اطلب منكم المساعدة ... مشكلتي في الرضاعه الطبيعية مع ولدي

[Water Lily 80]

السلام عليكم ..

طلبتكم بغيت مساعدة ونصايح .. انا ولدت من اسبوع بولد .. بس مشلكتي ليحين ما اقدر ارضعه من الثدي .. هو رافض تماما .. ولا احد قالي قبل انه البيبي اذا تعود على المراضيع بيرفض الثدي .. هذا اول ولد وماعندي خبره .. حاولوو الممرضات مساعدتي في المستشفى بس بلافايدة .. من طلعت وانا احاول ارضعه كل يوم بس يرفض ويقعد يصيح او يمص بطريقه خطأ والمشكله حلمة الصدر شوي كبيرة وفمه صغير ... من خوفي عليه اشفط له من الثدي واحط في مراضيع وهاذي الطريقة الوحيده الي بيتقبل فيها الحليب الطبيعي لاني ما ابغي اعتمد على الصناعي ابدا وقررت اليوم اني ما اعطيه غير طبيعي ... بس عمليه الشفط مؤلمه وتاخذ وقت ...

ممكن تساعدوني وتنصحوني ... والله كل يوم اقعد اصيح لاني ماقدرت ارضع ولدي مثل باقي الامهات وحاسه بتأنيب الضمير..

[rose]

طيب طريقتك حلوة
اشفطي من صدرك وهو شبعان
وحطيه بالثلاجة
وبعدين قبل الرضعة سخنيه وشربيه
والله يا اختي نصيييييييييييحة من اخت
ان ولدي كان زي ابنك واعطيته صناعي
والله مذبوح من المغص والامساك والغازات
وكل فترة اروح لدكتور يغير الحليب
اتحملي تعب شوي ولا مغص الحليب الصناعي طول الوقت

[حنين الجنة]

ياقلبي انتى صارلك بس اسبوع يعنى ولدك مالحق يتعود على الصناعى

خوذى منه هالنصيحه وماراح تنتدمى ان شاء الله

اذا عندك حليب صناعى روحى الحين وكبيه ولا عاد تعطيه منه لحقى على عمرك قبل لا تغلطى غلطتنا

حاولى مرة و2 و10 لين ينسى الصناعى وباذن الله بياخد يومين ويرجع يرضع من صدرك

[ام جوجو محمد]

انا بولدي مثلك مارضعتها لانه ماكان ينزل مني حليب وهو تعود على الرضاعه والحين احامل واتمنى اني ارضع
لاني تعبت مع ولدي كل غازات ويرجع وحالتي حاله معاه

[umm 3amr]

حاولي معاه بشتى الطرق والحليب الصناعي ما تشربيه لانه اذا اتعود بتروح عليكي
اشفطي من حليبك وحطي بالفريزر ولمن بدك ما بتسخنيه حطي العلبه بمي سخنه
واتبعي الطريقه الصحيح بالرضاعه وان شاء الله تزبط معك

[د.فيض النور]

حبيبتي هذي الطريقة اللي تخلي يقبل على ثديك باذن الله
اهم شي الدعاء
ثانيا لازم تماس الجلد مع الجلد
اخلعي ملابسك لحد الخصر وخلي البيبي بس بالحفاظ واذا الجو بارد تغطوا بروب
حطيه على صدرك وهو شبعان يعني مو الثدي انما صدرك واقراي له القران بصوت منخفض وهدهديه وطبطبي عليه وخلي جلدك يمس جلده اكثر وقت تستطيعين يعني كلما عندك فراغ اعمليها باذن الله يوم او بالكثير يومين وياخذ صدرك وبلغيني باللي يصير معك

[شموسه]

البنات ماقصرووووووووووووووو

[مس حركات]

أنا زيك عارفه إش سويت

أخدت من الصيدليه حلمات صناعيه وماشاء الله عجبتو عشان زي الرضاعه

صح شويه طفش بس أهون من الصراخ والبكى والله وإنتي تحكي كل شي

زيي بالزبط حتى سويت زيك بالأول حطيتلو في الرضاعه

والله أحسنلك روحي الصيدليه وقوليلو هات حلمات صناعيه والله يهديلنا هما

ولدي زي ولدك مره الله يعيينا على تربيتهم

[عقد لؤلؤ]

حاولي يا حبيبتي مرة و2 و3 إلين يمسك صدرك بفمه
ترى أحنا كذا ما في وحدة ولدها على طول يرضع منها
أنا كذا مع بنتتي حاولت معها لما الحمد لله رضعت
وبعدين خلااص يتعود إن شاء الله وطمنينا عنك

[Water Lily 80]

المشاركة الأصلية كتبت بواسطة rose

طيب طريقتك حلوة
اشفطي من صدرك وهو شبعان
وحطيه بالثلاجة
وبعدين قبل الرضعة سخنيه وشربيه
والله يا اختي نصيييييييييييحة من اخت
ان ولدي كان زي ابنك واعطيته صناعي
والله مذبوح من المغص والامساك والغازات
وكل فترة اروح لدكتور يغير الحليب
اتحملي تعب شوي ولا مغص الحليب الصناعي طول الوقت

مشكورة اختي على النصيحة .. بحاول ان شاء الله .. بس فديتج كثرة الشفط ممكن تسبب التهابات في الحلمة .. لان لو بشفط له كل ساعتين وجربتها كم يوم كانت تجربة مآساوية كنت احس الثدي شوي ويروح فيها وخفت اذا التهبت او تشققت احرم ولدي من الطبيعي ...

الله يعينج مع ولدج وادعوو الله ان يشفيه .. بس اطمنج المغص والامساك والغازات يصيب كل الاطفال حتى ولدي على اني اطعمه الاثنين طبيعي وصناعي بس نفس الشي مغص وامساك وغازات .. وعليج بماء حار تنقعين فيه كراوية وينسون ... وتشربينه كل يوم اكثر من كوب ... وتعطين الولد ماء وينسون فقط .. وان شاء الله بتخف الغازات والمغص ..