ديوانية البحرين - دردشة حوامل البحرين - البحرينيات

[أم عائشة]

السلام عليكم جميعا

شموسة كل عام وانتي للرحمن اقرب اختي وعقبال مانجوفج يدة يارب ويمج احفادج وماعليج من اللي راح قطي كل شي ورى ظهرج حبيبتي لاتفكرين باللي يزعجج استانسي اليوم وكشخي عليكم بالعافية يارب

احلام ام شسوي يختج هذي انا كل ماقلت بخليها على الله ييني الشسمه ويغربلني ههههههه حسبي الله عليه من شيطان

فلونة فديتج والله اليوم موعدي على 3 ونص
ان شاءالله من ايي بخبركم شصار
اما بيكون خبر مفرح او لاسمح الله
ادعيلي حبيتي

وروز اختي لاتستهينين بالحبوب لازم تشربينهم اذا موعشان صحتج عشان الحلوة اللي ببطنج الله يخليها لج وتفرحين فيها يارب

ام خليل مالها حس اليوم وحشتنا سوالفها

الا بسالكم خوواتي ضرسي يعورني وايد يصير اروح احشيه وانا توني بالاشهر الاولى

[فرح عمري]

شخباركم كروشات

عساكم بخير وصحه يارب

عيد ميلاد سعيد يارب و لا تفكرين بالي راح خليك بالجاي وان شاء الله اكيد بكون احلى

الله يوفقك ويوفقنا كلنا يارب

[أحلام أم]

المشاركة الأصلية كتبت بواسطة أم عائشة

السلام عليكم جميع

الا بسالكم خوواتي ضرسي يعورني وايد يصير اروح احشيه وانا توني بالاشهر الاولى

يارب تطمنين على التوائم وتبشرينا حبيبتي ،إسألي دكتورش عن تحشي الضرس وهو أخبر منا ومنش وسلامات حبيبتي

[أم عائشة]

السلام عليكم
توني رادة من عند الطبيب

ونفسيتي زفتتتتتتتتتتتتتتتتت
والله نشفت دموعي من كثر ماصحت

تصدقون كشف علي الدكتور وكان سونار مهبلي لانه تكرمون المثانة كانت فاضية وقالي انه الكيس موجود بس ماجاف فيه جنين ولا حتى سمع نبض

قلت له شلون دكتور انا مسوية قبل اسبوع سونار عند فهيمة المطوع وسمعتني نبضه باذوني وقالت لي فيه كيس ثاني والكيس الثاني ماتدرياذا فيه نبض لو لا

قالي لا اهي غلطانة يمكن النبض اللي سمعتج اياه كان نبضج مو نبض البيبي

وانا كلش انهرت وصادني هبوط والله من كلامه
والحين عطاني موعد للخميس الياي قالي اذا ماسمعنا النبض معناه خلاص لازم تنظيف
والله موعارفة شنو اسوي حتى كان عندي ابرة اليوم ماخذيتها وقطيت كل حبوب التثبيت اللي كنت اخذها

زوجي عصب علي وقالي خلاص اذا مافي حمل يعني بذبحين عمرج
غصب عني والله موبيدي دموعي ماقاعدة توقف

انا من رديت البيت سيدة اتصلت على فهيمة وقلت لها اللي قالي الطبيب قالت لي لا انا متاكدة اني سمعت نبض الياهل مونبضج انتي
ومتاكدة اني شفت كيسين موكيس واحد

شسوي محتارة؟؟؟
وزوجي كسر خاطري حسيته متالم بس مايبي يتكلم عشاني

[الفتاة الذهبية]

ام عائشة لا تزعلين نفسج
فهيمة دكتورة شاطرة
بس روحي عيدي عندها السونار وجوفي
يمكن الدكتور غلطان

الله يتمم لج على خير يارب

[فلونة]

ام عايشة // تفائلي بالخيرر ،، وبعدين الدكتور نفسه مو متأكد يقولج تعالي الخميس علشان الخبر الاكيد ،، ولا تسبقين على حكمة ربج
قل لن يصيبنا الا ما كتب الله لنا ,, تدري حماتي كانت حامل بتوأم وما جافو الكيسين الا في الشهر السادس واكا يابتهم وبيكملون السنة والنص


انا غطيت عقب الغدى شوي وفزيت من النوم بسرعة علشان اتطمن عليج ولا تعورين قلبج ،، ترى النفسية وايد تأثر على البيبي ،، وتفائلي وان شاء الله بتسمعين الخبر الي يسرج ،، خلي املج بالله قوي والدكتور ترى بشر والبشر تغلط ،، يعني كلامه في احتمال كبير انه غلط وانتي فكري في هالجانب لا تفكرين في الجانب السلبي ،، وما راح ننساج من الدعاء


وبالنسبة حق النبض انا ما سمعته بوضوح الا بداية الخامس ،،

والله يثبت حملج ويعطيج على قد نيتج ،، والليلة الجمعة والدعاء مستجاب اذا الله اراد ،،

والله يثبت حمل كل المؤمنات ويكتب لهم الذرية الصالحة بصحة وعافية

[أم عائشة]

المشاركة الأصلية كتبت بواسطة الفتاة الذهبية

ام عائشة لا تزعلين نفسج
فهيمة دكتورة شاطرة
بس روحي عيدي عندها السونار وجوفي
يمكن الدكتور غلطان

الله يتمم لج على خير يارب

الحمدلله على كل حال
راح اروح عندها السبت الياي ان شاءالله
ماقصرتي اختي ربي يتمم حملج على خير يارب وتفرحين بالبيبي واهو بكامل صحته وعافيته

[rose soul]

ام عايشه..ترا دكتوره فهيمه وايد شاطره واجهزتها متطوره
ومتأكده ان الدكتور غلطان ميه بالميه..لأن انتي بالاشهر الاولى و ماقدر يسمع صوت النبض
انا اقول تأكدي ولاتستعيلين
روحي جيكي مره ثانيه]

[أم عائشة]

المشاركة الأصلية كتبت بواسطة فلونة

ام عايشة // تفائلي بالخيرر ،، وبعدين الدكتور نفسه مو متأكد يقولج تعالي الخميس علشان الخبر الاكيد ،، ولا تسبقين على حكمة ربج
قل لن يصيبنا الا ما كتب الله لنا ,, تدري حماتي كانت حامل بتوأم وما جافو الكيسين الا في الشهر السادس واكا يابتهم وبيكملون السنة والنص


انا غطيت عقب الغدى شوي وفزيت من النوم بسرعة علشان اتطمن عليج ولا تعورين قلبج ،، ترى النفسية وايد تأثر على البيبي ،، وتفائلي وان شاء الله بتسمعين الخبر الي يسرج ،، خلي املج بالله قوي والدكتور ترى بشر والبشر تغلط ،، يعني كلامه في احتمال كبير انه غلط وانتي فكري في هالجانب لا تفكرين في الجانب السلبي ،، وما راح ننساج من الدعاء


وبالنسبة حق النبض انا ما سمعته بوضوح الا بداية الخامس ،،

والله يثبت حملج ويعطيج على قد نيتج ،، والليلة الجمعة والدعاء مستجاب اذا الله اراد ،،

والله يثبت حمل كل المؤمنات ويكتب لهم الذرية الصالحة بصحة وعافية

ماقصرتي اختي على كلامج الطيب وعلى اهتمامج
والحمدلله انا راضية بكل شي يكتبه رب العالمين لي
بس تدرين غصب عني والله من 10 سنين وانا احلم بهاليوم واليوم احس فرحتي ماتت
والله ماسافرت لاهلي هالسنة عشان اوفر فلوس العملية والحمدلله على كل حال
ماعندي احد اشكيله الا انتم امي وخواتي ببلد ثاني
واهل زوجي حليوين بس مااقدر اقولهم الخبر
زوجي كاسر خاطري ماقدرت افرحه بس الحمدلله عندي اثنين الله يخليهم لي
يمكن ربي موكاتب لي بهالدنيا الا هالولدين والحمدلله على نعمته

لاتنسوني من دعواتكم
ماادري شلون بخبر ولدي الصغير كل يوم قبل ليرقد كان يحب بطني ويقول تصبح على خير اخوي
حتى من فرحته يوم عرف اني حامل صار كل يوم يخش من مصروفه يقول عشان اذا اخوي يي اشتريله سيكل

الحمدلله على كل حال والله كريم

[أم عائشة]

المشاركة الأصلية كتبت بواسطة rose soul

ام عايشه..ترا دكتوره فهيمه وايد شاطره واجهزتها متطوره
ومتأكده ان الدكتور غلطان ميه بالميه..لأن انتي بالاشهر الاولى و ماقدر يسمع صوت النبض
انا اقول تأكدي ولاتستعيلين
روحي جيكي مره ثانيه]

الله يسمع منج يارب
بس انا اللي مخوفني انه انا بالاسبوع السابع واهو سوالي سونار مهبلي يعني حتى لوجهازه مومتطور السونار المهبلي يبين النبض فيه من الخامس هاللون سمعت
واهو يقول حتى نطفة داخل الكيس مافي

اناا قلت بروحلها يوم السبت وبتاكد واذا قالت لي نفس كلام الطبيب خلاص قدر الله وماشاءفعل
والحمدلله على كل حال
والله يتمم حملج ياخير يارب وتفرحين ببنوتج اللهم اااااااااااااامين
جزاج ربي كل خير