سيدات ليبيا الحبيبات ..تفضلووو

[اوشي]

بنات تسلم عليكن شموسة واااااجد

[اوشي]

فروسة وينك ياقاطعة ..

ابرمي شوية .. على فكرة شموسة قالت لك لو تقدري اتجيبي الها كلمة السر لانها نسيتها

[اوشي]

وتوة باسلامة ياحبيبات

[sosolibya]

أستغفر الله العظيم وأتوب إليه ,,

أستغفر الله العظيم من كل ذنب عظيم ,,

سبحانك اللهم وبحمد أستغفرك وأتوب إليك..

اللهم إغفرلي ولوالدي ولمن دخل بيتي مؤمنا وللمؤمنين والمؤمنات والمسلمين والمسلمات ألأحياء منهم وألأموات..

اللهم إني ظلمت نفسي كثيرا فإن لم تغفرلي وترحمني لأكونن من الخاسرين ..

أستغفر الله..

[sosolibya]

اوشي تعالي جاي ,..

سبحان الله واحد يخش واحد يطلع ,.,

العصبان ياحلوة تعاونت فيه أنا وماما في حوشي

وأمتعيني هو يللي جاهم واتي,, هههههه


تعالو هدرزو عليا الليلة عندي عشاء في عرس ونبي نسألكم شوية أسئلة..

[sosolibya]

قريب نهبل من التفكير

المفروض نمشو قبل المغرب ,,

وأنا لو نبي نلبس ونمكيج ,, مانعرفش نقعد متوضية فهمتوني

يعني يا إما بنفرط في الصلاة ,,

يا إما بنلبس لبسة خفيفة ,.. جدا

ومانقدرش نصلي ونمشي المكان بعيد شوية ومشوار ,, بيبدأ موخر بعدين ,,

قريييييب نهبل لرجة إني قريب نبطل ..

[أمل ليبيا]

السلام عليكم
حبايبي ام فروسه\هدوشه\جيجي\اوشي\سوسو\اثري\اجنادين\حوله\نوسه\ ام وسن\ام معاد\ام ورد


كيف حالكم انتم وصغاركم ان شاء الله تكونو بالف خير حبيت نخش نسلم طول وماقريت شئ من الي فات لاني لو بنقرا هلباا هههههه وعارفه روحي بنقعد نقرا ومعاش نرد

المهم سامحوني ع تقصيري الباين فطومه معاش مخليتني لحد ):

واني كنت مسافره المدة الي فاتت في ولاية اخرى لهيت شويا


وتبو الحق ضاربني نوع من البخل لاني تعودت ع الفيس اسرع في التواصل من المنتدى ربي يهديني وخلاص

[أمل ليبيا]

تعرفي سوسو سبحان الله حتي اني زيك نعاني منها المواقف هذه لو نمشي بلا صلاة نبدا مش مرتاااااااااااحه بكل ولو بنصلي بيفوت الوقت والمكياج يبي ساعه وقصه الله المستعان وخلاص

[هدية الخالق]

السلام عليكم ورحمة الله وبركاته

[هدية الخالق]

المشاركة الأصلية كتبت بواسطة sosolibya

السلام عليكم ورحمة الله وبركاته ,, كيف حالكم ,, شنو شكله ماجي حد خيركم..

أنا روحت من الجامع وجايين صغار حماتي يلعبو مع حمود..


هدهد ههههههههههههههههههههه سامحيني لكن الموقف بجو يسكنوا جنبكم خخخخخخ يضحك تقول مسلسل جوووو شم عادي ..
هههههههههه صار تقول مسلسل يا سوسو هههههه متشمته فيا باهي به
ههههههه حاله والله لكن باهي راجلي طمني قالي احتمال ما يصيرلهمش لأنه الشقق اللي اهني دارين وصاله بس وهما عيله ماشاء الله ما يخلوهمش
ربي يستر وخلاص,,

وبصراحة كلمات الراجل حااااااااااااااااااااارة لو الها حد لزوجي حتوووووووووووووووجعني هلبة ..

المهم راجلك عارف شن عنده..

إيه والله يا سوسو حارة وتوجع وفي البداية رقالي هلبه وقعدت شادتها لراجلي ونعاودله فيها كل مره بعدين قلت بالله أني ليش صايره فيا هالحالة ؟من يكون هوا مش نتاثر منا ويوجعني خاطري المهم راجلي عارفني وعلي قولتك عارف شن عنده ليش ما نفوتاش ونكون واثقة في نفسي وكلمته تخش من ودن تطلع من الثانيه هكي لقيت روحي اريحلي

المشاركة الأصلية كتبت بواسطة جوهرة ليبيا

هدهد ياعسل

بارك الله فيك عالكلام الحلو لي يخش القلب علي طول

وسلمك نشاده وربي يوفقك ويرزقك كل ماتتمني
سلمك وفيك بارك الله وتسلمي عالدعوه أجمعين أنا وانتي إن شاء الله
كيف حال بنوتي حبوبتي سوما ربي يحفظها ويرعاها
سلمك يارب تنشد عليك الصحة والعافيه الحمد لله بخير وفي نعمه وهاليومين حال النوضان بكري والله انوض وقاعدة مغمضه قريب نعيط

المشاركة الأصلية كتبت بواسطة اوشي

هدهد ..

شخبارك واخبار سوما الحلوة وطهور ان شاء الله لاباس عليك
سلمك يا أوشي الحمد لله والله لايوريك باس بارك الله فيك شن اخبارك إنتي واخبار الصغار وبوهم
والضيوف الثقال هذوما اعتذري منهم والا قولي للمراة خلينا نطلعو برا
صحيتي يا غاليه علي اهتمامك وعلي الحلول اللي عطيتيهملي بارك الله فيك احساسك بيا يكفي
وللأسف مستحيييييييييييييييل الحل هذا ما أهون حوشي علي الطلوع برة مع الصغار والله مره تلاقيت معاهم بالصدفة في السوق دارو حالة يجروا في السوق وامهم تجري وراهم والناس يشوفوا ومستغربين واني قعدت شاده عربة بنتها وعربه سما ومسكرين الطريق عالناس اللي بتفوت والصغار ياخدو في كيكات وحاجات حلوه من الرفوف ويفتحوا فيهم وياكلو قبل التخليص واني علي أعصابي قريب أنفجرت وامهم تفتحلهم وتعطي فيهم عادي جايه منقوللها غلط قبل التخليص يعتبر حرام كأنه سرقة لأنه حياكلوه داخل ومش هينحسب مع البضاعة بعدين سكتت وخلاص قلت هوا اللي هناك صار علي أساس بيسمعوا كلامي كانا قلتها
او حتى انا سوما قالقة نبي نغيرلها جو توة انا نجيكم

هما حاليا معاش معدش تكلموا عالجيان ممكن غيروا رايهم أو اجلوها وان شاء الله هنحاول نجرب الحل هذا وان شاء الله خير

خطرتي عليا اختي ...

اخت زوجها عندها 3 عيال يقولو للبلا انزل ولا نرقولك قالت اختي

تطب عليا زي القضى المستعجل وتقعمز وتسيب اعيالها تكسير وتخريب وتحويس

قالت كم مرة دارتها لي ..

اشويا اختي مسكت عيالها وقال الهم نمشو لعميمة وكيف مايديرو عيالها عندنا

حتى انتو ديرو هههههههه ومشت الها وقعمزت اختي وبدو عيالها في الاكشن

بعدها اختي قالت حرمت اتجيني الا في المناسبات وتمت تسيب في العيال
هههههههههههه فكره حلوه المعاملة بالمثل لكن أني ما تنجحش معاي بنيتي صغيرونه وما عندها ما أدير عندهم بالعكس لما نمشولهم تقعد لاصقة فيا خايفه من الصغار يناشبوا فيها
خخخخخخخخخخخخخ

المشاركة الأصلية كتبت بواسطة dr.loly

السلام عليكم ورحمة الله وبركاته

اليوم الحمدلله كملت ادوات المطبخ واكسسواراته من السيلكون بالاحمــر
شطبنا خلاص ههههه


بكره الشحن ان شاء الله

واليوم 8 ونص بتجي الشاحنه
تعبي لنا ولجيرانا
لان محركات الضي ثقال 150 كيلوو
وزوجي كلم اصحابه 2 يساعدوه يطلعه
قدام الحوش
بعده ترفعه الرااافعه

ربي يوصلهم ع خير ان شاء الله

ويحمي الاتي بالذات من اسماك القرش ههه
خصيصا الماستر شيف (خديتها واخيرا بعد حيرة 10شهور)
من الكينووود..

وخديتلهااا مكملات ( مطحنة القهوة و بهارات )
مفرمة اللحم (رهيييبه متاعتها)
والباستا رولر(او ماكينة الرشده)
قت نلقاها ف فرد بالذات حلوة ومريحه نفس الوقت



ام باقي مكملات شاريتهن ك الات بروحهن..

من كينوود زي القطاعات والبشارات واله الجولاطي
وعصارة البرتقال وغيرها

الحمد لله اللي كملتو علي خير فروسه أن شاء الله توصلوا انتم وشحنكم بالسلامة
ماشينا زوجي وجارنا لصاحبهم ف مدينه تبعد ساعه عن هنا
اسمها ميدلسبره.. لان شاحن ع بنغازي
بم ان اللي هنا الباقي من الغرب ومشتركين ف حاويات
ع مسلاته وطرابلس وهك..

المشاركة الأصلية كتبت بواسطة sosolibya

مساء الفل عزيزاتي ,, كيف حالكم...

كنة عمي جابت بنوتة ,,

هذا عمي عنده بنت وحدة هذه صديقتي ويللي أتفقنا أنا وهي نكونوا خوات وخالات صغار بعضنا الحمد لله اهي ولت عمة وهي فرحانه هلللللللللللللللللبة ..

ألف مبروك علي كنه عمك إن شاء الله تكون من الذريه الصالحة وعقبالك قريبا إن شاء الله ربي يسخرلك

المشاركة الأصلية كتبت بواسطة اوشي

اللهم بلغنا رمضان جميعا

المشاركة الأصلية كتبت بواسطة اوشي

المشاركة الأصلية كتبت بواسطة اوشي

اللهم اميييييييين

المشاركة الأصلية كتبت بواسطة sosolibya

السلام عليكم ورحمة الله وبركاته ..
يهبلووووووووا يا أوشي سلمك جيابة أني منختار المورد ومنحط عليه تجاكه طبعا
مساء الورد..

اليوم كنت غاطسة في العصباااااان نودكم بيه هههه
والعشية مشيت شوية لكنة عمي النافس .. وبعدها مشيت شوية لإمتعيني الخميس بيان حماتي بإذن الله هو عشاء وتلبيسة مايبوش بيان يعني عيلتنا احنا بس مش مناديين حد..

وربي يوفق..

البارح طحت من العشرة ونص
تعباااااااااااااااااانة ظهري مفتوح نحس فيه من تعب غسيل الدواة ,, دوارة جمل حاشاكم لين ظهري تكسر..

بس بعدين يستاهل بصراحة البنة مممممممممممممممم
صحتين ياسوسو العصبان سفهتيني فيه ليا هلبه عليه وسلم ايدياتك وايديات مامتك
ومن الصبح صبحت فيه والحمد لله جتني أمي وحشت معاي كان هذاراني ماكملتش بكل...

المشاركة الأصلية كتبت بواسطة sosolibya

خيييييييييييركم مفقودين ,,

جيجي تعالي جاي فاش لاهية

وفرووووووووسة حتى الشحن كملتوه وين رحتى


وهدهد أكيد الموقع العافن حاصلة فيه هههه ربي يوفقك وتلعي منه..
ههههههه لالا والله الحق الدورة جاتني قويه متعبتني ما عندي جهد ولا جو نقعمز عالكمبيوتر وظهري منا خذيت نقاهة شويه منا
أثور والشبكة قصة حب لا تنتهي,,, خخخخخخخخ

المشاركة الأصلية كتبت بواسطة أثري في مدادي

حبيباتي ،،،،،،،،،،،،،،،،

اطمأننت على أخباركن

هدهد ،،،،،،،،،،،،،،،، لازم اديري حل مع ضيوفك ،،، شوفي واحد من مقترحات أوشي ~~~
اهلين باثوره شن اخبارك وبارك الله فيك عالاهتمام إن شاء الله تو منحاول نجرب واحد من الحلول
أم فروسي ،،،،،،،،،، شحن سالم ،،،،،،،،،،،، إن شاء الله

جيجي ،،،،،،،،،،،، لاباس عليك ،،،،،،،،،،،، وطيب فيك

أوشي ،،،،،،،،،،،،،، توقيع منعش ،،،،،،،،،،،،،، الله يحفظك

البقية ،،،،،،،،،،،،،،،،، عودا حميدااااااااااااااااااااااا

المشاركة الأصلية كتبت بواسطة sosolibya

ياجيجي أنا درت الخلوط قصعة لوح كبيييييييرة معبية ,, بس الدوارة درنا نصها بس ,, وقعد الباقي,,,

وأنا ناديت ماما معي لأني نبيها تعاوني,,

والحق ليا كم يوم مجهزة خضرة وواعدة راجلي بيه وهذا وين حصل دوارة انا قبل نبيه بس يجيبلي مصرانين بالكيلو وخلاص بس هو حصل دوارة رخيصة جابها وخلاص ,, وتبي الحق راجلي يموووووووووووووووووووت فيه قلت ناخد بخاطره ..

وتوا ههههههه قلتله في الجديد خلاص هههههه خود كيلو واتي وريحني ههههه

بس والله ماكيف خدمة الحوش نظافة على الأقل,,ومعروفة خدمتك ,,

وشوفو شن صار ,,,

أمس جاني راجلي والعصبان قريب يطيب قالي الراجل((الجزار)) قالي تعالى خليتلك دوارة تراجي فيك ههههههههه قلتله لااااااااااااالااااااااااااااااا

قلتله أرفعه لأختك ,, المهم في ألأخير أعطاها لعياله ,,

والله غسيله بالطرف عذبني وخصوصا إني غسلته 3 مرات

المرة ألأولى بمية الماجن تنظيف

وبعدين نقعتهم في الدقيق والليم وبعدين حكيتهم بالطرف

وبعدين وأنا واقفة غسلتهم تحت الشيشمة اااااه عذاب ..

وعذبتكم معاي إعذروني,,

ربي يعطيك صحتك والله صعب وانتي قدها ماشاء الله لكن ردي بالك من ظهرك ما تهزيش عليه توا يولي عليك بعدين لا سمح الله

المشاركة الأصلية كتبت بواسطة sosolibya

قريب نهبل من التفكير

المفروض نمشو قبل المغرب ,,

وأنا لو نبي نلبس ونمكيج ,, مانعرفش نقعد متوضية فهمتوني
يا سوسو عندي ليك حل خودي مثبت مكياج مش عادي يساعد ترشيه بعد ما تكملي مكياج وتخليه نين يجف وبعدين عادي اغسلي وجهك بالمية ما يصيرله شي أهم شي ما تغسليشي بصابون بس
يعني يا إما بنفرط في الصلاة ,,

يا إما بنلبس لبسة خفيفة ,.. جدا

ومانقدرش نصلي ونمشي المكان بعيد شوية ومشوار ,, بيبدأ موخر بعدين ,,

قريييييب نهبل لرجة إني قريب نبطل ..

المشاركة الأصلية كتبت بواسطة أمل ليبيا

السلام عليكم
حبايبي ام فروسه\هدوشه\جيجي\اوشي\سوسو\اثري\اجنادين\حوله\نوسه\ ام وسن\ام معاد\ام ورد


كيف حالكم انتم وصغاركم ان شاء الله تكونو بالف خير حبيت نخش نسلم طول وماقريت شئ من الي فات لاني لو بنقرا هلباا هههههه وعارفه روحي بنقعد نقرا ومعاش نرد

المهم سامحوني ع تقصيري الباين فطومه معاش مخليتني لحد ):

واني كنت مسافره المدة الي فاتت في ولاية اخرى لهيت شويا


وتبو الحق ضاربني نوع من البخل لاني تعودت ع الفيس اسرع في التواصل من المنتدى ربي يهديني وخلاص

اهليييييييييين بااموله ليك وحشه منوره شن اخبارك إنتي وفطومه وبوها ربي يحفظكم
شني مفيش نزلة قريبه لليبيا ؟