان اني اصلا ماكو حلمة ومن شهر الثالث استعملها ليهسه حتى الالم خف مالتها وصارت بيها طراااوة لان كلش عاجبني ارضع بنورهان مرضعت بس اسبوع وكلش متندمة
وصدك جهزت للكتكوته مالتي كم شغله بس بعدني مكملت فديت قليبها اني صدك فوفو حياتو شلونج وشلون دبدوب هم مثلي بنتي العرمه كل دفره تخلي روحي تموع من الوجع هالعوبه كل مأذيتني وبالذات لما تكون متحجرة وتضربني حتى اكوم ابجي
اكلج صدك هاي اخذت سنوارين ذاك السبوع واول بارحه لج اثنينهم يحسبولي اني صارلي بالسابع 3 اسابيع وول البارحة الدكتورة تكولي بعدلج اسبوع وتدخلين الثامن كتلها يمعودة يا اسبوع تره مصارلي من دخلت السابع اسبوع تعجبت بعدين كان تكولي لعد البيبي مالتج كبير بس معرفت اني على حساب منو امشي اتخبلت

[**نورا**]

هلالالالالالالالالالالالالالالالا بسيسي منوره حبي واحلا ضيافه لعيونج
http://www.ankawa.com/forum/index.php?action=dlattach%3Btopic=499210.0%3Battac h=814116%3Bimage
http://forum.hwaml.com/imgcache2/hwaml.com_1340912403_986.jpg

[**نورا**]

هلالالالالالالالالالالالالالالالالالالالالالالالال الالالالالالا حبي ام نورهانه شلونج كبد اخبارج صايره مثل الكمر متبينين هوايه
وبالنسبه لمشكلة الحمله مشكله عويصه بس من اليوم راح ادهن زيت الزيتون كل يوم بلكي شويه يفيدني

[**نورا**]

فلايه كبد مبروووووووووووووووووووووووووك تجهيزات النونيه ياربي تجي وتهريهم بالهنه
وتره مو دائما تشخيص السونار صحيح يمعوده هاي كرايبنه كلولها وزنه 4 كليلو ونص وجابته 3 و600 يعني فرق كيلو

[أم أيهومي]

مساءكم ورد

منوره سيسي غلاتي وهلا بيج وبفروحه وبكل اهل الغاليه ديالى الحبيبه

شخباركم فوفو شلونه الوكح حبيب خالته

نورا شخبار عبودي طبعا كل عبودي وكح عبدالله ابن اختي نار

فله شخبار الوكوحه مالتج

سجاوي شلونه بشير لو ابراهيم معرفنه وين صفت ههههههههه يارب يجي بالسلامه

توتايه ماكو ظل بالي عليهة
فروحه مكيفنه هماتين مالت الهول ديعلس مااعرف شبي انعده منكم ههههههههههههه
البقيه يارب ايكونون بخير
ايهومي تعبني من وره سنونه كولولي شسوي راح اتخبل مكسور كلبي عليه بهالحر ويحكحك

[ام نورهانه]

هلا حبي نورايه منورة قلبي
اي ادهنيها احسن وحتى اكو دهن اثناء الرضاعة تدهني يعني ميأثر على البيبي كالتلي الدكتورة من تولدين انطي الج
اما على بنتي العوبة لج راح اتخبل حتى سويت دوبلر يطلعلي نفس الحساب يعني معقولة اكو طفل يصير قبل الدورة والله دخت يعني خمس سونارات اخذت وكلهم نفس الحساب المهم اني اهلي وعيالي كالو احسبي على تاريخ دورتج يعني بدون زيادة عليها يعني كل 19 اخلص شهر والله كريم

[ام نورهانه]

هلااا حبي نجولة حياتي وفدوة الايهومي اي لج الاطفال بهالعمر كلش يقهرون من يبدي يسنن كلش يتعذبون ان شاء الله فتره وتعدي حبيبي

[فوفو العراقية]

هلو حبي ام نورهان
اي قلبي
والله اني هم الدكتورة من اخذت سونار تكول ماعرف احدد عمره
بس كالت دامج بالسابع ف هذا شيئ طبيعي ان وزنة اكثر من الكيلو
واني الي اعرفه ان الشهر 4 اسابيع
اشو احنة دا نحسبة على 5 هههههههههههههههه

هلو حبي ام ايهومي
الحمد لله بخير انتي شلونج

بنات
اني من البارحة على نفس الوجع بس جان خفيف
والطفل جان يتحرك هواي
هسة كامت تجيني الام مال طلوكة بدائية
ووكت التقلص الطفل ميتحرك ابد
ووكت ما تروح يرجع يتحرك
بس اني ناشفه ومينزل علية شي
بس الالم دا يزيد عندي
وكل ساعه الا ربع يرجع يتقلص الطفل ويزيد الالم ويروح
شسوي؟
وشوكت لازم اروح للمستشفى
اني خايفه كلش لتكون ولادة مبكرة
كامشة قلبي

وخايفه عالطفل
ماريد اريد اروح للمستشفى لو ماكو داعي وقلق زوجي.

[أم أيهومي]

هلو بنات اي والله فله انقهر عليه حبيبي
اكولج فله اني ايهومي هم حسبولي على وزنه ومعترفو بتاريخ الدوره وكالولي نمشي عالسونار او الدوبلير لانه هو اظبط من الحساب

فوفو حبي ديري بالج على نفسج والله كريم

[**نورا**]

بشرج الله بالخير ام ايهومي ابو ثنون هههههههه
اي فلايه عكبه عندي موعد ويه الدكتوره مالتي واكللها بلكي تكتبلي دهن
الله يساعدج فوفو حبي انشالله مو طلوكه بس من الافظل تروحين من وكت بلكي ينطوج ابره تهدي او تاخر اكو ناس بقو اسابيع من وره هاي الابر يعني روحي من وكت بلكي يكدرون يسوون الج شي وانشالله انشالله مو ولاده ولا شي

[فوفو العراقية]

تسلمين حبي ام ايهومي
الله يسلمج يارب

نورا حبي اي اني كل ب محمد انطوني مثبت بالخامس
ورنا مثبت بالسابع
ةهسة لو حسيت بده يصير توسع اروح
لان اعرف نفسي لو صار توسع
بس اخاف بالليل انام وماحس على نفسي وينزل المي
لان دا احس يريد ينزل شي
والطفل كلش مدا يتحرك من ساعه ونص
ادعولي عفية
خايفه موت.

[**نورا**]

انشالله ماكو شي والكاتبه الله يصير

[White angel]

صباح الخير بناااااات
شلونكم شلون صحتكم
اخباركم
اني شووويه تعباانه وحروح البيت اهلي
اكول بنات البارحه رحت حتى اتاكد اذا الكبد مالتي بيها شي والحمد الله شبعت الدكتوره بوكسات هههههههه
دقات قلبها سمعتها فديتها اني ووصل النبض ال 150 يعني شنو هههههههههه اكوله الزوجي مااعرف احساسي يكولي ولد عندكم خبره ب النبضات واذا يبين ولد او بنوتة

[ام نورهانه]

شلووونكم حبايب جمعة مباركة على الجميع

لج زنوبه قلب فديتها للكتكوته وربي يتمم الج على خير وتشوفيها فداوي العيونات الكتاكيت مالتنه
اكلج اني عن تجربة وقاريتها بالنت هم اذا نبضات القلب اقل من 147 ولد واذا ااكثر بنوته اني نورهان كانت 152 وهاي الكتكوته 160 والله اعلم وتدرين حتى قلت لابو السونار كال ماكو هيج حجي ولما شافها كال صدك هاي بنوته بس تدرين صار 3 مرات اروح اشوفها بالسونار بس متخليني اشوف ملاعيبها هههههههههه تكون سادة رجليها فدوه القلبها

[ام نورهانه]

هااااااي شنو اشو اليوم الحلوووووووات ماكووووو
فوفو وينج حبي سلامتج قلب ومتشوفين شر وربي يتمملج حملج على خير وتكومين بالسلامه اهم شي لتوهسين تره اني تقلصات عندي وحتى مي اذب ورحت قبل يومين للدكتورة كلت هسه تكولي نازل البيبي ومفتوح الرحم كالت لا البيبي وضع زين بس عندج تقلصات قويه وكتلها على المي كالت عادي هذا زايد لاتخافين وبس انطتني حب دفالون مال تقلصات وكالت كلما تحسين بالتقلصات صارت قويه اخذي حبه

[فوفو العراقية]

مساء الخير

شلونكم حبايب
زنوبة
مبروك الدفرات والبوكسات هههههههههه
مو كلتلج متحسين بيها بس تشوفيها بالسونار
حبيبتي بالنسة لدقات قلب الجنين مالهة داعي بجنسة ابدااااااااااااا
اني هسة طفلي نبضاته كلما اروح للطبيب كل شهر يكولولي 150-159
وكل طفل عندي شكل
ماله دخل المهم اكثر من 120 واقل من 170
كلة بمعدل طبعي
وحسب حركة الطفل
لان لو نايم دقاته اقل اكيد مثل الشخص العادي
والله يتمم عليج على خير وتجيبيلنة احلى بنوووته.


ام نورهان
شلونج حبي
فديت قلبهن البنوتات الحلوات ودفراتهن وحنيتهن
حبيبتي اني زينة
احسن هواي
ودا اسمع دقات قلب الطفل بستمرار بالبيت
وحركته قلت بس ماراحت
واتمنة من الله بس هالشهر ولو يكمل
والله ماوهس بس فعلا جان الم اريد ابجي منه البارحة
ويجي من جوة الظلوع لجوة ومن الضهر هم.
الله يتمم علينة جميعا ونتمم حملنة على خير ونجيب اطفال اصحاء ونكوم كلنة بالسلامة... أمين يارب العالمين.

[o فرح عمريo]

مساء الخير والعافيه على احلى كروووشاااات
والمو كروووشاااااااااااات

[*ام هيمن*]

هلو بنوتات شلونكم مشتاقتلكم هواية

[عسل بغداد]

مساء الخير بنات شلونكم اخباركم مشتاقتلكم هوااايه
البرحه صارعندي وجع ورحت للدكتوره كالت لازم تتركدين شويه بس انكمل هاي الاسبوعين انطتني حبوب مال تقلصات ومن هاي السوالف وطلع عندي التهابات
طبعا كلشي مقريت من الصفحات
وهسه راح ارجع امدد يله تصبحون على خير تحياتي للجميع

[**نورا**]

زنوبه هايه بنتج بعدها عارضة ازياء لو كصرت شويه ههههههههههه
يا هلا بفله وبناتها شلونج حبي
فوفو كبد منورررررررررررره ويارب يتمم عليج منا لحد ما توصلين للتاسع وتجيبيلنه احلا كتكوت
وعسوله سلامتج حبي مبقالج سبوعين اتحمليها شلون مجان وانشالله تطبين بشهرج وتكومين بالسلامه

اني ماكو شي جديد باجر اخر يوم بالثامن يعني راح شري انشالله وراح اروح للسونار والدكتوره ودنشوف طبيعي عمليه حكومي اهلي بعد هيه وعقلها دنشوف

[**نورا**]

تصبحون عله خير واحلام سعيده حبيباتي

[زهرة البنفسج89]

هلو بنات شلونكم
اني طبعا جديدة هنا\شفت تجمعكم حلو وسجلت بالمنتدى
اني من بغداد

[**نورا**]

هلا بزهره منوررررررررره التجمع حبي وهاي ضيافتج
http://forum.hwaml.com/imgcache2/hwaml.com_1341046476_488.jpg