دردشة بنات العراق, دردشة حوامل العراق , تجمع بنات العراق

[ام مهدي22]

قموره اني حاطه الصوره بالتوقيع حتى البنات يتفائلا
يكولن هذي اجيب 5

[ام مهدي22]

هلو نبوعه مجدداًً ابني والله كل متريد تطلع بطنه تكرمون
يعصر وياها صوت بس اني متأكده مؤ غازات وتعبانه
حيل

[توتة العراقية]

صباح الخير

[ام مهدي22]

هلو توته اشلونج

[شعور الامومة]

تعذرينة توتة والج اجمل ترحيب جنت كلش مشغولة اليوم لود بالشغل قريت الصفحات بسرعة نسيت ارحب بيج وهاي اجمل تحية خاصة الجhwaml11hwaml11

[شعور الامومة]

بدوره مختفية حبي شلونج مشتاقين ميوش العسل برورة شخبارهة انت عادي جاوبي واني ثاني يوم ارد عليج ههههههههههه نوريتا رانياسارة وقمورة ولو ماعرفهة بس يلة نتعرف مو مشكلة راح اذبلج الرقم ورنود حبي شلون صرتي واذا نسيت وحدة اعذروني سلامي الكم وحدة وحدة

[ام مهدي22]

هلو حبايب شعور كتلتج اليوم راح أصير عمل شعبي ولج
ليش مامسلمه عليه زعلت

[ام مهدي22]

ب د ور. اين انتي تعالي مشتاقين الج

[مي &]

هلو شلونكم شخباركم مشتااقتلكم

ام مهدي شلونه مهودي

قموره حياتي مشتتاقين شنوهلاكمر هذا اللهم صلي على محمد واله محمد

بدور حبيتي مختفيه خير

توته حبي شلونج

رقااوي حبي مشتااقبن العفو مدا انلحك عليج حبي شخبارج حبي

فوفو حبي شلونج وشلونه ليو حبييي

رنوده وزنوبه شلونكم وشلونهم النونيات

مراوي حبي لتخافين هذا اكيد من الفحص اني هيج صار ويايه .. الله يكومج بسلامه اني لطف الرحمن يارب

نوريتا حبي شلونج

نبوعه ياهله بيج بيناتنا

شهوده شلونج حبي اشو ماكو عسا المانع خير

سراوي حبي شلونج حياتوووووو متاااقتلج عيني

ممممممممم


يارب منسيت ولا وحده

[مي &]

هله عيني ام مهدي شلونج حبي

[توتة العراقية]

هلو ام ابرار
شلونج
ام مهدي حبي شلونج
تسلمين حبي شعور الامومة على الترحيب

[المغتربه المتفائله]

هلووو بناتي قليباتي

فوفو ياعمررري عندج العافيه ولاتتخافين من الضغط يروح
حسب ماكتبتي مامستقر يعني ينزل ويصعد هاذه خربطه
فتره ويروح لاتاخذين علاج والحاله النفسيه اله دور
حاولي ترتاحييين بوساتي الج وليوو


قموووره حب مشتاقيلج
اووووي فدوووووووه لجوجو حيياتي
تخبل الله يحررسه يارب تفرحين بشوفته عرووس

بدوور حبي تعالي طمنينه عليج شسويتي بالمراجعه

ميووش قلبي منووره شلونج وابرار الكتكوته شلونه

زنووبه حيااتي شلوونج وكوكه شلوونه اكيد مشغووله بيه فديت النونيات الصغار

رنووده قلبي شلون صرتي والبنوته شلونه يله نزلي صورته اذا تكدرين حته نشوفه

مراووي حبي الله يكومج بالسلامه ويارب الولاده السهله

ام مهدي حبي الله يعينج على التعب الطفل يريد سهر وعنايه بي
وزوجج هم يريد تهتمين بي حاولي تفهمي وخلي يشاركج
خلي يهتم بمهدي وياج موبس انتي تعبين
الله يسعدكم يارب ويبعد عنكم المشاكل

رقاووي نوريتا وتوته علووشه وصموته ام نورهانه ام ايهومي عسووله

[المغتربه المتفائله]

ااااااااي واخيييرا دخلت اني وشهوده بالشهررر الثامن hwaml60hwaml60

[noureta]

هاي بنات شلونكم حبايبي وشكرا ع كل من سلمت عليه

[noureta]

زنوبة شو ماكو شلونج والصغيرة شلونهة
بدور بشري اشسويتي من المراجعة وان شاء الله مالج غير العافية
مروة شلون صرتي هسة ان شاء الله زينة
المغتربة شلونج ام مهدي ورنا و مي ورقية وعلى كل البنات الي مذكرت اسمائهم شلونكم حبايبي

[نبوعه]

صباح الخيرات على احلى امهات
شلونكم اخواتي وشلونكم اولادكم ؟
ام مهدي اسم الله على مهداري حاولي تاخذي على الدكتور حتى انتي تطمانين ومثل ما قتلج طهريه احسن
بقية الاخوات شخبفياركم؟
اروح اطبخ الغدا وبعدين اذا الله سهل ارجع
في امان الله

[بدور السماء]

هلالالالالالالالالالالالالاو
شلونكم يحلوات الكل الكل مراح اذكر الاسماء
وتسلمولي يالي سألتوا علية
انا موكلتلكم راح تسويلي كوي
طلعت القرحة مرايحة وحيل ثخينة وكوتنها الدكتورة والحمدلله دا اخذ علاج والله كريم بلكي على شهر الجاي احبل واخلص
لان هسة كالت ماكو اتصال لمدة 20 يوم
يعني انصوم هههههههههه
رنود حبي الف سلامة عليج وعلى فطيمة
حبي عادي المي وشكر حيل زين واذا عندج سكر نبات احسن وهذا يصير مكعبات صغار ويذوب بالمي وتشربيها بخاشوكة الجاي
مراوي حبي عادي خلي يجي يمج هذا يساعد على التوسع وانشالله ساعة سهلة
سراوي قلبي عندج العافية من الضغط شربي نومي حامض شكد متكدرين
ملوكة حبي انا موجودة بس النت البارحة ماكو
ميوش حبي شلونها برورة وانت هم شلونج
زنوبة وشهودة وقمورة والكل شلونكم حبايب وغفورة شلونج
البنات الجديدات توتة وام زها ونبوعة الف الف هلا بيكم نورتو حبايب انشالله ميخيب ضنكم بينا

[بدور السماء]

يالله بنات انا اروح هسة وبالليل اذا صارلي مجال ارجعلكم وياريت الكه وحدة كاعدة
بس كلت خلي اطمنكم عني شسويت بالمراجعة
نوريتا شلونج قليبي انشالله زينة ولطوفة حبي لتخافين توكلي على الله هو يسهلها بس كثري من الاستغفار والله يسهلج ويجعلها ساعة سهلة
بس امانة لتكطعين بينا ابقي فوتي باستمرار

[noureta]

هاي بدور مالج غير العافية والله يساعدج كلشي وﻻ قرحة

[zena]

هلوو بناااات شخباركم وخبار الكتاكيت ان شاءالله الكل بخيييير

قموره وتوتايه وفوفو وكل البنات مشتااااااقه للكل

[ام مهدي22]

بدور حبي ربي يشافيج حياتي واذا الشهر اليجي
حامل الا اكلب الجو وسويلج أحلا تهنئه وخلي زنوب وبتها
ومي وبروره وفوفو وابنها وكل بنات التجمع هنا وزعاطيطهم
يردحون ردح خخخخخ ابعرسج محد هيجي امسوي

[ام مهدي22]

ها رنود الله يساعدج انتي وزوبه على الاوجاع
والله تعب

[ام مهدي22]

نبوعه رحت للدكتوره وتكولي كل الاطفال هيجي
هذا طبيعي بس لو اتشوفي من يعصر وجها يصير احمر
سوده عليه اكابله وكوم ابجي لان اشوف ابني يتوجع
كدامي ومااكدر اسويله شي

[ام مهدي22]

هلو نوريتا حبي اشلونج
صمونه وين صافي الدهر بيج
شعور اليوم كعدت على مودج ومالكيتج
توته حبي هلا وغلا
شهود وينج ذهبتي ولم تعودي ومبارك دخولج
الثامن يوم ادخلين بالتاسع وتخلصين حبي
مبروك سراوي حياتي دخولج الثامن يارب يسهللكم امين
فوفو حبي ابنج هم يعصر من يريد يكرم ويطلع صوت
من يعصر وجها يصير احمر فديت اليسأل عليه
مي والج هذي انتي ذكرتيني من اتكولين اني اركض
ورى بروره وكماشه تركض ورايه بتوم وجيري اكو حلقه
البزون يركض ورى الفار والجلب يركض ورى البزون
وانتي قسمي منو البزون .........
خخخخخخخخ

[ام مهدي22]

هلو فروحه حياتو اشلونكي

[مي &]

خخخخخخخخخخخخخخخخخخخخخ

عرفت منو الجلب



ههههههههههههههههههههههههههههههههههههههههخخخخخخخخخخ خخخخخخخخخخخخخخخخخخ

[صموته]

شلونكم بطوات

ام مهدي اليوم سويت الربط الحمد لله وسمعت نبض الجنين

انتو شخباركم ان شاء الله بخير الجميع

[noureta]

مساءالخير بنات كيفكم انم شاء منيحات

[ام لطيف]

السلام عليكم شلونكم اخباركم مع الحمل ان شاء الله زينين

[ام لطيف]

اريد اسالكم سؤال اني دائما يكون عندي جفاف في فمي وعندي كثرة ادرار مو طبيعية ممكن اللي تعرف شيء تجاوبني رحت للدكتورة تكول عندج هبوط بالسكر معقولة يسوي هيج

[noureta]

كل الهلة بيج ام لطيف اني هم تصير بية مرات يصير بحلكي جفاف واحب اشرب مي هواية اعتقد انه نقص بالسوائل
شوفي حتىتتاكدي سوي تحليل السكر وهو يطلع عندج نزول لو ﻻ

[ام تمار]

هلو بنات اكو احد موجود بالتجمع رايده اسولف ..........

[ام تمار]

توتايه ام مهدي شلونكم تذكروني اني غبت كم شهر لكن الان عدت هاي اخر صوره لبنوتي زها الله يحفظها اليه

[ام تمار]

مرحبا بالبنات الموجودات بالتجمع كل الهلا بيكم حبايب

[ام تمار]

ام صالح ام الق بنت الخليج توتايه ام مهدي شلونكم سلامي للجميع

[فوفو العراقية]

هاي ولجن شلونجن هههههههههه
محششة اخيتجن
اويلي علية خطية اني

ام مهدي
ولج اشبيج عوفي الولد خطية تفولين عليه
يعني طبيعي يعصر لما تكون عنده غازات او تريد تطلع بطنه
اني ابني يصير بنفسجي مو بس احمر
ويضحك من يخلص ويسوويلي (اغوو) ههههههههههه فديته
لا تخافين ترى كلش عادي ومرات يعصر لو جان متضايق والحفاظة ظاغطة على الخشاوي ملاته ف افتحيهة ورخيها ههههههههههه
فدوة لقلبة النونو الزغيروني..

المغتربة عمري الله يجزيج الخير
والله طمنتيني الله يطمن قلبج
هوة الضغط كل شوية شكل
ابد مامنتضم
والله من قريت جوابج اطمنت ورتاحين
الله يفرحج يارب ويسهلج ولادتج ويسعدكم يااارب.

[قمر بغداد]

هااااااااااااااااااااااااااااااااي

[قمر بغداد]

الوووووووووووووووووو منو موجودة

[قمر بغداد]

باااااااااااااااااااااااااااااي لان ماكو احد اروح اني هسة

[noureta]

نحن هنا ،،.. هاي

[noureta]

بنات اريد اسألكم ..
شعري ديوقع هواية مداعرف ليش ????????hwaml15hwaml15
هل هذا الشي عادي للمراة الحامل لو ﻻ ???????
عفية كولولي

[ام مهدي22]

نوريتا حبي اني سامعه عادي يوكع
بالنسبه الي ثخن من حملت خخخخخ
اني كل شي عكس الناس

[ام مهدي22]

صمونه مبروك حبي يوم الي اشوفي ابحضنج
ام لطيف مااعرف والله بس يمكن حجي الدكتوره صح
لو بدور موجوده هسه اتكولج اشبيج ماشاالله عليها
عريفه بكل شي حبي
ام تمار هلا بيج حياتي شنو هل الحلو ربي يحرسها من كل عين
قموره هلو حب
توريتا حبي اشلونج

[نبوعه]

السلام عليكم
شلونكم حبايبي
الله يتمم حمل الحامل وربي يرزق كل محرومه
نوريتا حبي بالعكس اصلا هرمون الحمل يثبت الشعر !!
سلامي للجميع وشكرا لكل من رحب بيه مشكورات اخواتي

[نبوعه]

هاي شنو يعني ولا وحده بيكم بكندا!!؟؟
اهئ اهئ اهئ
اليوم اخذت ابني على الطبيب لانه الغده اللمفاويه الي جوا اذانه مورمه حبيبي
وباجر همينه هنده موعد بالمستشفى
ربي يشفيه ويشفي كل مريض بحق محمد وال محمد
اللهم صل وسلم على محمد وال محمد

[شعور الامومة]

هلوصباح الخير عليكم شلونكم حياتي ام مهودي كلشي الازعلج مابينة حيل كتل وهسة اعوضج يلة حب صباح الخير عليج وعلى سحلول وعلى السويد كلها وهاي بوسة الراسج وتعذرينة واحسبيهة اممممممم مادري تمسحيهة بلحيتمن المهم شوفي اي لحية وامسحيهة بيهة هههههههههههععععععععع

[شعور الامومة]

ميوووووش مشتاقين اخباري عندي حكة يمكن التهابات وحنى ماعندي مجال اروح للدكتورة صارن اثنين داء القطط والتهابات وظهري موتني كلش تعبانة والله نوبات مااكدر اكعد من الوجع يمكن من الالتهابات المهم انت شخبارج برورة شخبارهة حبيبتي

[ام مهدي22]

فوفو حبي شكرًا حياتي

[ام مهدي22]

هلو صباحو شعور ونبوعه شخباركم أموركم

[ام مهدي22]

سوده عليه شعور خلي عينج بعين الله هو الشافي
والمعافي

[ام مهدي22]

هاوين اختفيتوا

[ام مهدي22]

نبوعه حبي الله يعافي حياتي صدك ليش متسويله
عمليه وتشيلها اله مؤ احسن

[شعور الامومة]

تسلميلي قلب ام مهودي شخبارج شنو صايرين الفارة والبزون اذا اني افوت مالكاج ومن تفوتين متلكيني

[o فرح عمريo]

صباااحووووووو على احلى عيووووون بالكوووووون
مشتاقتلكم جميعاااااااا انتو وكتاكيتكم شلللللللللللللع
شخباركم اموركم ان شاء اللله الكل تماام
ارووووح اقره الفايتني وارجعععععععع

بوسااااااااااااااات

[ام مهدي22]

هلو فروح صباحوا

[o فرح عمريo]

هلو عيووووني ام مهدي يسعد صباحج
شخبارج امورج ان شاء الله تمام

[ام مهدي22]

حبي اني زينه وتمام صدك عرفينا عنج

[ام مهدي22]

الوووووو فروح عمي لتعرفينا بس رجعي ههعععع

[ام مهدي22]

مي بدور شهود والباقين وينكم يالله تعالوا اني اليوم حيل ضايجه وطاكه روحي ليش مااعرف
بنات اخاف مريضه نفسيا من الغربة يمكن والله
انتوا شنو اشوفوني اذا مخبله كولولي
خخخخخخخ

[o فرح عمريo]

اسفه حياااتي ام مهووودي طفت الكهرباء وهسه يله رجعت تعرفين بالعراق الكهرباء تخبل ههههههههه

اني فرح عمري 24 سنه منزوجه من سنه و5 اشهر عندي اسقاط قبل 5 اشهر وهسه حامل الحمد لله بالشهر الثاني وربي يتمم عليه وعلى كل الحوامل

من ديالى وتخرجت العام من كلية التربيه
وهسه كاعده لا شغل ولا عمل ههههههههه

[o فرح عمريo]

وولله حقج تضوجين الله يكون بعونج الغربه صعبه
زين هناك ماعندج صديقات تزوريهم يخففون عليج شويه

[o فرح عمريo]

الف شكر لكل الغوااالي الي باركوولي بالحمل والله يرزق الجميع ان شاء الله

فاديه حياتي ماشاء الله تبارك الرحمن على ليوو حبيبي ربي يحفظه ويخلي يارب وتشوفي عررريس ان شاء الله

زنووووبه حياتي شخبارج ماادري جبتي لو لا لسه دااقره بالصفحااات ان شاء الله تكونين بأحسن حااال يارب

ميوووشه عمري دااقره معاناتج ويه كماااشه الله يكفيج شرها وشر كل مكروه ويخليلج زوجج وبروره ان شاء الله
شخبارج انتي شكو ماكو جديد

نجلاء ام ايهووومي حياتي شخبارج وشخبار هيمو متعينتي شكو ماكو جديد

قموره شخبارج وشخبار جمونه ان شاء الله تمام

سراوي المغتربه شلونج حياتي شلون صحتج ان شا ءالله بخير كوليلي شراح تسمين النونو حتى نصيحلج ام فلان احلى من المغتربه وشلونها الصين حاليا

سجاوي ونورا وانفااال ام نورهااانه ومروه وسراوي وام هيمن وامرأة الفرح وبدووور وشهوده وملوووكه وصموته وشعور الأمومه وكل البنااات بدون استثنااااء لحد يزعل اذا نسيت اسم كلكم غووواااالي ياربي تكونون بألف خير

[o فرح عمريo]

الف االف الف مليوووووووون مبروووك حبي امرأة الفرح ع الولاده
ربي يخليلج فطووومه ياربي وتتربى بعزكم ودلالكم يارب
ويوم لزنوووبه ان شاء الله ولكل الحوااامل
فرحتلج هوااااي ولله

[ام مهدي22]

خخخخخخ والج فروح زنوب ورنود يعني أمرا الفرح
نفس اليوم جابن خخخخ والله ضحكتيني هيجي الحمل
امدوخج يارب يتمملج على خير امين

[o فرح عمريo]

زنووووووووووووووووووووووووووووبه حيااااااااااااااااااااااتي
الف الف الف مبروووووووووووك متتصوررررين شكد فرحتلج ولله عبالك اني الجايبه
ربي يحفظها وتتربى بعزكم ودلالكم ان شاء الله والف الحمدلله ع السلامه عمري انتي
بوسااااتي الج ولكوثر

[o فرح عمريo]

لج لا اااااااااااااااااا مدايخه
بس دااقره بالصفحاااات شويه شويه حولتني شكد حاجياات خخخخخخخخ
لأن مجنت موجوده فماادري بالتفاصيل
ولله فرحتلهن هواااي ان شاء الله للباقياات

[ام مهدي22]

أتشرف بيج فروحه حبي
واني ملاك من بابل
وعمري 22 ماادري23
واسكن السويد
متزوجه صاري سنتين ونص
وهسه يالله ربي رزقني بمهودي
وشالع قلبي لاليلنا ليل ولا نهارنا نهار والحمد لله
إها وعمر ابني 35 يوم
وشكرا على حسن المتابعة والى إلقاء
ههههغغغغغغغغغغغغغ

[o فرح عمريo]

ام مهدي هاااي وين طفرتي اشو اختفيتي وعفتيني وحدي اهئ اهئ
سولفيلي عليج وانطيني السي في مالتج
اعرف عندج مهودي ربي يحفظه ان شاء الله واعرف عايشه بالسويد وبس ؟؟

[ام مهدي22]

فروح والله إحنا هم فرحنا من سمعنا انتي حامل
يارب اشوفين الكتكوت او الكتكوته ابحضنج امين

[o فرح عمريo]

الي الشرف عمري ملوووكه وعاشت الأسامي وربي يخليلج مهودي ان شاء الله وتشوفي عررريس يارب

[ام مهدي22]

متزوجه واحد أصلع هههععععععععع
خخخخخخ هو يحب يحلق أصلع وصارله 17 سنه بالسويد هو مؤ اني
وكولي اي حتئ اكمل

[o فرح عمريo]

تسلميلي حياتي الله يفرحج دوووم ان شاء الله
وان شاء الله يرزق كلمن تتمنى امييين

[ام مهدي22]

ذكرتيني عريس وربعه يزفونه
هذي الاغنيه ههعععع

[o فرح عمريo]

شكو بي اصلع مو اصلع المهم مهنيج ويحبج

اييييييييييييييييييييي كملي

[ام مهدي22]

واجه زياره للعراق وعن طريق زوج أختي
صارت القسمه والنصيب والحمد لله
وسحبني يمه وعشنا عيشه سعيده
ههععع

[o فرح عمريo]

واهلج يمج لو ببابل
بالمناسبه طبعا بابل كلش حلوه اول مره اشوفها قبل شهر وحيل عجبتني
يعني هواي مرتبيها

[o فرح عمريo]

الله يهنيكم يارب ويكتبلكم السعاااده دوووووووم

[ام مهدي22]

وتزوجنا
بالعراق وهو اجه قبلي وسوا المعامله
ورى بكم شهر رحت للسويد

[o فرح عمريo]

اني اتزوجت عن حب والحمدللهhwaml51
ولكن بعد معااااناة وتعب اربع سنواات

[o فرح عمريo]

الحمدلله على كل حال وان شاء الله مرتاحه بالسويد واتعودتي عالوضع

[ام مهدي22]

وبعد من اذكر شي اكولج واذا اتريدين اسئلين شي
سئلي لتخافين

[ام مهدي22]

حبي لااهلي يمي ولا اهله يما يعني وحيدين فريدين
وبالنسبة للصديقات ممنوع صداقات يكولي
وعائشه بس ويا

[ام مهدي22]

مبروك حبي الله ربج على الحب
وهسه عايشين متفاهمين

[o فرح عمريo]

ههههههههههه ماشي من اتذكر اسأل

اني اتعرفت على زوجي من جنت بالمعهد جان عدنه بنهاية السنه تدريب بالدوائر
وصدفه اروح اتدرب يمه وهو المسؤؤل
وجنت كلش اتعاجز من الدوام لأن خالتي موظفه هناك فسوتلي واسطه مااداوم بخلال فترة 3 اشهر مرتين داومت
من باشرت ومن خلصت تدريب بحيث حمسته حمس هههههههههه
وبعدين حجه ويه خالتي عليه وكام يجي للكليه وبعدين تقدملي
وامي عااااندت موتتني يله قبلت لأن جنت طالبه
وبعدين الحمدلله صار النصيب
وهم عشنه عيشه سعيده

[o فرح عمريo]

احسلج وحيده فريده لا عمه ولا عم ولا قال ولا قيل

[o فرح عمريo]

فدوه وفدااااوي لجمونه ماشاء الله تبارك الرحمن
ربي يحفظها حبيبتي هبااوي ويخليها الج ولأبوها يارب

[o فرح عمريo]

يمه فدووووووه لبروره حياتي تجنن ماشاء الله ربي يحفظها من عيون الحساد
وكل عام وهيه بمليووووون خير وعقبال ال 100 سنه بعزكم ان شا ءالله

[ام مهدي22]

لا والله ما مرتاحه وحدي اشتاقيت للمشاكل ههععععع
وفلان كال وعلان كال

[ام مهدي22]

دائماً الأمهات يعاندن ما ادري اشبيهن
على الاساس هن خايفات علينا
بس والله لو كل وحده تأخذ الي اتحبه
جان نسبة الطلاق خفت

[o فرح عمريo]

هههههههههههه ربي يكفيج شر المشاكل
زين كاعده بالبيت لو متعينه

[o فرح عمريo]

اكيد هنه يخافن علينه وميعرفنهم مثل مااحنه نعرفهم

ولله جانت من تسمع بأسمه تكلبها كلاب
دشوفيها هسه تموت علي هههههههههه

[ام مهدي22]

فروحه حبي اترخص أر وح انيم مهودي
وانضف وطبخ وووووو كومه شغلات عندي

[o فرح عمريo]

تعاي كوليلي ليش مسمين مهودي الورده سحلول

[o فرح عمريo]

غاااااليه عمري اخذي راحتج
وفد بوسه لمهودي حبيبي
الله وياااج

[o فرح عمريo]

توته مية هلا بيج وبأم ابرار الورده
نورتي التجمع عمري
الف هلااااااا

[o فرح عمريo]

واخيرررررررررررررررررا خلصت الصفحاات الفايتتني
خل اروح اخذ راحه واخابر زوجي وراجعتلكم ان شاء الله
اني ببيت اهلي يعني لا شغل ولا عمل وراح تملوووون مني
بااااااااااااااااي

[المغتربه المتفائله]

هلوووو بنات قليباتي شلووونكم جميعا

فررووووووووحه حيييياتي شلونج قلبي
مشتتتتتتتاقتلج كووومات
الله شاهد فد فرررحتلج من عرفت بحملج
بحملي ما فرحت هيجي هههههههه
تعالي حبي طمنيني عليج شلونج وي الوحام


فوفو ياااقلبي لاتخافين وان شاء الله تصيرين احسن
حاولي ترتاحين نفسيا وان شاء الله فتره وتعدي
الله يشفيج حبي بووساتي الج وليوو القمرر


نوريتا حبي اني بدايه حملي شعري يتساقط هوواي
وشعر البجسمي يطلع بسرعه حته ابطني طلع شعر
ومن عديت اول اشهر رجع شعري طبيعي
الله يتمم لج على خيرر

بدووور قلبي الحمد لله على كل حال الله يشفيج
وان شاء الله الشهر الجاي تبشرينه بحملج ياررب


مراووي وينج حبي طمنينه عليج ان شاء تكونين ولدتي الله يسهل عليج يارب


ام ايهوومي قلبي وييييينج الج فتره طويله غايبه علينه شلونج وهيموو شلونه


نبووعه حب الله يشفي ابنج وطمنينه من ترجعين من المستشفى


ميوش ام نورهانه زنووبه رنود قموره وعسوله ملوكه توته صموته علوشه شعور الامومه كل البنات بدون استثناء

[ام مهدي22]

هلو سراوي حبي اشلونج حياتي شنو اسوين ماشنو

[ام مهدي22]

فروحه والله اسئلين
عن ليش امسمين ابني سحلول
لعبنه لعبه كل وحده اطلع لقب للثانيه
واني طلعت لقب السراوي وهي طلعتلي
هذا القب بس مااعرف شنو معناه ليهسه

[ام مهدي22]

مي بدور وينجن نداء الئ كل من عثر على فتاتين
جميلتين متوسطات القامه ولهن ذراعين وقدمين
وخمسة حواس يرجى الاتصال بالارقام التأليه 1334567

[المغتربه المتفائله]

هلووو قلبي ملووكه
الحمدلله ززززينه
انتي شلونج حياتي ومهداوي شلونه
ملوووكه مشتغل عندج الزهايمر
مو اني الطلعت اللقب الج
لو عسوله لو شهوده ما اذكر بالضبط
ههههههههههه انتي بديتي اللعبه وكله راحت اللقابه ونسيناهه
بس انتي بقه عليج اللقب
فرووحه هاذه لقبه قبل لاتجيب مهدي هههههههه
ام سسسسحلول

[ام مهدي22]

حيا الله سراوي
اي صحيح عسوله طلعته ولقبها حشوره

[o فرح عمريo]

بااااااااااااك

هلووو حبي سراوي شخبارج انتي وشلون صار ضغطج وشلونه حملج يله مضل شي ان شاء الله
والله اني وحامي نص ونص بس بالليل يبدي العفوو اللعبان نفس صايره اموت من الليل
وبس انطيني نوووووم بس الحمدلله على كل حال ايام وتعدي

ام مهدي هسه عرفت السالفه بس تدري حلوو هذا اللقب ومشهور كلش بهالتجمع
يله متعيدون اللعبه ههههههههههه

[المغتربه المتفائله]

هلا ملوكه وفرووحه
فرح حبي الحمد لله اني زينه
وضغطي بعده يرتفع اخذعلاج ومايفيد
ان شاء الله اروح للدكتوره تغير العلاج حاليا هيه مسافره
على يوم الاثنين ترجع
اي عادي حبي الوحام مزعج واكثر شي يبدي بعد الاسبوع الثامن
نامي ارتاحي سوي نضام وحاولي تنامين بالنهار
واوصيج حبي لاتعين نفسج ولاتشيلين اي شي ثقيل
منا لحد ماتطلعين الشهر الثالث
سويتي سونار لا ؟؟

وبالنسبه للنونو مالتي عرفت بالسونار ولد وناويه اسمي (عباس) اذا الله راد

[ام مهدي22]

ولا يهمج خلي تجي شريكتي الي هي بدور
اي بمعنى مساعدتي بهل العبه ونعيدها
ونتقم من عسوله هي انطتني القب وفلتت
بعد ماشفناها بالتجمع وين صفى بيها الدهر
محد يعرف

[المغتربه المتفائله]

ملوووكه تعالي طلعي لقب لفروحهhwaml02hwaml02hwaml02hwaml02

[ام مهدي22]

خطيه حالة رنود وزوبه اذكر حالتي والله صعبه
والى الان اشكي من الم الحوض يعني طيطي خخخخ
اشبقى على حرف ز أنتو حطو ههععععع متكولون
مستهتره خخخخهخه

[مي &]

هلوووووووووووووووووووو

شلونكم وحده وحده

اشتااااااااااااقيتلكم

هله وميت هله بفروحه حبيبتي مشتااقتلج حبي شنو هلغيبه حياتي

ولج تعالي سولفينه شلونه الحمل وياج حياتتوووو

والله ايسلمج عمري وايبارك ابعمرج انشالله يوم الي تولدين بسلامه

[مي &]

هله بملوكه وسراوي شلونكم

[ام مهدي22]

اي سراوي راح اعينج شريكتي المؤقته لان عدنا حاله طارئه
لقب مستعجل اذا اموافقه كولي اي اي اي

[ام مهدي22]

ولكم حلت الكعده بجيت القلب مي

[ام مهدي22]

وينجن بس لا رحتن

[مي &]

ولج سراوي اشو التوقيع مالتج رجع للشهر السابع

شنو السالف

بس لا غيرتي رايج هههههههههههههههههههه

[مي &]

ولج يااا عقده

[ام مهدي22]

مي شنو اخبار كموشه خلي اندلعها خطيه

[المغتربه المتفائله]

هلا ميوووووش شلونج قلب
ههههههههههه لا تخليني انتحر دخلت بالشهر الثامن

ملوووكه اي اي موافقه انتي قرري اللقب واني اصوت الج

[مي &]

كموشه اخ

البرحه صارت مناورات ولم تسفر عن خسائر بلارواح والحمدلله ههههههه

[المغتربه المتفائله]

هههههههههههه لج ميووش شنو سالفتج ماتشوفين اليوم
رجعتيني للشهر السابع
والكعده سويتيه عقده ههههههههههههه

[مي &]

ولج شوفي التوقيع رجع للشهر السابع ههههههههههههههه خخخخخخخخخخخخخخ


ولج اني توقيع الزواج اليوم المفروض يكول متزوجون من سنتين وهرين
كاتبلي سنتين وشهر 25 يوم

هاي الاشرطه اتعلس وترجع ليوره

[المغتربه المتفائله]

حمد لله على سلامتج واهم شي ماكو خسائر
بشريني انتصرتي على كماشوه لا ؟

[مي &]

ولج والله توقيعج يمي امبين بشهر السابع

راح انتحر رحت ركزت زين خليتيني اشك بنفسي

[المغتربه المتفائله]

لج ميوووش لا تخبليني والله يمي طالع بالشهر الثامن
باقي بس مرحله وحده هيه شهر التاسع
راح ابجي اهئ اهئ اهئ

[المغتربه المتفائله]

ههههههههه هاذه الشريط يحشش علينه

[ام مهدي22]

أكيد كماشه ضاربتها على دماغها
ههععع وأج ياهرين هخخخخخخ
يعني شهرين ولج فضحتينا بأخطاءج

[مي &]

حمد لله على سلامتج واهم شي ماكو خسائر
بشريني انتصرتي على كماشوه لا ؟


اي الحمدلله ماكو خساير

اي الحمدلله انتصرت بفضل لساني الي خليته ابحلكي وسكتت ههههههههههههه

واليوم الصبح جنت شايله هم اسلم عليهه كلت اخاف اتجيبني ابرمانه لو قذيفة هااون


بس الحمدلله ردت السلام واخذتني وياهها للقرايه مال الحسين والحمدلله

[ام مهدي22]

ميوش صحيح التوقيع مالت سراوي لتخبليني هي مؤ
بالثامن صح

[ام مهدي22]

اذا مؤ كدها شكو تتعاركين الله والله اشتاقيت للقرايات

[مي &]

ولجن كم مره اكللجن غلسن على اخطائي الاملائيه

ها ترى الي متغلس اخليهه تقضي العطله الصيفيه يم كماشه

شنو رايكم بهذا العقاب


وتره والله سراوي يمي الشريط ساااااااااااااااابع

[المغتربه المتفائله]

هههههههههههه الحمد لله من طلعتي بدون خسائر وانتصرتي عليه

[ام مهدي22]

كوليلي من أصير المشاحنات بينج وبين كماشه بروره
وين بهذي المعركه

[ام مهدي22]

الشريط يمج بالسابع لان سامع اكو مشاحنات وباقي
مستانس ههعععع

[المغتربه المتفائله]

يله شسووويله خلي بالسابع مومشكله اغيره خاف وكف
اهم شي اني بالثامن تعبت اريد الوقت يمشي بسرعه
اريد ادخل التاسع واجييييييب اهئ اهئ اهئ

[مي &]

ولج اني متعاركت وياهه طبعا موكدهه اني ههههههههههه

بس حجه عليه لان رحت افطرت ابيت اهلي وما اكلت من الي طابختهه هي بلغده >> شوفو العقل مالتهه

وسمعتني من كلت لزوجي

طبعا هي مسمعت الحي بلتفصيل بس كدرت تفتهم احنا على شنو جنه نحجي بس الحمدلله وزجي وعمي وكفو ويايه من حجة عليه

[ام مهدي22]

سراوي انتي اشكد بالثامن

[المغتربه المتفائله]

يبوووووو اني من هسه مغلسه على اخطائج الاملائيه
ما ارررريد كماشوووه وبعد اذا تردين اني اصحح كتابتج
ولا تعبين نفسج

[المغتربه المتفائله]

صارلي يومين من دخلت الثامن

[مي &]

يبوووووو اني من هسه مغلسه على اخطائج الاملائيه
ما ارررريد كماشوووه وبعد اذا تردين اني اصحح كتابتج
ولا تعبين نفسج


اي اي

صيرو خوش بنات لا انفذ بيكم العقوبه

[ام مهدي22]

واذا فطرتي يم أهلج شنو يعني
مؤ كتلج خلي اجي اسحلها متقبلين

[المغتربه المتفائله]

الله يعينج عليه هسه كلمن حر بنفسه واذا ما اكلتي من الغده
وفوكاهه تتسمع عليج زين اريد اعرف شنو تحجي عليج تكلج ليش
متاكلين الطبخته وتتعارك على هاي السالفه
خخخخخخخخخخخخ

[مي &]

حبي سراوي انشاالله يوم الي اتكملين التاااااااسع يارب

ويجي عبوسي بخير وسلامه يارب

[المغتربه المتفائله]

ميوووش تسلمين قلبي
الله يحفضلج بروره من كل مكروه

[ام مهدي22]

ميوش احلى شي تلكيها هسه هي ويانه مثلا ماخذه
شخصيه سراوي لو اني شنو اسوين يمه غير اتخبل

[المغتربه المتفائله]

خخخخخخخخخخخ لج ملووووكه موتيني ضحك
ههههههههههههههههههههههههه
راح تخلين ميوش تتخبل
حسباله فلم رررررعب

[مي &]

ولجن هو الغده شنو

التمن عدنه من قبل ابيوم لان جان عدنه خطار وزاد وكلنا انسوي وياه اسبيناغ

واللسبيناغ محموس قبل قتره وبلمجمده يعني بس البصل ينحمس واني احمستهه ههههههههه

وحاسبه روحهه واكفه ومسويه غده >> الله ايساعد كلبي بس

اتكلي ليش مكلتيلي راح اروح لبت اهلي افطر

كلتلها والله قبل الفطور بساعتين خابرت مرت اخويه وكالت تعالي فطري يمه

كالت اي وليش مكلتي كلتلها ما جنت امقررهه ومن طلعت جنتو نايمين

كبت خلقتهه وسوتهه عركه

وما ادري شلون سمعتني من سولفت لرجلي مع العلم جان التلفزوين مالتنه صوته عالي

يله الحمدلله على كل حااااال

[ام مهدي22]

فروح وينج مؤ جنتي ويانه على الخط

[مي &]

بروح بدم افديج ياكماشه

بروح بدم افديج ياكماشه

بروح بدم افديج ياكماشه

[المغتربه المتفائله]

مكلفه على نفسه وتعبانه بلاكل خطيه
مكسور ضهره من الوكفه يبووو عليه
لو صدك طابخه جان ذبحتج مو بس تعاركت وياج
اكلج هيه شكد عمرره
من سوالفه اتخيله من النسوان العجايز الكبار القديمات
المخليات عمامه على راسهم ههههههه

[المغتربه المتفائله]

هههههههههههههههه
هيجي الخووووف يسووي
hwaml03hwaml03hwaml03hwaml03hwaml03

[مي &]

هههههههههههههههههههههههههه
لا والله هيه ما ادري شكد عمرهه بس زينه بلعمر متوسطه

هو ابنهه الجبير مواليدهه 82

يمكن مواليدهه بلستينات

[مي &]

ولج لسانه ايخوف اكبر رجااااااااال

انوبه اني هههههههه

[المغتربه المتفائله]

ااااي بعد زينه موكلش جبيره
لعد عقله شبي هيجي
عبالك مخرررررررفه

[مي &]

والله ما ادري

ايكولون هيه هيج متسلطه من هي وصغيره

[المغتربه المتفائله]

اكوو سؤال بكلبي جاوبيني عليه
هيه من يا عشيره كماشوه
واذا متكدرين تكتبين هنا
دزيلي على الخاص

[ام مهدي22]

خخخخخخ يمكن تعبت وفتحت الطباخ

[مي &]

وينج ام مهيدي اشو اختفيتي

[ام مهدي22]

الله يكون بعونج ميوش

[مي &]

ها عادت ام مهدي

اي والله يمكن

[مي &]

الله الي ايعين حبي


والله مدام اني وزوجي متفاهمين

الحمدلله طز بيهه حشاكم

[ام مهدي22]

مؤ كاعد ارضع سحلول واكتب
اكولج ميوش شو ابني ماكاعد يلزم صدري
من ارضعه اشوكت يلزم صدري

[المغتربه المتفائله]

الله يكوون بعونج ميووش
وهاي هيه من صغره متعوده هيجي ماتتغير
زين اريد اعرف زوجه شلون كدر يعيش وياهه

[o فرح عمريo]

هلووووووووووووووو من جديد

ميووووووشه حياتي شخبارج عمري مشتاقتلج هوااااي وشخبار بروره الورده

ملووووكه حبي النت كام يشخبط وضجت منه وهسه استعدل ورجعت

سرااوي حبي حلووو اسم عباااس الله يسهلج ان شاء الله وتشوفي بحضنج اميين

[المغتربه المتفائله]

الله يديم محبتكم وسعادكم اهم شي زوجج

[ام مهدي22]

اي والله زوجج اهم شي وزبليها لكماشه

[مي &]

يمكن ب3 اشهر

دا اوف بت حماتي عمرهه 3 اشهر ونص تلزوم صدر امهه

مو اني مرضعت ابرار

الحقيرا مقبلت تااخذه جنت اسحبه الهه بجذابه مدري شيسموهه
وحدطه بلممه بلاضاف الى الحليب بعدين للاربعين اصمله عليج قل وخلص

[مي &]

هلللللللللللللللللللللللللللللللللللللللللللللللله

احلوه الكعده

[ام مهدي22]

ها عسبالنا فلتي فروح لا ضنيت ضن السوء بيج

[مي &]

الله يسعد كلوبكم يارب

[المغتربه المتفائله]

تسميلي فرووحه حبي
الله يثبت حملج وتفرحين بشوفه طفلج بحضنج

[ام مهدي22]

اني هسه عمره 35 يوم وريده يلزمه هههععع

[مي &]

حبي ملوكه علميه
من يرضع حطي ايده على صدرج مره مرتين عشره لا ان هو يتعلم

[ام مهدي22]

بنات تدرون اليوم فروح من الصبح ليهسه تقرئ بالصفحات
ومتواجدة شنو السالفه وين سي السيدبتاعج

[ام مهدي22]

اترخص بنات ابو الجهال راح يفلش الموبايل بوساتي

[مي &]

طبعا اني لازكه نفسي بلابتوب واكتب وما ادري ابرا شدسوي متسوي بس اعرف هي ده تروح وتجي بلغرفه وتصفك ههههه

رفعت راسي هسه اتخبلت لكيتهه كالبتهه الغرفه كلب

يمه هاي لو كبرت شويه شتسوي


يله تعالي سراوي ساعديني ويه بس كاعده اوف منجنن يابنات

[مي &]

الله وياج حبي

بوساتي لمهودي

كلي الا الموبايل شلون نتواصل

يله باي حياتووووو

[مي &]

يله اني همين بااي

حماتي دكت اباب خلي اشوفف شتريد

[المغتربه المتفائله]

جايتج حبي اخذ ابرار منج وانتي نضفي هههههه
الزمه للبنوته واشبع منه بوووسات فدووه لخدوده الحلوات

[المغتربه المتفائله]

الله وياكم ملووكه وميوش

اني هم اروح اناممم نعست الساعه 12ونص

تصبحون على خيررررر

[ام مهدي22]

وانتي من اهله

[o فرح عمريo]

ولج ملوووكه ياسي سيد لو يمي السي السيد جان كابلت النت من الصبح لسه
بس اني ببيت اهلي جيت اخذ قسطاا من الراحه كم يوم هههههههههههههه
وتعرفين الدلال هنااا شلون يصير لتكومين لتتحركين ومن هالسوالف

طبعا النت موووتني ديعلس زززززززززززفت

[ام مهدي22]

الله ربج حبي فروح احسن شي اسوين رحتي يم أهلج

[""ام حمودي""]

هلو بناااااات شلونكم

[""ام حمودي""]

بنات مثلما تشوفون اني حامل وحابه اشارككم الشات واستفاد منكم لان كلش بده يتعبني الحمل

[o فرح عمريo]

مسااااء الورد ع الموجودين والما موجودين

ام حمودي عيووني مية هلا بيج نورتي التجمع
وربي يتمملج على خير ان شاء الله
ويكتبلج ولاده سهله وميسره

[o فرح عمريo]

عرفيناا عن نفسج

اني فرح عمري 24 سنه متزوجه من سنه و5 اشهر وحامل بأول طفل بشهرين ونص
ومن ديالى وانتي ؟؟

[""ام حمودي""]

تسلمين حبي فروحه تشرفنا بمعرفتج ربي يتمم عليج بخير وسلامه
اسمي زينة عمري 25 حامل باول طفل ولد انشالله وعايشة بالخارج

[ام مهدي22]

هلا ومية هلا ابام حمودي واحنا جاهزين الآي شي اطلبي حبي
انتي وين بالخارج وياج ملاك من بابل وعمري 23
واسكن السويد وعندي بس طفل واحد وهستوني والته
وعمره 35 يوم بعد روحي والكم اموت عليه حبيبي

[ام مهدي22]

شعور اين انتي منتظرتج تعالي يالله خلي انكركر

[o فرح عمريo]

صبااااحوووو فل وورد ويااااسمين

[ام مهدي22]

هلو فروح حبي صباحو اشلونج

[ام مهدي22]

بدور وينج طمنينا عنج مشتاقون

[ام مهدي22]

نبوعه اشلون صار حبيبي رحتي للمراجعة لا. طمنينا عنج وعنا

[ام مهدي22]

شهود حبي مشتاقين لسوالفج
رنود زوبه حبايبي اشلون صرتن حاسه بيجن

[ام مهدي22]

هل من أحدا هنا أجيبوا ها ترى اروح

[ام مهدي22]

الوووووورروووووووو المشترك نائم

[o فرح عمريo]

ياهلاااا ومليووون هلااا بأم سحلول الورده
شلونج حبي وشلونه مهووودي حبيب خالته
ان شاء الله تمااام

[o فرح عمريo]

ولج خوووش هريسه جابولي متاكلين ويايه

[""ام حمودي""]

صباح الخير شلوووونكم كلكم انشالله بخير
اهلا وسهلا بيج ملاك والحمد لله ع سلامتك وسلامة البيبي
اكيد الامومة شعور يجنن اني من هسه حاسه بي وصرت اعد الايام يوم يوم لالتقي بحنفوشي طبعا اني هستوني دخلت السابع

[بدور السماء]

هلووووووووو بنات ككلكم كككككككككلكم
واشكر كل السألو علية واحبكم كلش كلش كلش
والنت صارلة كم يوم ماكو محنشين عليه بيت حماتي لانه خط مشترك احنا وياهم
وكتلة لزوجي يجرلي خط الية وحدي حتى اخلص من هالمنية مالهم
لان كلما افتح يجوني يكولولي سدي النت دنفتح فاذا غبت عنكم كم يوم فعرفو انه النت محجوز
وباااااايات الكم ودرجات وكلشي ههههههههه
من يصيرلي مجال ارجعلكم

[قمر بغداد]

الووووووووووووووووووووو هل تسمعني حووووووووووووووووووول

[o فرح عمريo]

هاااااااااااااااي شنووووووووو ليش نايموووووووووووون اليوووووووم


هلووو هباااوي حياتي شلونج عمري وشلونها جمونه الحلوووه ان شاء الله بخير

[بدور السماء]

هلو بنوتاتي انا رجعت
هل من مجيب؟؟؟؟؟

[بدور السماء]

ولكم هااااااااااااا اشو ولا وحدة موجودة اشو بس اغيب عنكم اترسون 100 صفحة ومن اجي ولا وحدة تعبرني
اهئ اهئ اهئ
والله لادول الامي عليتم
انا مذاعلتكم

[ام مهدي22]

هلو قمور وبدور وفروح وأم حمودي

[ام مهدي22]

بدور حب حب اني اجيت هديني على بيت حماتج

[""ام حمودي""]

هلو حبي ام مهدي شلونج
عفيه بنات جوه صدري الايمن ويه حد الستيان ديحركني احس جلدي متحسس بس ماكو لا خدش ولا احمرار مدا اعرف هالشي حكه وحرقه جلديه لو حرقه معده ولا صرت ما افرق
وشغله لخي ظهري حيموتني يوجعني من فوك اكثر شي من يم اكتافي والعمود الفقري شلون يعني هذا حيبقى الالم للولادة لو شنو

[امرأة الفرح]

هلووووو شللللع
شونكم حبايب ... مشتاقتلكم كووومات

ولكم بتي بيهه ابو صفار ورح اممووووت قهر

انوب اليوم طالعة حبة ابطنهه يم صرتهه بيهه جراحة
خوفتني

اني رح اهريكم ترة ع كل شي اسأل لأن وهواسية مووووت
حبوبات منو عدهه معلومة

[مسلمة انا]

السلام عليكم ورحمة الله وبركاته
حياكم الله اخواتي
غالياتي عندي استفسار
انا في بداية الشهر الثاني من الحمل
اليوم نزل معي دم قليل بني اللون هل هذا مؤشر خطر؟
هذا ليس اول حمل لي
من عندها معلومة تفيدني جزاكم الله خير

[ام تمار]

هلو بنات شخباركم مشتاقتلكم اني ام زها من بغداد عمري 26 عندي طفله وحده .................

[بدور السماء]

ياهلا ميت هلا بملوكتي شريكت دربي
حبي رنود موكتلج انطيها مي وشكر وقربي عليها الضوة ولتخافين ماطول مصار ابو صفار من اول يوم فهو يروح بس استمري على المي وشكر الي هو القنداغ

[امرأة الفرح]

هلا حبيبتي بدور .. عيوني المشكلة هسه مو ابو صفار
لأن الدكتورة طمنتني كالت خفيف ويروح
المشكلة هاي الحباية اللي يم صرتهه شكلهه خوفني
معقولة من الحز مال الحفاضة
لأن جانت وحدة بين افخاذهه وراحت

[بدور السماء]

ام تمار هلا بيج حبي نورت
اختي مسلمة والله انا ماعندي فكرة بس الاحسن ترحين للدكتورة
وعندج العافية والله يتمملج على خير
ام حمدودي عزيزتي حاولي تفركيها بكطن وسبيرتو ودهنيها ونستاكورت
وعندج العافية قلب

ولكم شنوهاي والله يمكن لو افتح عيادة وال تضميد يمشي شغلي
احسن من الكعدة

[بغداديه]

عاااااااااا اشلونجن يالعراقيات

ان شاء الله بخير

اختكم حديقه صارلي 4 سنوات اعاني اريد طفل واخير فرجت من رب العالمين رحمته واسعه

ان شاء الله اكون اختكم

[بدور السماء]

اذا القديمة من كيفها راحت لعد ليش دتخافين
وانت ليش من هسة ملبستها حفاظة لج عيني هسة حفظيها بالقماش خطية هسة جلدها رقيق

[بدور السماء]

هلا هلا بالبغدادية
نورت التجمع
والله يتمملج على خير ويعوض صبرج بالخير
بس انريد اتعفينا عليج
انا بدور من الانبار عمري 22 سنة ومتزوجة من 3سنين وماعندي اطفال
وانت يحلوة يبطة

[بغداديه]

مشكوووره حياتي بدور لترحيب

حي الله اهل الانبار

اني من بغداد مو ديل 86 منفيست هههههههههههههههه

صارلي اربع سنوات مزوجه وحديقه خريجه وماكو تعين

[بدور السماء]

لج لا لعد انا طلعت احسن منج انا مسجلة مو منفيست
هههههه
انا هم خريجة بس متعينة اشتغل بالبيت هههههههههه
هلا بيج وباهل بغداد
انا هم من بغداد بس تزوجت بالانبار

[امرأة الفرح]

بدور شيفيد القماش وهي ورة كل رضعة تسويهه انشالله تروح وأطمن

بغدادية منورة التجمع
عيني باردة عالتجمع صاير بي حركة وعضوات جديدة
ربي زيد وبارك

[بغداديه]

هههههههههههه طلعتي مسجله بالبيت

اكول شعجب انتم عدكم تعينات مو مثلنه بالواسطات

حبي امره الفرح نورج ياعسل

[بغداديه]

يالله اني افلت اشو جوعانه

[بدور السماء]

مو احنا خالتي قبل متجيب الوحدة تحظرلها كونية قماش علمود اول اسبوعين كلة على القماش بدون حفاظة وبعد انت بكيفج شوفي شنو الي يريحج

[بدور السماء]

لا حبي مو احنا هم صرنا مثل بغداد التعيينات بفلوس والله انا سويت واسطة وهم مطلعلي وهاي صارلي 3 سنين حديقة على كولتج

[بدور السماء]

الله وياج حبي بغدادية
ولج ام مهيدي وينج اشو كتبتي كلمتين وفلتي

[بدور السماء]

الوووووو
ياحلووووووووووو

[ابني حياتي]

مرحبا بنات شلونكم شلع قلع الحامل انشالله تكوم بالسلامة والمو حامل ربي يرزقه الذرية الصالحة

[امرأة الفرح]

الوووو بدور وياج حبي

[امرأة الفرح]

شفتي صورة الحنفوشة (( اقصد الرجلين بس )) ههههه
انشالله انزللكم صورهه بس مالي خلك من ورة مرضهه
و لتشوفون من خلوهه بالحاضنة
يمممة احس قلبي انمرررد والدموووع شلالات
والكل يهدأ بيه الدكتور وماما والممرضات
واني ابججججي ..
انوب احس جسمي باااايد وعضامي تأذيني وما اكدر اوكف على طوووولي
وجيت اوكع الممرضة انتبهتلي ولزمتني كعدتني عالكرسي
كلهه تكلي روحي للبيت ارتاحي انتي توج جايبة **
واني بغير عالم
يااااربي والله ماتوقعت لهالدرجة احبهه

[بدور السماء]

حبي الله يخليها الج وتسلملي الرجلينات الصغار
لج عيني دنزلي الصور مالتها دنشوفها شنو بس الرج
فديت النعومات
ابني حياتي اهلا وسهلا بيج حبي نورت

[بدور السماء]

وسرتها شلونها
اذا ترديها تيبس بسرعة انا انطيج العلاج
طحنيلها براسيتول ونثري على سرتها وحطي كلينساية وحفظيها
بس بالاول قطريلها سبيرتو من الكطنة
موتمسيحي مسح لا ترسي الكطنة وخليها تنكط على سرتها وبعدين حطي البراسيتول البودرة

[بدور السماء]

رنود اين انت مو صارلي ساعة اكتب لروحي
يالله تعالي

[بدور السماء]

بنات احنا اليوم يالله زختها بمطرة قوية
وانتو شخبار الجو مالكم؟؟؟

[امرأة الفرح]

حبي الحمد لله سرتهه وكعت وزينة دتطيب ..
وانشالله اسويلهه البراسيتول **
مشكورة حبيبتي ماشاء الله عليج خبرة

[امرأة الفرح]

والمطر همين هنا بالبصرة ماشاء الله
من الصبح لهسه

[بدور السماء]

وانا البارحة يالله طلعت الهدوم الشتوية بس بعدني مصيفة
المن اروح لبغداد يالله اشتي
انا الجمعة اروح لبغداد منو تريد اوصلها وياية
يالله دنقبط الفورت
ايباااااااااا شكد حلوة ايام الفورتات من جانت امي تسحل بية سحل دنركب الفورت
هههههه

[""ام حمودي""]

بغداديه وابني حياتي نورتو اني هم مثلكم جديدة
انا مسلمه حبي الافضل تراجعين لان ممكن يكون عندج اسقاط مهدد او ممكن تؤام
امرأة الفرح الله يعافي بنوتج والله صعبه الام تشوف طفلها يتاذى انشالله سلامات
بدور تشرفنا بمعرفتج حبيبتي

[بدور السماء]

لج اي خبرة موكتلج اناربيت 6 جهال نفاس ماشالله على ايدي بس خالتي وياية

[بدور السماء]

الشرف الي ام حمودي بس شنو رأيج لو تنطينا اسمج يعني اسهل من ام حمودي
طبعا اذا حابة

[بسومة الطائي]

والمطر همين هنا بالبصرة ماشاء الله
من الصبح لهسه

حبيبتي امرأة الفرح الحمدلله ع سلامتج وسلامة الكيزونة الله يحفظها الج وتتربى ابعزكم ياربي والله يسهل علية وعلى جميع الحوامل

[""ام حمودي""]

حبيبتي بدور اني گلت اسمي بالبدايه بس ولا يهمج اسمي زينة هههه

[قمر بغداد]

هلووووووووووو بنوتاتي الحلوات منو موجود من الحبيبات

[بدور السماء]

هلا بزيونة حبي يالله الزهايمر مأثر شوي
هههههههه
قمور انا هوووووووون

[قمر بغداد]

هاااااااااااااااااااااي بدورة شلونكي اخباركي احوالكي صحتكي

[امرأة الفرح]

ام حمودي وبسومة ** مشكورات عيوني انتو ...

[قمر بغداد]

هلووووووووووووو فروحة

[قمر بغداد]

فطومة شلونها نريد صورتها

[قمر بغداد]

الووووووووو

[قمر بغداد]

http://www.herosh.com/download/11021222/24112012869.jpg.html

[noureta]

هاي بنات شلونكم اخبا ركم شكرا ع الكل الي سالت علية
وربي مشتاقتلكم كووووووووووووووومة

[noureta]

اوف يابنات شكد مشتهية للحلويات والمعجنات العراقية واهنا ميعرفون يسوهة مثلنا
اووووووف شكد مشتاقة للعراق ...
ﻻتكولون مخبلة هاي ههههههههههههه

[noureta]

منو مثلي مشتاقة هههههههههههه

[noureta]

هل يوجد احد هنا ،...
هل من مجيب
ظاهر الكل نايم
لعد تصبحون ع خير ونومآ هنيئآ