عملت تحليل كلير بلو قبل الدوره ب8 ايام والنتيجة ...

[أنوار الولاية]

السلام عليكم ورحمة الله


شخباركم ...


انا اجهضت من شهرين تقريباً , هذا الشهر حسيت اني حامل مع ان بدون اعراض ماعدا نزول قطرات دم وصدري متغير ..

واخذت تحليل كلير بلو العادي الي ب 15 درهم ..


وتفاجأت ان طلع لي خط ثاني خفيف لكن ابين واضح مش الخط الوهمي ...


ظنتكم ابين صدق واكون حامل


لا تقولو يمكن هرمون الحمل تبع لاجهاض موجود , لاني استخدمته في الدوره السابقه ونفس النوع ما بين لي خط ثاني


هذا هو النوع الي استخدمته

[أنوار الولاية]

على فكره ان تحليل الحمل العادي ابين ايجابي قبل الدورة بيومين

هالمره قلت بجرب كلير بلو لأنه دقيق وقبل باسبوع ..

[υм вtℓαα]

كلير بلو اعتبره دقيق حتى لو الحمل ببدايته
دام طلع خط باول خمس دقايق فمعناته فيه حمل
حللي دم مشان تتاكدين
اللله يرزقك ماتتمنينه

[حياتي توأمي]

ان شاء الله حمل يارب وتفرحي بالخبر عن قريب
انتي اصبري يومين وحللي دم هرموني راح يبان معك الأكيد ان شاء الله

[ام لبنى 666]

ان شالله حمل مدام طلع ايجابي بتحليل البووول عليك تحللين دم وبشرينا

[mama to be]

ان شاء الله حمل
بشرينا

[أنوار الولاية]

تخيلو جتني الدوره

انا عادي بس مستغربه ليش طلع ايجابي , طبعا ما استخدم منشطات الي بتأثر على النتيجه ..

وللحين خايفه يكن حمل واجهاض لاني كنت مدة اسبوع اخذ ملعقتين حبة البركه وعسل ما اعرف انه يسبب اجهاض

والدوره متقدمه 8 ايام

يارب تكون دوره ومايكون اجهاض

[وظني بك ياربي جميل]

انا نفسسسك اجهضت وبعد شهرين من اجهاضي حللت بيوم الدوره بين خط ثاني بسرعه
بس خفييف ونزلت الدووره.. وطلع حمل كيمياءي يعني حدث القااح بين الحيوان والبويضه بس ماتعشش بالرحم ..

انا كنت مسويه انظيف فقلت يمكن بطانه رحمي مازالت تعبانه بعد التنظيف والله واعلم
الحين كملت 3 شهور من الاجهاض وان شالله البطانه تكون سليمه وجاهزه للتعشيش

انتي سويتي تنظيف ؟ اذا ايه فيمكن الرحم محتاج راحه والله واعلم يعني دورتين 3
لاتياسي وحاولو من جديد والله يرزقك ويبشرك ياارب ويبشرنا هالشهرر

[أنوار الولاية]

لا ما سويت تنظيف كان شهر ونص عمره لكن نزل في الشهر الثالث

كنت بعد الاجهاض عملت تحليل بعد الاجهاض ب 40 يم وظهر ايجابي لكن تبين انه هرمون الحمل لازال موجود


لكن هالمره ما اعتقد هرمون الحمل لان الشهر الي طاف نفس التحليل استخدمته ومابين معي خط ونزلت الدورة ...


...............

وشو هذا الحمل الكيميائي ؟ بدعه اول مره اسمعها

[بحــ العيون ــــــــر]

الله يعوض عليكي يارب ويرزقك ويرزقني وكل محرررررررررررررررروم يا الغلا