طريقة عمل البيتزا بالمصري

*رحمه* · 06-10-2010, 02:37 AM

السلام عليكم يارب تكونوا بخير
انا جبتلكم طريقة البيتزا بس حلوة قوي عاملة زي الجاهزة

مقادير العجينة (تكفي 4 صواني متوسطه)
1 كيلو دقيق ( تقريبا 4 كوب كبيرة )
1\2 كيلو مياه ( تقريبا 2 كوب كبيرة )
معلقتين كبيرة خميرة جافة
نصف كوب زيت (لو بتعملي ريجيم خليها زيت زيتون)
علبة زبادي (لو بتعملي دايت خليها زبادي خالي الدسم )
معلقة صغيرة سكر
شوية ملح صغيرين
(ملحوظة لو عايزاها بيتزا ايطالي يعني مش هشة ، لا تضعي الزبادي على العجينة)

الحشو
صلصة ( في صلصة مخصوص للبيتزا أو صلصة عادية)
سوسيس مقطع أو لحمة مفرومة معصجة أو خليط من الجبن أو تونة أو خضروات مقطعة (حسب الرغبة)
زيتون مقطع
جبنة شيدرمبشورة
مشروم (حسب الرغبة)

الطريقة
1 -ضعي المقادير (دقيق-خميرة - زيت - ملح - سكر - زبادي ) و اخلطيهم مع بعض
2- نضع الماء شوية شوية الى ان تتماسك العجينة
3- نترك العجينة نصف ساعة تخمر
4- ادهني الصينية زيت و افردي العجينة و ضعيها بالصينية
5- ضعي الصلصة على وش العجينة
6- ضعي الحشوة اللي انتي عايزاها
7- ضعي الزيتون المقطع و المشروم
8- ثم آخر حاجة الجبنة الشيدر المبشورة على الوجه
9- شغلي الفرن على درجة حرارة 220 درجة و سيبيه يسخن شوية
10- بعدين ضعي الصينية بالفرن لمدة 10 دقائق و هتلقيها استوت بس قبل متخرجيها شيلي حرفها اتاكدي ان العجينة استوت

ممكن تقدمي معاها سلطة بطاطس بالمايونيز و كاتشاب و بطاطس محمرة
و ألف هننننننننننننننننننننننننننا عليكم