إستفسار بخصوص منقوع التمر..!

[كل الحلى]

مساء الخير حبيباتي

كيفكم

بنات أنا أمس كان أخوي يكلمني ويسألني وش أعطي ولدي من أعشاب وأشياء زي كذا ووش اللي نفع معي وش اللي مانفع عشان بنته

المهم قلت له وش جربت وقلت له أني أبي أجرب منقوع التمر لأني سمعت انه زين لكن للآن ماجربته بعطيه ولدي بعمر شهرين أن شاء الله

لكن قال لي أن واحد من أصحابه ولده دخل غيبوبة بسبة منقوع التمر وهو عمره 3 شهور ,,!!

أنا أنصدمت بصراحة !!

وماصدقت قلت له مو منه قال إلا الأطباء قالوا أن السبب من التمر لأنه قوي عليه
مايعطي إلا من فوق 6 أشهر

عشان كذا بنات حبيت أستفسر منكم

من جربته لطفلها بعمر الثلاث أشهر الأولى..؟

وكم مرة جربتيه..؟؟

وكيف طريقتك في عمله ..؟؟

وكم مره تعطينه طفلك في اليوم أو في الأسبوع وكم مل..؟؟

وش شفتي منه فايدة على طفلك..؟؟

أتمنى تجاوبوني تفيدوني وتفيدون غيري والله يجزاكم خير مقدما

[بوح المشاعر]

من جربته لطفلها بعمر الثلاث أشهر الأولى..؟
عطيته بنتي بشهرين وقبل اي وجبه اذكر اسم الله والحمدلله مابه غير العافيه
وكم مرة جربتيه..؟؟
يوم ايه ويوووم لا
وكيف طريقتك في عمله ..؟؟
في الرضاعه الى رقم 2 وبعد ماوصلت 6 شهور اضيفه مع السيليلاك


وكم مره تعطينه طفلك في اليوم أو في الأسبوع وكم مل..؟؟
بصراحه مو متقيده مررررره
يوم ايه ويوم لا
وش شفتي منه فايدة على طفلك..؟؟
عاااااااااااااادي بصراحه كنت اتمنى ايسمنها بس للاسف اهم شي انها تحبه
وماينفع تعطهيه في الليل عند النوم لانه يسبب غازات وماترتاااح بنومه

[كل الحلى]

الله يعافيك بوح المشاعر ويخلي لك أطفالك

ماقصرتي ياعمري

[كل الحلى]

طيب اللي يشاهدون ولايردون

لو كنتوا ماتعرفون ردوا ولو بكلمة مدري

من قال لا أدري فقد أفتى

وزي ماتحبون الناس ترد على مواضيعكم

ردوا على مواضيعهم

حب لأخيك ماتحب لنفسك

واللي عارفة أنها ماحترد من الأساس لاتشاهد

[rose]

بسم الله علينا
اش الكلام دا
يختي الناس يمشوا ويتكلموا من عقلهم
انا منقوع التمر وصفته لي الدكتووووووووورة لولدي عشان الامساك
وقلتلها مو صغير قالت لا التمر كله سكر ومفيد
وبعدين قالت في شي كان الرسول عليه السلام يحبه وكان ضار وماينفع؟
صراحة ريحتني اجابتها
اعووووذ بالله من الناس اللي تمشي وتفووووووول
ياقلبي انا ماكنت اعرف كيف اعمله لين العضوة جزاها الله خير صدفة عمر وصفتلي هو وماشاء الله ارتاح عليه وبطنه صارت الف حمد وشكر تمشي طبيعي

[أم ســـــامر...]

انا قرات موضوع في منتدى ثاني عن منقوع التمر
تدي اولادها من اول مايجي حتى سته اشهر ومافي اولادها الا العافيه
وتديهم يوم ويوم لا وفائدته بيريح البطن اذا كان عندهم امساك... وسلامتك قلبووو

[كل الحلى]

يعطيكم العافية حبيباتي روز وأم سامر
ماقصرتوا ربي يسعدكم

[شموع الورد]

مافية اى خطورة 3حبات تمر و ربع ك ما تذاب التمرة اى تعجنينها بيدك فى الموية وتصفينها ويشربها بى اى وقت تبين بس خلى برودتها متوسطة علشان الصيف وكم مرة مرة فى اليوم او فى اليومين مرة

[كل الحلى]

الله يسعدك حبيبتي شموع
ويجزاك كل خير يااارب

[صدفة عمر]

::


من جد تلاقي الدكتور فاشل وماعرف حالة الطفل وحطها في التمر

وكفاية فوائد التمر معروفة في السنة بنصدق دكتور يفتي !

ي ستي انا اعطي ولدي من الاربعين منقوع التمر وحلبة

وحالتة بسم الله عليه جسمة مشدود وعظامة كمان بسم الله علية

مع اني ما اعرضة لشمس عشان بيتي واجهتة غربية مابة شمس

بس الحلبة كويسة للعظام والتمر زين للدم والصحة ووزنة مررررة طيب

وهذا كلة طبعا بفضل ربي ثم االتمر والحلبة

وطبعا اذا عمرة شهرين دخلي لة يوميا ملعقة صغيرة برتقال

وكل فترة زيدي الكمية لين تسير 30 مل بس اكثر مو زين لمدة سنة


::