خبز براتا الهندي ممممممم لا يفوتكم

[وردة سورية]

السلام عليكم ورحمة الله وبركاته

اليوم جايبتلكن وصفتي بعمل البراتا الهندية

هالبراتا ببتنعمل بمدينة كيريلا بالهند يعني اكتر منطقة مشهورة فيها
ميزتها انها بتكون طبقات وهشة جدااا..

براتا طرية وهشة غير محشية
العدد حسب الحجم اللي بتحبيه..
انا عملت حجم صغير

على بركة الله

المقادير:

العجينة...
3 اكواب طحين ابيض
3 ملاعق زيت نباتي
1 كوب ماء عادى
نص .م.ص.ملح

اضافات لازمة
.........................

زيت ذرة اضافي للدهن: حوالي نص كوب
.........................

الطريقة:

نجهز مقادير العجينة كالتالي

تخلط جميع المكونات مع بعض حتى نحصل على عجينة متماسكة

تنقل العجينة على طاولة وتعجن لمدة 10-15 دقيقة حتي تصبح ملساء متجانسة (مهمة هالخطوة)
تدهن بقليل من الزيت ثم تغطى لترتاح مدة ساعة كاملة.

تقطع العجينة لقطع دائرية بحجم كرة المضرب كما بالشكل
وتغطى لاستخدامها..

على طاولة كبيرة مدهونة بقليل من الزيت ناخد احدى القطع ونفردها لاقصى حجم
راح تكون رغيف كبير جدااا رقيق ..ممكن تستخدمي اليد بالمرحلة
حسب راحتك..
لازم يكون ارق من اللي بالصورة

يدهن سطح الرغيف بالزيت ثم يطوى بشكل تدرجات كما بالشكل

نكمل حتى انتهاء الرغيف

ثم نقلبه ونلفه كما بالشكل

نكمل المقدار كاملا (تشبه الوردات تقريبا) ..ثم نحمي المقلاة الخاصة او اي مقلاة عندك
على نار متوسطة ..

بعد ما حميت المقلاة..ناخد واحدة من الوردات ونمددها باليد بعد دهنها بالزيت
والتمديد يكون من الاطراف ثم الوسط
لا تبلغي كتير حتى لا تلتصق حلقات العجينة ببعضها..

ثم تنقل بحذر للمقلاة ..ممكن ندهنها بالزيت كلما احتجنا لذلك..

تقلب حتى يشقر لونها وتنضج وتصبح هشة ..

هون صورة اقرب ..بعد نضجها نضغط عليها باليدين من كل جوانبها
لتفريق وفتح الطبقات قليلا كما بالصورة
انا عملتها شوي تخينة في ناس بيحبوها ارفع واكبر
الحجم والسمك حسب اختيارك

تحفظ بوعاء مغلق وتقدم مع اغلب الاكلات الهندية كبديل عن الخبز
جربوها مع الحليب او الجبن الكاسات
يم يم يم

وهيك شكلا النهائي (صورة من النت)
ما بعرف الصورة النهائية وين طارت

اتمنى تعجبكن والف صحة وهنااااا

[بحــ العيون ــــــــر]

[إيفان]

فتحتي نفسي ع الأكل هلا بدي أقوم أعملها واو انا بموت بالخبز السخن يم يم يسلمو إديكي يا ريت بقدر أحط صور ما بعرف كيف مشان أحطها بس أخلص كيف طلع معي وتقوليلي معدلة ولا أقلب وجهي وما أوريها لزوجي ليضك علي ههههههههههههههههههههه

[υм вtℓαα]

بيسموه الشباتي على الاغلب
والله شهيتينا كثير خاصة لاكان ساخن
يعطيكِ الف عافيييه

[وردة سورية]

نورتو حبيباتي
ايفان يالغاليه روحي مركز التحميل اول صفحه المنتدى
وحملي الصور من جهازك
وانسخي الرابط الي بظهر لك بمركز التحميل
ونزليه بالموضوع الي تحبي
يلا بنتظر الصور
خليني اشوف شطارتك
ياحلوة


ام ابتلاء منوره حياتي اي صحيح
الاغلب يقول له شباتي بس انا بعرفه بالبراتا
دمتم بخير

[وردة سورية]

[ريحانة الجنة]

يسلموا يااقمر
بس تعقيب اعتقد الشباتي شي
ثاني ينعمل على التنور ومايكون الا طبقة واحدة
ويكون خالي دهن بالمرة

ثنكيو وردتنا

[ام ارجواااااان]

رااااااااااااااائع
لعيووووووووووووونك

[وردة سورية]

منورييييييييييييين