خلونا نجهز مع بعض للولاده

[حرية شخصيه]

اخباركم
كيف النفسيه بالشهور الاخيره كل وحده تقول كم باقي لها وايش جهزت وايش باقي لها تجهيزات
ابداء انا

اليوم دخلت التاسع الحمد لله بس مقرر لي عمليه
من الالم اللي كانت تجيني شنطتي وشنطة البيبي قفلتها قبل اسبوعين
بربتوز داخلي جبت تقريبا اربعه لانه يكبر بسرعه
جبت ثلاث اطقم مع شراشفهم
جبت ثلاث شراشف خارجه
وشرشفين داخليات
وطاقيتين
بالنسبه لي ملابس داخليه مع روب النفاس وكم بجامه للاستقبال

باقي الان اجهز الضيافه للنفاس افيدوني بافكاركم عندي كم فكره بس باقي مانفذتها اللي هي مثل الستاند للاحلاوهيات والموالح

[أم حمودي وعبودي]

فكرة حلوة نجهز مع بعض
أنا في الإسبوع 30 يعني آخر اسبوع في الشهر السابع
وأحس بإنقباضات غير مؤلمة وخايفة أولد قبل الأوان

والحمد لله جهزت جزء كبير من أغراض البيبي

أخذت بربتوزات وأفرولات نيوبورن و 0-3
وكم لبسة دلع للطلعات
قفازات و جوارب
لفات أو قماطات
مفرش لحمل البيبي
ومفرش للسرير
ومراضع مع حلمات
مصاصات
مقص أظافر
مشط وفرشاة
اسفنجة للحمام
مناشف
مفرش ضد الماء
أكياس للحفاضات


مريلات أو صدريات عشان لا يوسخ ملابسه
بس باقي
حفاضات وكريم الحفاضات
بودرة بس ما أدري هي مهمة ولا لا
شامبو وصابون ولوشن وزيت بس ما أدري أي نوع آخذ
بانيو
مفرش مع ستارة
مقسم للحليب

وأنا باقي لي ملابس
مفرش
فوط صحية
ستيانات الرضاعة
كريم للجسم والحلمات عشان ما يصير فيها تشققات وألم

بس البربتوزات أخذت طقمين نيوبورن كل طقم فيه ثلاثة بس طلع واحد مقاسه مثل مقاسات البربتوزات من 0-3 وخايفة تكون صغيرة

واليوم قصصت الأوراق الي بالملابس عشان أغسلهم وأجهز شنطة المستشفى

[وظني بك ياربي جميل]

سنتيانات الرضاعه تلاقوها بستي ماكس اشكال حلوه ومريحه وكل الفروع

انا ماكثرت صراحه تقريبا الاساسيات وبعدين اشوف وش بنقص واجيب
لاتنسون بعدين العطار مرو عليه واطلبو ت شكيله يسويها لكم قهوه قشر يمني وكمون وزنجبيل وقرفه وزعتر بري عشان لنفاسك على خير ان شالله

والله يفرجها وييسرها علينا يارب ويرزقنا وكل مشتاقه

[بحــ العيون ــــــــر]

الله يتمم لكم على خير ويفرحكم بشووفة البيبي يااارب


ويرزقني ولا يحرمني يااارب

[أنوار الولاية]

ام حمودي ذكرتيني بأشيا كثيره كنت ناسيتها

انا كم يوم وادخل السابع إن شاء الله ..

خلصت لثياب بس وناويه اكمل كل لاغراض في الشهر السابع إن شاء الله

وبالنسبة للانقباضات قد تكون الرحم يتهيأ للولاده

الله يتمم حملنا على خير يارب

[Seba88]

انا باق ٤ ايام وادخل التاسع جهزت اغراض البيبي بس كثرت ملابس مره وندمت لانه بيكبر وانا اخذت بحايم استقبال وارواب رضاعه مفرش ماخذت لأَنِّي بولد ببيتي ومحد يجيني الا بعد اسبوعين كذا اخذت سرير للنونو بقى اغراض الصيدليه وطلبت ادويه نفاس من حرمه نعرفها وبس يبيلنا نسوي تجمع احس المنتدى صاير ممل

[ر ي م]

مرحبا يا حلوين.. الله يتمم لكم ع خير ..

يصير اجهز معكم :) توي دخلت السابع ... الله يتمم ويعدي ع خير

كل يوم اقول بكرة من الثقل .. وحماس اول بيبي مو مثل الثاني مع اختلاف الجنس سبحان الله ..

مهمه اشياء العطار.. بنفاسي الاول ماهتميت ابد .. يمكن عشان قيصيري ونشف الدم بسرعه ؟! هالمرة ان شاء الله بهتم ان الله قاله

فالي عندها خلطات نفاس مضمونه تدلنا عليها الله يسعدها ويوفقها..

مو ناوية اكثر ملابس ... عندي ست شنط معبايه ملابس من بنتي وكلها غاليه انتظر احد يجيب بنوته من خواتي واعطيه من كثر ما كنت مجنونه شراء ... هالمرة لاء حرام البيبي يكبر بسرعه .... بس ان شاء الله وقت ماروح السوق اتذكر هالشي وما تحكني يدي ع الزيادة هههههههه

فكرة حلوة نسوي تجمع خارج المنتدى .. وين يعني ع اي برنامج :)

[أم .ملك]

مساء الخير
انا صارلي 5 ايام داخلة الشهر التاسع وجهزت كل شيء من ملابس البيبي وملابس لي وغيرت فرش البيت فاضلي الضيافة بس وصيت عليها ولسا ماجبتها

[اتعبتني جروحي]

الله يسهل ويهون على الجميع

[Hana221]

ي حلو هالتجمع كل وحده بتستفيد من الثانيه ..

روب الاستقبال وين تنصحوني اخذ منه
شفت بالانستقرام الاسعار مبالغ فيهااا ..
ابي شي حلو وسعره حلو كمان ..