ولدت بالسلامه الحمدلله وشرفت احلا اميمه

[سنه اولى امومه]

مرحبا كروشات اشتقت للكرشه تصدقواااا😂😂امزح امزح أن شاءالله اعيد التجربه بعد 3 سنوات الحمدلله تاريخ 5/11شرفت أميرتي الصغيره اميمه الله يحفظها ويبارك لي فيها ويبارك في خواتها هذي ولادتي الثالثه قبل كان عندي بنتين وهاي الثالثه..... ابدا قصة ولادتي باميرتي هذا الحمل كنت اتمنى يكون ولد وكل ماكنت امشي المستشفي كانت الدكتوره تقولي مب واظح نوع الجنين لين خلاص قلت مابي اعرف اخليها مفاجئة بس كان كل علامات الحمل تقول ولد ووحامي كان غير عن حملي الأول هذا كان كله ع المالح والاكل الحار المهم وصلت ع التاسع ثقل وتعب مب طبيعي لدرجة والله أبكي وكان خاطري أولد من اول يوم بالتاسع من كثر ما مليت وتعبت عدي اسبوعين التاسع ومافي اي بوادر ولاده ابدا لا الرحم فاتح ولا ف ألم ولا في شي طبعا انا لا فكرت في الجماع ولا المشي ولا كنت اقدر اسوي شي من التعب والثقل بس قبل ولادتي بيوم بعد الغدا جاتني عزيمه ودعيت ربي انه مايجي الصبح الا اكون والده رحت اتمشى لمده ساعه بعد الغدا وعملت تمرين رياضيه حصلتهم ف النت تساعد على فتح الرحم وكذا يعني بعد صلاة المغرب ولمده نص ساعه جلست اعمل التمارين وكل هذا حاطه ف بالي ولاده باكر وطبعا لين هذا الوقت ما في بوادر ولاده وكنت معزمه انام مع زوجي بالليل يعني عملت كل شي ف يوم وحده بس ماصار بينا شي انا وزوجي هذيك الليل يعني اخترب الجدول😉المهم شربت الحليب ونمت وسبحان الله س 3 بالليل اشتغل الطلق عندي ألم يجي ويروح بس ع خفيف بس كان يزيد وتتقارب المده الساعه 5 الصبح خلاص ماقدرت قمت صليت الصبح وجلست مع زوجي مع الألم يجي ويروح بس بقوة وفتره متقاربه 5 ونص قلت لزوجي خلاص مب قادره أبا اروح المستشفي ورحنا مرينا ع امي الله يحفظها ورحنا مع الألم كل خمس او اقل من خمس دقايق ولا يحتمل وصلنا المستشفي انا خلاص مب قادره من الألم بدلت ولبست لبس المستشفي وجات السستر تفحص كان تقول فاتح 2 س😠بس تقول لي انتي بعد مافي ولاده شلون مافي ولاده وانا شسوي مع الألم تقولي جلسي لين يفتح الرحم زياده طيب لين متى انا تعبانه ولا عطتني شي وامي كانت تقولي ماعليك منها طالما فيه ألم ورا بعض ماتاخذي وقت ان شاء الله كان هذا س 6 ونص صبح وس 7صبح والحمدلله الحمدلله شرفت بنتي حبيبتي اميمه تفاجئت اول شي لمن قالت لي بنت بس بعدين حمدت الله ع عطاياه والسلامه لي وبنوتي ما في احلا من البنات والله يرزقني الولد الصالح أن شاءالله ....

[بحــ العيون ــــــــر]

الف الف مبررروك الله يحفظها لكي
والحمدلله على سلامتكم
وتتربى بعزكم يااارب

[υм вtℓαα]

الف الف مبرؤؤؤؤؤؤؤك
الحمدالله على سلامتكم
تتربى بعزكم البنوته
والله يحفظهن لك ويخليهن يارب وتشوفينهن احلى عرايس
ويرزقك بالولد الصالح يارب

[NoNa roze]

الف الف مبرووووووووك المولودة السعيدة
وحمداااا لله على سلامتك
تتربى فى عزكم يااااارب

[ر ي م]

مبروووووووووووووووووووووووووووك
الله يحفظها ويخليها لكم

عقبال الجميع يارب

[jojo 123456]

الف مبرووووووووووك تتربى في عزكم

[تمنيتك بأحلامي]

الحمد لله على سلامتك وسلامة البنوتة
والف مبروووك تتربى بعزكم ودلالكم

تصدقين حتى انا اشتقت للكرشة خخخخخ
مرات يتخيل لي ان شي يتحرك ببطني ><
ان شاء الله سنة او سنتين بالكثير واحاول احمل باذن الله

[حياتي توأمي]

الف الف مبروووووك

ربي يحفظها لك وتتربى بعزكم

[نااانا]

ياقلبي على البنات والله حلوين الحمد لله على سلامتك

[Um sara1]

ماشاء الله تبارك الرحمن
الف مبروك وتتربى بعزكم
الله ينبتها نبات حسن هي واخواتها ويرزقك بالي تتمنين