حبيباتى سيدات ليبيا تفضلو لأعرف ما حالكم

[أم أجنادين 80]

حلوات الصور ام فروسي
خزنت بعضهم عندي
بنديرهم لتوقيعي

[أم أجنادين 80]

مدوا ايديكم طويسة شاهي مع امبطن حلوو

[أم أجنادين 80]

سوسو متحشمة منك علي طريقة بيتزا الابواق
نبي نصورهالك
مش ناسيتها

[أم أجنادين 80]

وهذه

كيكة المق

[dr.loly]

يحلي ايامك احلي جنووده

جوعتيني بهالليل هههههههههههه
بس شكله دسمه كيكة المق هذه ... هي نفس طريقه السفير؟؟ اللي في اكواب السيلفر؟؟



انا اندير فيها بكيكه ونشربها بسعسل او عصير يفضل مانجا ونخلطها مع زبيب ومكسرات
ومن فوق نزينها بعد مانحط عليها كريم شانتيه او شوكلاته بجوز الهند تهبل وكان كريم نحب انحط فواكه فرواله وكيوي واناناس وشة فستق منظرها فظيع يطلع نحط فيها ديما بكاسات الكريستال تبع الايس كريم طوال ومن فوق واااااسعات

[dr.loly]

وبعدك اصابع الشوكلاته والحلوة وامينمز اللي فوقها معرمات عندي هههههههههه ... شكلي بنصبي اندير لابوفراس خخخخخخ

[sosolibya]

صباح الخير

[أم أجنادين 80]

السلام عليكم

كيف كملت الحوسة خلاص من التعب
الكوجينة كلها قمتها وسيقتها ومسحت الثلاجة والمايولكا او السيراميك
ورديت كل شي

ودرت غداي دجاج بالكوشة فقط
بنوض اندير سلاطة وباخلة

[أم أجنادين 80]

والله مش عارفة شن اسمها يلي حكيتي عليه

اوووووووووه تعرفي اتفكرته السفير في كاسات كريستال
هدا ياحنة في فرحي جيت بنديره
عند صديقت العائلة ادير في حلو وحار وبنغازية تسكن في الزاوية
هيا قالتي اسمه السفير
وعلي اساس اتفقنا اتجيبلي الكاسات من بنغازي لما مشت لاهلها
بس مصارش منه لان الكيكة جتني هدية
بس فعلا انسانه ماشاء الله نظافة وعفافة وحاجتها اتهبل
وادير في تورتة ولا تورتة العالم ولا الركن الشرقي خفيفة

وديمة ناخد منها هيا بس

[dr.loly]

السلام عليكم ورحمة الله وبركاته