محيط راس ولدي

[أم حمودي وعبودي]

أهلين بنات

أمس كان عندنا موعد وولدي عمره 3 أشهر و 3 أسابيع
المهم كان محيط راس ولدي 38 ونص والدكتور يقول المفروض يكون 40
مع العلم إن ولدي توأم مولود في الإسبوع 36 وكان محيط راسه وقت الولادة 31 ووزنه كيلوين و 400
يعني الولد أصلاً كان حجمه صغير وما قالوا لي ان عنده مشكله

وفي الشهر الأول من الولادة كان عندنا موعد عند نفس هذا الدكتور وقال أن محيط الراس 35 والمفروض يكون 37 وطلب منا نعمل أشعة اكس بس أنا رفضت عشانها خطرة وقررت أشوف دكتور ثاني خصوصاً أن عندنا موعد للتطعيم في المركز الصحي وأخذت الممرضة قياساته وقالت الدكتورة محيط الراس طبيعي

ولما صار عمره شهرين واسبوعين تقريباً كان عندنا موعد بس صار عند دكتور ثاني وقال الدكتور ان محيط الراس في المستوى الطبيعي لكن في الحد الأدنى وما يحتاج للأشعة لأن الرأس ينمو بمعدل طبيعي

طبعا ارتحت من كلام الدكتورة والدكتور الثاني بس هذا الدكتور رجع يخوفني
والحمد لله ولدي يتطور بشكل طبيعي يتقلب ويمسك الأشياء ويناغي ويضحك حتى الي يشوفه يقول راسه طبيعي بالنسبة لجسمه بس هذاك الدكتور مصر إن راس الولد صغير

[حياتي توأمي]

ام حمودي

ماعليج منه هالدكتور فيه اطباء استغفر الله يسوون لج فيلم رعب

طنشيه بما انج تطمنتي من دكاتره غيره وبعدين بنفسج قلتي ماشاء الله الطفل حجمه طبيعي ومعدل النمو طبيعي وتقدري تقارني هالشيء بالنظر يعني مستوى الراس مع جسمه لاتخافي وتوسوسي

الله يبعد عنهم كل شر ويحفظهم لج يارب

[بحــ العيون ــــــــر]

لا تقلقين ان شاااء الله ماافيه الا العافيه

والله يخليه لكي ويحميه

[smile girl]

لا تقلقين غلاتي اكو دكاترة يسون من الحبة كبة
وربي يطمنج عنة

[أم حمودي وعبودي]

أحاول أطنشه بس خايفه يكون كلامه صحيح
وحتى لو كان كلامة صحيح شو نقدر نسوي ؟؟؟

[υм вtℓαα]

ماعتقد يكون فيه شي لاسمح الله
بس رأس الطفل يادوب يعني يكبر شي بسيط والبعض نموه كذا
لوتشوفين ولد اخوي عمره سنتين رأس مره صغير بعكس حجمه
تقولين رأس عمره 5 شهور لأنه طالع ع أبوه كثير بس لاكبروا ماشاءالله رؤسهم كبار بسم الله عليهم ربي يحفظهم

انتي بعد غيري وضعية رأس طفلك مره يمين ومره شمال ومره سيده
وان شاء الله مافيه إلا العافيهوالله يخليه لك

[أم حمودي وعبودي]

إن شاء الله ولدي طبيعي مثل ولد أخوج يا أم بتلاء
تخيلي الدكتور كان بيعمل أشعة اكس لولد في الشهر الأول وتدرون هذه الأشعة خطرة
كان يبغى يتأكد أن الفراغات بين العظام لازالت مفتوحة وأصلاً واضح أنها مفتوحة باللمس

[υм вtℓαα]

أم حسين خيتي
وشلون الفراغات قصدك بمكان اليافوخ بالوسط يعني
اذا اليافوخ في فراغات مرات يكون الطفل مسقط يعني عظيم ويصير نازل مره تحسين بخفسه
ومرات الطفل لاكان بوضعيه وحده يمكن تنخفس جهه عن جهه أو يصير كأنه مطول أو مدور


اي الأشعة خطره ومافي شي يشكك ابدا بس هالدكاتره يعلمون الشي هذا كبره ومن الحبه قبه وطبيعي كمان لأنه صغير والفرق مره بسيط

يعني إلا يجي دماغه هذا كبره والا فيه شي

شوفي الصح لارحتي تطعمينه يقولون لك كم المحيط لأنه قياستهم دقيقه

[أم حمودي وعبودي]

هلا ام بتلاء

راسه فيه انخفاض بسيط في اليافوخ بس أمس جدتي كانت عندنا وما علقت على الموضوع مع إنها خبره
وصاير راسه طويل من الخلف يمكن وراثة من أهل زوجي حتى عمته أتذكر انها قالت / الله يسلم امي ضغطت على راسي وهي تولد وصار طويل
مع ان ولدي مولود ولادة قيصرية وكان راسه كذا من الولادة يعني مو بسبب النوم
أنا لما قست محيط راسه كان 39 والدكتور كان يقول 38 ولما طلبت إعادة القياس قال 38 ونص يعني ناقص بس 1 سم وأتوقع لأنه مولود في بداية التاسع وطبعاً لازم يكون في فرق بين البيبي المولود في بداية الشهر والمولود الي أخذ الشهر كامل بس هذا الدكتور يبي له ضرب على راسه عشان يحسبها صح

[ρυяỉтч •]

حبيبتي م ضرك لو سويتي اشعه لراس طفلك وتطمنتني
مو صحيح انها خطره الاشعه مافيها شي ولا بتضره بالعكس بتفيده لو كان لاسمح الله فيه شي
الافضل الوحده تسمع كلام الدكتور ولا تتهاون بصحه طفلها وبتستفيدين ماراح يضرك بشي
الفراغات بالراس اعتقد يقصد الاستسقاء وتحصل واحيانا م يتم اكتشافها عند الولاده نهائيا
واحيانا حجم راس الطفل وراثي يعني يكون بالعيله حجم الجمجمه كبير او صغير فيكون وراثي بحت بدون مشاكل
انا ولدي راسه كبير بس كان وراثي موجود عندنا ذا الشي ف العيله
ارجعي لدكتور الطفل وسوي اشعه عادي وسوي اشعه مقطعيه وتطمني ع طفلك وان شاءالله يكون طيب وبخير