ابشركم لقيتلكم علاج لكثره سيلان اللعاب عند الحامل

[خاطري افرح]

بنات انا بقولكم عن تجربتي الشخصيه مع كثره سيلان اللعاب في فتره وحامي. بس ابي منكم تدعولي بالولد الصالح ويهديلي زوجي
نبدا اول شي بشرح مبسط عن حالتي انا عندي اربع اطفال ولم تحدث لي ظاهره سيلان اللعاب وهذا حملي الخامس مشاالله وصار عندي وحم شديد مع سيلان شديد باللعاب مابقى مستشفى حكومي او خاص الا مارحتله والنتيجه دفع فلوس على الفاضي قالو ماله علاج صكت فيني الدنيا لاني بوضع مزري حاطه سطل الزباله والكلينكس عندي وانتم بكرامه واتفل فيه لين انام يعني يعني طول يومي مقدر اطلع من الغرفه ولا اكلم احد صارت حياتي متعبه جدآجدآالمهم نجي لزبده بالصدفه شريت بقل (اقط)بس مو الجنوبي اللي عليه مكان اصابع لا المالح العادي يسمونه الشمالي اكلتها ونشفت ريقي وصرت ماانزله من فمي لين انام حتى وانا نايمه احط كسره في فمي وانام والاكل كنت ارجعه بس بعد البقل صرت الحمدلله اكل بس مجرد مااخلص ارد اكل بقل طبعآ الحين قاعده اكتب والبقل بفمي طبعآ اللي تصيرلها الحاله هذه تفضل انها تاكل بقل ولا الوضع السابق الحين استغنيت عن الكلينكس الحمدلله والشكر على نعم ربي

[ام ارجواااااان]

الله يتمم لك على خير يارب
يعطيك العااااااافية

[إحساس إمرأة]

تسلمين يا قلبي على هذي المعلومات
إن شاء الله البنات يستفيدون منه
والله يصلح لك أولادك وييسر أمورك
ربي يوفقك ويسعدك ♥

[إحساس إمرأة]

[سهام فرنسا]

شكرا على النصيحة
الله يصلح أولادك و يهدي زوجك يارب العالمين

[sosolibya]

مافهمت شو هو البقل ’’

بس يارب يهدي زوجك وأولادك ياااارب,,

[*SuGeR*]

اعاني من عالمشكله ومتعبتني طول اليوم كلينيكس والزباله يمي الله يكرمك
بس شنو البقل الشمالي ما عرفته ،،،

[حلم وطموح]

الله يسخر لك زوجك ويهدية وربي يرزق بالوالد الصالح ويتمم شفائك يارب ..

بس ماهو البقل قصدك المضير اللي يصنعونه من الحليب ؟؟

[خاطري افرح]

تسلمو حبايبي على الدعوات الحلوه
اللي تسئل عن البقل فيه ناس يسمونه اقط وفيه يسمونه بقل يوجد عند اللي يبيعون سمن وزبده الغنم يجي على شكل دوائر لونه ابيض يصنع من لبن الغنم يصير مجفف
بس فيه نوعين نوع اسمه اقط الجنوب على فكره دايم يبيعونه في الجنادريه نكمل اسمه اقط الجنوب وعليه طبعه اصابع المره اللي مسويته وهذا مو النوع اللي اقصده يعني لاتشتروه اللي اقصده نفسه لاكن يجي دوائر من غير اصابع ومالح اقصد بالشمالي لانه دايم يتوفر بالمناطق الشماليه عرعر رفحا حفر الباطن مدري عن المدن الثانيه اذا يوجد او لا اتمنى المعلومه وصلت ...اللي عندها سيلان اللعاب تجربه وتكتب تجربتها علشان اطلع براءه اختراع هههههه

[Lnoo00oo]

الف شكرالف شكر جاري التجررربه