جدول التغذية للمواليد .. وين اقدر القى مثله ..

[Water Lily 80]

عزيزاتي الامهات ..

كنت ابحث عن جدول التغذية جاهز للمواليد .. يعني فيه كم ساعة ينام فيها المولود وكم ملي ممكن يشرب حليب والمدة بين كل وجبة والثانية ومتى ادخل الاطعمه له وشنهو الي ممكن اطعمه ..من عمر النيو بورن لين السنة .. ممكن تفيدوني بمواقع فيها هاذي الجداول .. يعني معلومات مفصلة ..

يعني انا ماعرفت عن جدول المواليد الجدد الا من المستشفى ... الممرضات الي قالو لي لازم يشرب حليب كل ساعتين او ثلاث .. بس مب عارفة لين متى وشلون بيكون جدوله ...

وعندي سؤال ثاني بعد .. الحين انا اشرب ولدي الحليب كل ساعتين ونصف او ثلاث .. بس بعض الاحيان فديته يتم راقد بالاربع ساعات .. هل اقعده من النوم واشربه او اخليه لين يبكي ؟! الحين صار عمره اسبوعين ويوم واحد ..

[Om KHaled]

والله يا اختي انا كمان عايزة جدول لبنتي عشان ارتب لها مواعيدها للرضاعه
ان شاء الله البنات يفيدوكي
اما بخصوص ابنك انه بينام ,نصيحة مني خليه راقد الين يصحى لحاله ,هذا طبيعي بالاسابيع الاولى لانه لما يذخل هالشهر ماحيخليكي تنامي ولا ترتاحي ( ريحي نفسك الحين )
تحيتي

[د.فيض النور]

ما في شي اسمه جدول للرضاعة كل ما يجوع ويبكي رضعيه واذا يريد ينام نوميه وب4اشهر ابدي شوربة اطفال وب6 اشهر ابدي خضر وفاكهة ورز مهروس وشوفان وب7 اشهر لحم والماء بالصيف دايما اسقيه وبالشتاء ب4 اشهر ابدي معاه ماء وتقريبا كل ساعتين الى 3الطفل يرضع وب6 اشهر يبطل رضاعة بالليل وبسسسسسسسس لا جدول ولا شي كل طفل مختلف كمان وقت الرضاعة مختلف في 5 دقايق وفي نص ساعة كل طفل مختلف

[Mقمة البرااااائهM]

تسلمين دكتوووووره يااااليت يالغاااليه تميزين ردووودج بلووون وخط حلوووو مثل وجوووودج الحلووووو

[شموسه]

الدكتوووووووووووره ماقصرت ياحياتي

[Om KHaled]

اي والله يا قمة معك حق انا احب خطوط الكتابة تكون مرتبة وواضحة عشان الشخص بقرأ الموضوع كويس ,فياليت يا د. فيض تكتبي لنا مواضيع تفيدنا اكثر...
تحيتي لصاحبة الموضوع

[ام اسكندر]

ما شاء الله الدكتورة ماقصرت
ياليت ينفتح لها موضوع مثبت هنا في القسم لاسئلة الامهات

[Water Lily 80]

مشكورة دكتورة على المعلومات .. وماقصرتي الصراحة وايد افدتيني في اكثر من موضوع بخصوص البيبي .. ومثل ماقالوا البنات ياريت تفتحين لج موضوع مثبت ...