دردشة بنات العراق, دردشة حوامل العراق , تجمع بنات العراق

[شعور الامومة]

حبي خلي اشكيلج همي شوية لج راح اموت من وجع ظهري وافرازات لونهة ابيض لزجة مااعرف شنو دتنزل عفية حسب خبرتج شنو هاي

[ام مهدي22]

ولج هذي مي عدها عمه اويلي امراويتها النجوم
والكواكب والابراج ههعععع
لا خطيه امتعبتها كتلها هديني عليها بس ماقبلت

[ام مهدي22]

اجتج الحبابه لو لا

[ام مهدي22]

ههعععععع ترى اني الغي اهوايه اكتبلج اشكم صفحه
وانتي لو كاتبه صفحه لو لا خخخخخخخخخخ

[ام مهدي22]

شوفي حبي اعتقد التهابات عندج واذا عندج التهابات
لازم اتعالجيها حتى يصير حمل واذا ماعالجتها راح تتأذين

[شعور الامومة]

لج هذا النت الحقير علس هسة يلة استعدل باوعي الحبابة غير محاسبتلهة بس اعتقد بعد مفايت موعدهة

[ام مهدي22]

اين ذهبتي الو اجب حول 1234

[ام مهدي22]

اني جنت قبل متجيني أصير هذي الأعراض
بس انتي اعتقد التهابات

[شعور الامومة]

ام مهدي ملوكة الحبابة سولفيلي شنو اعراض الحمل وليش كلتي الالتهابات تاذيني من اي ناحية

[ام مهدي22]

انتي ليش متسوين فحص وشوفي

[شعور الامومة]

طبعا مااعرف شبية مصركعة علحمل واني وحدي بلكوة مدبرتهة واريد طفل شسوي احب الاطفال

[ام مهدي22]

يعني من ناحية الحمل سامعه الئ عدها التهابات متحمل
فعالجيهن احسن و
واعراض الحمل هسه متحسين بيهن الا يفوت موعدها
لان ماكو اي أعراض قبل متجي

[شعور الامومة]

فحص مال شنو؟؟؟

[شعور الامومة]

اي اني هم اكول هيج بس اي واحد احجيلة يكولولي اخاف حامل

[ام مهدي22]

والله اني متت سنتين واني انتضر ودعي لان الغربة
وحدج صعبه كلت الطفل يهون عليه وسورة للبقره ختمتها وراها بشهر او ثنين وحملت

[ام مهدي22]

شوفي حبي فحص يم الدكتوره اشوف اذا عندج التهابات
وشوفلج حجم البويضه ووووو

[شعور الامومة]

والله نوبات اكول ااجل الموضوع احسن اقصد الحمل زوجي كلش متعب طلباتة متخلاص ويريد كلشي بنفس اللحظة دااتعب مداالحك يمعودة

[ام مهدي22]

حبي اني باقيه وياج بس اشوفيني انقطع الاتصال
كولي ابنها كعد اوكي

[ام مهدي22]

مثل زوجي بس جيبي وحطي صح من حملت خف اشويه
ومن جبت اتغير 100 مره

[شعور الامومة]

يلة حبي نكمل بعدين صار عندي شغل

[شعور الامومة]

ها وينكم اشو ماكو ولاوحدة يمعودات طووووووووووووووووووط راح ينكطع البث وانتم بعدكم عيني ام سحلول ارجعي نرجع نكمل سوالفنة لو كعد سحلول

[o فرح عمريo]

صبااااااااااااااااااحووووووووو على احلى عيوووووووووووووون
شخباركم حبااايبي وشخبار الكتاكييت ان شاء الله الكل بخير مشتااااااقتلكم كثيييييييييييير

ام مهدي شخبارج عمري وشخبار سحلولي ان شاء الله بخير
عاااااااااااابتلج اني اتنسى على قيمه صارلي اسبوع الوووب وانتي تتعشين وتتريكين بيها
ضميلي شويه حباااابه

زنوووبه حبي شخبارج وشخبار كوكي ان شاء الله تكونون بألف خير يارب

ميوووشه حياااتي انتي مشتاقتلج شخبار وشخبار بروره تجنن صورتهاا ربي يحفظها ان شاء الله
وبالنسبه لسؤالج عن ال ام ام اس

ادخلي مركز تحميل الصور موجود بأعلى المنتدى وحملي الصوره الي ترديها من الحاسبه مالتج
رح تطلعلج روابط اختاري منها الرابط المباشر ونسخي بالفراغ الموجود بأختيار ال ام ام اس وانطي اوكي وان شاء الله تظبط وياج
بس الصور الجبيره فدمره مدتطلع انتبهي

ام نورهااانه شخبارها بنات اشو مختفيه ان شا ء الله تكون بخير هيه وكتكوتاتها

هباااوي حبي شخبارج وشخبار جمووونه فدااااوي لخدودها ربي يحفظها الج من كل شي امييين يارب العالمين

بدوره الله يكتبلج الحمل القريب عاجلا غير اجلا ان شاء الله انتي وكل من تتمنى

مروه ولطف الرحمن ربي يسهل عليكم ويكتبلكم ولاده ميسره وسهله امين

شموسه مية هلا بيج نورتي التجمع وان شاء الله يرزقج بأبن الحلال الي يسعدج عاجلا

ام حمودي- زينه-صموته- شعور- توته -نورا - شهدوده- ورنده وفاديه حبيبتي
وكل البنات بدون استثناء تحياتي واشواقي الكم جميعا

[o فرح عمريo]

بنااات اني وضعي كلش تعبااانه من الوحااام فد مره مدااكدر اكل شي وكلشي اكله العفو ارده
وحتى الحبوب مدتفيدني بعد 3 ايام موعدي ويه الدكتوره وان شاء الله تشوفلي حل

بس كولولي هاي ليوين اضل هيج ولله ماله من نفسي وفوك القهر اني عندي فقر دم يعني لازمني تغذيه بس كلشي مدااكدر اكل

عفيه كولولي شنو الحل

لسه مسمعت النبض مال الجنين ان شاء الله بعد 3 ايام اسمعه ادعووولي فدوه
تره كلش قلقه

[شعور الامومة]

هلو عيني فروحة شلونج الله يساعدج الاعرفة الوحام اول 3 اشهر هذا حسب معلوماتي البسيطة حاولي تاكلين حتى اذا ترجعين وكثري من العصاير والله يتمملج على خير ويسهلج وتتنسين على قيمة يمعودة اني يومية دااكل قيمة لويصير جان ادزلج بالنت

[شعور الامومة]

لطوف وام مهدي ام سحلول وينكم

[o فرح عمريo]

هلوووااااااات حبي شعور شخبارج عمري ان شاء الله تمام
ربي يسلمج ويخليج ويرزقج بالحمل عاجلا غير اجلا
والله اني هم سمعت ل3 اشهر شنسوي بعد الله يسهل

[o فرح عمريo]

خل اعرفج بنفسي لأن اول مره نتصادف اني وياج

اني فرح عمري 24 حامل بأول طفل وعندي اسقاط سابق اسم الله عليج
من ديالى ومتخرجه العام من كلية التربيه وعلى اساس هسه ثبتوني لأن جنت عقد قبل بس لسه ممباشره

وانتي؟؟؟

[o فرح عمريo]

شعوور ناااااامت
الووووووووووووو

[مي &]

هلوووووووووووووووو شلونكم

[مي &]

شكرا حبي فروحه المروحه >> خوش لقب مو هههههه

على الام ام اس

[مي &]

ولج فررررررررررررررررررررررررررررررررررررررررح

وينج اشو اختفيتي

ولج الوحاام عااادي ومن علامات صحه الجنين والحمدلله ....

كثري من العصاير

اني كتلني كتل الوحام وجنت اكضيها عصاير واشياء خفيفه

واول يوم بلثالث راح والحمدلله

[شعور الامومة]

هلو فروح حياتي هذا النت اليوم ماادري شبي دينام المهم حيات ياعرفج بنفسي اني رقية ومن بغداد وموظفة ومتخرجة من الكلية وعمري 23 سنة وحاليامتزوجة من شهرين وابحث عن اقرب فرصة للحمل والله يسهل والله كريم حبي بالمناسبة مدام طلع اسمج لتشيلين هم انشاء الله يثبتوج وتباشرين ويسهل عليج الوحام والولادة

[شعور الامومة]

اي ميوش وينج شخبارج مشتاقين ياوردة برورة شخبارهة شكو ماكو اخبار العمات الجنات

[مي &]

هلو حياتي رقاوي الورده

والله الحمدلله ابخير وبلنسبه للعمات اسكتي وخليهه

ايكولون خليهه بلكلب تجرح احس متطلع وتفضح

[مي &]

شكو ماااااااااااااكو شخبارج

[شعور الامومة]

ههههههههههههه شنو ولج مبينة عايشة مأساة الله يساعدج اكولج هم كرايبج لو غربة

[مي &]

وهم جااااااااااااان ابقى وحدي ولج خبلتني شنو متفقات عليه

[مي &]

ههههههههههههه
لا والله غريب ورجلي ورده الحمدلله للشكر وهو الي امخليني اتحمل الحمدلله ربج ميسد باب الا يفتح باب

يله الحمدلله والشكر

[شعور الامومة]

ماكو شي بس شوية هلايام كلش مريضة وتعبانة وزوجي هذا شاك حلكي متعبني بطلباتة

[o فرح عمريo]

ولج هلاااا بميووووووووووش عمري منوره ياغاليه
مختفيت ولله بس تعرفين النت الزززززززززززفت

[مي &]

ولكم سررررررررررراي حبيبتي مختفيه حبابات منو تعرف عنهه شي

بالي يمهه

[شعور الامومة]

اهم شي رجلج بلاخير لازم تطلعين وتستقلين بحياتج وهو زين يستاهل تتحملين لخاطرة

[مي &]

والله الطلبات متخلص هاي بعد مدام ازوجنه نتحمل شنسوي

[مي &]

هلو فروحه حياتي لونج سولفيلي

[o فرح عمريo]

اتشرف بيج حبي رقووو والله يرزقج بالحمل عاجلا امييييين بس اهم انسي الموضوع وهو يجيج مسلفن ههههههه
بس ركزي على ايام التبويض وان شاء الله يصير
وسلامتج مابيج غير العافيه ان شاء الله

[مي &]

والله يا رقاوي الاستقلال والبيت الوحد جنهه مستحيله هلشغله بس ماكو شي مستحيل على ربج

خالتها يم الله وساكته

[شعور الامومة]

اي شخباركم اكلكم هواي مختفيات هلايام من التجمع سراو ي وبدورة و.........

[o فرح عمريo]

لوني اشكر هههههههههههههه رجعنه على العلس مال ميوووشه

ولله اني بخير الحمدلله اليوم ارجع لبيتي يجيني زوجي بالليل خطيه صار اسبوع عايفته وحده

انتي شخبار وشخبار كماشه وفصولها

[شعور الامومة]

لاحياتي لتكولين مستحيلة ماكو شي مستحيل بس يحتاج شوية صبر شكد صارلج من تزوجتي

[o فرح عمريo]

شوفي انعديت منج ههههههههههه قصدي شخبارج

[شعور الامومة]

فروحة والله زين يقبل يخليج اسبوع فد مرة بقيت يومين جان ارجع للبيت ويسويلي عقوبة اويلي شلون عقوبة احزرو شنو

[مي &]

ولج هسه مو اني معدتله كتلت راح اتعديلياهه هههههههههههه حرف الشين ايشكل مرات

* والله رقاوي طبعا خالته يم رب العالمين صارلي سنتين وشهرين من متزوجه

[o فرح عمريo]

الله كريم ميووشه حبي ماكو شي مستحيل ان شاء الله
وداعتج تصير سوالف وترتاحين بس اصبري شويه

[مي &]

شنو شنو العقوبه مالتج؟؟؟؟؟؟؟؟؟

[مي &]

صابرره والحمدلله والشكر على كل حال

[مي &]

يله بنات اترخص حبابات الكعده والسوالف وياكم اتجنن ومتنمل زوجي على جيه

يله باي يبنات ولي عوده ولقاء

ولج رقاوي وفروحه شدو انترنت ابيوتكم حتى نتواصل حبابات

يله بااااااااااااااااااااااااي

[o فرح عمريo]

اي طبعاااا اني هم من جنت عروووس جان ميخليني ابات بس هسه عبرنه السنه خخخخخ
بس ولله مريضه وكالي روحي ارتاحي تعرفين يم العيال محد يقدر ويكول خطيه

اي اي شنو العقوبه شوقتيني

[المغتربه المتفائله]

هلووووو بناتي قليباتي
مشششششتاقتلكم
شلووووووووونكم جميعا


هاااي شكد مسولفيييين يرادلي يومين يله اقره الصفحات

اروح اقره الصفحات وارجع منو موجوده ترفع ايده

[المغتربه المتفائله]

ميووووووش

قلبي فديت اليسأل عليه
حيييياتي شلونج وابرار الحلوووه شلونه
فدووه ضحكتيني عليه تخاف من الورد ههههههه
هاي اختي تخاف من الريش ومن تشوفه تكول دوده
ولحد هسه عمره12سنه وبعده تخاف من الريش
اذا تشوفه تكوم تبجي ههههههههه

[المغتربه المتفائله]

فروووحه

حبي ان اشاء الله تروحين وتسمعين نبض الطفل
والوحام عادي اني من الاسبوع الثامن بده عندي
كرهت الاكل كله ما اتحمل اكل من دخلت بالاسبوع 15
خف الوحام وكدرت اكل طبيعي
حته نزل وزني الدكتوره ماقبلت كالت لازم يزيد وزنج مو ينزل
انتي اجبري نفسج على الاكل هاي اهم فتره لنمو الطفل
اشربي حليب وسوائل هوواي واخذي فولك اسيد يوميا
الله يتمم لج على خير وتفرحين بالنونو

[المغتربه المتفائله]

رقاووي
لاتعبين نفسج من هسه بالتفكير بالحمل
ماكو علامه تدل على الحمل قبل موعد الدوره
اني تعبت نفسي ادور هاي الاشياء وعلى كلشي اركز
وحته اتوهم وامرض نفسي واقنع نفسي اني حامل
وتالي تشرف الحبابه على كوله ملوكه
على هاذه الحال اربع سنووووووات شفت العذاب
لا تعشمين نفسج بشي وانتضري الدوره يفوت موعده
وبعده يله تحللين واذا على الافرازات عادي اذا مابيه ريحه
ولا حكه تعتبر طبيعيه واحسن فتره للحمل هيه العشره الوسط من الدوره
ارتكبو الخطيئه بيه هههههه بين يوم ويوم احسن شي
كله هاي نصائح الدكتووره
والله يرزقج الحمل بالقريب العاجل

[المغتربه المتفائله]

رنوووده

حب شلونج وطمطم الحلوه شلوونه
فدوووه للرجلينات الحلوووات حييياتي
يله نزلي صوورته منتضررين


زنوبه

ياقلبي مشششتاقتلج
والف مبروك مره ثانيه الله يحفضلج البنبونيه
فدوووووه لكوكه ولا يهمج حته لو ماتشبهلج
ضحكتيني حته نوري مايشبه النوري مالتج
ههههههههههههههههههههههه
يكولون اذا الام اتحب الاب اكثر يطلع الطفل عليه
كوليله لزوجج هاي من كد ما احبك طلعت نسخه منك
وحقه اذا يريدج ترجعين للبيت اكيد مشتاقلج
وراحته من يشوفج بالبيت بس هوه يتحجج بيت اهله
الله لايجيب المشاكل بينكم
حاولي تنزلين صوره البنوته من يصير عندج وقت

[المغتربه المتفائله]

مرراوي ولطف بشرررو حبايبي
ياررب تجيبون وتكومون بالسلامه انتو النونيات


بدوووور حبي شلوونج
راح اجيهم بيت حماج اسحلهم وامسح بيهم العراق
شنوو محتلين النت وماخذيج منه حاولي لاتطولين
وجودج ضروري صايره الدكتوره مال التجمع
هههههههههه فديت اليفهموون

[المغتربه المتفائله]

فوفووووو

حبي وينج مششتاقتلج طمنيني عليج شلون صررتي
بالي يمج شلون صار ضغطج ان شاء الله احسن
وليوووووو القمرر شلوونه


ام نورهانه وام ايهوومي الهم فتره طويله غايبين يارب يكون المانع خيرر

[المغتربه المتفائله]

قموووره

حبيبتي شلوونج وجوجو الحلوه شلوونه


شمووسه

منوره حب كل الهلا بيج
الله يرزقج بأبن الحلال اليسعدج

[المغتربه المتفائله]

وشهوودتي

حبيبتي ورفيقه درربي اني على تواصل وياه
بالتليفوون بالوتس اب كل يووم نسوولف
تسأل عنكم مشغوله بنوتاته والحمل متعب
مايصير عده وقت حته تدخل للتجمع
تسلم على الكل جميعا وتدز بوووسات للكل
اموووووووووووووووواح

[المغتربه المتفائله]

ملووووووكه

ام سحلووول حبي شلونج ومهداووي حبيبي شلونه
ان شاء الله بخيررر نزلي صوره اله حته نشوفه
تغير شكله صار دبدوب لا ؟

[المغتربه المتفائله]

بسوومه وام حمودي عسوله صموته وعلوشه نوريتا توته
وكل البنات سلامي الكم بدون استثناء

[المغتربه المتفائله]

وهسه ارجع اسولفلكم
وكعت بالمطبخ زلكت بالمي ونفتحت رجلي حيل
وهسه حوضي ونهايه ضهرري كلش توجعني
وبطني عندي تقلصات ميته من الخوف
بس المصبرني النونو يتحرك طبيعي حركته
زوجي يكول انروح للمستشفى بس اني ما قبلت
كتله عادي اهم شي الطفل يتحرك
وضغطي نفس الوضع ماينزل ومستمره اخذ العلاج
والله كررررررريم

[المغتربه المتفائله]

ميوووووش لاتكليلي ماتحرك الشريط
وبعده بالشهر السابعhwaml15hwaml15hwaml4hwaml4
حته هسه امسحه من التوقيع

[المغتربه المتفائله]

طوووووووووووووووووووووووط
بببببببببببببيييييييييييييييب
وينكم صارلي شكد اسولف وي نفسي

[المغتربه المتفائله]

راح اخذ فرره بالمنتدى واررررجع

[بسومة الطائي]

هلوووووووووووووووووووووووووو
منو هنا

[المغتربه المتفائله]

ووووووواخخخخخخخيرا
لكيت وحده منكم
هلا بسووومه اني هنااا

[امرأة الفرح]

صلـو عالنبي وكولو صلوااااااااااات
ووخرو اولادكم عن البنياااااااااات
ههههههه

وهاي حنفوشتي


http://forum.hwaml.com/imgcache2/hwaml.com_1354023325_212.png (http://www.iraqup.com/)

http://forum.hwaml.com/imgcache2/hwaml.com_1354023326_444.png (http://www.iraqup.com/)
http://forum.hwaml.com/imgcache2/hwaml.com_1354023323_421.png (http://www.iraqup.com/)

[امرأة الفرح]

شوفوهه خطية شون وجهه اصفر من ابو صفار
ادعولهه ربي يشافيهه

[المغتربه المتفائله]

اووووي
اووووي
فدووووووووه
اللهم صل على محمد وال محمد
فدوووووه للبنوتات حيياتي ربي يحرسه
ابني شافه ههههههه كاعد ابطني ماكدرت اوخره من البنيات
كتله غمض عيونك ماقبل هههههههههه
الله يشفيه ياررب ولاتخافين يروح منه
اكثر الاطفال يصير بيهم

[امرأة الفرح]

مشكورة سراوي يوم الالج حبيبتي ونفرح بعبوسي

ولا يهمج خلي يباوع هي اكبر منة مسيطررة

[امرأة الفرح]

طبعا فطومة مسوية ** كوبي _ بيست
لأبووهه
شفتو القهرر

[المغتربه المتفائله]

تسلمين حبي
هههههههههه ابني طالعه عينه
كام يتحرررك هسه
عجبته فطوومه
راح نخطبه من يطلع العرريس
ههههههههههههههههههههه

[امرأة الفرح]

اووووي فديت عبوسي اني ..
طبعا تدرين اشتاقيت لحركتهه ابطني
ههههه
مامقتنعة هي كبال عيني
تعودت

[المغتربه المتفائله]

هههههههههههههه
اووي فدوه للبنات يشبهون لبوهم
هم زنوبه تكول بته تشبه ابوهه
كتله لزنوبه يعني انتي تحبي لزوجج اكثر منه طلعت البنوته عليه

[المغتربه المتفائله]

هسه تشبعين من البجي مالته
سهله لو على حركته
هاي البصوره وي البنوته زوجج؟؟؟

[امرأة الفرح]

اي هذا زوجي هاي من رجعنة من المستشفى ابيت اهلي
كابلهه وكعد
ميقبل ينطيهه

[المغتربه المتفائله]

دزيت الصور لشهووده تسلم عليج
وتدز بوسسسات كووومات الج وللبنوته
وتكول لاتخلين مخده كبيره جوه راسه موزين على رقبتها
هاي هيه انتبهت بالصوره

[امرأة الفرح]

الله يسلمهه حبيبتي مشكووورة

المخدة مو جبيرة هي هيج مبينة بالصورة
وهم ح اخلي اصغر

[المغتربه المتفائله]

حيياتي الله يحفضلكم البنووته ويفرحكم بيه

[المغتربه المتفائله]

فطوومه نايمه كاعده ؟؟

[المغتربه المتفائله]

اذا نايمه سولفيلي قصه ولادتج
واني راح اكلج من هسسه
اي
اي
اي
اي

[امرأة الفرح]

فطومة كعدت رضعتهه ونامت

[امرأة الفرح]

قصة ولاتي نبتدي
بسم الله
طبعا يوم الجمعة الصبح اني جنت عد اهلي طبعا
كعدت الصبح رحت تكرمون للحمام
لكيت افراز مخاااطي مباشة عرفت هو السدادة مال الرحم
لأن هواي قارية عنهه
المهم رحت لماما كتلهه تكول ابد مصايرة عندي
واختي همين نفس الحجي
طبعا ماكو اي الم يذكر حتة الالم اللي جان موجود عندي من بدة التاسع ماكو تبخر
هههه عبالك ماحامل

للعصر رحت لهاي الممرضة اقاربنة اللي اني متفقة وياهه تولدني
كالت خلي اشوف اذا عندج توسع
فحصتني وطلعصبعين
بس شنووو ردت اموت من الفحص


تاااابع

[امرأة الفرح]

سألتهه عن السدادة كالت عادي تنزل مو شرط تولدين بنفس اليوم
المهم احنة ننتظر الطلوك
يعني خلال 3 ايام انشالله انتي والدة
رحمتك يا الله

رجعت للبيت صارت ساعة ب 12 تقريبا
زوجي يخابرني ونسولف ونضحك
يكلي انتي شكلج مطوووولة تعاي رجعي يمي هههه

سديت التليفون كمت اريد اروح يم خواتي
بس وكفت نزل علية ماااي
عبالك مسويتهه ع نفسي
اوييلي عالرعب الصار بية
ركضت لأمي واختي كالو اي هذا مي الراس
وضل ينزل على دفعات
ولحد الان بدوووون اي الم

[امرأة الفرح]

وياااي ؟؟؟

[""ام حمودي""]

هلو بنات شلونكم البارحة مكدرت افوت مشتاقتلكم بس عفيه كلش هواي كاتبين شوكت اكعد اقره هئ هئ هئ
اروح اقره وارجعلكم

[""ام حمودي""]

هلو حبي امراه الفرح اي كملي اني وياج

[المغتربه المتفائله]

وياج
وياج
اي
اي

[المغتربه المتفائله]

هلا ام حمودي شلوونج

[امرأة الفرح]

اكمممل

المهم اختي اتصلت ع الممرضة وشرحتلهه الوضع
كالت اذا ماعدهه طلوك لتجي هسه
خلي تنتظر الالم

وبقيت انتظر وماكو كامت اختي سوتلي بطنج فورتة وشربتة
وللساعة ب 4 وبدون طلوك
واحس المي ح ينشف ع بنتي والدموووع شلالات

عاد كلت لماما اني هواية قارية عن الدارسين
كامت سوتلي وشربتة
ورة نص ساعة بدت الام خفيفة جددددا

من خوفي سويتهه سالفة عبالك ح امووت من الالم
رحنة للممرضة
وهم فحصتني كالت خلص للساعة 9 نروح للمستشفى
رجعت للبيت
ماما كالت نامي ارتاحيلج ساعتين
ع اساس مددت روحي اري انام
والطلووك كلي استلمي مو جنتي تنتظريني هاي اني جييييت
يبووووو
ما اريد اخوفكم يجوز اني جبانة
بس اشيل روحي واطكهه بالكاااع
كتلهه لماما ما اتحمل هسة نروح
هاي ساعة 8 تقريبا
رحنة للمستشفى وصلنة تقريبا 8 ونص

[المغتربه المتفائله]

اوووووي
اني متت خووف
عبالك داباوع على فلم رعب

[امرأة الفرح]

وصلنة لهاي الغرفة اللي ينتظرون بيهه
والسستر ام حسين وياي
الله يستر عليهه دنيا واخرة
جتي الدكتورة وفحصتني .. وكالت لأم حسين خليلهه المغذي
عاد اني عرفت ح ينطوني طلوك صناعي
جان اصرخ عفييية لاا
كافي اللي بيه
كلتلي احسن ماتبقين للعشرة بالليل تطلكين
باعي للبقة من امس المغرب موجودين

المهم انطتني المغذي طبعا هي كلتلي ح انطيج 1 يونت
بس انطتني 2
بهاي الحالة اني كمت ما اشوف دربي طلكة ورة اللخ
ولازمة ايد ماما واتوسل بيهه ماما اذا تحبيني خليهم يودوني عمليات
طبعا من كد ماظاغطة ايد ماما عوجت الحلقة مالتهه خطية وهي متحملة الالم

يتبع...

[المغتربه المتفائله]

hwaml85hwaml85hwaml85

[امرأة الفرح]

جانت اختي كايلتلي كليلهه لأم حسين خلي تنطيج ابرة البيثدين
تخليج تسترخين بين الطلكااات
واني ماصدكت حبوووبة خالة انطينياهه
وهي تكلي لا خلي يزيد التوسع
لأن تأثرع تنفس الطفل اذا طولتي
فحصتني وصار التوسع 4 اصابع
وانطتني الابرة
هي مو تخدر بس عبالك فاقدة الوعي بين الطلكات
بس من تجي الطلكة لا تحسين بيهه وبكل ذرة الم
كات يلا كومي لصالة الولادة
اني حسيت رايحة لغرفة الاعدام
واتوسل بيهم يدخلون ماما وميقبلوون
صعدوني عالسرير مال الولادة
وكلولي ابدي دفعي ** وبديييت بالدفع
وبهاي اللحضات تذكرتكم ودعيت ربي يسهل للجميع ويرزق المنتظرين الحمل
عااد اني ادفع بكل قوتي
وام حسين تكلي هذا الراس كدامي بس انتي مدا تدفعين
لا يا الله
وادفع وماااكو ..
جان شتسوي المحروسة تنطيني 2 يونت لخ بالمغذي يعني صارو 4

يبووووو
طلكة براس اللخ
ماكو فكة وادفع وادفع وادفع
وكلهه خااالة حبابة طلعيهه
تكلي انتي حبابة دفعي اقوى
وادفع وجان يطلع الراس .. سبحان الله هو يطله الراس
واني كل الالم احسة رااح
بحيث لزمت الراس وسلتتهه سلت لفطومة
واباوع لبطني فرغت
والسسترات ينظفون بيه واني عيني ع بنتي
كصو الحبل السري وجتي وحدة راوتنياهه
وبسرعة اخذتهه تنظفهه واني عيني وراهه
واكلهه خالة شوفيهه كاملة
تكلي ااييي وكلشي مابيهه
يا الله من سمعتهه تبجي بجييييت واصيح الحمد لله الحمد لله

[امرأة الفرح]

المهم طلعوهه لماما وخيطوني
ومن طلعت لكيت الكل ينتظرني برة
وزوجي ممصدك لأن بالليل اسولف واضحك وياا
الحمد لله عدت ع خييير

استغفروو واقرو سورة الزلزة

[المغتربه المتفائله]

اي اي اي الف الحمد لله والشكرر
الحمد لله على سلامتج
والله يبارك بنوتج ويحفضه الج
يعني شكد طولت ولادتج كم ساعه ؟؟

[امرأة الفرح]

ممممم يعني اني ولدت عشرة الا ثلث
يعني من بداية الطلوك لحد ما ولدت تقريبا ساعتين
الحمد لله ماطولت مع العلم اني بجر ومسوية ربط
الفضل يرجع ل الله ولأم حسين اللي زركتني ب4 يونت
وسرعت من الولادة

[بسومة الطائي]

حبيبتي امراة الفرح اقرا كلماتج وراسا دموعي نزلت وبطني كامت توجعني من الخوف والفرح الحمدلله ع سلامتج والله يحفظلج فطومة وتتربى بعزج

[المغتربه المتفائله]

اي الله يرزقني وكل البنات ولاده سهله
وووين الكه ام حسين يصير تجيني للصين
هههههههههههههههههه اوويلي شفهم على الصينين
وانووب وقت والولاده والله من هسه ميته خوووف

[""ام حمودي""]

هلو حبي المغتربه بس ما اعرف اسمج لو اسمج اسهل يكون اذا ماكو مانع

[امرأة الفرح]

حبيبتي بسومة مشكوورة عيوني ..

سراااوي لتخافين والله اني الرعب اللي جنت عايشتة وقت الحمل
وخفي من الولادة وحالتي النفسية الزفت
كلهه ندمت عليهه
والله كلهه ساعة وتخلصين والتجألي ل الله
والتهي بالستغفار حتة وكت الطلوووك

[""ام حمودي""]

حبي الف الحمد لله ع سلامتج وسلامه فطومه والله كمت افكر بالولادة من قريت ولادتج بس ما شالله ولادتج تعتبر سهله وخاصه انت بكريه

[المغتربه المتفائله]

هلوووووو حبي ام حمودي
اسمي سارة وعمري 20
متزوجه من اربع سنوات
وحامل بأول طفل بالشهر الثامن

[""ام حمودي""]

المتفائله ربي يسهل عليج بولادتج امين يارب ويسهل عليه وعالجميع

[المغتربه المتفائله]

رنوووده والله ميته خووف
هونتي عليه من قريت قصتج اتفائلت بيه
وياررب يكتبلي ولاده سهله
اليه ولكل الحووامل ياررب

[المغتربه المتفائله]

المتفائله ربي يسهل عليج بولادتج امين يارب ويسهل عليه وعالجميع

اممممين يارررب العالمين

[امرأة الفرح]

ام حمودي مشكورة عيوني **
صحيح ولادتي جانت ميسرة وسهله الحمد لله ماقصر ربي وياي
لأن التجأتلة بالدعاء طول فترة حملي

ربي يسهل للجميع انشالله

[بسومة الطائي]

الله يسمع منكم
أميييييييييييييييييييييين
الله يهون ع الجميع

[امرأة الفرح]

استأذن كعدت حنفوشتي

[المغتربه المتفائله]

الله وياج قلبببببي
بوووسات لفطومه من خدوده الحلوه

[لطف الرحمن]

الله قصة حلوة الحمدلله على سلامتكم وتتربى بعزكم ان شاء الله فروووووووحة بس صراحة فرحتلج هواي بس حزنت على روحي لان كلش خايفة ماادري شوكت تفرج عليه بدا العد التنازلي وماكو شي بعدلي 8ايام وماادري شلون تخلص

[لطف الرحمن]

شلونكم حبايبي المغتربة وبسومة ورقاوي ومي وام مهودي وكل الحلووات

[لطف الرحمن]

طبعا رقاوي طلبتي مني اعرفك بنفسي بس النت كان كلش مو زين اني اسمي قطرالندى واصلي من المسيب بس زواجي خلاني اصير كربلائية والحمدلله

[لطف الرحمن]

وطبعا عندي عمة بس تسوى الدنيا كلهه وحجية من حجية متقبل ابد بالغلط ومداريتني اخر مدراة واني خالتهه على راسي واصيحلهه ماما لان زوجي كلي من البداية صيحيلهه ماما وهو هم نفس الشي يصيح لاهلي بابا وماما واتمنى كل العمات يصيرن مثلهه ودائما ادعيلهه بالعافية لان مشايفة مرة مثلهه وتتخبل من الغيبة اهم شي حتى متحجي عليه ان شاء الله ميووووووووووووو يهدي عمتج عليج ياوردة

[بسومة الطائي]

هلو حبيبتي لطوفة اشلونج اخبارج ياربي ابخيير الله ايتمملج ع خيير ويسهلج ويسهللنا كلنا وتكون ولادة سهلة والله ينطي عمتج على كد نيتها ويهدي كل العمات ههههههههههههههههه

[شموسة البغدادية]

هلالالالالالاو بنات اشلونكم اخباركم طبعا اسفة لان مداادخل عليكم صار يومين لان ما كان عندي نت بس لو تدرون اشكد فرحت من دخلت ولكيت هذا الترحيب الحار بية ودعواتكم الي وطبعا اشكركم جدا على مشاعركم وياية واتمنى ان اكون اخت لكم وخفيفة ظل عليكم لان اللي لاحظته علاقتكم مو علاقة منتدى وبس حسيت بيكم وكانه عائلة وحدة وكلكم قلب على قلب والله يديم الاخوة والمحبة بيناتكم والف الف مليون مبروك على الوالدات الجدد امراة الفرح ووايت انجل والحمد لله على سلامتكم وسلامة نونياتكم ولو فلم الرعب اللي سولفته امراة الفرح خلاني اموت من الخوف لكن هي هاي سنة الحياة والحمد لله على سلامتكم مرة اخرى

[""ام حمودي""]

وايت انجل الف الحمد لله ع سلامتج وسلامه بنوتج الحلوة ويوم الالنا يااارب
مي بنوتج تخبل فدوة للحركات ههههههه
قطر الندى تشرفنا بمعرفتج وربي يسهل عليج
شموس اهلا وسهلا نورتي حبي
اروح اقره الصفحات لسه مقريت

[بدور السماء]

حياتي بدورة مشتاقتلج كومة شخبارج شكو ماكو شسوة بينة احتلال بيت حماج للنت يمعودة ادمرنة بغيابج شنو موسوعة التجمع الج وزنج صدك كلتي لازم رجلي يثكل هلايام شنو ايأثر هلشي hwaml03
هلو حبي رقوش
ولج اقصد اذا فايتتج الحبابة هاي خوش تسمية
ههههههههه
اذا فايتتج لتخليه يجي يمج لحد متتأكدين
والله يسهلج حبي

[شموسة البغدادية]

النور نورك حبيبتي ام حمودي اشلونج عمري

[بدور السماء]

مرراوي ولطف بشرررو حبايبي
ياررب تجيبون وتكومون بالسلامه انتو النونيات


بدوووور حبي شلوونج
راح اجيهم بيت حماج اسحلهم وامسح بيهم العراق
شنوو محتلين النت وماخذيج منه حاولي لاتطولين
وجودج ضروري صايره الدكتوره مال التجمع
هههههههههه فديت اليفهموون

شلونج حبي والله ضحكتيني
يمعودة ديري بالج خاف تسحليهم من العراق ويلحكوج للصين
وتبتلين على عمرج دكولين لو مخليتهم يم بدور هواي احسنلي
هههههههه
والله يابة هذولة ميسحلهم السحلول نفسة
هههههههه
الله كريم نتحمل وهاي هية
بس حبي ديري بالج على نفسج مرة ثانية ترة موكل مرة تسلم الجرة
وانشالله مابيج غير العافية انت وعبووووسي العريس مال فطوم
ههههههه

[شموسة البغدادية]

هلوووووو بدور اشلونج حياتي

[قمر بغداد]

هلووووووووووووو حبيبات قلبي شلونكم وشلون زعاطيطكم ورياجيلكم وعماتكم هههههههههههه وحمواتكم

[بدور السماء]

وهسة ارجع للترحيب
ملوكة بعد الروح والرية كل الناس عارية
شلونج ياقلب انشالله بخير انت وسحلول
رنووووووووووود بعد عمري الحمدلله على سلامتج ويارب يوم لتشوفيها عروس
ولج هاي شنو الكمر اللهم صل على محمد وال محمد
ولج هاي صدك تشبه ابوهة مبينة من الصورة
الله يحميهم ويخليهم يارب
قطورة شلونج حبي الله يسهلج انشالله ويسرلج امرج انت ومراوي ويجعلها ساعة سهلة يارب
زنوب قليبي شلونج وكوكتنا شلونها انشالله بخير ولج حبي دنزلي عاد الصور والله مشتاقة اشوفها ربي يحرسها ويحميها من كل شر
والباقين امانة لتواخذوني اذا نسيت وحدة
بوساتي وتحياتي الكم كلكم
كلكم لو بهارات لوفلفل اسود ههههههههههه
يبوووووووو شكد لغيت الله يساعد رجلي علية
رجلي لو ايدي
ههههههههه

[بدور السماء]

هاااااا رنود نسيت اكولج
وخصوصا عيونها مثل ابوها بالضبط
الله يخليهم

[بدور السماء]

ها بنات ارجوكم اليوم لتفشلوني بيت حماتي الله هاديهم علية وممحنشين على النت
يالله تعالو لااجي اسحلكم بالقوة

[""ام حمودي""]

ساره حبي اتشرفت بمعرفتج وربي يهون عليج وتشوفين عبوسي بالسلامه
رقيه عيوني اذا اكو التهاب الافرازات تصير الها لون وريحه وتسوي حكه بس اذا ماكو فهاي طبيعيه وممكن تكون افرازات حمل طبعا كل وحده حملها يختلف عن اللخي بالنسبه الي اني من التبويض الي صار موعد الدورة اني حاسه بروحي اكو شي مو طبيعي بحيث بنفس موعد الدورة الصبح سويت تيست منزلي وفعلا طلعت حامل الف الحمد لله بس مثلما كتلج لتخلين الموضوع ببالج اخاف تكومين تتوهمين بالاعراض ويتهيالج واذا شفتي نفسج حابه يصير عندج حمل روحي سوي تجييك عام اذا دورتج منتظمه روحي اخذي سونار يوم13 من الدوره وشوفي حجم البويضه وبقيه الامور وجيكي اذا عندج التهاب او لا لان بدايه الزواج هواي يصير التهابات بسبب الجماع والالتهاب يمنع الحمل ومرات تعدين الرجال هالمرة ينتقله الالتهاب ولازم ياخذ علاج بذاك الوقت وحاولي تسجلين تاريخ دورتج لتنسيه انشالله من تحبلين وين ما تراجعين يسالوج عن تاريخ اخر دورة شلون محافظته
حياتي ملوكه شلونج وشلونه مهودي حبيبي نزلي صوره يولي
رند ماشالله بنوتج حلوة ربي يخليها وتشوفيها عروس

[""ام حمودي""]

هلو قمر شلونج عيوني
بدور نورتي الج وحشه

[بدور السماء]

هلو زيونة حبي شلونج
شخبارج؟انشالله بخير

[""ام حمودي""]

والله اخباري مهلكد لان اني عايشه بدبي بس خلصت اقامتي ورجعت للعراق ورجلي بعده بدبي وصارله فتره مقدم عالاقامه بالجديد وتاخرت واني لازم اروح لدبي ومن دبي افيز لانكلترا اجيب يم اهل زوجي ولسه مرحت لدبي واني دخلت السابع مااعرف شوكت اروح لدبي وشوكت افيز لانكلترا وشوكت اوصل انكلترا اخاف بالثامن والتاسع ميصعدوني طائره او يصير خطر عليه الطيران وكلش ضايجه
ادعولي ربي يسهل امري واروح بسرعه لان مليت من الانتظار

[""ام حمودي""]

اشوف توقيعي مال انا قادم هههههههه
ساعات افرح اشوف الايام دتمشي ومبقه شي ويجي حنفوشي للدنيا انشالله
ومرات اشيل هم اكول مبقه شي واني بعدني بالعراق

[بدور السماء]

حبي الله يسهلج ليش من شوكت انت بدبي
يعني صارلج شكد خارج العراق

[بدور السماء]

اكول انت عرفتي شنو جنس النونو؟
زين شناوين تسوه؟

[""ام حمودي""]

صارلي سنتين ونص تقريبا

[بدور السماء]

ههههههههه
اقصد تسموه
يالله جفصة مطبعية

[بسومة الطائي]

[COLOR="Red"][/COLORمساء الورد ع الجميع
اشلونكم كروشات

[""ام حمودي""]

اي حبي عرفته ولد ان شاء الله ونسميه محمد اذا الله راد

[""ام حمودي""]

هلو بسومه حبي نورتي

[بدور السماء]

الله يسهلج ويشرف عليج احلى حمودي انشالله
هلو بسوم نحن هنااااااااا

[""ام حمودي""]

الله يسلمج قلب وربي نفرح بحملج عاجلا غير اجلا

[بسومة الطائي]

همزين وحدة ردلتي كل ما اكعد ما الكه احد هلابيج ام حمودي الله يسهل كل امورج
هل بدورة شلونج حبي

[بدور السماء]

بسومة دائما تكول هلو وتذهب في مهب الريح
هههههههههه

[""ام حمودي""]

الله يسلمج بسومه عيوني
بسومه انت حامل مو ؟؟ شكد عليج اذا حامل وشكد عمرج

[بسومة الطائي]

هههههههههههههههههه لاو الله بس انتو ماكو

[""ام حمودي""]

شكو ماكو شو هدوء
بدور انت عايشه وعيالج؟؟؟؟

[بدور السماء]

لا لعد انا ظلمتج بسومة
سامحيني
هههههه
يكولون بات مظلوم ولا تبات ظالم
هههههههههههه

[بسومة الطائي]

ههههههههههه ام حمودي اشوكت حسيتي بحركة الطفل بأي شهر اش اني لحد هسة كلشي ماكو

[""ام حمودي""]

بسومه اني اول يوم بالاسبوع17 حسيت بحركه البيبي يعني بنص الشهر الرابع
كملت 3 شهور ودخلت الرابع بنصه تحرك
انتي باي شهر اي اسبوع هسه

[بدور السماء]

اي انا وية عيالي
الي هم بيت خالتي

[بدور السماء]

انا هم عندي كماشة مثل ميوشة
بس مو عمتي مرت حماية وحماتي مسوين علية حزب
وانت وبسومة وية العيال؟

[""ام حمودي""]

الله يسعدج بدورة وزين مدام خالتج اخت امج اكيد زينه وياج

[""ام حمودي""]

يا حماتج بت خالتج يعني ليش هيج بله هسه مرت الحمه بيها مجال المشاكل
اني الحمد لله اني بالامارات وعيالي بانكلترا بس عيالي كلش حبابين وحنان وعندي نسوان حما اثنين بس هم بانكلترا وحده علاقتي كلش قويه بيها مثل الخوات واللخي علاقتي عاديه بيها شبه رسميه معندي لا ميانه ولا مشاكل وياها

[بسومة الطائي]

حبي اني راح افوت بالشهر الرابع يوم 30 بالشهر بس بالاسابيع ما اعرف احسب اني هم كاعدة ويه عيالي والله المعين ههههههههههههههههههههههه الله يهدي كل العمات

[بدور السماء]

حبي الله يهديهم انشالله
انا مرت حماية بقت تحرض بحماتي علية لحد مصارو حزب والله المعين انا مخليتهم يم ربي بس اكول حسبي الله ونعم الوكيل

[بدور السماء]

ليش انت بسومة مسويتي سونار؟

[بدور السماء]

وعلى كولة ميوش
جان ابقى وحدي
اهئ اهئ اهئ

[""ام حمودي""]

بسومه شوكت اخر دوره الج حتئ احسبلج اسابيع
انشالله خلال هالاسبوعين او ثلاثة تحسين بالحركه
اني اتاخر عندي بس من حسيت بيها كانت قويه عبالك واحد يلعب چقلمبه هههههه
بالنسبه للعيشه ويه العيال بالنسبه الي رايي الشخصي اعتراضي مو عالعيال بحد ذاتهم وانما اعتراضي بمساله الحريه والاستقلال
يعني اني من اروح لعيالي زيارة او عيالي يجوني رغم همو حبابين وزينيين بس اني ما اكدر اخذ راحتي ويه زوجي وادلع براحتي والبس بمزاجي وحتى عراكنا حيصير مو براحتي اخاف يسمعونا هههههه بالاضافه انه الاختلاط الزايد يسوي مشاكل بس من كلمن ببيته احس راح احافظ ع جماليه العلاقه اكثر

[""ام حمودي""]

لا اني وياج بدوره
الله يعينج عليهم تضوج التكتلات اتخبل من هالشي محلو يصير بنفس العائله هالسوالف الله يهديهم

[بدور السماء]

هاي لسراوي
ايكلك بلصين كولهة اكو بس طسة وحدة وين مخلينهة امام السفارة العراقية حتى مايشعرون بلغربة هههههههه
صدك اكو هيج شي؟؟؟

[""ام حمودي""]

ههههههه حلوة هاي خلي نشوف ساره شتكول خخخخخخ

[بدور السماء]

اي حبي طبعا البيت الوحد احسن بهواي هسة انا وزوجي حيل متقيدين بس شنسوي هذا النصيب
الحمدلله
دهاكم هاي النكتة يالله خلي نغير الموضوع مو هم من الصبح لليل مكابيني واكعد هسة اسولف بيهم
ههههههه

[بسومة الطائي]

بنات اريد اعرف كل شوية بصفحة انتو وين خبلتوني ههههههههههههههههههههhwaml4

[""ام حمودي""]

هتهههههع يلا سدي الموضوع
وين نكاتج

[""ام حمودي""]

حبي تعاي باخر صفحه دايما احنا كاعدين ناكل رمان ننتظرج

[بسومة الطائي]

حبي اني راح افوت بالشهر الرابع يوم 30 بالشهر بس بالاسابيع ما اعرف احسب اني هم كاعدة ويه عيالي والله المعين ههههههههههههههههههههههه الله يهدي كل العمات
اخذت سونار واخذ كل شهر اخر دورة جانت 23\8 وحجيج كلة صحيح بالنسبة للكعده وية لعيال

[بدور السماء]

اكو محشش وية صديقة دا يتمشون
فات من يمهم صاروخ المحشش يكل لصديقة شنو هذا كالة صاروخ
كالة وابيش يبيعو
كالة ميت مليون
كالة وين الله ويوكع ابيتنة
ههههههههههه

[بسومة الطائي]

اي احب الرمان كومااااات ههههههههههههههههههههه

[بدور السماء]

ولكم تعالو اشو صار بيهة رمان وفواكه انا هم اريد والله اذا متنطوني اسلط عليكم ام سحلول تجي تسحلكم سحل
هههههههههههه

[بسومة الطائي]

بدورة اسمع بأم سحلول اهواية ؟؟؟؟؟ منو هاي ام سحلول ههههههههههههههههههههه

[""ام حمودي""]

حبي ع هالحساب معناها انتي الاربعاء يعني باجر تكملين14 اسبوع والخميس اول يوم بالاسبوع15
اني تحرك اول يوم بالاسبوع17 يعني اذا انت مثلي بعد اسبوعين ويتحرك انشالله بس كل وحده حملها شكل والله كريم
طبعا الحركه شعور يجنن ويطمنج هواي عالببو مالتج
بعد اسبوعين او 3 ممكن تعرفين جنس البيبي بشكل واضح ونتيجه قطعيه بس لازم دكتوره شاطره وجهازها حديث

[""ام حمودي""]

اي بدوره اني هم اموت عالفواكه وهي مفيده
والرمان الاحمر يبووووووو كاعده اكله يجنن
بسومه اكلي رمان زين بي حديد

[بدور السماء]

ام سحلول هية ام مهدي والي اسمها ملاك وقبل شهر تقريبا جابت سحلول بس احنا سميناها هيج قبل متجيب
لان جتي فترة كلمن تفوت للتجمع زوجها يكوللها يالله كافي تعالي نامي
يعني يسحلها من عدنا سحل ههههههههههه
ها عرفتي هسة منو ام سحلول
وهسة سحلول يعني ابنها مهودي ديسحلها بدال ابوه
هههههههههه

[بسومة الطائي]

كالولي لشهر الخامس ياله ايبين جنس البيبي صدك اكدر اعرفة بهذا الشهر الله اليوم راح انام فرحانة فرحتيني ام حمودي الله ايفرح قلبج

[""ام حمودي""]

هههههههههه حلوة النكته بدورة
ام سحلول ام مهدي اسمها ملاك

[بسومة الطائي]

ههههههههههههههههههههههههههههههههه والله اني امبين راح انسحل هسة ههههههههههههههههه خنب خنب

[بدور السماء]

لالالالالالالا
بسومة وين رايحة اقصد مسحولة
اكول منية مسوية اشتراك بالفيس بوك
لان انا عندي اشتراك وبنفس اسمي
يعني بدور السماء

[""ام حمودي""]

الله يفرحج دايما بسومه وربي يسمع منج وافرح بروحتي لزوجي
شوفي حبي اني من كنت مثلج شلون هسه انتي توج حتدخلين الرابع هم بدايه الرابع رحت اخذت سونار كالت 70٪ ولد بس مو اكيد كالت اكو فد دندوله نازله من جوه هههه بس مرات يطلع الحبل السري ويخدعنا فكالت تعاي بعد اسبوعين حتى انطيج النتيجه الاكيده فرحت بنص الرابع وكالت ولد انشالله مليون بالميه كلشي مبين جهازه التناسلي كله واضح ههههههه

[بدور السماء]

الله يسهللكم حبايبي ويفرحكم بشوفة اطفالكم ويرزقني ويرزق كل محرومة

[بسومة الطائي]

هههههههههههههههههههه الله يتمملج ع خير ضحكتيني ع الدندولة ههههههههههههه ويفرحج وتوصلين لرجلج عن قريب حبي بدورة اني عندي اشتراك ع الفيس *اسمي basoma altai

[بسومة الطائي]

آمين حبيبتي بدورة الله يسهل عليج ونسمع خبر حملج قريبآ بأذن الله

[بدور السماء]

اثاري اذا تردين سويلي طلب حتى نصير اصدقاء اذا حابة طبعا
ولو انا اكثر شي اكعد العب بالمزرعة واخلص شغلي بيها واكوم
ههههههههه

[بسومة الطائي]

يلة تصبحون ع خييير راح انسحل من صدوك حبيبتي نفس الاسم بدور السماء بالعربي باااااااااااااااي امووووووووووة بوساتي الكم

[""ام حمودي""]

وانتي من اهل الخير بسومه حبي
طبعا هسه لان ببيت اهلي اكعد براحتي عالنت واسهر هلكد بس يم زوجي وين اكو هيج فلم ههههه يموتني غير كلش يغار حتى من اطول ويه اهلي يغار فدوه لقلبه مشتاقتله ربي لايحرمني منه ابدا

[بدور السماء]

اي حبي نفس الاسم بالعربي
الله وياج روحي عيني كلشي الا السحل مرفوض
ههههههههههه
يالله ام حمودي انا هم تسمحيلي راح اروح انام لان طفيت من الابي
ههههههههههههه
تصبحون على خير واحلام سعيدة حبايب

[""ام حمودي""]

تصبحين ع الف خير بدوره
بقيت وحدي ومو جاييني نوم هئ هئ هئ
اروح اخذلي فره بالمنتدى

[ام مهدي22]

ام سحلول هية ام مهدي والي اسمها ملاك وقبل شهر تقريبا جابت سحلول بس احنا سميناها هيج قبل متجيب
لان جتي فترة كلمن تفوت للتجمع زوجها يكوللها يالله كافي تعالي نامي
يعني يسحلها من عدنا سحل ههههههههههه
ها عرفتي هسة منو ام سحلول
وهسة سحلول يعني ابنها مهودي ديسحلها بدال ابوه
هههههههههه


يامكموعه والله ضحكتيني هههعععععععععع

[ام مهدي22]

هلا بأم حمودي الورد هسه توصلنا وترد هههععععع حلوه هذي مني الج

[ام مهدي22]

شعور مؤ اني كاعده على حسابح وينج ياحلوه

[ام مهدي22]

هلا وغلا ابسومه اشلونج هههععع مؤ بس اني انسحل الضاهر انتي هم

[شعور الامومة]

هلو بام السحلول نحولت عيني شكد حاجيات لخاطر الله شلونج ملوكة يلة اني موجودة انت وين ؟؟؟؟

[شعور الامومة]

شلونج بدورة شخبارج شخبار الاحزاب هيج وبيت حماج البارحة عافو النت يمكن علمود المظاهرات السويناهة بالتجمع مشتاقيلج حياتي شكو ماكو

[شعور الامومة]

رنووووود حياتي اللهم صلي على محمد وال محمد بنتج تخبل الله يحفظها وتشوفيها عروس يمة فدوة للبنيات بوساتي

[شعور الامومة]

طبعا قصة ولادتج تبجي اني اقرة واحس دمعتي تريد تنزل خطية الحوامل صدك فلم رعب اني بعد هلقصة صرفت نظر عن موضودع الحمل ( عود هية مال جذب كلهة تبطل واتجوز الا اني ) هههههههههعععععععععععع

[شعور الامومة]

ام حمودي احلى تحية الج ياوردة شلونج يارب انشاء الله ترجعين لزوجج باقرب وقت والله يسهل عليج الولادة

[شعور الامومة]

حياتي سارة امرج اخبارج اخر اعمالج انت شلونج الصين شلونهة الطسة اليم السفارة العراقية اكيد مهونة عليكم الغربة والله بدور عدهة سوالف يالله شكد مشتاقتلهة

[شعور الامومة]

شموسة انشاء تلكين الصدر الرحب الج بهذا التجمع ويكون وجهنا خير عليج وتزوجين انشاء الله بفرحة الزهرة لان تعرفين محرم وصفر وماكو هسة زواجات ونسويلج احتفال خواحنة منصدك بس كون نحتفل ونركص

[شعور الامومة]

لطوفة قطورة بكيفج حبيبتي اتشرف بيج وياهلا وكل الهلا بأهل المسيب واهل كربلاء كلهم شلع قلع

[شعور الامومة]

طبعا شنو حديث العمات البارحة صاير خوش موضوع مكانج خالي ميوووش

[شعور الامومة]

اكو شغلة خلونا نحجي شنو سوالف العمات من يخبثون ها ولاننسى سوالف الجنات والله اكو جناين ميكعدن راحة

[شعور الامومة]

يبوووو شكد لغيت وينج ام سحلول لازم هم سحلج مهودي

[ام نيفين]

هلااو بنات شلونكم
ارحب بالكل ..اني ام نيفين من كركوك
اكو بلمجموعة من محافضة كركوك؟؟
اذا موجود ياريت تكولولي تجاربكم الشخصية منو احسن دكتورة اني اراجعها؟؟
انتظر ردودكم ياحلوات

[شعور الامومة]

عيني كل الهلا بيج ام نيفين اني من بغداد بس مااعرف اذا اكو وحدة من كركوك بس يمكن ماكو

[ام نيفين]

اهلا بيج حبيبتي
واااي يعني اني وحدي ئه ئه ئهhwaml93
شكرا على الرد ياحلوة

[شعور الامومة]

حبيبتي كل احنة اخواتج ليش وحدج احنة مومن محافظة وحدة بس كلنة اخوات مدام انتي عراقية اتشرف بيج اني وكل البنات الي بالتجمع

[ام مهدي22]

كل الهلا ابام نيفين زتي التجمع نور وياج ملاك من بابل

[شعور الامومة]

شنو هاي ماكو ترحيب بيه ملوكة

[ام مهدي22]

هلو شعور والله صحيح البارحه سحلني. لان ارتكب هم خطئه واني خايفه بنات ورى الاربعين بشكم يوم تجي
الحبابه

[ام مهدي22]

والكم اكوله ثور يكولي احلبوا
هههعععع هذا مثل
خبلني يكولي أنسى وعندي موعد ويا الدكتوره
يوم3 بالشهر اشلون بيه شعور بدور الحكي عليهhwaml15

[ام مهدي22]

الو شعور حول

[شعور الامومة]

طططططططططططططووووووططط عنننننننننننن دييييييييد اجيتج مسرعة وين جنتي

[شعور الامومة]

ولج ام مهيدي راح اجي اسحلج وين دترحين

[ام مهدي22]

عهععععععععععع ولج كاعد اقرأ قصة رنود

[ام مهدي22]

ولج شنو نلعب ظميمه ثابتابمكانج لتتخركين ترئ
دوختيني

[ام مهدي22]

دخت وراح اروح

[شعور الامومة]

سلامتج حبي الظاهر اعراض مبكرة صارت عندج هخخخخخخخخخخععععع ليش ترتكبين الخطيئة

[مسلمة انا]

بنات الله يرضى عنكم ردو علي
انا في بداية الشهر الثاني نزل علي دم لونة بني هو مش دم وكانه وساخة لونها بني
رحت للسونار قالت الكيس موجود بس لسة صغير ومافي نبض وقالت لي لازم تروحين للدكتورة
رحت للدكتورة بنفس اليوم اعطتني ابرة مثبت وحبوب وثبتة ومقويات وقالت ارتاحي ولاتجهدي نفسك
عملت بوصية الدكتورة وما ارهقت نفسي بس استمرت الافرازات
البارحة رحت للسونار مرة ثانية والدكتورة اخبرتني ان الكيس لسة موجود بمكانة والوضع مبين طبيعي وقالت تعالي بعد اسبوع يكون النبض بين
البارحة بليل نزل علي دم احمر استمر شوية وبعدها رجعت الافرازات البنية
بنات منو مثل حالتي واستمر معها الحمل؟
وهل هذا اكيد اجهاض؟ ردو علي الله يفرج همكم ويسعدكم

[""ام حمودي""]

صباح الخير شلونكم بناات ...اليوم صبحت مريضه اسم الله عليكم منشوله وصداع وصاير عندي نحول عام خايفه اصخن الله لا يكولها
ملوكه. حبي حلوة هاي ام حمودي الورد هسه توصلنا وترد ذكرتيني بسفرات المدارس كنا نسويها للسايق ههههههه ...
بالنسبه للدوره تختلف كل وحده شكل اني اول حمل الي اسقاط اسم الله عالسامعين فاتاخرت الدورة عليه 70يوم وره الكورتاج يلا اجتي بس خلي اببالج انت مرضعه وممكن تتاخر اكثر وممكن متجي مدام انت ترضعين وشغله لخي هواي يحبلون عالرضاعه ومتجيهم الدوره اصلا ..ماما كانت متجيها الدوره بالرضاعه وتحبل بحيث متعرف حسابها عدل بالحمل
رقيه حبيبيتي تسلمين وياااارب نسمع خبر حملج عاجلا غير اجلا
ام نيڤين اهلا وسهلا نورتي التجمع عزيزتي بس شو لسه معرفتينا بنفسج
انا مسلمه عزيزتي مادام رحتي للدكتوره واعطتج مثبتات ريحي نفسج ونامي ع ظهرج وارفعي رجلج ومثلما كالتلج دكتورة السونار بعد اسبوع روحي اتاكدي من النبض او روحي الحين خليها تسويلج سونار داخلي لان هذا اسرع تشوف اذا في نبض او لسه وانشالله خير

[شعور الامومة]

مسلمة لاتخافي اذا الدكتورة طمنتج ليش هالخوف انتظري اذا تكررت هالحالة روحي للدكتورة وغيريها اذا معندج ثقة انو تفتهم وخوش دكتورة وربي يثبت حملج ويتمملج على خير

[شعور الامومة]

ياهلا ومرحبا بأم حمودي الورد هههههههعععععععع الف سلامة عليج ديريبالج على نفسج موتروحين وتسافرين مريضة شيكولون علينة اليجي للعراق يتمرض وسلامات

[""ام حمودي""]

هههههههه اسافر؟؟؟ الله يسمع منج غير اول تطلع اقامتي مو راح تطلع روحي وهي مطلعت اوووووف
فراق الرجال كلش صعب اني بلياه كلشي ما اسوه الله لا يحرمني منا ولايفرقنا بعد ابدا يااارب

[شعور الامومة]

ياعيني خطية هاي شنو شصاير بيج يلة اني هسة جنت اتعارك وية الرجال والمشكلة بسرعة ارضى يطلعلي سوالف ماادري شنو ويضحكني والله احس بنفسي قشمر

[""ام حمودي""]

اني هم هسه تعاركت وياه بالتليفون هههههههه
شسوي مريضه وضجت من الانتظار وخوفي عالحمل كل هاي خلتني اعصاب بس هم ع كولتج اتقشمرت بكلمتين هو هم كلش متاذي بدوني ومتبهذل حيل

[ام مهدي22]

صباحو مينو اهنا

[امرأة الفرح]

هلاااااااووووو اني هناااااااااا

[""ام حمودي""]

هلو ام مهودي وام فطومه شلونكم

[ام مهدي22]

هاي شنو اني البارحه هم اتعاركت شنو البارحه
يوم الزعل الجماعي ههععع

[ام مهدي22]

ولج رنود امواح امواح هاي وين والله اني نفس الئ
صار بيج لمدة 18 ساعه وشوفي

[ام مهدي22]

ام حمودي شكرًا قلب قلب بس انتي اتردين عليه
ولج الرجال خبلني اذا صدك حبلت غير اتخبل هسه يالله
طبت أوف

[ام مهدي22]

ولكم وينكم ردو الوووووو

[شعور الامومة]

حبيبتي احنة ندري بنفسنة نتقشمر بس شنسوي هاي الحياة لازم نصبر عالقشمرة حلو واحد يتقشمر بس هو يدري بروحة متقشمر هههههههههههعععععععععع

[شعور الامومة]

رنود وملوكة وينكم

[شعور الامومة]

ام سحلول اليوم ديحتيني بالمنتدى وينج يمعودة وام حمودي هم اختفت

[امرأة الفرح]

هو اني فتت المنتدى
والحنفوشة صرخت

موجووودة

[شعور الامومة]

يلة بقيت وحدي راح اروح ضجت بااااااااااي باجر ام سحلول اذا ملكيتج اخلي سحلول وابو سحلول يسحلوج ويجيبوج للتجمع
بنات سلامي الكم كلكم بدون استثناء

[ام مهدي22]

اني اهنا شعور

[امرأة الفرح]

ملااااك 18 ساااعة

hwaml03hwaml03

الله يساعد قلبج

hwaml15hwaml15

[ام مهدي22]

رنود ام حمودي

[ام مهدي22]

مؤ اني غلطت رنود مؤ شفت الماي كلت راح يخلص وتصلنا بالمستشفى وكالوا
جيبوها رحت اني وزوجي وابجي لان ماكو الم هم مثلج ومن الساعه1 باليل لحد الساعه ثاني يوم 4 الفجر يالله جبت وكل ساعه وحده تفحص وموت احمر
وماكو احد يمي ولج وحال الضيم حالي والله إها من رحت ماكو اي توسع بحيث سحبو سحب دخلو شي جوه مثل الشافطه وسحبو راسه بس شنو اوفففف

[ام نيفين]

لا بلعكس كلكم حبيباتي واتشرف بيكم واني كووولش سعيدة بانضمامي الكم...

[ام مهدي22]

الله يساعد امهاتنا والله

[ام مهدي22]

سبحان الله من يطلع الطفل كل الالم يروح

[ام مهدي22]

هلا ام نيڤين اشلونج حبي انتي وين ساكنه وووووووو
سولفيلي اذا اتحبين

[ام مهدي22]

باي ابني كعد حبايب اترخص ولا السوالف حلوه وياكم بس ارجعلكم