** ليبيا زين علي زين ليبيا ورد وياسمين ** تجمع الليبيات

[sosolibya]

الصغار رقدو البارح بكري والضريبة انهم ناضوا من الفجر وتوا راقدين هما وبوهم وأنا مقعمزة بروحي يوم عطلة فعلا هههههههههههههههههههه

اليوم حلو ومشمس برا مع وجود بعض السحب السوداء


الفطور كان موخر واااااااااااو بخبزة الدائرية لسخونة عرفتوها يللي تشبه خبزة المداس

ونفكرو نديرو شوية لحم

طبعا أكيد حنقول لراجلي نأخرها شوية يعني بعد العصر لأني ناوية نطق في مرت خالي اااااااااااه مدايرة عمليه احححححححححححححح معاش نبي نفتكر
مسكينة تفزرولها بونطواتها من لوطا..
طبعا بنتها كبيرة تقرأ صف أول
ياناري طاحت في الحمام وجت رجل يمين ورجل يسار
وعاشت في حالة وقصولها قصان ياناري......

ربي يشفيها...

[dr.loly]

http://forum.hwaml.com/t284012.html#post3584987

ام معاد مرة طلبتي طريقتها اهو جبتها لكي بالخطوات المصوووره

[dr.loly]

من العروسه لي جلست هنا ؟؟؟؟؟

حزر فزر

[dr.loly]

أثـري بالنسبة للعزومه في اوجـله ننصحك تعدي وتشوفي تقاليد مختلفة عن مدينتك ..

هي معروفــه طبعا من واحات التمور الشهيره ب ليبيا ( جالو..أوجـلة..أجخره)

طبعا وطن قبيلة زوجي اجخره وممتلكاتهم واراضيهم كلها غادي

قبيلة زوجي تقطنها بالكامل نقصد ع اجخرة طبعا ,, لي شفتها اول مرة بعد زواج

لان قبل الزواج ولاعمري شفت هالمناطق ولا طريقها...




جالو واوجله واهلها اكرام اغلبهم مجابره ..
وضيافة التمر نفس جيرانها المناطق في كل وقت يحطوا فيه مع العشا والغدا والفطور

ويشتهرن هالمناطق بأكلة الفتات المسقي لي يندار بفطائر زي خبزة بس اقسي شوي

وتعتبر الاكله الشعبيه الاولي,, ولا تخلوا منها سفرهم يوم الجمعه..


جمعتلك صور منها




واحة اوجله




المدينة القديممة اوجله


من مزارع النخيل في اوجله




البلح بجميع الوااانه





تمر السلطان






الدقلة لايعلى عليه





وجبة الفتات

يحبوها ع وطني
ويديروها بطبيخه عدس او بطاطا وكوسه


وهذا الفتات
مقرمش طبعا فيه لي اتديره بروحه وفيه لس تشريه متوفر واااجد في محلات خصيصا يوم جمعه حتى باجدابيا


بس حاولت نلقى صور احلى للوجبه مالقيتيش عربي يديروا فيه بالبكيوة والدشيشه حاجة من الاخير يجي..

واول مرة نعرف هالاكله بعد زواج

ودرتها اكثر من مره بطبيخة خضرة
وعرفتها لهلي .. والوالد عجباته بكل قالي امي زمان تديرلنا فيها ف طفولتنا



طبعا مدن التمووور معروفات بالطقس الحار جدآ

[dr.loly]

خطر عليا التمر وجو مزرعة عمي الكبيره
فيها 500 نخله

وتهبل رملتهاا مسقعه نذكر مشينا في شهر 11

ولميت تمر ع قد مانقدر خصيصا الصعيدي لي نحبه ههه يهبل

وشرحلي عمي ع زراعه الدقله وكيف ان يبي اميه حلوة

واخرتها رعشني بوبريص ههههه

[dr.loly]

هذا هو الصعيدي ويعررف بالسلطان


طبعا ف انواع واسماء واجد للتمور ماكنتش نعرفهن الحق

[sosolibya]

دمعت عيون لما قلتي إنم شاء الله نشوف شهادته الجامعية أه على قلب ألأم..


الله يسلمك فروسة تعالي زوري صفحتي عالفيس

[sosolibya]

ماشااااااااااااااااء الله صور رااااااااااائعة هذا كله في ليبيا والله سهفتووووووووووني في التمر وماشاء الله على هالحالصحن=تهن ماشاء الله لأنهم ياكلوا التمر...


خلاص امشي أثورة وإستمتعي

لكن أكيد وتي روحك لما يردو الزيارة..

[dr.loly]

المشاركة الأصلية كتبت بواسطة sosolibya

ماشااااااااااااااااء الله صور رااااااااااائعة هذا كله في ليبيا والله سهفتووووووووووني في التمر وماشاء الله على هالحالصحن=تهن ماشاء الله لأنهم ياكلوا التمر...


خلاص امشي أثورة وإستمتعي

لكن أكيد وتي روحك لما يردو الزيارة..

اي حتى ننصحها تمشي
وما احلاها بعد ترتد الزياره...


نا بعد عزنا صاحب زوجي ف طرابــلس ايامات التأشيره قديش قتلها
ترد زياااره بعد نجووو..

حلوة الناس بعد اتجيك من بعيد انحبه الجو هذااا


وع فكرة حتى انا نحب جو العزايــم

وزمااان زوجي ماكانش يعزم الحق الا بعد قرا ايلس في حملي ب الاء بالسادس

كانت عزومه عالميه ل 11 رجل

وحبيت نطلع مهاراتي لين جت ع راسي ههههه

فرحااانه عاد..

وبعدها توالت العزايم ف بريطانيا لعند اول امس لدرجة اصبح الموضوع عندي اعتيادي جدا


زوجــي دايمه شايل هم العزااابه واجعينه حتى مرات ندير حاجه معجنات او حلو يقولي حطي منه ف حفاظه يشيل كل مره لحد قريب

ان شاء الله في ميزان حسناته.. هو وكل شخص عزمهم ديما

والحق ف ناس مسكره بابها ع موضوع هذا بكل خصيصا الناس لي توفــر..

[sosolibya]

فرووووووووووووسة أخذت صور التمر 2 منهم ونزلتهم في صفحة الطبخ تبعي عجبووووووووني

وتعالي جاي قوليلي كوشة منو هذه بالك تطلع كوشة عرسك انت