حلوى الملفوف رووووعة

[om sami]

وبدون إطالة أقدم لكم

حلوى الملفوف

اليكم الخطوات و الشرح المفصل

المقادير :

للعجينة :

- 80 غ زبدة طرية

- 80 غ سكر حرش

- 250 غ فرينة

- ½ كيس خميرة كيميائية اي مغرف قهوة

- مغرف قهوة فاني

- 1 صفار بيضة

- حليب سائل

الحشو :

- 80 غ جوز الهند

- 50 غ سكر ناعم

- 2 ملاعق كبار كاكاو مغربل

- مغرف قهوة فاني

- ماء الزهر

- بياض بيضة

الطلاء :

-4 مغارف كبار كاكاو مغربلة

- 3 مغارف كبار سكر ناعم

- 50 غ زبدة

- علبة شوكولا 150 غ او 100 غ

- من3 الى 4 مغارف كبار حليب او ماء او قهوة مركزة يعود الى الذوق

التحضير :

نحضر العجينة في اناء ندير الفرينة + زبدة طرية و ندخل المكونات في بعضها البعض حتى تولي منسجمة

- نضيف صفار+ سكر+ خميرة كيميائية+فاني و نخلط الكل

- نضيف الحليب السائل بالتدريج حتى تتلم العجينة

- نقسمها على 3 كريات و نخليها بجهة ترتاح

تحضير الحشو:

نحضر الحشو في صحن ندير جوز الهند + كاكاو +سكر ناعم+ فاني +بياض بيضة و نخلط الكل و نبدا نبلل بماء الزهر غير بالشوية حتى نتحصل على حشو شوية جاري اي ماهو عاقد او ماهو جاري بزاف متوسط

- على طاولة مرشوشة بشوية فرينة نحل الكرية الاولى على شكل مستطيل

ندير الحشو على العجينة

- نلف العجينة حتى نتحصل على حربوش

- نقطع الحربوش مربعات متساوية ونديرها في صينية ماشي مدهونة

ندخلها للفرن يكون مسخن 15 د من قبل و نخليها طيب على نار متوسطة مدة من 10د الى 15 د قيس مالعجينة طيب ماشي شرط تتحمر وبعدما طابت الحلوى نخليها تبرد و نحضر الطلاء

تحضير الطلاء:

- في كسرونة ندير كاكاو + سكر ناعم + زبدة و على نار هادئة جدا نخلط الكل كي تذوب الزبدة نضيف قطع الشوكولا + 3 الى 4 مغارف حليب على حساب طلاء لازم مايكونش جاري

- نطلي حبات الحلوى و نزينها و نخليها تنشف من بعد نقدمها في لكيسات و تقدم بالصحة و الهنا

ملاحظة :

- كي نخلط العجينة اذا تلصقت معانا ممكن نزيد قليلا من الفرينة

- التزيين انت وذوق ممكن نزينها بجوز الهند او مكسرات او وردات من عجينة اللوز انا زينتها بفواكه مصبرة

منقول.............ارجو ان ينال اعجابكم.

[جارة القمر]

تسلم ايديك .........

[غلا الخالدي]

وصفه جديده علي.. وأنا أحب أجرب كل جديد
يعطيكٍ العافيه أختي الغاليه..

[زينة الحياة الدنيا]

تسلم ايديك هاجربه ان شاء الله

[بريق ألماس]

تسلمي

ولا اروع

[كل الحلى]

يسسسسلمو ياقمر