ديوانية البحرين - دردشة حوامل البحرين - البحرينيات

[rose soul]

مثل ما قالت لج اختي فلونه لا تيأسين روحج
...
كل ما اكتب يتمحى تمللت
انا استخدم التلفون الحين
لاب توبي اخترب كله من ريلي

[فلونة]

ام عايشة// افا عليج احنا خواتج اهني ولا تخلين شي يكدر خاطرج
لا تكسرين خاطر اعيالج وان شاء الله بيجوفون اخوهم او اختهم وبيلعبون معاه ،، انا رجعت مرة ثانية علشان اقولج تاخذين حبوبج وكملي الابر الي حقج ،، ولكل مجتهد نصيب ,,,

وليش انتي ماخذة حجي الدكتور انه اكيد،، ترى فيه نسبة كبيرررة من الغلط

والله يسعدج بالخبر الي يسرج ،، انا متفائلة بالخير وانتي تفائلي علشان زوجج واعيالج وعلشان الي في بطنج ،،

[أم عائشة]

اختي روز الله يعطيج الف عافية يارب وسامحني غربلتج معاي

واختي فلونة فديتج ماقصرتي انتي وكل الاخوات اللي اهني خواتي ان شاءالله

ومثل ماقلتي موقايلة لاحد لحتى اتاكد ان شاءالله
وان شاءالله باجر بروح اخذ الابرة وتوني ماخذة الدافستون اشترالي ريلي علبة يديدة مسكين وباخذ بالاسباب ان شاءالله
وجعل الله وقفتكم معاي في ميزان حسناتكم يارب

ماقصرتوا خواتي
تصبحون على خير

[rose soul]

وانتي من اهله وان شاء الله نسمع منج يوم السبت اخبار حلوه^_^

[أحلام أم]

المشاركة الأصلية كتبت بواسطة أم عائشة

ماقصرتي اختي على كلامج الطيب وعلى اهتمامج
والحمدلله انا راضية بكل شي يكتبه رب العالمين لي
بس تدرين غصب عني والله من 10 سنين وانا احلم بهاليوم واليوم احس فرحتي ماتت
والله ماسافرت لاهلي هالسنة عشان اوفر فلوس العملية والحمدلله على كل حال
ماعندي احد اشكيله الا انتم امي وخواتي ببلد ثاني
واهل زوجي حليوين بس مااقدر اقولهم الخبر
زوجي كاسر خاطري ماقدرت افرحه بس الحمدلله عندي اثنين الله يخليهم لي
يمكن ربي موكاتب لي بهالدنيا الا هالولدين والحمدلله على نعمته

لاتنسوني من دعواتكم
ماادري شلون بخبر ولدي الصغير كل يوم قبل ليرقد كان يحب بطني ويقول تصبح على خير اخوي
حتى من فرحته يوم عرف اني حامل صار كل يوم يخش من مصروفه يقول عشان اذا اخوي يي اشتريله سيكل

الحمدلله على كل حال والله كريم

هلا حبيبتي أم عائشة
صلي على النبي حبيبتي وإستغفري الله لاتاخذين بكلام الدكتور ولاتتسرعين في الحكم على نفسك ،مثا ماقالو البنات دكتورة فهيمه شاطرة وخبرة في الأشعة والسونار يعني ليش تكذب عليش وويش مصلحتها تعوذي من إبليس وإقري قرأن حاسة فيش حبيبتي كلنا أهلش ياعمري والله مايضيع تعبش وبتفرحين وبيفرح أولادش وزوجش إنشاء الله ،وعشان نفسيتش مثل ماقلتين روحي عيدي السونار عند الدكتورة حبيبتي لأنه مايصير بس كيس يعني صار حمل إنتظري تصدقي وكثري قراءة القرأن وسورة ياسين وهدأي نفسش والله يفرحش
جارتي في الأسبوع السادس راحت السلمانية سوا ليها سونار مهبلي قالوا مافي كيس ولاجنين وصارت نفسيتها تحطيم وبعد إسبوع يعني الأسبوع السابع بين كيس صغير بالسونار المهبلي بس بدون نبض وبعد كم إسبوع الحمدللة بين لة نبض وهي ألحين تمشي على الأبر والتثبيت وربي يفرحها ويثبته ليها ولك حبيبتي
وسلامات

[فرح عمري]

صباح الخير

ام عائيشه ضايقتيني والله بالخبر


لكن والله من قرأت وانا ادعي لك وان شاء الله ربك ما يضيقها عليك وان شاء الله راح تنفرج

وتشوفين وتفرحين اللهم امين

واكيد ما راح نساش من الدعاء

[om khalil]

سلام خواتي جمعه مباركه للجميع ان شاءالله ولا تنسونا من الدعاء

طفلي حياتي
ماقدرت ادخل امس واصل وياي عوار الظهر والبطن والضغط بعد انخفض ورحت للسيلان الله لايردني له ان شاءالله.
عن موسدة السيارة اني من زمان عندي هي ست سنين اخذتها من رامز والحين ماشفت عندهم.. باصورها لش وايد مريحه.

شمس الصباح
اني باقول ليها اذا يعور مابي ههههههههه.. بس بالمره نتطمن انه الجنين نزل للحوض. وعن حركة بنوتتش عادي، اني كانت تتكور لي من صوب اضطر اني انبطح على الصوب الثاني حتى تنعدل هههههه
أوه نسيت كل عام وانتين بخير :) وماشاءالله الله لايغير عليكم ويبعد عنش عيون الحساد يارب وسلامتش ألف سلامه..

أحلام أم
ماتشوفين شر ان شاءالله روحي الحواج شوفي ويش يقول لش، ناس يستخدمون ماي الحلوه وناس الجح وناس ياكلون بقدونس وناس يشربون ماي من الصبح حتى 4 كاسات على الفال بس صعب ترى اذا منتي متعوده اني اشرب شربتين ثلاث بس وكان يدور راسي بس تالي تعودت عادي.
وفيه وصفه للدكتور عبدالباسط ملعقة عسل تذوبينها في كاس ماي تشربينه الصبح .
وماعليش شر ان شاءالله. اهم شي السوائل تزيدين اكثر من 10 اكواب باليوم .

بنت الأياويد
مبروك دخولش الثامن ماشاءالله الله يتمم لش على خير وعلينا جميع يارب

حنين الماضي
الله يسهله لش ويوفقش ان شاءالله

حبيبة حسوني
26 اسبوع و5 ايام تدشين السابع ان شاءالله

ام عايشة
لاحول ولا قوة الا بالله،، الله يطمنش ان شاءالله وايد زعلنا عليش بس كل شي بإيد الله ادعي بهاليوم الله يثبته لش ومايصيدش سوء يارب. ولاتنسين الصدقه تدفع البلاء ويارب نسمع اخبار طيبه منش ان شاءالله.

[حبيبة حسوني]

سلام بنات مشكورين على الرد
وام عائشه عورتين قلبي حبيبتي
والله دعيت ليش ان شاء الله خير
لاتضايقين روحش ماتدرين الله سبحانه وتعالى يمكن يختبرش
وماتدرين شنو خاش ليش اتفائلي بالخير وان شا الله تفرحين بالنونو:)

[أحلام أم]

المشاركة الأصلية كتبت بواسطة om khalil

سلام خواتي جمعه مباركه للجميع ان شاءالله ولا تنسونا من الدعاء



أحلام أم
ماتشوفين شر ان شاءالله روحي الحواج شوفي ويش يقول لش، ناس يستخدمون ماي الحلوه وناس الجح وناس ياكلون بقدونس وناس يشربون ماي من الصبح حتى 4 كاسات على الفال بس صعب ترى اذا منتي متعوده اني اشرب شربتين ثلاث بس وكان يدور راسي بس تالي تعودت عادي.
وفيه وصفه للدكتور عبدالباسط ملعقة عسل تذوبينها في كاس ماي تشربينه الصبح .
وماعليش شر ان شاءالله. اهم شي السوائل تزيدين اكثر من 10 اكواب باليوم .

الشر مايجيش خيوو وماعليش شر إنتين بعد،وجمعه مباركه على الكل وفيها الفرج يارب لكل المهمومين إنتين بعد لاتنسينا من الدعاء
مشكورة حبيبتي على النصيحة إنكان على الماي ماعندي غيره علاج وأشربه أكثر ماأكل أكل الله كريم وباجرب الماي والعسل والله كريم تسلمين خيوو وفي أمان الله

[نورالدنيا]

سلام عليكم

شخباركم كرووووشات

أم عائشة الله كريم وانا سمعت عن الدكتورة فهيمة وايد شاطرة

الله يثبت حملك ويتمم لك على خير