** ليبيا زين علي زين ليبيا ورد وياسمين ** تجمع الليبيات

[dr.loly]

وينكن يا بناااات معقوله مافش وحده طلت اليوم
،،،،،


اليوم فطمنا فروسي ع اللهايه



قصه له باته ... ويااارب يمشي الليله ع خير ياروحي مايعرف يرقد الا بهااا

[ام نرجوسه]

السلام عليكم كيف حالكم اليوم
اختي جوهرة ليبيا انا أم نرجوسة مش نوسة هههههه. وبالنسبة للقصقصة. ولا يهمك. انجاوبك انا مواليد 85 وزوجي مش قريبي
اختنا الdr.loly هوه صح في اﻷول الموضوع أخذ مني وقت طويل قضيته في التفكير والتحليل وفي. طرح تساؤلات. مضمونها ماذا لو ؟؟؟يعني. هذا قرار مش ساهل وخاصة إني عاشقة لي ليبيا من الدرجة اﻷولى وخاصة لطرابلس حبيبتي ولكن انا شخصية محبة للمغامرة ولخوض التجارب وزيادة فترة الخطوبة ما كانتش قصيرة يعني كانت كافية ان نتعرف على الشخص إلي رح نغامر معاه او حايكون رفيقي في هالمغامرة وﻹنه أنسان يعتمد عليه ويخاف الله هذا سهل عليه الموضوع أكتر واكتر وزيادة إني لماجيت هنا لقيت اسلوب الحياة الي كنت نتمناه ونتمنى حكومتنا أتطبقه في بلادنا ولما نستاحشوا في البلاد ننزلوا انا وزوجي او اماليا يجوني وبهذا الشكل قدرت نتأقلم مع وضعي الجديد

[أثري في مدادي]

السلام عليكم ورحمة الله وبركاته ،،،،،،،،،،،،،،،

كيف ليبياتنا الغاليات !!!!!!!!!!!!!!!!

عساكم بخير وعافية

ربي يكون في عونكم أم فروووووووسي علي فطمة اللهاية

[جوهرة ليبيا]

السلام عليكم ورحمه الله وبركاته

كيف حالكم اليوم حبيباتي

[جوهرة ليبيا]

المشاركة الأصلية كتبت بواسطة dr.loly

مرحبا جيجي .. صحة عشاااك

والله أفخاد الدجاج مافي احلى منهن هههه

عارفه زوجي يفضل الفخد ديما ف دجاج كامل فقعد يجيب فيهن ديما بروحهن لين مليت منهن ههه

مايحبش الصدر يقول ناشف فقعدت نقوله جيب صدور بروحهن ندير بهن ف بانــيه .. شاورما .. شيش طاووق ولا موالح دجاج

كيف حال رنوده وجماان .. وبديتي ف دروس او مازال؟

مرحبا وخيتي ام فروسي كيف حالك وحال العيله كلهم

صح افخاد الدجاج احلي حاجه خصوصا لما تقعد طريه هلبه ومتحمره من فوق يممممممم \\

حتي احني نشروا فيهم والصدور انقسم فيهم بين مثلا لنوع من الشربه بروحه وسكالوب بروحه ووووو

رنوده امهيجه اليوم في حوش جدها لعبت لين تعبت

وجمونه العسوله اليوم طعمتها وتعبت تعيط لاول مره تعيط بالطريقه هادي مسكينه

وبعد التطعيم امشيت قيلت في حوش بوي خشيت درتلها كمادات باهي ساعتين وسكتت رقدت

وتوا عندها شوي حراره درتلها زربوط باهي الحمد لله احسن


الدروس احتمال الاسبوع الجاي المدرسه عطلت صغارها تبي تقعد معاهم

والحق عادي آآآمتي مانبدا عادي المهم توا انراجع في قراني ولله الحمد

[جوهرة ليبيا]

ام نرجوسه كيف حالك

عزيزتي عارفه بس اختصرت لان اختي اسمها نرجس انادوا عليها نوسه وكيف كاتبي انقولك ادللي


وانا اختصار جيجي وdr.loly وهادي الغاليه ام فراس اختصار فروسه


وكل وحده نختصروا فيها وندلعوا في بعض هههههههه حفاظا علي اناملنا الرقيقه من كثر الكتيبه ههههههه

[جوهرة ليبيا]

اهلا اثري كيف حالك وحال جود االقمر وخوها عليوه العسل وبوهم

ونور بيتكم اميمتك وسلمتيلي عليها ؟؟

اثري سالتك مره علي حكم قياده المراه للسيارة ؟؟؟

[جوهرة ليبيا]

تعرفوا ليلتين مش راقده ممكن ساعه اوتنين مقطعات انحس نفسي خلاااااااص

ونوعي مانطمنش علي صغاري ابداااااا حتي بوهم والله مسكين يعيا ايقولي خشي ارقدي لكن نرقد وانوض مفزوعه

ان رقد وخلاها ههههه

[جوهرة ليبيا]

تصبحوا علي الف خير

[هدية الخالق]

السلام عليكم ورحمة الله وبركاته