دكتوره كويسه تولد باالاطباء المتحدون

[memo♡]

السلام عليكم انا مشتركه جديده ع المنتدى بس احب ادخله واشوف المشاركات ؛ لانه حامل ومواضيعكم مره مفيده ؛ طبعا انا اعتبر مغتربه بجده صح معايا اهل بس مااحد بيغنيني عن امي وابوي واخواتي ؛ ذا اول حمل لي ومشكلتي بعد شهر من زواجي حملت والان في الشهر الثامن لي ونفسييييتي مره تعبانه زوجي شغله دوامين وواصل برا ؛ هوا كويس معايا بس كثير الزعل ومره حساس ، مو مقدر انا اللي محتاجه مين يخفف عني وباالذات مررره تعبت من الحمل وكمان بغربه ؛ وكمان ساكنه مه امه وابوه وهما كبار باالسن ، يعني محتاجين من يشيلهم ويعتني فيهم ؛ وفوق كذا لااطلع ولاشي ، قصيت حكايتي وانا سؤالي هوا مين تعرف دكتوره كويسه باالاطباء المتحدون تولد ، تحمست وربي ماادري احس محتاجه احد ادردش معاه ويفيدني !مشكلتي مااتابع مع دكتوره وحده لانه اكثرهم يتعذرو لي انهم يستدعو لهم بس اولد عشان تولدني ..؟!!!!

[بحــ العيون ــــــــر]

انا كمان في جدة وفي الأطباء المتحدون عند الدكتورة سهى العطار والله كمتابعة جيدة جدا بس مااعرف شي عن الولادة لحد الان ولا حتى اشطر دكتورة تاركتها على الله والله يوفقكن ياحلوات

[بحــ العيون ــــــــر]

انا بتابع مع دكتورة سحر في السعودي الالماني كويسه جدا ماشاء الله و في دكتورة اماني و دكتورة عفاف ف نفس المستشفى بس انا شخصيا اتابع مع سحر .

[بحــ العيون ــــــــر]

انا كمان في الاطباء المتحدون وحاليه ٣٢اسبوع عند دكتور انس مرزوقي لاني مجربته قبل كده في بنتي ممتاز ماشاء الله بس غرف ما اعرف ايش نظامهم انا عندي تأمين وحابه اخد سويت بس ما اعرف كم هيزيد
الله يكتبلنا ساعه سهله

[بحــ العيون ــــــــر]

حولد في فقيه عند الدكتوره سحر ميلودي

حبيبتي انا ابغى اولد عند سحر ملودي بس كيف نظام المراجعة لان يقولو م فيه حجز مواعيد ومتى دوامها لان انا في مكة بليز ساعديني



لا تشيلي هم .. الدكتوره سحر ممتازه وقد سبق وولدت على يدها مرتين وان شاء الله هذي المره الثالثه

[بحــ العيون ــــــــر]

اراء البنات ممكن تفيدك ربي يسهل عليك ياالغلا

[lala1]

حبيبتي اطمني الولادة سهاله من الله

انا ولدت من 7 شهور في الاطباء المتحدون كنت اراجع عند دكتوره فاطمه نمر
وهي ممتازه بس دايم زحمه

وللاسف نظام المتحدون اذا تواجدت الدكتوره في دوامها وقت ولادتك

تولدك

واذا كانت غير متواجده اي دكتوره مناوبه تولدك


وانا نصيبي كان انوا دكتوره مناوبه تولدني
بس للامانه المستشفى ممتاز بالنسبه ليا
كأول ولاده.

الله يسهل لكل الحوامل وييسر اموركم.


اذا حابه اي شي تستفسري ع الخاص انا حاضره.

[روووح غاليهااا]

انا بتابع عندهم عند دكتورة هبة يونس الحين انا بالثامن ودخلت قبل عند كذا دكتورة منهم هبة فياد وامال صفوت بس ماارتحت وان شاءالله تكون هبة يونس كويسه

طبعا مدحتها لي قريبتي وبعد مايأست خلاص سلمت امري لله
طبعا ده حملي الثالث الاول والثاني ولدت بالمركز الطبي كنت اراجع عند سوسن عبد الدايم وولدت على يد دكتورة هبة عبد الجواد والثانيه على يد دكتورة يسرا ماشاءالله الاثنين ولادتي كانت الحمدلله تساهيل وكل شي كان اوكي وبسبب التأمين للاسف مابقدر اولد في نفس المستشفى بس الحمدلله الاغلبيه طمنوني عن الولاده في الاطباء ويارب تسهلها علينا ويعطينا ساعه طيبة