دردشة بنات العراق, دردشة حوامل العراق , تجمع بنات العراق

[عسل بغداد]

تخلين الحلقه بالزنجيل مكان المداليه وتخليها كدام بطنج اذا تحركت عمودي او افقي يعني ولد واا دائري يعني بنوته
يله روحي سويها وتعاالي بسرعه

[White angel]

ماكو يمي زنجيل هههههههههههههههههههه

[عسل بغداد]

زنجيل مال كلاده مو مال باب البيت ههههههههههه

[**نورا**]

مساء الورد على حديقة الورد شلونكم بنات اخباركم
** اي والله يا زنوبه مضبوطه جربيها ومن ثم بشرينا **
عسول اشرقت الانوار حبي

[**نورا**]

طبعا احس حريق بالمعده مالتي ابد ماله حل ولا يبرد كلشي جربت ومفاد مبقه بس ابدل معدتي واجيبلي معده ياباني مستعمله
واخلص هههههههههههه

[فوفو العراقية]

مساء الخيررر
هذني صور عيد ميلاد رنا بنتي
حبيبة الماما
فدوة لهل بنات النادرات
ولو الصور مواضحات لان بكاميرت المبايل لان مدا تعجبني كاميرا حتى اشتريها وخلص
بس احسن من ماكو
والكيكة تعبتني والمصيبة حرك ايدي اموتني بس عدت على خير
لان مجنت عازم ناس
بس صديقاتهة البنات جيرانة ووياهة بالمدرسة.
اتركم ويا الصور,,

http://forum.hwaml.com/imgcache2/hwaml.com_1339599756_326.jpg (http://www.hwaml.com/up/)

http://forum.hwaml.com/imgcache2/hwaml.com_1339599756_798.jpg (http://www.hwaml.com/up/)

http://forum.hwaml.com/imgcache2/hwaml.com_1339599756_756.jpg (http://www.hwaml.com/up/)

http://forum.hwaml.com/imgcache2/hwaml.com_1339599756_381.jpg (http://www.hwaml.com/up/)

http://forum.hwaml.com/imgcache2/hwaml.com_1339599755_157.jpg (http://www.hwaml.com/up/)

http://forum.hwaml.com/imgcache2/hwaml.com_1339599757_958.jpg (http://www.hwaml.com/up/)

[فوفو العراقية]

زينب حبي الحمد لله على سلامة النونو
ومبروك البنوته
يارب يتمم عليج الفرحة وتكون من الصالحين...
فرحتلج كلش
ولا تخافين
هسة موسم البنات يعني موتوقع الحمل ببنت اكثر من الولد
وكلة هدية من المولا
الحمد لله والشكر على النعمة هاي العظيمة من الله..

[**نورا**]

ماشاء الله كل عام ورناوي بخير وياربي يحفظها ويخليها الكم
واما الكيكه يبووووووووووووووووووووووووو
تجنن ام الفوف الف عافيه مطرح ما يهري يهري عله كولة سعيد صالح ههههههههههههه
بس والله فنانه كتبيلنه المواد والكريمه الرهيبه العجيبه هم حته اسوي لان شنو اني غرت تلش تلش ههههههههههه

وبهاي المناسبه السعيده حروح هسه اسوي شي حلو واكله هههههههه

[عسل بغداد]

كل عام ورنا بالف خير
عاشت ايدج عالابداع شنو هالكيكه

[فوفو العراقية]

هلو حبي نورا
الله يبارك بيج
حبيبتي والله الفن من بعدج يعني
بس بصراحة جان طعمها رهيب
كلش طيب اكلت قطعه كاملة مع كرهي للحلا ههههههههههه
ليش هوة اني افتهمت شنو حطيت مقادير ؟ ههههههههههه بس اذكر سويتها 3 اللوان ازرق ووردي وابيض ههههههه
اني متعودة اسوي بلا مقدار الكيك
بس هوة مثل مقادير الكيك العادي تقريبا
بس احطلة ليمون ومبروش جوز الهند تطلع طعم واو
والكريمة مال الكيك الي تخلطيهة وتصير ثخينة
وفوكاهة غطيتها بعجينة اللوز والشكر
وبالوسط جان طبقة موز وطبقة بيها توت بري
والله لو تشوفيني تضحكين
اسوي العجين بيد وحده امددة هههههههههههه فلم...
مشكووورة حبيبتي ويخليلج كل احبابج يارب.

[فوفو العراقية]

هلو عسولة عمري
تسلمين الله يباركلج بطفالج وكل احبابج
حبيبتي من بعدج
فديت قلبج...

[عسل بغداد]

شلو ن صارت ايدج

[فوفو العراقية]

والله الم ماكو الا من المس المكان
بس منتفخة ايدي كلهة وخصوصا الاصابع المحروكة
بس الحمد لله احسن بهواي عن البارحة شفت الويل
والليل مانمتة من 3 جهات
الالم مال ايدي
ودفرات البيبي
وشخير ابوه هههههههههههههه
بحيث الصبح قبل ما تدك الساعه كعدت..

[عسل بغداد]

يله الحمد لله على كل حال
والتحاليل مالتج سويتيها لو لا

[White angel]

هلو بنات شلونكم
بنات لكم جربت بس والله انثولت مااعرف شلون تصير ربطت الحلقه ب الزنجيل وبقيتها واكفه بحيث الحلقه موكعت ع بطني صارت واكفه تفهمون شي
لان يمكن كمت اخربط مدعبلت الحلقه بقت واكفه ب العرض

[White angel]

حبي فوفو الله يبارك بيج قلبي ويوم قومتج بسلامه
وشنو هاي البنوتات الحلوات لج شنو هاي بنتج تخبل فديتو دنفيشه
وشنو هاي الكيكه متنطيني شويه هههههههههههه اشتهيتها

وشلون صارت ايدج ان شاء الله احسن

[فوفو العراقية]

عسولة حبي
التحاليل سويتهن وباجر النتيجة تروح لمركز الحوامل مال المنطقه مالتنة
ولو اكو شي يخابروني
بس ماعتقد اكو شي
بس ظليت هناك ساعتين ونص لان تحليل السكر يتاخر كلش ولازم ياخذون شيشتين اول مرة
وينطوني شي اشربه ااااااااااايع اشكد مقرف
وبعد ساعه ياخذون هم دم
وبعد ساعتين هم دم
وبعدها رحت اكلت لان جنت مييييييييييييييته من الجووووووع
من البارحة بالليل مماكلة هههههههههههه
ونتهت الحكاية هههههههههههه.

حبيبتي زينب
الكيك انتي ومايحتاج تاكلي قلب
فديتج انتي الحلوة وعيونج الحلوة
رنونة بنتي حلوة ماشاء الله بشهادت الجميع هههههههههه
بس بالصور ممبينه ابد وخصوصا بكامرت التاليفون التحفه ههههههههه.
ربي يرزقج باحلى بنوته..

بس شنو نويتو تسموهة؟

[o فرح عمريo]

مساااااااااااااء الخير والشووووك والعافيه ع الغوااااالي
شخبارجن حبايب مشتاقتلجن موووووت ولله
اعذروني على الانقطاع جان نت ماكو
وهسه رجعت من جديد
والف مبرووووك التجمع الجديد
وان شاء الله نستمر عالحب والموده
اروح اقره الصفحات واجي
وصلت ل10
بوساااااااااااااااااااااات للكل

[ام نورهانه]

هلووووووووووو حبايب شلونكم تسلمولي يا اغلى خوات انتوا بس شسوي الحجي مو مثل الفعل والقهر مو بيدي مااحس بيه لان هو بشهادته اني مامقصرة ويا بشي وشاعلتله العشره شمع ولو بيه قصور يمكن كان منقهرت بس هو بلسانه يكولي انتي ممقصره بس اني انجرفت ومعرفت شلون اطورت القصه وهذا الي يجرحني

المهم هو صارله يومين يحاول يسعدني ويضحكني دائما لان الطرق مسدده علمود وفاة موسى الكاظم رضي الله عنه فكالي بس تخلص المراسيم وتنفتح الطرق اطلعج واخليج تختارين اي هديه تعجبج
بس احلى شي اليوم ضحكني احنه عدنه طبقه بيض اليوم اجه من الدوام وشايلي طبقه بيض كل وحدة هالكبرها كتلها هاي شنو احنه ممحتاجين بيض كان يكولي لا هاي مخصوص الج كالولي تطلع بيض ابو الصفااارين واشتريتها بعشره ههههههههههههههه اني ضحكت كتله صدك كال والله هههههههههه وهي الطبقه مال بيض ب4 الاف ههههههههههه طكينه اول بيضه طلعت صفاااااااااااار واحد ههههههههههههههه ظل كلسه يريد يطك بيضه واني مااخليه بس صدك ضحكني شكله هو والطبقه جاي فرحااان بيها ههههههههههههههه

[ام نورهانه]

زنوووبه حبيبتي الف مبروك البنوته واهم شي اطمئنيتي على سلامتها فدوة القلبها الدبه وشي يجي من الله انعم الله هذا رزق وامج مثل امي هي الوحيدة الضاجت من عرفت بيه بنيه هههههههههههههههه

لج بس ضحكتيني على طولها لج انتي اكيد سامعه غلط هههههه لج ماكو طفل بالخامس طوله سبعين هسه ميتجاوز طولها ال30 سم بس خاف حسبتلج طول الحبل السري لج هو من يجي للدنيه طوله 50 سم بالزايد 60 سم هاي تكونين مخلصه التاسع



فوفو قلب الف مبروك ميلاد رنااااااااوي ويارب تشوفيها عروس وعقبال الالف سنه تعيشها بسعادة وهنا يارب وعاشت ايدج على الكيكه ابدااااااااااااع
لج بس اني الجالي دمرني دماااااااااااااااااار حتى نوم بالكوه وسلامة ايدج ان شاء الله هسة احسن



سلامي الكل البنات العسوووووولات فديت قلوبكم كلكم يا احلى خوات ربي يخلينا البعض وميحرمنا من هاللمة الحلوة والسوالف الحلوة يارب

[**نورا**]

فروحه منوره من بعد طول الغياب ألبي

[**نورا**]

شكد ضحكت عله البيض فله ههههههههههههههههههههه مبين رجلج كلش رومانسي مثل رجلي ههههههههههههههه

[White angel]

حبي ام نورهانه كل عام وانتي بمليون خير وعقبال ال100 سنه
ربي يحقق كل امنياتج ويهدي لج زوجج ويحنن قلبه ولو يمكن المسكين ممقصر بس تره الرجال كلهم ينكلبون بفترة الحمل

اسفه ع التأخير قلبي فرحتي ببنوتي ثولتني ههههههههه لج ام نور تعرفين اول مخلت السونار دا تحك بشعرها ام الكمل هههههههههههه

[ام نورهانه]

هههههههههههههههههه سجاوي حازي بازي ماكت ههههههههههههههههههههههههههه يسعدلي قلبج ضحكتيني شلونج وشلون المخدد فوووووديته

[ام نورهانه]

ههههههههههههههههههههههههههه تسلمولي نورا وزنوبه لج نورا اني من الظهر لسه اضحك عليه ههههههههههه اي هو رومانسيته غير شكل يكولي انتظري بعد شراح تجيج هدايه هجيبلج شلون كيلوين بصل من هذا الابيض الكبار الي يحبه قلبج هههههههههههههههه


زنوبه فدوة الام الكمل هههههههههههه حيااااااااااااااااتي بنتج بس تطلع انشتاين ههههه لان هو يظل يحك بشعره هههههههه فديتها ربي يحفظها ويرزقج بيها سالمه معافاة بلا زيادة ولا نقصان اني بنتي اول البارحة من اخذتلها سونار ام السونار دكولي بنتج شقااااوات منين متخلي السونار تدفرها هههه خبلتنه وكلسه مفززه ام السونار

[**نورا**]

هههههههههههههههههههههههههه زين اذا بصل وبيض اني رجلي كلشي مجابلي هههههههههههههه

[**نورا**]

تصبحون على خير حبايب قلبي

[White angel]

الله يسلمج قلبي ام نورهانه لج عيني أني من شفت السونار بقيت ابجي
ولما سألتها ع طولها كالت شي ب السبعه عاد أني رهمتها 70 ههههههههه زوجي يكول
شنو بس بنتي 3 ارباع المتره هههههههههههههههههه يله اغير واكول 17 هههههههههههه ها هسه مضبوط مو
بس اهم شي مو نص اخمس على أمها
حمايه يكولي منو يكدرلج بعد متتحجين ام البنيه صرتي هههههههههه هو يسميني نبعه الي وي ماضي
يكوله الزوجه شلونها نبعه يجاوبه زوجي نبعه لو أمها خطيه مفهم وراها بثواني كاله صدك شنو حتجيك بنيه كاله اااااااااااااي
كام يعيط مصدك بنات أني أخذ تاج العشيره والذهب كله يصير تشمير هههههههههههههههههه

[كولين]

السلام عليكم اني كولين من العراق بغداد واحب انضم الكم؟؟؟؟

[ام نورهانه]

كله الهلاااااااااا بيج كووووولين منوووورة حبيبتي ممكن السيفي


لج زنوووبه تدرين احلى شي لما تحسين نفسج مميزة عن الكل وبنتج هاي هتطلع مدللة بشكل وووكحة لان راح تصير دلوعة الكل والمحبوبة من قبل الكل

وبالعافيه مقدما على الهدايه الي هتجيج اني متأكدة هتصير هدايا ثمينه لان اول بنوته ههههههه وانتي استغلي الشغله هااي هههههههههههههههه بحجتها اشبعي هدايا هههههههههههه

[كولين]

اي عمري ممكن
اسمي كولين المستعار طبعا
متزوجة وعندي ولد اثنين
اعمل مهندسة كومبيوتر
عمري 30 سنة
وشتحبين تعرفين بعد؟؟؟
ممنونة حبي

[ام نورهانه]

كل الهلا بيج عمري كولين ونتشرف بمعرفتج بس ام منو نصيحلج اسهل من كولين وربي يخليلج اولادج حبيبتي

وهسه اعرفج بنفسي

واني ام نورهان وطالبة السنه نجحت للسادس ادبي وعندي بنوته وهسة حامل نهاية السادس ان شاء الله وصارلي 5 سنين متزوجه وعمري 23

[ام نورهانه]

طبعا من رخصتج لان الساعة عدنه وحدة وربع وزوجي كان يتحجج يريدني اسد الاب وان شاء الله نلتقي باجررر

يله تصبحون على خيررر حبايب

[كولين]

ماشي حبي اتشرفت بيج صيحيلي ام طارق حبي وتصبحين على الف خير

[White angel]

صباح الخير حبايب قلبي
شلونكم اخباركم
اني اليوم اشو كلش تعبانه ماادري من كعدت الصبح الشمس قويه على عيني مع العلم البردات منزلتها ومظلمتها بس طلعت المحروسه خربت نومتي وراحت
شنو اخباركم منو جابت منو توحمت منو حبلت منو فرحت منو ضاجت
ههههههههههههه تفاصيل مال البارحه بسرعه
ام نورهانه اي والله هاي احلى شي ولا عمها يكولي ريتاج سموها ويعيط ريييييييتاج كتله يابه صعب لان الناس ممتعوده عليه
يكول لا انتي ام ريتاج هههههه بكيفه يحجي
اي بس بلكي يطلع كلام ام السونار صحيح هنا بس مره وحده يحجون وكالت مو 100% بنيه بس لو ولد راسا بين من اعضاءه بس كالت هنا كلشي ممبين
اي اني امي ضاجت ب البدايه بس هي تموت عليهم من تشوفهم ب الشارع تتخبل عليهم بس ضاجت بعد بس كالت بس تجي سواراتها الذهب عليه وعمها يكولي تراجيها عليه لج عيني ميحتاج اجهز بنتي وعمتي كلادتها عليها واني وابوها نكرف ب الهدايه ونرجع ليوره هههههههههههههههه

[White angel]

هلو عيني ام طارق نورتي المجمع وتشرفنا بيج حبي وكل الهلا

اني زينب من السويد وهنا كله زينب السويد يصيحولي
حامل والبارحه اخذت سونار كالو يتوقعون بنيه ولو ولد كان بين
بــــــــــــــــــصــــراويه ههههههههههه بس عمري معايشه بـ البصره
متزوجه صارلي سنتين ونص
عمري 21 سنه
كل الهلا بيج حبي بنص خواتج

[o فرح عمريo]

مسااااء الورد ع الورووووود
شخبار الغوااالي ان شاء الله بألف خير

رويددددددددددددددده واخيرا الف مبروك حياتو والف حمدلله ع السلامه وتتربى بعزكم الوقه الحلوه وماشاء الله تجنن ربي يحفظها من كل شر ويجعلها قرة عين الج ولوالدها

حبي فله الف مبروووك وميلاد سعيد وياربي يجمعكم بالحب والموده وتعيشون بسعاده دائمه
وان شاء الله تحقيق كل الأماني

زنوبه الف مبروك البنوته وان شاء الله تولديها بالسلامه وتشوفيها احلى عروسه

فاديه حبي مشتاقتلج هوااايه وسلامتج عمري والف مبارك ميلاد رناوي وربي يخليها الج وماشاء الله تجنن

ام ايهومي شخبارج ومبروك ع الحمل وربي يتمم على خير وايهومي يجنن ماشاء الله علي

نورا حبي شخبار وشخبار الحمل وياج ان شاء الله تمام

ميااااوي حياتي مشتاقتلج هواااي وشكرا على السؤال قلب بس جان نت ماكو وان شاء الله رجعت من جديد

ام كولين وام عمار 1 و 2 اهلا وسهلا بيكم نورتو التجمع

عسوله وزنوبه وامونه وام هيمن وتوتايه وكوكي وقموره وكل البنات شخباركم مشتاقتلكم هوااايه

[White angel]

حبيبي فروحه
الله يبارك بيج عمري ويوم الي تفرحينه بخبر حملج وربي يرزقج الذريه الصالحه بحق محمد واال محمد
ويفرح زووجج يارب

[o فرح عمريo]

بنااات خل اسولفلكم اخر تطورااااتي

مو كملت الاربعين صار 15 يوم ولسه مانزلت الدوره رحت للدكتوره
دزتني على المختبر سويت تحليل حمل بس للأسف مابين عندي حمل
وطلبت منها شي ينزل الدوره بس ماقبلت كالت احتمال حمل ولسه مابين عيدي التحليل بعد اسبوع
بنات ادعولي ان شاء الله ربي يعوضني على الي راح ويكتبلي الحمل الثابت ان شاء الله ويرزق زنوبه وامونه وكل المحرومات

وابشركم حللت سبب الأجهاض وطلعت كل تحاليلي نظيفه الحمدلله
والدكتوره رجحت سبب الأجهاض للكحه والدرج

[o فرح عمريo]

تسلمين حبي زنوبه عالدعوه الحلوه مثلج
وانتي شخبارج ان شاء الله تمام ومرتاحه
وشخبار الحمل وياج خما متعبج

[White angel]

اني زينه وهسه تخبلت وكمت اتصل ب العيادات الخاصه حتى تاكد من جنس الجنين بس ماكو الاغبياء بس مدينتنا يسوون بس واحد
بس هذووله ميمشوون الا ب الجذب خلي بعد اسبوعين 3 اخابر واكول الهم بطني كلش توجعني ويسوون لي غصبا عليهم

ياربي يفرح قلبج

[o فرح عمريo]

اوووي الله يساعدكم هاي ليش هيجي الطب هناك
احنه هنا العيادات والدكاتره ماشاء الله بكد شعر الراس
الله يطمن قلبج ان شاء الله

[o فرح عمريo]

عيدي مال حلقه والزنجيل هوايه يكولون مظبوطه ولو العلم عندالله بس جربي شكو عندج

[White angel]

والله يافروحه موتوني الله يلعنه هسه اني من دون العالم ادكولي يمكن
وهماتين باجر عكبه من الله يسهل واجيب يطلع ولد ادكولي اي مو هو مبين يعني كلت لج يمكن
ماادري وين اروح واخذ سونار من جديد دا ادور بغير مدينة والله كريم

[White angel]

والله مفهمتها سويت وانثولت جيبولي صور خل اشوف واسوي

[o فرح عمريo]

ولله هو ضروري الوحده تعرف جنس المولود وتتأكد منه علمود التجهيزات
دوري بغير مدينه وان شاء الله يبين
والمفروض هسه انتي يبين لأن ناس بالرابع ويبين عدها

[o فرح عمريo]

تجيبين زنجيل او خيط عادي وتعبرين بنصه حلقه
وتخليها كدام بطنج يعني تلزمين طرفين الخيط والحلقه تصير جوه مثل الكلاده
اذا تحركت افقي او عمودي ولد وذا افترت دائره بنيه

[White angel]

ههههههههههههههههه متتحرك لزمتها وبقت واكفه شلون اسويها متتتتتتتتتتت

[**نورا**]

يا هلا وغلا بفروحه شلونج عمري ومشكوره على السؤال اني الحمد لله زينه وبعد سبوعين ادخل بشهري انشالله
وياربي يسعدج ويوفقج ويكتبلج الحمل الثابت امييييييييييييييييييييييين يا رب

[**نورا**]

زنوبه هسه اجيبلج رابط من اليوتيوب وسوي مثله واذا حظروني اموتج هههههههههههههه

[White angel]

هههههههههههههههههههههه لالالا بس جيبي وخلي اشوف

[o فرح عمريo]

ولج زنوبه اخاااف توووووووووووووووم

[White angel]

يله وينج نوراااااا

[o فرح عمريo]

هلا نورا حبيبتي الحمدلله مابقالج شي وربي يتمم عليج وتولدين بألف سلامه
وشكرا عالدعوه الحلوه غاليتي

[White angel]

لالالالالالالالالالا واحد مو توووم لان عندي صورتها بس واحد بس كالت هي الولد راسا يبين من اول مره بس انتي طفلج ممبين اتصور بنيه

[White angel]

راحت نورا بعد مااجت لج وينج طمنينييييييييييي دا اكمل فرحتي

[o فرح عمريo]

هههههههههههههههههه الله يطمنج حبيبتي
زين اذا ولد شتسموه واذا بنيه شتسموها

[o فرح عمريo]

يمكن بعدها دتدور

[White angel]

هههههههههه لالالالا احنه نريييييييييييييد بنوتة ولهذا اريد افرح من كل قلبي

لج عيني فروحه لو تشوفينها تجنن ب السونار خشمها عنونننننني وحلكها يجنننننننننننن يمااااو انتظر اللحظه الي تشرف حبيبة قلبي
لي هسه ميقبل يحجي
بس البنات المرشحات هي كوثر وريتاج وبعد دا ندور اسماء ثانية اما الولد ميقبل اصلا يحجي بي

[o فرح عمريo]

ههههه ولله البنوتات يخبلن وخاصة الملابس مالتهن يجنن يبوووو وو
واسم ريتاج حلوو عجبني بس كوثر صح حلو بس قديم
واهم شي اتمام الخلقه يمعوده بنيه ولد الحمدلله على كل شي

[**نورا**]

والله اني شايفته بس حظج مدري شبي كلبت عليه اليوتيوب وماكو بس راح اعلمج بالخطوات
1 جيبي زنجيل + حلقه
2 خلي الحلقه بداخل الزنجيل وسدي عليها مثل المداليه
3 لزمي الزنجيل من الطرف من يم القفل وخلي الحلقه سايبه براحتها
4 خلي الزنجيل مقابيل بطنج ولتلزكي بيها بس خلي قريب منها
5 راح تتحرك الحلقه والزنجيل بشكل عشوائي الى ان تثبت عله حركه معينه رايحه وجايه بخط عامودي او افقي = ولد او تفتر على شكل دائري بنوته
واذا مصارت جربي عله ايدج منطقة الرسخ = مكان الي تلبسين عليه الساعه وراح يطلعون الجهال كلهم واحد وره الاخ
يله جربي

[**نورا**]

اي البنات كلهن حلوات ومدندشات وملابسهم تجنن اني اسم بنتي رند

[o فرح عمريo]

يبوووو زينب اذا هم معرفتي تسوي اموتج تره شرح واااضح كلش هههههههه
اهاا نورا حلووو رند كلش عجبني
بس انتي هم بيج بنيه ماادري ؟؟؟

[**نورا**]

لا اني بيه ولد وانشالله السونار يطلع مضبوط لان رجلي فرحان خطيه

[White angel]

سويت والحلقه بقت واكفه ومتحركت وربطت الزنجيل وهماتين متحركت ولبسته مثل الاسوار وهماتين متحركت يبببببوووووووووووووووووووووووووووووووووووووو هههههههههههههههههه متت

[**نورا**]

ام كريمي حبي تره السلام لله وتره السلام من سنن النبي ليش هيج ليش بلا سلام احنه كلنه خوات وكلنه نصلي بتجاه واحد وكلنه نقره كتاب واحد ومتسوه تصير هيج عداوات بينه حياتي انتي

[White angel]

نورا عوفيها لاتردين عليها اني دا ادور على مشرفه عامه كاعده تجي وتحذف هذا الحجي مبينه حيل تنسد بعد

[**نورا**]

زين جربي بالقلم والابره بمكان الزنجيل مبين عندج عقده ويه الزنجيل عاكديلج ذياله ههههههههههههههههههههههههه
جيبي قلم رصاص ابو المساحه ولظمي ابره وخيط طولها شبر وخلي الابره بالمساحه مال القلم ولزمي الخيط ودندلي القلم عله كدام بطنج او ايدج مكان الساعه وشوفي

[o فرح عمريo]

اي نورا مو اكول اتذكر كلتي ولد بس هسه من كلتي رند خربطتيني وان شاء الله ربي يتمم عليكم فرحتكم ويتربى بعزكم ان شاء الله

زنوبه كعدي جوه بنكه بلكي تتحرك هههههههه مو دااكلج توم معليج بالحجي هههههههههه

[White angel]

لالالالالالا بطلت مااريد تعبت لامساحه ولاقلم ليش هو بيتي بي قلم حتى ادور قلم ابو المساحه ههههههههههههههه

[o فرح عمريo]

اهااا هاي مال قلم جديده مسامعه بيعا

بس اني من جنت حامل مرت حمايه جابت خبزه وحطت بنصها ابره يعني لفت الخبزه على الابره
وكالتلي عضي الخبزه
اذا العضه من فتحة الابره بنيه واذا من ذاك الطرف ولد
واني طلعلي بنيه
وصدك من طرحت كالو بنيه لأن على اساس الولد مثل شيف البرتقال والبنيه مثل الجبده
ههههههههههههههه
اشكال سوالف

[**نورا**]

يمه يمه همزين ما عضيتي الابره هههههههههههههههههههههههه
ربي يفرحج بالحمل وهم نكعد نسوي بيج حقل تجارب ههههههههههههه

[o فرح عمريo]

ههههههههههه خليها على الله هيه تصفى

[**نورا**]

طبعا معدتي دمرتي من افك عيني الصبح لحد ما ارجع انام حموظه متروح

[o فرح عمريo]

لا اني انصدمت توقعت حاطه بيها شي فلفل حار او شي وتتوسل بيه بس عضي ههههههههههه

[o فرح عمريo]

يكولون عااادي اكثر الحوامل اخر اشهر هيجي يله مضل شي ان شاء الله بس ولله حاااره يبووو الله يعينكم
نورا انتي بالعراق هسه لو هم بالخارج

[**نورا**]

اني بالعراق بس بالشمال كاعده يعني احسن من اهل بغداد خطيه ماعدهم كهرباء

[**نورا**]

زنوبه اختفت يمكن راحت تشتري قلم هههههههههههههههههههه

[White angel]

ههههههههههههههههههه لالالالا رحت اسوي تبليغ على الرد حتى ينمسح
بنات اني تعبت حرووح انظف شويه لان البارحه نظفت
يله حبايب بوساتي للبيبيات وللحوامل


وللي يردن يصيرن حوامل

باي حبايب

[o فرح عمريo]

اي طبعاا احسن ولله ميتين حر والكهرباء ساعتين بساعتين وهم يغلسون من الساعتين
همزين اكو مولدات ولو المكيفات متشتغل عليهاا
على اساس 20 بالشهر نروح للسليمانيه لأن عيد زواجنا وحماتي كاعده بالسليمانيه عزمتنه
نروح نغير جو كم يوم

[**نورا**]

اها هلا بيكم والله زين تسوون شويه تشمون هوه وتغيرون جو الله يساعدكم

[o فرح عمريo]

الله وياج زنوبه نشوفج بخير حب اني هم فد شويه اطفر لأن رجلي على جيه احضر الغده واحضر نفسي
نورا بيج اكثر عيوني اي لازم الواحد يغير جو احسن ميطك هههههههههههه

[**نورا**]

الله وياج زنوبه ذكرتيني بالغده خل اروح اني هم احظر الغده واخلص منه اطيعه ههههههههههههههه

[أم أيهومي]

هلو بنات اشلووووووووووووووووووووونكم يارب الكل ابخير

فوفو سلامتج حبي والله انقهرت عليج حياتي مبيج غير العافيه
وكل عام وبنتج بألف خير يارب تكبر وتفرحج بيهة وعقبال 100 عام

زنوبه هاي شنو بنتج بيه كمل خطيه من هسه ههههههههههههههههه بس لتخافين العبيديات وكحات وسبوعات وميصير بيهن كمل هاي ماكله بيتنجان وهيج صار
حبي الف مبروك ويوم الي تجي بالسلامه

نفوله حبي كل عام وانتي بخير يارب عقبال 100 عام وانسي الماضي بكل مآسيه وعيشوا حياتكم ماكو زواج متصير بيه خلافات

فروحه حبي هاي عيونج حلوة وتسلمين حبي شكرا بس الحمل مو اكيد
يوم الالج ونفرح بيج
نورا حبي تسلمين حياتو هاي عيونج حلوة سليمانيه كلش حلوة بيت اختي هناك وكضيت الصيف الفات هناك ورحنه لدوكان واحمد اوه
مناظر اتخبل

مياوي هاي عيونج حلوة وتسلمين قلب ربي يخليلج بروره

هباوي حبي اشلونج يارب ابخير وبنوتج اشلونهة

ام طاارق منوره التجمع هلا وغلا نتشرف بيج حبي انتي والاخت كولين هلا بيكم نتشرف بأنضمامكم النه



بنات اسفه اذا نسيت احد البارحه رحت للكليه وطلعت للسوك ومكدرت افتح نت كلش تعووبه
بوساتي للكل

[White angel]

الله يسلمج حبي ام ايهوومي
قلبي مشتاقين وينج اشو ماكوووو

هههههههههههههههههه هاي انتي مثل عمتي بالضبط اكول الها خاله هاي بنتي بصراويه عليه
ادكوووولي لالالالا شجابها ع البصره هاي عظماويه وعبيديه ههههههههههههههه البصره شكو بيها
والله ياام ايهومي هنا كل وحده بيها بنوتة يكولون الها مو باين واتصور والخ المهم كالت لي اتصور بنوتة بس مو 100% ولو ولد جان بين راسا هذا كلامها والله كريم
لج عيني تجنن عينا ابوووها هههههههههههههه طويله وخشمها عنوني وحلكها عنوني لج عيني هاي شوكت تجي من هسه امي حضرت الاساور ذهب وعمها تراجي وعمتي كلاده دشوفي جهزوها البنتي ههههههههههه بس عااد وين الله ويتطلع صدك بنوتة


ياربي يرزقج ياام ايهم ع كولة نورا ايهوومه ههههههههههههههه بشري محللتي

[عسل بغداد]

مساء الخير بنات شلونكم اخباركم
ياهله وميه بفروحه منوره حبي مشتاقيلج
نورا حياتو شلونج والنونو شلونه والحموضه عاديه لان الطفل يبدي يكبر ويصعد للمعده وبعدين يوصل للبلعوم يله يطلع

زينب سويتيها فد مره ضلمه ودليلها الله عالحلقه والزنجيل صار يومين نشرحلج ذبحتيني

هلو نجلاء بشري البارحه طلعت النتائج ناجحه لو مصخمتها

فوفو وفله وتوتايه وميوشه اخباركم جميعا مشتاقيلكم

[عسل بغداد]

اكلكم بنات زوجي ميقبللا اسمي ابني بشير يكلي مو بكيفج هو الولد ابوه يسميه
لو بنيه انتي تسميها

[White angel]

هلووووو عسووووله قلبي
لج عيني ربطتها وسويتها والحقه واكفه ومتتحرك ماادري شبيها

[عسل بغداد]

يله حبي استمري يوميه سويها وهي تضبط منا لحد متجيبين
واكيد لو ولد لو بنيه راح تجيبين لتشيلين هم

[White angel]

اااااي بس اني وكل عشيرة زوجي يردون بنوتة

والولد شابعين منه ههههههههههههههه سمعت انو اكو بودر الوحده تكدر تسوي وهماتين مضبوط وينها فوفو دا اشوفها بلكي تعرف
حتى اشتري واسوي

[**نورا**]

هلا بيج ام ايهومي شخبارج امورج وطبعا صدك سليمانيه حلوه والكهرباء مالتها احلا منها بمية مره والله
عسوله كبد والله صدك حجي العجايز من يكولون ما يطلع راس الطفل قبل ما يشيب راس امه
وبالنسبه للاسم مال الولد ذكرتيني بنفسي اول ما عرفت حامل شفت بالحلم كيك وقراصه كلت هاي بيه بنيه عود صرت ذكيه وكلت لزوجي البنيه اني اسميها والولد انت سمي وانضربت بوري ههههههههههههه

[**نورا**]

زنوبه لتقلقين انشالله بنوته لان الولد من 4 شهور تبين ملاعيبه فديت كل النونيات البنات والولد

[عسل بغداد]

هلو نواره شلونج عيوني

[عسل بغداد]

اااااااااااااااااااااا

[White angel]

لا عيني خلص اني حكول بنيه والله كريم لان هي كعدت تدور ب ال 10 دقايق ع الملاعيب مالت الطفل كالت ممبين شي بس اتوقع بنيه كالت انو الولد يبين اذا بنوووتة
حبدي اشتريلها فداوي القلبها
تعبت وضايجه ماادري شسوي غده

[**نورا**]

هلا بيج عسوله بالخير دخولج الثامن وربي يتمم عليج وعلينه

[عسل بغداد]

وبيج عيوني يوم الي تكومين بالسلامه انتي واني وكل الحوامل

[o فرح عمريo]

مساااء الخير بنااات شخباركم
هلو عسوله حبي ومبروووك دخولج الثامن يوم الي تولدين بالسلامه عمري
نجوله حبي الأختبار المنزلي مضبوط 100 % اني يومين وبين عندي الحمل ووره اسبوع حللت دم وطلع موجب
انتي هم تأكدي حللي دم وربي يرزقج ماتتمنين ان شاء الله

[o فرح عمريo]

زنووووب لتنسين تصوريلنه التجهيزاااات تره اموتج ههههههههه
بس نصيحه سوي دفتر صغير وكتبي بي كل الاحتياجات واي شي تشتري شطبي علي
لأن رح تدوخييين من تطبين السوك

[كولين]

شكرا للترحيب الحلو .... الله يساعد الحامل بهالاشهر يمكن كلبهة ناررررررررررر

[عسل بغداد]

الله يبارك بيج عمري يوم الج وتفرحين بالحمل انشالله عاجلا غير اجل

[عسل بغداد]

اهلا كولين نورتي التجمع

[فوفو العراقية]

مساء الخيرات

شلونكم؟

فروحة حبي شلونج؟
مشكورة ياعمري
مشتاقيلج والله


زينب
حبي ماكو طبيب ممكن يكولج جنس الطفل 100%
حتى اني اخذت صورتين للعضو مال الولد وهم تكولي 99% ومو اكيد 100%
ف عادي ياعمري هوة ماكو شي 100% بعد ارادة الله
بس اكيد مثلما كالتلج...
ولو تردين نزلي صور السونار مالتج وممكن الي يعرفون يساعدوج
ممكن نقارن صورنه عن صورج وننطيج فد نسبة من الصحة أو العدم.

[فوفو العراقية]

كولين
يا اهلا وسهلا بيج ويانة اخت وصديقه جديده بالتجمع
نورتينا ويارب تستانسين ويانة
انتي حامل لو لا؟
وهم تنوين الحمل؟
اهلا ومرحبا بيج قلبي...

[أم أيهومي]

هلو بنات هلوو زنوبه حبي اي يارب تطلع بنوته اني اموت عالبنات تره العبيديات حنطاويات وهم بيهن سمرات يشبهن الهنديات يعني هم بيهن عرك بصراوي ههههههههههههههه

هسه اعلمج طريقه علمتهة الي ام الصالون وتأكدت بيه ولد من الشهر الثالث طبعا مجربه و100%

هلا وغلا عسوله لا اني ناجحه الحمد لله بثوو نتائجنا على الانترنت على موقع جامعة بغداد وموقع الكليه وشفتهة
بس رحت اجيب النتيجه والدرجات
خلي ابوه ايسمي ابنج صدك الماشي الولد ابوه ايسمي والبنيه الام اتسميهة

هلوو نورا اي والله الصيف الفات كنت حامل 5 اشهر وصمت لانه الكهرباء متطفى بس عشر دقائق دلال مدللين ان شاء الله برمضان اروح هناك..

زينب محللت اخااااااااااااااااااااااااااااف

[عسل بغداد]

الف مبروك وانشالله النجاح الدائم والموفقيه

[o فرح عمريo]

هلوو فوفو حبي الداعي اشوق ولله اني اسأل عنج وعن اخبارج شلون صار الحرك هسه ان شاء الله احسن
عسوله خلي ابوه يسمي واذا ماعجبج الأسم تفاهمي وياه بالهداوه وان شاء الله خير
نجلاء الف مبروووك النجاح حبي وان شاء الله التوفيق الدائم بكل مراحل حياتج

[فوفو العراقية]

زينب
ليش متسوين مثلي؟
دوري هذا التحليل مال البول بالبودرة
هذا مضمون 100% واني سويته من جنت حامل 10 اسابيع من الحمل
وبين انه ولد وطلع البول اخضضضضضضضر ههههههههه ولو بنت يطلع برتقالي على احمر غامق
http://forum.hwaml.com/imgcache2/hwaml.com_1339685658_567.jpg




وهذا النوع الثاني
وممكن قطرت بول تحطيها بس او اكثر ويطلع بالشاشه لو لون وردي او ازرك
واني مجربته لان توه جاي جديد
ولو قبل السونار جاي هم جان جربته ههههههههه ام التجارب اني
ماخليت شي مجربته هع هههههههههههه


واني سويت مال الابرة والقلم والخيط
والزنجيل والمحبس
والبول ويا الملح
وكلهن جانن صحيحات لابعد الحدود...
http://forum.hwaml.com/imgcache2/hwaml.com_1339685659_724.jpg

[فوفو العراقية]

هلو حبي فروحة
الحرك الحمد لله احسن بس كلة منفوخ ومورم بس وجعه قليل
انتي شخبارج
ماكو شي اخبار جديده؟

[عسل بغداد]

شنو انتي فوفو ما خاله سالفه ممجربتها

[فوفو العراقية]

ام ايهومي الف مبروك النجاح
ويارب الموفقية للجميع
عراقيين يبيضون الوجه والنعم منكم حب

[كولين]

شكرا ياغالييات مرة ثانية على اني مو حامل عندي الترحيب
عندي ولد اثنين ومو حامل
وممفكرة هسة خلي يكبرون شوية همة ذولة مدمريني ومخبليني
وصراحة زوجي مهددني اذا الثالث مو بنية يتزوج علية
واذا بنية يشتريلي اي شي اريدة
رجلي عكس الناس يحب الخلفة بنات

[عسل بغداد]

اني ضايجه لان متفقين عالاسم اشو من صارت صدك وطلع ولد بدل عليه

[عسل بغداد]

ويييييييييييييييييينكم

[كولين]

الله يسهل للكل ..خلو نوع الجنس للولادة مفاجاة احلى بس شيصبرنة؟؟؟

[فوفو العراقية]

عسولة
اني هم ضايجة لان اسم الطفل لسة ما معتمدين عليه وخلاف مابيني وبين زوجي عالاسم
بس اني نويت اصيحة يوسف وزوجي يسمي الي يريده بالهوية حتى ميتم خلاف بينة
وهذا خير الامور هوة الوسط ههههههههههه انتي هم هيج سوي
عادي
صيحيلة بالاسم الي يعجبج ويعجب اهلج مثلا والمقربين
وهوة يصيح الاسم الي يحب ويسمي
وعادي ترى الطفل يتعود عنده اسمين...

[o فرح عمريo]

هلو فوفو حبي اني بخير اسأل عنج ولله لا جديد مجتني الدوره وره الأربعين صار 15 يوم رحت للدكتوره طلبت تحاليل حمل بس طلع سالب وكالت ميصير تاخذين شي ينزل الدوره لأن احتمال حامل بس لسه ميبين الا بعد اسبوع
وسويت تحاليل الاجهاض والحمدلله كله سليم ونظيف
فهسه بعد ماادري الي بي خير يقدمه رب العالمين

[o فرح عمريo]

هلو كولين الله يخليليج ولدج ان شاء الله ويرزقج ماتتمنين
واهلا وسهلا بيج مره ثانيه

[فوفو العراقية]

بالكي يارب تطلعين حامل
اني الدورة قبل الاربعين يوم تجيني
تقريبا 34 يوم من الولادة او الاجهاض
انتي مجتج ابد بعد الاجهاض؟
والله فرحت كلش يارب تطلعين حامل
لان الي تحاول بعد الاجهاض مباشرتا للحمل يصير اسرع مما لو مر شهرين مثلا عالاجهاض
وربي يفرحج بالحمل السليم يارب.

[أم أيهومي]

تسلموووون بنات حبايب للتهنئه
شكرا حبي فوفو يارب دوم وجهك ابيض ان شاء الله

سجاوي حاولي تتفاهمين وياه وشويه اشويه يلين تره الرجال بالكلمة الحلوة يرخه ويستسلم شنو هو الاسم الي يريده؟؟ اني معرفته

فروحه يارب اطلعين حامل ونفرح بيج الله كريم حبي والله مرت اخويه طرحت وره الاربعين مباشرة صارت حامل وماشاء الله جابتلنه احلى صوفي ايهومي اكبر منه بشهرين

اكولج فوفو حبي اني ناويه اقدم على الماجستير اذا مطلعت حامل وداافكر بموضوع حلوو للبحث مالتي هو سكان كندا لانه عدنه دكتور بالقسم دكتوراه بسكان امريكا الشماليه كلها يعني كل القاره فردت اسألج سؤال ياريت تستفسريلي عنه انه ممكن ينطون احصاءيات على السكان اذا مثلا دزيت شهادتي وطلب من جامعة بغداد
واكون ممنونه اذا سألتيلي

[o فرح عمريo]

تسلمون حبيباتي على الدعوه الحلوه
ولله فاديه مجتني وره الاجهاض بعد وقبل الأربعين بيومين اخذت سونار والحمدلله الرحم نظيف وماعندي تكسيات او شي يأخر الدوره
ان شاء الله يسمع منكم ويعوضني على الي راح

اكلكم تره الجو والحر لا يطاااااااااااق رح اتخبل رح اطب بنص المكيف ومستحره بعدنه يالله شرح نسوي بتموز وآب

[o فرح عمريo]

سويت حلاوه مال تمن قبل شويه ودزيت على مبروش ماكوو ماادري ليش واحد من يريد حاجه تطير
وسويت كيكه همين وهمزين استمرت الكهرباء لأن دائما تطفى الكهرباء بنص الكيكه واضل احول على فرن الطباااخ لذلك خربان واهسي من سالفة الكيك
بس رجلي خطيه نقطة ضعفه هالسواااالف يبوووو يموت عليهن
واني خوش لازمته لزمه
من اريد شي منه وميقبل اكله هااا عبالي اسويلك كيكه اليوم
فهو بسرعه يستسلم ههههههههههههه

[عسل بغداد]

محشش ابيت خطيبتة كاعدين ... وطفت الكهرباء كالتلة خطيبتة يللة فرصتك..كام فرغ ماعون الكرزات بجيبة

[عسل بغداد]

حبي نجوله جنه متفقين على اسم بشير
هسه يكلي من يجي اني اسمي
قبل كم يوم يريد يسميه ابراهيم على اسم ابوه

[o فرح عمريo]

هههههههههههههههههههه حلوه عسووله

[أم أيهومي]

هههههههههههههههههههههههه خوش خطيب هذا سجاوي

والله بصراحه سجاوي الاسمين حلوة واخاف تزعلين اذا اكولج اني كلش احب اسم ابراهيم لانه حلو فأنتي احجي وياه وكوليله الاسم قديم او جبير كلش من هالشغلات والله يقتنعون اني زوجي كان يريد اسم ايهومي احمد وشويه شويه قتنعته بأخر ايام قبل الولاده ردت اغيره اسمي احمد وهو مقبل ههههههههه يكول لاايهم طبع بعقلي بعد مااغيره من كثر الزن مالتج ههههههههه فأنتي زني وزني وزني بس مو تنكلبين نحله هههههههههههه الله كريم حبي خلي يجي بخير وسلامه وكلشي يهون

فروحه والله اني هم نقطة ضعف زوجي هالشغلات بس الاكثر يحب المحشي مالت الشجر ايموت عليه وحتى لو مريضه وتعبانه كلش مااخلي بنفسه واسوي اله هو والدولمه رغم انه متعبين كلش واني كان عندي دوام

[فوفو العراقية]

ام ايهومي
حبي مافهمت عليج
وين اسألج ؟
اهنا اسألج بفنلندا؟
اشرحيلي اكثر
الحمل ماخذ نص عقلي هههههههههههه

[فوفو العراقية]

عسولة حبي
اسم ابراهيم احلى من بشير بالنسبة الي
لان اتمنة اسمي ابراهيم ابني...
توكلي على الله واسم ابراهيم اسم مبارك
ولو سما ابراهيم انتي صيحيلة بشير...

[White angel]

هلووو حبايب شلونكم
اليوم نمت وكعدت ع بوسة زوجي لبنته ههههههههه متخبل عليها
فوفو راجعي التعليقات جنت دا انتظرج حتى تشوفيلي وين ينباع
لان أني مو خبره مثلج هههههههههههه اول طفل ومااعرف بهاي السوالف
ولو اتعبج فوفو شوفي لي حتى اذا كلش كلش احولج ع البنك وتشترين لي وترسلي ببريد
واذا موجود يمنه بعد احسن

[White angel]

عسوله حبي تردين الصدك بشير قديم عبالك
وإبراهيم هوااااااايه احلى
بس خاف عمتج قانعته ان يسمي ع ابوه لان هاي سوالف العماااااات هههههههههههههه

[o فرح عمريo]

هلاووووووووووووو بناااااااااااااااااااااااااااات

[White angel]

هلاوات فروحه المروحه شلووونج عيني

[عسل بغداد]

هلوووووووو اني هم اجيت

[عسل بغداد]

راح اخلي يسمي بكيفه شسويله

[White angel]

هلو عسوله شلونج كبد

[عسل بغداد]

هلو حبي ام حنفوشه

[sarabaghdad]

هلو بنات شلونكم حبيباتي
اريد اسالكم يامستشفى زينه بغداد
للعمليه القيصريه

[White angel]

حبي ولايهمج بلكي تقنعي واحتمال يتغير اسمه لايكون ابراهيم ولايكون بشير حبي يجي ويجيب اسمه وياه لاتزعلين

[**نورا**]

مساء الخير على اهل الخير شلونكم

[sarabaghdad]

جاوبوني اريد اعرف
وينكمممممممممممممممم

[عسل بغداد]

هلو نواره يوجه الخير

[**نورا**]

ساره حبي بعدج بالثامن تو الناس شمستعجله عله ولي العهد خلي كاعد ومرتاح

[**نورا**]

هلا بيج بعد جبدي ههههههههههههههههههه
اليوم اني كالبه m b c دراما

[عسل بغداد]

اهلا ساره بغداد
غير تعرفينه بنفسج اول شي

احسن مستشفى حكومي مدينه الطب
واذا اهلي الراهبات وجنين والهلال الاحمر هاي الي اعرفهن

[sarabaghdad]

نور حبيبتي عندي لمي قليله
صاير لو يكفي لو لا
والتهابات مجاري بوليه قويه كالولي تاثر
ويكولون العمليه اسهلج واريح من التعب صحيح؟

[عسل بغداد]

خير سلامات ليش دراما

[**نورا**]

عسوله شخبار المي مال النونو كل شكد كاعد تاخذين سونار

[sarabaghdad]

والله حبي من القهر نسيت حتى اسمي هسه ذكرتوني بيه هههههههه

[عسل بغداد]

سلامتج ساره شكد نسبه المي عندج

[**نورا**]

والله يا عمري اذا عندج احد يداريج العمليه احسن بس اذا ماعندج الطبيعي احسن

[عسل بغداد]

اني المي عندي 11والحمد لله من18

[فوفو العراقية]

اوك حبي زينب
راح ادورلج بالسويد لو اكو موقع مبيعات اغراض اطفال
لان اني عبر النت ادز وشتري
بس اني اول مرة بحملي هذا اشتري هيج اشياء ههههههههههه
قبل مجان اكو نت عندي حتى ادور
وانتي هم دوري عبر النت لو اكو بالسويد هيج شي كتبيلي...

[**نورا**]

تره الحاله النفسيه هم الها تاثير شربي مي زمزم واندعي وربج يسهل ويزيد المي مالته ويكمل الثامن عله خير

[عسل بغداد]

ماكلتي شكد المي واذا قليل متكدر اتجيب الا عمليه اني هيج كالتلي الدكتوره

[sarabaghdad]

ماعرف شكد تقريبا بس كالتلي الدكتوره
انشاء الله يكفيج بدايه تاسع لو نهاية ثامن وماعرف
بس الالتهابات دتسويلي اوجاع بظهري وبطني مثل وجع الطلوكه

[**نورا**]

هلا هلا بفوفو نورتي حبي

[**نورا**]

ساره حبي الالتهاب اذا ميتعالج يسبب ولاده مبكره ليش متاخذين دوه ؟؟

[sarabaghdad]

نورا عسوله انتو طبيعي لو عمليه جيبون ؟
اني بجر وخايفه كلش

[عسل بغداد]

انشالله تكومين بالسلامه
وحتى اذا عمليه كلها هسه اتجيب عمليه

[**نورا**]

وبعدين لتخافين اذا بداية التاسع ماكو شي واذا عله الثامن ضربي ابر الرئه وانشالله كلشي ماكو

[عسل بغداد]

اني جبت البجر طبيعي
وبعدين اتهرفلت جبت عمليه وهالمره هم عمليه

[**نورا**]

اني جايبه اول بطن طبيعي وهسه عندي ضغط اذا مرتفع انشالله هم طبيعي

[sarabaghdad]

ساره حبي الالتهاب اذا ميتعالج يسبب ولاده مبكره ليش متاخذين دوه ؟؟
من ليوم بديت اخذ علاج
بس الابر حيل تاذي مال التهابات

[عسل بغداد]

اني جبت ابني نهايه الثامن يعني قبل ما اخلص الثامن ب5 ايام والحمد لله كلشي مابي هسه مثل الورد بس اول ايام خلوه بالخدج 10ايام

[**نورا**]

والله العمليه يكولون حلوه تاخذيلج غفه وتكعدين عله عياط النونو اما الطبيعي تاخذين اليوم عياط وتنامين عله صوت النونو
ولو اني معيطت بس ابجي تكولين بوري وفاتحي مو دموع هههههههههه

[**نورا**]

الله يساعدج سجاوي شلون صبرتي 10 ايام

[sarabaghdad]

نورا الطبيعي سهل ؟

وعسوله ياهوه الاحسن بعتبارج مجربه الاثنين؟؟

[عسل بغداد]

تره عادي الالتهابات
كل وحده عدها اني عني 6صلايب هذا وره العلاج

[**نورا**]

ميخالف ساره لخاطر الطفل كلشي يهون

[**نورا**]

والله اني الحمد لله ماطولت ولادتي نص ساعه يم القابله جانت سهله

[عسل بغداد]

طبعا الطبيعي اسهل ايطيب الخياط وره 10ايام
بس العمليه هم عادي بس الم الجرح اول ساعه وره البنج متحسين وبعدين ينطون مسكنات وايطيب الجرح وره اسبوعين وكله يهون لخاطر ابو عيون السود

[**نورا**]

بلكي يجي عيونه فسفوري هههههههههههههههههه

[عسل بغداد]

اني بقيت اطلك من الصبح لل11ونص باليل يله جبت
بالعمليه دخلت بالوحده كعدت ب3ونص لكيت فروحه تعيط من الجوع

[عسل بغداد]

والله يانورا 10ايام من اسوأ ايام حياتي

[**نورا**]

هسه الموده الجديده نص بنج وتقين كاعده اثناء العمليه وتسمعين اول عيطه مال الجاهل فدوه وفداوي لكلبه

[عسل بغداد]

اذا مو زرك عيونه ارجعه وداعتج

[**نورا**]

بالعمليه يعني لو قدصج الطبيعي

[عسل بغداد]

اني سامعه بيها مرت حمايه جابت نص بنج تكول عادي
حماتي تكول متحملت وكايمه تعيط عاد مسويلها بنج عام
اني عاجبني اجرب

[**نورا**]

خخخخخخخخخخخخخخخخخخخخخخخخخخخخخخخخخخخ لالا بددلي اخذي واحد الماني تجميع عراقي

[**نورا**]

لا يكلج مابيه شي ابره بالظهر متحسين بيها ونص جسمج ينمل ومتحسين بي بعد اني بنت عمي ومرت عمي وكرايب زوجي هم
وكالو احسن من البنج العام

[عسل بغداد]

بالعمليه يعني لو قدصج الطبيعي
مفتهمت شنو قصدج اني قصدي ايام الخدج

[**نورا**]

هاااااااااااااااااا اي الله يساعدج شكد صعبه

[عسل بغداد]

والله بعد احسن عالاقل الواحد ميكعد نفسه تلعب

[**نورا**]

مرت عمي يكلج طلعوها من الصاله تبجي جوعانه هههههههههههههههههه

[sarabaghdad]

ههههههههههههههههههههههههههههههههه
بس الخوفه مال عمليه من شوفين الضوه وتنامين وتخلين هايه على خشمج مال بنج
قبل كم يوم تخربطت ودوني اهلي على مستشفى اليرموك بس شفت اسمها غرفة العمليات راح الوجع
بعدين طبيعي ع طبيعي شفت وحده جايبه ودكتوره تخيط بيها
دكتوره جتي تكولي شبيج كتلها ها مادري وراها كتلها عندي وجع ديصير بظهري

وشفت الدم شي مو طبيعي والله
بس من شفت الطفل بصف امه ضليت ابتسم كلت شكد حلو ثمرة تعبها هايه

[**نورا**]

اوووووووووووووووووووووووووف دا احلم بهاي اللحظه اني ههههههههههههه

[**نورا**]

يعني محايره بالعمليه ولا الطبيعي ولا الوجع بس دا احلم بشوفة ابني

[عسل بغداد]

عادي سراوي لازم اكو وجع وتعب لعد شعبالج

[**نورا**]

ليش هيه اكو حلاوه بله نار

[عسل بغداد]

الله يفرحج وتشوفي وتقرين عينج وتكومين بالسلامه

[عسل بغداد]

اي اكو المدكوكه ههههههههه

[**نورا**]

الله يكوم كل الحوامل بالسلامه ويفرحهم باطفالهم امين يا رب

[**نورا**]

هههههههههههههههههههههههههه منين لكيتيها هايه

[sarabaghdad]

الله يسلمج حبيبتي
انتي صارلج شكد بالثامن

عسوله انتي بيا شهر

[فوفو العراقية]

هلو بيج حبي نورا ام النور
هذا نورج حبي ونور خواتنة هنا
فديت قلبج...

[أم أيهومي]

هلووووووووووووووووو اني جيت عفيه ليش تحجون عالعمليات ذكرتوني اخترعت

[عسل بغداد]

غير هاي اني لعد شعبالج فكرت كلت صدك ماكو بعدين اذكرتها

[عسل بغداد]

حبي اني اليوم اول يوم الي يالثامن

[sarabaghdad]

عسوله انتي بيا مستشفى جبتي عمليه؟؟

[**نورا**]

تدررون لحد هسه ممشتريه ولا قطعه من ملابس النونو بس كاعد يكولولي لتشترين هوايه اشتري قليل يكبر بساع وتجي هدايه

[عسل بغداد]

ليش تخترعين عيوني
يله ختولي العمليه لابوها لابو

[**نورا**]

ههههههههههههههههههههههههههه لابوها لابو

[عسل بغداد]

اني شتريت كم قطعه وحضينه والباقي امي تكول سويهن خياط
لان الجو حار

[**نورا**]

جهاز رنوده جان خياط يجنن عبالك عروسه

[sarabaghdad]

عسسسسسسسسسسسسل بيا مستشفى جبتي؟؟

[عسل بغداد]

اي طبعا الخياط حلو
بس هسه الي تلبس خياط يكولون عليها همج

[عسل بغداد]

علاوي جبته باللقاء وفرح جبتها بسوريا

[عسل بغداد]

هالمر انشالله اجيب بجنين لان دكتورتي هناك اداوم

[عسل بغداد]

؟؟؟؟؟؟؟؟؟؟؟؟؟؟؟؟؟؟؟؟

[White angel]

فوفو حبي
اني دورت واليوم انعمت عيوني من الابتوب
وشكد دورت واتصلت وماكو فايده
شوفي لي اذا حجزتي ميوصل للسويد حتى اذا يوصل بعد شكو اتعبج
لج فتت بمواقع فلنديه كلشي ماارهمت ولا كلمه هههههههههههههه اشو عبالك انتو من غير عالم ولاكانكم من الدول الاسكندنافيه
من اشوف حروفهم مسطره انصطر وياهم هههههههههه

[أم أيهومي]

عسوله مو اتذكر الخوف مالتهة اني جبت بمستشفى حكومي واتخبلت لانه كان موعد ولادتي فايت عليه 15 يوم وكالولي الا حكومي طفلج يحتاجله خدج ورحت للعلويه والله هي اتخبل واشلون نظافه ورعايه بس اني خوافه لانه اول طفل

[عسل بغداد]

كلها تصير سوالف وتنسي

[White angel]

رحت صليت ورجعت لان صلاة المغرب دا تتاخر والعشاء هماتين الساعه 10 ونص

[أم أيهومي]

اي صحيح من شفت ايهومي نسيت كلشي

[عسل بغداد]

تقبل الله صلاتج

[أم أيهومي]

اتقبل الله زنوبه

[White angel]

منا ومنكم القبول حبايب قلبي
ام ايهومي ربي يخلي الد وتشوفي عريس يارب
عسوله ربي يقومد بسلامه وساعة السهله ياربي

ادري فوفو وين صارت دا انتظرها تجاوبني وماكووو

[عسل بغداد]

الينعس شيسوي؟؟؟؟؟؟

[عسل بغداد]

زين اني نعستانتي شكو كمتي تسحكين

[White angel]

ههههههههههههههههههههه لج الابتوب خبلتني كل شويه تتغير الاحرف واني متعوده اكتب ومااباع ههههههههههههههههه

[عسل بغداد]

عادي اسحكي براحتج بس مو تخلصيلنه الاحرف خلي كم واحد نكتب بيهن

[White angel]

هههههههههههههه اي صار

[White angel]

دا اكل موطه وبسكت منو تريييد زوجي ميكعد ويسكت يحب هاي الشغلات عبالك تسويله اغرائات المعدته ههههههههههههه

تردون لو لا

[عسل بغداد]

الف عافيه على كلبج وكلب النونه

[عسل بغداد]

هو بس اني وياج بقينه

[White angel]

لعد ابقيج وحدج هههههههههههه زوجي عصب
يله قلوب تصبحون ع خير

[أم أيهومي]

الف عافيه زنوبه اني هم موجوده سجاوي داانيم بهيموني ميقبل ينام خبلني اويلي عليه البارحه من الكراده اشتريتله ملابس للبيت وكلش حلوة وهو ابيض الحقير اليوم شافته بنت عمي جوارينه ومن الظهر كل شويه ايصير بيه شي قد شي قريتله المعوذات واية الكرسي والحمد لله هده اشويه
والله خبلني خبال

[عسل بغداد]

وانتي من اهل الخير واني هم راح اروح

[عسل بغداد]

يا حبيبي سلامته انشالله عينها العمى
مبروك الملابس يكطعهن بالهنا والعافيه

[عسل بغداد]

اشو كاتبه هيموني خاف هذا ابوه لأيهم جنتي تنيمي

[أم أيهومي]

ههههههههههههههههههه لا والله سجاوي داانوم بهيموني مو احنه اندلعه اشكال الوان خطيه دلعه ثكيل مرات ادلعه ايوو ومرات هيمو ومرات من يلبس اصفر ليموني هههههههه واشكال والوان

الله ايعافيج حبي ويكومج بالسلامه يارب
اني هم اروح ابو ايهومي يريد النت يشتغل,,بس هو يبقي الاوبرا مفتوح فتبقى مرات المنتدى مفتوح

يالله تصبحون على الف خير

[White angel]

صباح الخير بنات شلونكم حبايب
اليوم أني كلش دايخه بحيث من اوكف ع طولي راسا اوكع
اول مره هيج يصير

[فوفو العراقية]

صباحكم عسلللل
زينب موجوده؟
اكولج اني من عيوني ادزة الج
بس كوليلي ياهو منهن تردي؟
الرابط دخلي عليه وكوليلي لو تردين بعد شي ويا ادزلج مثل جهاز دقات قلب الجنين والجيل مالته؟
واني اشوف بشكد يكلف هوة وبريده واكتبلج المجموع وانتي وقتما ردتي دزي على بنك..
western union
موجود فرع منة بكل مدينة بالعالم...
ف انتي كولي شنو تردين ودزي بس صورهن واني اشتريهن وادزهن الج قلب تامرين امر...
بس كتبيلي عنوانج برساله خاصة كامل
والاشياء
وتدلليل حبي.
بس هسة لازم اروح لان متواعده ويا صديقتي نطلع ف لما ارجع راح اطلبهن من النت بس كتبيهن انتي الترديهن
لان اكو اشياء هواي بالموقع هذا
هذا الموقع http://www. raskauskeiju .fi/index .php?tr=10 (http://www. raskauskeiju .fi/index .php?tr=10)

[White angel]

هلو عمري فوفو اي موجوده
حبي شوفي لي مينرسل للسويد دايركت
هسه لو اكو غير لغه غير الفيلندي
جان متعبتج وياي

[متفائلة دائما]

السلام عليكم يا بنات ارجو ان تكونو كلكم باتم الصحة و العافية
عندي طلب و اتمنى ان تساعدونا فيه لو تكرمتكم وهو :
عند خروج اي عضوة عن دردشة الحمل و الدخول في النقاش الطائفي ارجو تبليغنا عنها و لو بالخاص عشان نتخذ معها الاجراءات


و لكم اللللف شكر على تعاونكم يا بنات

[توتايه]

نورتينا يالغاليه اخت متفائله وان شاء الله نطبق التعليمات

[**نورا**]

اني اخذت رشوه ما ابلغ هههههههههههههههههههههههههههههههههه

[o فرح عمريo]

مساء الخير حبيبااتي شخباركم اليوم ان شاء الله تمام
البارحه شرفت المحروسه مال الستين مو اربعين ههههههه
واليوم موعدي ويه الدكتوره لأن هي كالت ثاني يوم الدوره تعاليلي فد شويه اروح
ومن ارجع احجبلكم التطورات
بوساااتي

[ام نورهانه]

هلوووووو حبايب شلووونكم مشتاقتلكم عذروني على الغياب بس والله ملتهيه وبالكوه اطب افتح النت والباقي مكظيته على اللعبة بالفيس
شكو ماكو اخباركم

[ام نورهانه]

هلاااا فروحة شلونج حب اني وره نورهان اجتني تسعينيه ههههههههههه بحيث ضليت 3 اشهر ورة الاربعين ماكو دورة تخبلت بوقتها

وان شاء الله شهر الجاي متشوفيها وتجين تبشرينه بحملج

[فوفو العراقية]

مساء الخيرر
رجعت من برة بسرعه
ماظليت برة ويا صديقتي هواي
لان اجاني خبر ضايقني كلش كلش
والله خابرت حتى استفسر عن التحاليل مال اول البارحة
طلع عندي سكر حمل وااااااااااااااااااااااااع مقهورة كلش
وسالتهة شنو السبب للسكر كالت مال حمل وماله سبب حتى لو كنت ماحب الحلا وما اكله
ولازم اروح يوم 26 عندي موعد حتى يضلون يكثفون المتابعه علية وينطوني نصائح وجهاز منزلي لقياس السكر.
وطلع عندي فقر دم حاد مع استمراري بالعلاج الحديد ولازم ازيد العلاج حبتين بدل حبة وحده باليوم
ادعولي بنات
واي وحده صار عدهة من قبل سكر حمل تكولي
وتنصحني شنو ممنوع شنو مسموح وشنو ممنوع... وهم يضل بعد الحمل لو يروح مباشرتا؟
الله يجزيها الخير من تساعدني
لان اول مرة يصير وياي
يا الله اشكد متضايقه وبودي ابجي كلش مقهورة.

[عسل بغداد]

مساء الخير بنات جمعه مباركه عالجميع

[عسل بغداد]

فوفو سلامتج عيوني ولتنقهرين هسه من تروحين ينطوج علاج ويضبطولج مستوى السكر

فروحه هذا مو خوش خبر بس يله خيرها بغيرها انشالله تجين شهر الجاي وتبشرينا بالحمل

[عسل بغداد]

سلامتج زنوبه بس خاف عندج هبوط وهيج تحسين

[o فرح عمريo]

هلا فله حياتي شخبارج عمري مشتاقيلج هواااي شكو ماكو وشخبار نورهانه الحلوه

فاديه عندج العافيه ان شاء الله واني هم عندي فقر دم وزيدتلي فوليك اسيد حبتين باليوم لتخافين من فقر الدم اكثر الحوامل هيج ويجيبن طبيعي وسكر الحمل ماعندي خلفيه بس ان شاء الله ماكو شي \

هلو عسوله حبي هاهيه شنسوي الحمدلله على كل حال وهمزين جتني لأن من الأربعين لسه ماكو وهسه رحت للدكتوره انطتني منظم دوره يوم 16 اخذه ومنشطات هم من اليوم ابدي بيها وان شاء الله خير

زنوبه حبي اخاف هبوط بالضغط بس ان شاء الله ماكو شي ارتاحي انتي شويه وعندج العافيه يارب

نجلاء ونورا شخباركم اليوم ان شاء الله تمام

امونه وزنوبه ونورس ورحوبه وام سيوفي ورويده وتوتايه وكل البنات
مشتاقتلكم هوااااي

[White angel]

هلوو بنات شلونكم حبايبي
أني هستوني رجعت من المستشفى
صارلي يمهم من الصبح
وهسه طلعوني
شافو النونيه
كاعده رجل على رجل شلون كعدتي هههههههههه مااعرف اكعد الا رجل على رجل
صحتها تمام والحمد الله
بس سوو تحاليل وفحوصات والحمد الله زينه بس صاير هبوط بس جسمي كله دا يرجف
والله كريم اعذروني حبايب مااكدر افوت هاي الايام
بوساتي الكم

[فوفو العراقية]

هلو زنوبه
رحتي للسونار اليوم لو شنو؟
تاكدتي من جنس الجنين؟
الف الحمد لله على السلامة والصحة الدائمة يارب
ضلي مري وطمنينه عنج.

[أم أيهومي]

هلو بنات اشلوونكم حبايب
فروحه حبي لتهتمين وان شاء الله شهر الجاي اتبشرينه بحملج الاكيد بأذن الله

فوفو حبي سلامتج لديرين بال ماكو شي صديقتي صار عدهة سكر حمل وجابت طبيعي والحمد لله والنونو تمام واني كلشي معندي جبت عمليه فلتخافين ونظمتلهة دكتورته السكر وكلشي اوكي وهم اسألهة عن الاكل بأقرب وقت بس اني انصحج سوي سيرج عالكوكل واستفيدي من المعلومات لانه اوسع وادق اكو موقع استشارات طبيه اطباء ايجاوبون عليهة وحتى للحوامل كنت ادخله خلي الكه الرابط مالته واسأليهم هم تستفادين منهم

زنوبه حبي شبيج سلامتج ؟؟ يارب مابيج غير العافيه باعي العبيديه اشسوت بيج من هسه حاطه رجل على رجل شخصيه عيني مينكدرلهة فداوي
ديري بالج على روحج حبي وخلي العبيدي ايداريج زين ههههههههههههه طمنينه عنج حياتو تره ايظل بالنه عليج

توتايه شلونج حبي وشلونه سفسف
انفال فد يوم اجي اخنكج واوديج للاهرامات انتي وبناتج ذبحتيني بالدعوات مالت الاهرامات هههههههههههه

نورا شخبار الحموضه؟؟
سجى شخبار الاسم وين صار الاتفاق؟؟

اما عني فاني مكضيتهة شغل بشغل وسويت غده دجاج شوي وتمن اصفر على بتيته

[أم أيهومي]

فوفو حبي العفو البارحه كتبتلج كندا علمود احصاءات السكان واني قصدي فنلندا,, ياري اتسأليلي واكون ممنونه منج ومثل مكتلج ادزلهم طلب من رئاسة جامعة بغداد ومن وزارة التعليم العالي دائرة البحوث والدراسات العليا اذا يريدون اكون ممنونه حبي بس على راحتج لتعبين نفسج

[**نورا**]

هلووووووو بنات شلونكم اخباركم
فروحه حياتي انشالله شهر الاخ متشوفيها 9 شهور امين يا رب
فوفو حياتي سلامتج وانشالله مابيج غير العافيه
زنوبه سلامتج من الهبوط وصلوات هاي الفرعه بنتج من هسه اتكيتات وكاعده رجل عله رجل هههههههههه
مساء الورد والعافيه عله عيونج عسوله
ام ايهومي حياتو شخبارج وشلونه ليموني الورد فدوه لضحكته شلون محبوب هههههههههههه
**********
اني اليوم ظهري يوجعني شويه ضغط عله الفقرات اتصور وباجر ورايه روحه لاربيل خما مو زين الطريق هوه 3 ساعات