ديوانية البحرين - دردشة حوامل البحرين - البحرينيات

[rose soul]

هلا وغلا فيج احلام ام
ماعندي خلفية عن حالتج
بس ادعو ربي الله يثبته لج ويتممه لج على خير يارب

[شمس الصباح]

شخباركم بنات

احس بضيق في نفسي وابغي اصيح لين يغمى على ما ادري شنو فيني بس مضايقه من اشوي زارتني وحده ومن طلعت اعتفست نفسيتي مع انها ما قالت شي يزعل تسئل عني مسكينة لكن ضاق خلقي وما ادري السبب

اعوذ بالله من الشيطان الرجيم

[حبيبة حسوني]

سلام بنات شخباركم
اني بعد صادني موقف يوم الجمعه وضيق خلقي وقعدت اصيح وحالتي حاله

[أحلام أم]

هلاحبيباتي عندي سؤال أني مثل ماذكرت الدكتورة كتبت لي على أبر التثبيت يوميا أخدها هل لازم أخدها في نفس الوقت إللي أخذت الأبره السابقة أوعادي بعدكم ساعه من الموعد علما بأن الدكتورة قالت لي لازم كل يوم فقط أخدها ماأدري أول مرة أخذ مثل هاللأبر الله يثبت حملي واايد أوسوس وخايفه جزاكم الله عني كل خير

[أم عائشة]

المشاركة الأصلية كتبت بواسطة شمس الصباح

شخباركم بنات

احس بضيق في نفسي وابغي اصيح لين يغمى على ما ادري شنو فيني بس مضايقه من اشوي زارتني وحده ومن طلعت اعتفست نفسيتي مع انها ما قالت شي يزعل تسئل عني مسكينة لكن ضاق خلقي وما ادري السبب

اعوذ بالله من الشيطان الرجيم

هلافيج حبيتي ماعليج الا العافية يارب ترى النفسية تتغير وانتي حامل كل ساعة بنفسية كان الله بالعون

اقولج نكتة تغيرين جو
ذي وحدة ماشية مع حبيبها قالت له قولي شي يفز قلبي وقت اسمعه
قالها اخوج ورانا خخخخخخخ
فديتج ابتسمي ولاتحطين ببالج

[أم عائشة]

حبيبة حسوني ترى الصياح احيانا يريح الانسان ماتجوفين شر يالغالية ولعل ايامج كلها ضحك وتفاؤل

واحلام ام اختي والله ماعندي عليم اذا لازم بنفس الساعة
انا لانه اخذها كل اسبوع مرة وماقالي الدكتور انه لازم بنفس التوقيت قالي خذيتها اول مرة يوم الخميس خلاص كل خميس تاخذينها
وها بشري وافقوا المركز ان شاء الله على اعطائج الابر؟؟

[أحلام أم]

المشاركة الأصلية كتبت بواسطة أم عائشة

حبيبة حسوني ترى الصياح احيانا يريح الانسان ماتجوفين شر يالغالية ولعل ايامج كلها ضحك وتفاؤل

واحلام ام اختي والله ماعندي عليم اذا لازم بنفس الساعة
انا لانه اخذها كل اسبوع مرة وماقالي الدكتور انه لازم بنفس التوقيت قالي خذيتها اول مرة يوم الخميس خلاص كل خميس تاخذينها
وها بشري وافقوا المركز ان شاء الله على اعطائج الابر؟؟

مشكورة حبيبتي على ردودك ومساندتك لي في حيرتي
والله لوتدرين العذاب إللي صادني من قلت لش بروح المركز يعني من الساعة خمس ونص العصر لين ثمان العشاء وأني أدور ويازوجي من مركز لمركز تعبت على الفاضي ،أول شيء أني على مركز جدحفص الصحي رحت وتنقعت لين يه دوري دخلت راويتها الوصفه وقلت ليها أني حامل ولازم أخد أبرتثبيت يوميا قالت ماأقدر أساعدش بشي هذه الأبرغير متوفرة في المراكز الصحية ولا حتى في مستشفى السلمانيه قلت ليها أعرف ناس يمكن يطلعون ليي الأبر مجانا إذا حاولت أني بيبهم وإنتي بس عطيني بطاقة مواعيد علشان كل يوم أيي ومعي الأبر وروح غرفة المعاجة وسيده أضربوني الأبره مارضت وقالت تعالي الصبح قسم الحوامل يمكن يحولونش السلمانية
قلت لزوجي بنشتري الأبر من الصيدلية وبنروح رأسا طوارىء السلمانية الحوامل يمكن يضربوني المهم رحنا صيدلية الفارابي عند السلمانية الأبر غير موجودة في الصيدلية عندهم رحت طوارىء الحوامل وتنقعت بعد ماسجلت موعد يمكن الدكتورة تساعدني من شافتني السسستر رفضتني وقالت حالتش موطارئة والأبر غير موجودة في المستشفى ومارضت أدخل على الدكتورة زوجي عصب وتوجه للصيدلية المستشفى وشاف صيدلاني يعرفه ساعدنا بكم إبرة شفتين يعني السلمانيه عندهم الأبر ليش يكذبون ما عندهم على فكره أقدر أشتريهم بس قلت أجرب أول، وطلعنا من المستشفى وتوجهنا لمستشفى نعيم وسجلت وقبل لا أتنقع بعد رحت رأسا للدكتورة وقلت ليها حالتي وإنه الأبر عندي رفضت هي بعد وقالت ممنوع علينا حتى لوساعدتكم الممرضات يخافون يطقونش الأبرة لازم ورق من قسم الحوامل تفيد بحالتش بإعطائك الأبر هذي ...مذلة يختي مذله في هالمستشفيات كأني وحدة مدمنه وخايفين يتورطون ويايي المهم طلعنا وإتصلت على المستشفى الخاص ويمكن بعدين أروح أخذ الأبرة في قسم الطوارىء مالهم ماتسوى علينا هالمرمطة حتى لوتأخرت الله يثبته أهم شيء ويتمم على خير(( ماعليه حبيبتي كتبت قصة حياتي بس من زود العذاب إللي شفته في المستشفيات ))
تسلمين يالغاليه على دعواتك ولكي مني بالمثل وأكثر

[أم عائشة]

ويه فديتج والله
شنسوي وانا اختج هالمستشفيات ذي حالتهم بس يلا معليش الله بيعوضج ان شاءالله واهم شي يثبت حملج
والله احنا مركزنا مال ام الحصم كلش معاملتهم غير
حتى انا ايام كنت اتعالج عشان احمل كان الدكتور يطلب مني تحاليل مرة طلب مني تحليل رحت عند مختبر الخليج قالولي ب75 دينار
قلت خلني اجرب يمكن يسوه لي بالمركز وفعلا رحت سيدة المختبر مال مركزنا وسالت ممرضة هناك تسوينه لي قالت مومشكلة اخذي موعد وخلي الطبيب بس يختم ورقة المعالجة مالتج وتعال عندي وفعلا سوتلي ياه جزاها الله كل خير

بس عاد السلمانية خليها على صوب خخخخخخخ
كان الله بعون الجميع على هالمستشفى المنتهية صلاحيته
الا بقولج اناابرة التثبيت مالي ب3دينار ونص ماادري نفس نوعية الابرة مالتج ؟؟
انا اخذها عند الدكتور حاتم اذا تسمعين عنه بمستشفى البركة للخصوبة

وعادي حبيبتي فضفضي احنا هني كل وحدة تشكي همها لاختها واحنا بديرة وحدة وخوات ان شاءالله

[أحلام أم]

المشاركة الأصلية كتبت بواسطة أم عائشة

ويه فديتج والله
شنسوي وانا اختج هالمستشفيات ذي حالتهم بس يلا معليش الله بيعوضج ان شاءالله واهم شي يثبت حملج
والله احنا مركزنا مال ام الحصم كلش معاملتهم غير
حتى انا ايام كنت اتعالج عشان احمل كان الدكتور يطلب مني تحاليل مرة طلب مني تحليل رحت عند مختبر الخليج قالولي ب75 دينار
قلت خلني اجرب يمكن يسوه لي بالمركز وفعلا رحت سيدة المختبر مال مركزنا وسالت ممرضة هناك تسوينه لي قالت مومشكلة اخذي موعد وخلي الطبيب بس يختم ورقة المعالجة مالتج وتعال عندي وفعلا سوتلي ياه جزاها الله كل خير

بس عاد السلمانية خليها على صوب خخخخخخخ
كان الله بعون الجميع على هالمستشفى المنتهية صلاحيته
الا بقولج اناابرة التثبيت مالي ب3دينار ونص ماادري نفس نوعية الابرة مالتج ؟؟
انا اخذها عند الدكتور حاتم اذا تسمعين عنه بمستشفى البركة للخصوبة

وعادي حبيبتي فضفضي احنا هني كل وحدة تشكي همها لاختها واحنا بديرة وحدة وخوات ان شاءالله

صادقه يختي بكلامك ،أحيانا تقابلين ناس يفيدونش ويريحونش وأحيانا تقابلين ناس ودش الزمن يرجع بش ولا تقابلينهم ،ويش نسوي بعد يختي بهالمستشفى لازم نروح له،
الأبرة إلي أستخدمها سعرها 4 دينار تقريبا ومادري إسمها يبدأ ب c ما حفظته بس تجي معاها الدوى جاهزه ،الله يثبت أحمالنا ويرزقنا بهم سالمين معافين ويكونون قرة أعين لنا
والله يدوم الأخوه والمحبة
تصبحين على خير يالغاليه

[M!Ss p!nk]

سلام عليكم كروشاااااااات
أخباااااااااااركم
ممكن مساعده
ان شاء الله هاليومين لي زيارة للبحرين
وقلت بقضي لي وللبيبي اغراض
ابي محلات للبيبي واطقم النفاس لي
وامممم هل بدت التخفيضات لمحلات الماركات

وعذرا طولت عليكم