تجربتي الناجحة الحمدلله مع أهل زوجي

[jojo 123456]

السلاام عليكم ورحمة الله صبااايا كل عاام وانتم بألف خير ياااااااااارب


اليوم حبيت أشاركن بتجربتي النااجحة مع أهل زوجي

أولاا اسرة زوجي كبيرة تتكون م 6 شبااب و5 بنات و أغلبهن كبار بالعمر متزوجين وعندهن أولاد من سني وترتيب زوجي قبل الاخير يعني أصغرهم سناا

رغم ان أنا وزجي صغار بالسن الا ان الكل يقدرنا بأسرته وياخدو رأينا بكل شي والسر

*1 من أول يوم عرفتهن حاولت أتأقلم مع أطباعهن ما عزلت نفسي عنهن لانهن صارو جزء مهم من حياتي الجديدة التعاااش السلمي صار ضروري نصيحة ادا أعلنت الحرب وحاولتي تسرقي زوجك من أهله فأنتي خسرانة وبميزة جيد جدا لانه وقت يحسو أنك بدك تبعديه عنهن رح يحاربوك وأكيد انتي الخسرانة

*2 بزورهن مرة بالاسبوع حتى لو زوجي قالي ما بدي روح بضل زن عليه اخد معي حلويات او كعك مرات بروح بأيدي فااااضية هههههه

*3 رفع التكلف بيني وبين أهل زوجي بحكي عاادي واضحك وأمزح مثل ما أعمل مع أخواتي ما في رسميات الرسمية تقتل العلاااقات الأسرية وتعمل حواجز صعب تكسيرها

*4 المكالمات الهاتفية دااائما أسأل عن أخوات زوجي وعن أحوالهن

*5 لا توفتي أي مناسبة تخص أهل زوجك سواء سعيدة أو حزينة لازم توقفي حدهن

*6 الهدية تقرب القلوب في المناسبات والاعياد بجيب لحماتي هدية حتى لو بسيطة

*7 تقديم الخدمات مثلا بنت اخت زوجي بدها تشتغل بطلب من أحد معارفي أو معاارف اهلي يدخل او أي خدمة بقدر أتوسط أو سااعد في مختلف المجالات هون والله بيقدرو الجميل وبيلجأو لطلب المسااعدة

*8 دعوة ع الغداء او العشااء حتى لو مرة في شهرين بجمعهن كلهن ماشاء الله بأزواجهن وزوجاتهن والاطفال ههههههههههه صاير مركز تسوق

*9 اي شي ما أحاتجه بالبيت جهاز او غرض يكون لس نظيف ومرتب بقول لاحدى أخوات زوجي تاخده والله بتفرح فيه

*10 زوجي أبدا ما قلو لا تعطي أمك ماصاري ولا أديش عطيتها ولا ولا.... وادا بده يساعد حدا من أهله ما أدخل حتى لو ما راقتني الفكرة

*11 ادا زوجي حب يعزم أهله ما أعراض حتى لو كنا لس عازمينهن وأنصح كل وحدة لا تعترض

والنتيجة أهل زوجي يحبوني ويقدوني ويستشيروني بأمورهن ويعاملوني كأني واحدة منهن وقت يصير خلاف بيني وبين زوجي تلاقي الكل واقف بصفي رجالا ونساء

والله يا صبااايا حبي أهل زوجك يحبوك ويعشقوك كمان مو داايما الحق ع الحماة واخوات الزوج الحق ع الكنة لي جااية ونيتها سيئه وناوية ع الحرب
بنبهك مستتتتتتتتتتتتتتتحيييييييييييل تقدري تاخدي زوجك من أهله حتى لو حاربتي عمرك كله صحيح انتي صرتي جزء بس أبداا ما رح تصري الكل

ورح تقضي عمرك في صرااع تاريخي وهمي أخدتيه من صراع أمك مع جدتك ومن صراع أمك مع زوجة أخوك


جوجو

[عبير الصيف]

طرح مميز
الله يهدي سرك يالغلا
فعلا نصائح مهمة سلمت يمناك

[jojo 123456]

أميييييييييييييييييييييييييين نورتي عبير أسعدني مرورك يا الغلاا

[ام ضحى الحلوة]

موضوع رائع
وانا عايشه معاهم 24 ساعه على 24 ساعه

[رونـــق!!]

..

وعليكم السلام ورحمة الله وبركاته ,,

ماشاء الله

نصائح ممتاازة وكلام سليم

ربي يجزاك خير ويسعد أيامك..

[υм вtℓαα]

وعليكم السلام ورحمة الله وبركاته
ماشاء الله ربي يخليكم لبعض ويهدي سركم
نصائح رائعه

[jojo 123456]

ام ضحى رونق ام بتلاء نورتو غوااالي اسعدني مروركن

واله يسعدكن ويهنيكن ياااااااارب

[غفران شكران]

. الله يسعدك ويسعدهم حبيبتي ونصائح جد ثمينة تسلمي

[إيـمـان]

و الله يا حوجوو كانك بتحكي عني بالظبط!!
معاملتي لهم و معاملتهم لي مثل ماحكيتي بالحرف و الحمد لله

بس في نقطه مهمه بختلف معك فيها
غالبا العيب بيكون بالحماة مو بالزوجه
اذا في نماذج إيجابية مثلي و مثلك فهذه حالات استثنائيه و غالبا الحماة هي اللي بتخلق المشاكل و مابتقدر المعاملة الحسنه للكنه
و هذا رد فعل منطقي لأنها بتحس ان ربت و كبرت و بالأخير اجت واحده و أخدت منها ابنها


تسلمي جوج حبيبتي ع الموضوع الرائع و الله يديم المحبه

[jojo 123456]

غاااليتي ايمان أثفق معك ان في حمواة يستاهلو الحرق بالنار بس صدقيني ادا كانت الكنة طيبة وصبورة مهما أسؤا الها تحملت وقابلة الاساءة بالاحسان اكيد رح يندمو ع لي عملوه فيها ورح يحبوها