سألت الدكتورة عن جنس الجنين ..

[أنوار الولاية]

السلام عليكم

طبعا اليوم صار لي ظرف وعلى طول رحت الطوارئ وعملت سونار والحمد لله طمنتني الدكتورة

المهم سألتها مره وحده عن جنس الجنين حاليا انا 14 اسبوع و 4 ايام ،، حاولت تعرف بعدين قالت لي ما يبين

قالت لي بنت خالتي اذا قالو ما يبين يعني بنت ، إن شاء الله بنت ، وفي النهاية اهم شي سلامة البيبي بنت او ولد ...

اعرف ناس يقولو لهم جنس الجنين من بداية الرابع انتوا شو رايكم

[أم مـــاريا]

ماشاءالله

ايه فيه ناس يبين معهم بااول اسبوع من الرابع و انا بحملي الاول عرفت ببداية الرابع
بكره راح نروح و ان شاءالله يبين جنس الجنين
لأني دخلت الاسبوع السادس عشر ..


الله يتمم لك و يتمم لنا جميعا الحمل

[أم حمودي وعبودي]

أقل عمر يبين فيه جنس الجنين هو الاسبوع 12 بس بعض أجهزة مستشفياتنا من العصر القديم فما يبين شي
أنا أتابع في 3 مستشفيات تخيلي المستشفى الحكومي كان عندي موعد هذا الإسبوع وسألت الدكتورة عن جنس الجنين قالت مو واضح مع إني في الإسبوع 19 ما أدري هي كسلانة ما تبي تشوف ولا الجهاز فعلاً ما يوضح بس هي حتى ما حاولت
والحمد لله عرفت جنس الجنين من الإسبوع 14 أو 15 نسيت

[حرية شخصيه]

انا دكتورتي بالاسبوع ١٣قالت لي الجنس بس قالت مو متامده وفعلا بعد شهور بين نفس اللي قالته

[أنوار الولاية]

انا حاولت شوي وبعدين قالت ما يبين

بصبر عشرة بعدين بروح حتى اطمن على البيبي واذا بان الجنس خير وبركه ما بان تراني مو مستعجله ..

[تمنيتك بأحلامي]

ماله دخل لمن تقول لك مايبين يعني بنت
الحين الناس تفتحت ومااحد يتضاي بالبنت
لو بان عندها كان قالت لك
انا من اول حمليقالت الدكتورة مايبين الا بالشهر الخامس
وفي بداية الخامس سألتها قالت واضح عندي انه بنت بس هالسونار مو دقيق لمن تسوين السونار الثاني تأكدي
وبعدين طلع ولد

[سفن بارد]

ماادري صراحه انا في الاسبوع 15رحت للدكتوره وقالت لي مو بين والله اعلم انا مثلك شكيت انها بنت لانه مابان

[أنوار الولاية]

إن شاء الله الله يثبت خملنا ويرزقنا بنت او ولد المهم بصحة وسلامة

صديقتي بداية الرابع من الاسبوع 13 قالو لها بنت والحين هي في السادس ونفس الشي بنت ما تغير شي

يمكن حسب نوع الجهاز للسونار

مع ان الدكتورة البارحة حولتني على جهاز سونار خاص تقول لقياس عنق الجنين يعني المفروض واضح وحاولت تعرف الجنس ماعرفت

ابي اشوف حلمي بجنس الجنين يطلع صح مثل حملي بأطفالي كانت احلامي كلها صحيحة ويطلع ولد هالمرة حلمي تفسيرة انها بنت

انا حاليا ابي اخلص الرابع على خير والمشيمة ترجع لوضعها الطبيعي لاني خايفة .. الله كريم ومن اليوم بقرأ سورة البقرة للحفظ

انصحكم بيها واذا ما تقدروا قسموها واقرأوا اية الكرسي قدر الامكان وايدكم على بطنكم

[أم حمودي وعبودي]

شوفي أنا هذه دكتورتي الي قلت لك عنها
سونارها ما ياخذ دقيقة
تحط الجهاز على بطني وتقول
شوفي يتحرك وشوفي قلبه ينبض
وخلص الموضوع
ما تقيس طول الجنين ولا محيط الرأس ولا تقيس نبضات القلب
مع إنها إستشارية كبيرة في المستشفى
أنا الي مصبرني إني أتابع في مستشفى ثاني وأحياناً أروح مستشفى خاص لو حسيت بشي

[أنوار الولاية]

ام حمودي

بالنسبة لقياس رقبة الجنين كنت رافضة اعملة لأن لو لا سمح الله الجنين كان فيه متلازمة داون قابله بيه بس البارحة اضطريت اروح فصادتني الدكتورة وقالت لي اعمليه الحين

قلت مو مشكله انا محتاجه للسونار حتى اطمن على البيبي ... سألت الدكتورة شنو فايدة هذا الفحص لعنق الجنين ؟ قالت لي مافي شي نسويه فقط اذا كان الجنين فيه متلازمة داون يخيرون الأم بين ابقاء الجنين او اجهاضه لهذا السبب رفضت اعمله ، لكن عملته والحمد لله كل شي سليم

ام حمودي انت من الامارات ؟؟