اهلا باهل الجود والكرم **اهلا بسيدات ليبيا**

[dr.loly]

وسامحيني بهالكلمة أستغربت لمل قلت تبو الدحي بلا صنة ..

أحلى حاجة الصبح يبدأ الدحي يقلي وفايح ,, يعني الدحي حلو بغض النظر عن المقالي ألأخرى ..

هههههه راك تحرجي وراجلك مرات يدوخ منها ولاتتسكر نفسه ولاحاجة

وفعلا مشكووووووووورة وألة الكابتشينو يجي فيها مليح

عليش بنحرج ياحلوة والا انتي شايفتيه شئ يحرج
هههههههههههههه نا عادي وجهة نظرك ونحترمها

زوجي مايحبش ريحة القلي بصفة عامه
ومن ضمنها زفرة الدحــي كان يلقي الحوش ديما بنته
معطراااات جو وبخور خخخخخخ

والصبح نحبوا جو فطور يكون هكي ريحة القهوة فايحه
خصيصا لو فتحنا مع نسمة الصبح روووعه
بنة الشاهي.. بنة فحم ف الكانون الله لله ايامات ليبيا ف شتا
بنة الخبزة الساخنه

[dr.loly]

ام نورزه ربي يوفقك ان شاء الله
معروفه جامعة عين شمي وعريقه
وهم المصريين هكي بعد يمشولهم الليبين
في قرايه يطلبوا ف كل شئ اوراق ويتعبوا
عكي مانحن للاسف في ناس ف جوازات بايعه ضميرها
تبيعلهم في الشهادات الصحيه ب 500 دينار للاســف

[sosolibya]

السلام عليكم ورحمة الله وبركاته كيف حالكم..

مشكورة أم فراس وربي ينوضها جداي بالسلامة يارب ,, اليوم عاينوها ولما مشيت لقيتها راقدة طلعت ماشفتهاش..


والكنافة مممممممممممممممممممم تهببببل حاجة روعة معاش قدرت نبطل لين انتخمن منها هههههههه لأن قداش ليا نحلم تجيني هكي وجت روعة خيااااااال
شكارة العروس هههههه

اليوم بإذن الله عازمتني صديقتي بيانها هما ماشاء الله ناس حالتهم فوق الريح لكن متوااااااااااااااضعين هلبة وجوهم عاااادي جدا مافيش أي كلفة أو جو وربي يستر إن شاء الله نمشي ويكون بيانها حلو..

[sosolibya]

توا قبل شوية روحت من إمتعيني اليوم غدانا كسكسي

وتوا نعاند في طاجين خضرة أو طاجين جبن

لأن بإذن الله يارب صديقيتي بتجيني مبدأيا حددنا يوم ألأحد ..

بتجيني هدرازي..

هذه صديقتي ممكن مرة حكيتلكم عليها عليها لما مشيت نعزي فيها في باباها

هي صديقة أيام ألإعدادي ومتعلقين ببعض بس بعدين تفرقنا لحد توا لما مشيتلها وخديت رقمها والحق فرحانة بجيتها هلبة

وقلت كل يوم ندير حاجة باش نلحق وماتتكاثرش عليا ألأعمال

لان الليلة بنطلع وغدوة الصبح بإذن الله مراجعة جلدية
والعشية جامع وربك يستر...


تعااااااااالو هدرزو عليا.. الكمبيوتر جنبي في المطبخ وعيوني نحس فيهم بيتغمضو

[dr.loly]

صحة الكنافه سوسو
حلو الواحد بعد يخترع طريقه بروحه وتجي تهبل
وان شاء الله تكوني صورتيها بيش نشوفوهااا

وما احلاها الصداقه وبعد اتجي صاحبتك وتبقي تجهزي

كان تمني تحطيلها كل شئ


بس للاسف نا صديقاتي مش نفس ماكان جونا ايامات الثانوي
والجامعه صار في تغير مجرد م وحده تنخطب او ازوجت خلآص
رغم اني ماتغيرتش نذكر ديما بمسجات واتصالات بس بعدها قعد*ت
نعامل بالمثل وفي صديقه ماتغيرتش وتوا طلعت ايفاد 6 سنوات برا
هههه يعني بعد نروح ح نكسد بدونهاااا

ونحس في الزمن توا صعب اتحصلي فيه صديقه تفهمك وتشاكيها
وتقعد زيك اي نفس جوك والاطباع

[dr.loly]

بس الحمدلله يارب
عندي خواتي اللي اصغر مني طول
زي صديقات طبعا بجاانب ماما ربي يحفظها
وخالاتي

[dr.loly]

http://forum.hwaml.com/t289306.html

[sosolibya]

صباااااااااااااح الخير والمحبة

[sosolibya]

كيف حالكم وشن أخباركم ,, تسلمي فروسة وبجد رووووعة النافة وتوا ننزل الصورة..

وبالنسبة للصداقة أاااااااه لاتسأليني ...

الله غالب..

وإن شاء الله نجيبو بنات يكون صديقاتنا .. أنتم على ألأقل عندكم خوات الحمد لله,.. ربي يحفظم..


اليوم عندي مراجعة جلدية..

[ليبياقلبي]

هلا بالحبايب وين صورة الكنافة سوسو والف سلامة علا ناك ربي يشفيها
هلا ام فروسي قاعدة في برطانيا امتى بتروحي