حبيباتى سيدات ليبيا تفضلو لأعرف ما حالكم

~~sosolibya~~ · 08-18-2013, 05:14 PM

طبعا هذا كله وغحنا بنشدوهم شدان الراجل يخاف ومايبيش بقعد لليل

طبعا نقدرو نقولولهم تعالو زى المرة الاتت غداء

بس تخيلو المرة الفاتت جو الظهر مش وقت حلو بكل ونبى نفضى بالحاجات المرة الفاتت نايضة من 6 نعاند والعصر تغدينا أكيد متذكرين

~~sosolibya~~ · 08-18-2013, 05:19 PM

جيجيى لا بأس عليكم كلكم

هدية فى سابع نومة

وأمولة وينك فاش لاهية

~~sosolibya~~ · 08-18-2013, 05:40 PM

ويييييييييييينكم

أثري في مدادي · 08-18-2013, 05:44 PM

مشيت حطيت صونية من طاجيني
كليتها
لأن العزيز الغالي اتصل وقال بنتأخر
وعصافير بطني يصيحواااااااااااااااااا
مش
يزقزقوا !!!!!!!!!!!!!

سوسو
قصدك بديري أرز ورشدة ؟؟؟؟ بنفس البصلة والمرقة صح ؟؟؟
علاش متخديش الرشدة الواتية وديري رشدة و خلاص
والرز واكلينه عندك قبل ؟؟؟

الجمعةحتى أني ما نفضلش نصيمها لكن هو أصر باش كمل بيها الست شوال
وأني قلت خلي نصيم مادامه صااااااااااااااايم
مشي ما صارش
لعله خيرااااااااااااااااا

جيجي
صحتين المكرونة اللي معرفتهاش ؟؟؟ تقصدي متاع البازيلياء والفلفل الحلو الملون ؟؟؟
عموما قوليلنا عليها بالله

وإن شاء الله لاباس
بالك بردة راسك ؟؟؟
وردي بالك علي ضغطك ؟؟
ولاباس علي أم زوزك الغالية ~~~~

سوسو
ماتكتريش هلبة حاجات
لأنك بديري من كل حاجة كمية كبيرة
ربي يعاونك وخلاص

أثري في مدادي · 08-18-2013, 05:51 PM

أرز الشاورما

مرقة رز بلاو بلحم الدجاج
يطهى فيها الرز كالعادة
المميــــــــــــــــــــــــــــــز هو
شرائح بصل كمية محترمة جدا
تقلى في زيت كمية نين تولي شقراء مايلة للعسلي """ خخخخخخخخخخ وصف شعراء """"""""""
ثم
يضاف إليها الدجاج بعد أن قطعتيه قطع صغير بعد النضج
وتضيفي إليه بهارات مركزة "" حبهان مرحي وزنجبيل مرحي وقرفة وإكليل مرحي ورشة فلفل أسود
والســــــــــــــــــــــــــــر نصف ملعقة صغيرة بن "" قهوة ""
هذا سر شاورمة المطاعم

وتخليهم يشكشكوا باهي علي نار هادئة
وتقلي بطاطس
وتخلطيها مع اللحم والبصل
وبعدين تخلطي الخليط كله بالأرز
وتحطي معاه البياضة وترشيها بالزيت
وتغميها
علي ما حمرتي لوزك المزلط
وبعد ما تحطي لكل حد في صونيته رشي الوجه باللوز والبقدونس الناعم
وصحتين وبالهنا
وطبعا :::::::::: الفلف المقلي حسب الرغبـــــــــــــــــــــــــــة
ويزين به أيضا

~~~~~~~~~~~~~~~~~~~~~~~~~~~~~~~~~~

dr.loly · 08-18-2013, 06:14 PM

السلام عليكم ورحمة الله وبركااته

dr.loly · 08-18-2013, 06:16 PM

اللله الله ع رز الشاورماااااا اللي قدامي...

في اللي بالحم غالبا يديروه فيه الاغلب توا ببنغازي شاورما لحم ع رز بس اللحم يصفي وينحط بروحه

وطبعا في شاورما دحاااج

الارز كيف تخلطيه يجي ههههههههه ... ونحن بالشرق شورنا عاد

dr.loly · 08-18-2013, 06:20 PM

درت غداي مكرونه امبوخه بالخلطه وسلطة خضروات وسلطة الجزر جايتني عليها هالايام ... يوميا

وطبعا زوجي نفس امس صاحبه يتغدي معاه...

وعندي طلعه وماعنديش نيه نطلع بجد بس قلت لزوجي يقوله وخلاص جايه اليوم عشان حسيت الدنيا كلها عدت ماعدا نا

هذا صاحبه من الزنتان زاد عليه اوليد من اسبوع او اكثر وهو من القروووب ...

شريناله هديه الجمعه وتشوكلت راقيه عليها كرعين بيبي بالازرق ... جو الانجليز هههههه ومكتوب عليها هو قاااادم ...ع البيبي يعني في الطريق جاي .. تي مش لقيت مول خاص بس بحاجات اللبيبي اللي ف بطن امه ههههه

بالونات والبومااات واطارات صوره وهو بطن امه تحطي فيه صورة السونار يعني
وحاجات لتزين البيت قبل مايجيك وطبعا باللونين البودري والسماوي
قالي زوجي قبل مانروحوا ناخدوهن وباللونين هههههه

dr.loly · 08-18-2013, 06:21 PM

اثري مسابقه ورده الساعه 8 بتوقيت السعوديه....
اي الساعه 7 مغرب بتوقيت ليبيا.......

dr.loly · 08-18-2013, 06:23 PM

ام نوزه ان شاء الله ربي يسهلك يارب اخر شهر بالحمل عتندي اصعب واطول شهر

التاسع كوم والشهور الاخري كوم
ف ربي يعينك وان شاء الله تجيبي طبيعي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM