ديوانية البحرين - دردشة حوامل البحرين - البحرينيات

[طفلي حياتي]

السلام عليكم
شخباركم
وحشتوني اليوم مازرتكم
بس حبيت اسلم النوم طاير من عيني شسوي الحين 3 وهذي سالفتي كل يوم

[أم عائشة]

صباح الخير خواتي شلونكم اليوم عساكم طيبين

ومس بينك والله انا ماعندي فكرة للحين عن المحلات
ان شاءالله غيري تفيدج حبيبتي
وحياج الله بديرتج الثانية تنورينها

[rose soul]

صباح الخير دبدوبات
شخباركم؟؟
لا تقولون لي راقدين

[أحلام أم]

صباح الخير على أحلى حوامل ،ويش أخباركم نايمين أني لازم أقعد من الصبح بنتي وولدي في المدرسة ربي يحفظهم لي ويهديهم ،عااد اليوم موراضيين يقوومون من النوم وعلى مالبسوا وجهزوا إلا أني طافشة ومعصبة
أمبي أرجع أناام البارحة ماشبعت نوم متى رجعت من طوارىء المستشفى الخاص ،رحت حق يطقوني إبرة التثبيت ربي يثبت أحمالكم ويقومكم بالسلامه وإللي زاد الطين بله ضيعنه الطريق بعد أول مرة أروح ويازوجي وأني إللي ضيعته
(أم عائشة )
ويش أخبارك حبيبتي إنشاء الله بحمد منه ونعمه ربي يدومها ،الأبرة إسمها جلكسين
ربي يسهل أمورنا وأمور المسلمين

[rose soul]

احلام ام
صباح النور..لا انا قاعدة..خواتي قعدوني بفوضتهم لأن عليهم مدرسة..وانا اقول ما برقد معاهم بس يكسرون خاطري يبوني معاهم
شخبارج انتي شمسوية؟؟

[أم عائشة]

روز صباحج فل شخبارج حبيبتي

واحلام ام واي عليج نفس حالتي لازم من 5 اقعد اصلي الفجر واقعد اولادي للمدرسة
ولدي العود معتمد على روحه بس خالد الجعدة مطفشني الله يحفظه
مايرضى يشرب شاي الحليب مال الصبح الا اذاانا سويته له
ذابحني هالولد من وسواسه
ابد مايرضى الشغالة تسويله فطوره ولا اي شي يخص اكله
عاد انا تمللت يختج هههههه
مالي نفس من الصبح اقوم اقلي له الهمبرغر حق المدرسة
صرت اخلي الشغالة تقليه من الليل عقب مايرقد والصبح احطه بالسندويتش واسخنه له بالمايكرويف واقوله كاني مسويته هههههههه
شفتي شلون شريرة انا هههههههه

وبالنسبة للابر لا انا ابري غير
الله يعطيج العافية روحي ريحي عمرج انا شوي وبقوم اكمل نومتي ومااصحى الا الساعة 1

ماشاءالله جم اعمار اولادج؟؟الله يخليهم لج وتفرحين فيهم يارب

[rose soul]

أم عائشة هلا وغلا بييييييج
..
ما شاء الله عليكم الله يخلي لكم عيالكم..

[أم عائشة]

ويخلي لج احباب قلبج يارب ويسهل لج ولادج اللهم اااااااامين
يلاخواتي بقوم ارقد شوي اليوم الطبيب بيشوفني
اادعولي اسمع نبضه اليوم ويطمني الدكتور

استودعكم الله الذي لاتضيع ودائعه
امنتكم الرحمن

[rose soul]

نوم العوافي ان شاء الله

وان شاء الله تسمعين صوت النونو وتفرحين فيه

الله وياج اختي

[حروف عاشقة]

صباااااااااااااااح الخير يا حلوااااات

آنا مثلكم اقعد من الصبح حق اصحي علووي حق المدرسة مسكين ما يعذبني بس لازم اليهال يتحججون من الصبح يتريق واراجع ليه على السريع ويروح اليوم قررت ما ادخل من وقت إلا ادا كملت شغل البيت شكلكم سولفتون ورديتوا نمتوووو تأخرت عليكم ههههههههه

مس بنك حياش الله بالبحرين خيوتي تقدرين تشوفين الصفحات السابقه انا منزله اسماء المحلات المختصة لليهال وارقامهم بعد بس كانه موسم التخفيضات خلص عندنا والله اعلم ..

روز هذه حالتش ويه خواتش شكلها كل يوم بس زين يسون فيش عشان نشوفش من الصبح هههههه

ام عايشة ، احلام أم

حياكم الله بيننا نورتونا والله يثبت ليكم حملكم إن شاء الله ويخلي لكم عيالكم ..

شمووووس اليوم ما بينت قرأت إلي كاتبينه لي عااااااادي تعودوو مساكين امي ويه زوجي على عصبيتي في الحمال مساكين بس اني كنت طفشانه من الحمال استغفر الله اقول متى اولد بصيدني اكتآآآآآآآآآب شكله من الثقل والتعب الله يعدي هل الاشهر على خير ياااارب ويصبرني ..