دردشة حوامل مصر - دردشة بنات مصر - تجمع حوامل مصر

[Om Rodina]

لو لو حبيبتى اخبارك ايه وربنا يعافيكى يارب من المغص
دينا ازيك ياحبيبتى عاملة ايه واخبارك ايه

[*رحمه*]

توته ازيك و ازي نونو عامله ايه
حمد الله على سلامتك و صلتي بالسلامه الحمد لله
و كل سنه و انتي طيبة يا جميل على عيد جوازك

[ام انس المصريه]

ازيكم ياقمرات مصر مش كرومبات انا اختكم شيماء من مصر حامل فى الشهر الرابع

حقن مجهرى ادعولى ربنا يكمل لى ويتم حملى على خير انا وكل محرومه

[*رحمه*]

ازيك يا ام رودي عامله ايه ، و رودي عامل ايه ؟؟؟

[*رحمه*]

ام انس حبيبة قلبي و زميلتي في تأخير الحمل ، ربنا يتمم حملك بخير يا حبيبتي و يقومك بالسلامة ان شاء الله

[Om Rodina]

الحمد لله بخير يا دينا ياحبيبتى ماشى الحال
رودى بخير الحمد لله وبتسلم علي خالتها كتير بس مش بتبطل بكاء بسبب المغص اللى بيجيلها ده

[*رحمه*]

يا حبيبة قلبي ، طيب ليه مش بتديها ماء غريب اسمع انه كويس للمغص و خصوصا المستورد مش المصري لان المصري مش حلو

[Om Rodina]

والله يادينا لما روحت للدكتور قالى ده طبيعى ومعاكى لغاية التلات شهور الاولى واعطاها مكمل غذائى عبارة عن اعشاب الكراويه واليانسون ولما سالته على انى اعطيها رضعة اعشاب زى ماء غريب اوبيبى كالم او اكوا فيرا
قالى لا مش دلوقتى لانه بيبقى ضعب على معدة البيبى فى الشهور الاولى له ربنا يهون عليها يارب ويخففه عنها
ربنا يارب يفرح قلبك ياحبيبتى ويرزقك بالذرية الصالحة اللى تقر عينك

[*رحمه*]

اللهم امين يا ام يا روودي و ربنا يطمنك عليها يا حبيبتي و ان شاء الله ترتاح على المكمل الغذائي
و انتي صحتك عاملة ايه دلوقتي بقيتي احسن

[أم إياد]

السلام عليكم

ازيكم يابنات .. اخباركم ايه وحشتوني كتير..

توتة اخبارك ايه وازي نور .. توصلوا بالسلامة لزوجك ان شاء الله؟

ام رودي اخبار صحتك ورودي ايه؟
حمد الله على سلامتك

ادعولي يابنات تعبانة اوي والله .. عندي اعراض غريبة زي الطلق كده اللي جربته في الولادة بس اخف ..

والدكتور بيقوللي عاااادي وكاتبلي بس على فيسيرالجين لبوس مسكن

انا تعبانة وقلقانة اوي خصوصا ماحصليش زي كده الحمل اللي فات..

ياريت لولو تدخل دلوقتي تطمنني لانها تقريبا قالت ان حصل لها حاجة زي كده تقريبا طلق مبكر قبل كده ..

انا هاقفل دلوقتي لاني تعبانة اوي مش قادرة اقعد.. وادعوووولي