اهلا باهل الجود والكرم **اهلا بسيدات ليبيا**

[sosolibya]

بنات بصراااااااااحة وبكل صراحة نبي شن رأيكم فيا


ممكن البعض يقول أنا وين نعرفها..

ولكننا أرواحنا هي التي تلتقي ولهذا فأنفسنا واضحة ورأيكم يهمني..

[sosolibya]

لا تيأسوا,,

ليكم رب كبييييييير يقول للشىء كن فيكون,,

فقط قولوا يارب..

[اوشي]

المشاركة الأصلية كتبت بواسطة sosolibya

فروسة الطاجين هذا نحنا نسمو فيه طاجين خضره ولهذا مش ضروري تكون فيه جبنة


أوشي كيف حالكم ,,, وحة الكسكسي بالرغم من أني نغرف كسكسي طعام مش شعير

جنودة طريقك في الرز حسيتها طويلة شوية وحاجةثانية الرز مفروض مايتحركش لأنه يتفتفت ويتكسر وحت تنقيعك فيه في ألأول هلبة حتى هو يأثر ويخليه يتكسر

وطريقة حوش عمك نفس طريقة حوش عمي

وإما طريقتي هي طريقة أمي الغالية وبصراحة خياااااال..


كيف حاكم الكل وشن أخباركم

فروسة كيف حال راس فراس توا

فروسة تعرفيها نكتة قملة فراس حسن

مرحبا سوسو..

كيف حالك .. كيييييييييييف ماتعرفيش كسكسو الشعير معناها فاتك نص عمرك الحقي

وذوقيه وقولي على الادمان عليه بعدها

المشاركة الأصلية كتبت بواسطة خوله 2014

الله يبارك فيك يا اوشي عالاهتمام والسؤال
سبحان الله

سبحان الله وبحمده ..

كيف حالك خولة نحنا خيات ياحبيبة

المشاركة الأصلية كتبت بواسطة تــومــا

السلام عليكم كيف حالكم يابنات

وعليكم السلام ورحمة الله وبركاته ..

كيف حالك توما وينك امغطسة

المشاركة الأصلية كتبت بواسطة dr.loly

الله يسلمك حبيبتي ..
والله يوم ماننساه ولحظات صعبه عشتهن بجد
الله لايجيبهن لكي..حسيت روحي انشليت
ووليدي ينزف لدرجة وجهه اختفا من الدم..

الحمدلله كثيراااا
وفعلا العين حق ..والرقيه نرقي ديما حبيبيتي
وقدر الله ماشاء فعل

حتي ماما ديما تقولي العيل صغير كيف القزازه

والله الا رعب فعلا ... لما تبدي ماعتش عارفة شن بديري ووليدك احذاك

امعبى دم موقف لا يحسد عليه ابدا... والحمد لله ربي سلم

المشاركة الأصلية كتبت بواسطة sosolibya

لا تيأسوا,,

ليكم رب كبييييييير يقول للشىء كن فيكون,,

فقط قولوا يارب..

يـــــــــــارب



بالضبط من اي ناحية راينا فيك .. هههههههه

انا انحس فيك نشيطة وتحبي تتقربي من الاخرين وصريحة

[اوشي]

كيف حالكم اليوم ياحبوبات

الجو عندنا مطر وصقع من امس بدت فينا عاصفة رعدية مع الشمس طالعة

بعدها اشوي والسحب تكاثفت ونزل مطر الله يبارك


واليوم نزل برد كبير الحجم مع امطار غزيرة

[أمل ليبيا]

المشاركة الأصلية كتبت بواسطة هدية الخالق

السلام عليكم ورحمة الله وبركاته
فروسة اجرنا واجرك ان شاء الله بارك الله فيك
اثري اجرنا واجرك ان شاء الله بارك الله فيك واللي خبرني خالي تو نحكيلكم القصة باذن الله
امولة بارك الله فيك تعرفي حتي اني خوي الله يرحمه اسمه احمد وتعرفي لما سمعت مشيت لموضوعك اللي كاتبتيه علي خوك وقعدت نقرأ فيه ونبكي لانهم نفس الاسم وحسيت بمعناتك
واقسم بالله من لما سجلت في المنتدي طاحت عيني علي موضوعك وقريته وبكيت نين قلت بس اثر فيا هللللبة وقعدت ايام مضايقة عليك لدرجة حكيته لراجلي واني نبكي وقلتله تخيلت احمد خوي في مكانه لسمح الله تصوري موقفي وهوا متوفي هذاك الوقت هذا ليش حسيت
وحتي اني زيك الحمد لله صابرة لحد ما مقارنة بأهلي علي حسب قولتهم واني الحمد لله نحلم بيه ليا فوق الشهر كل ليلة يجيني في الحلم مستريح وفرحان ومافيش دلالات انه متوفي وحتي لما سمعت بيه قاعد يجيني في الحلم بالذات اول ليلة خبروني حلمت انه عطاني رائحة واكسسوارات والحمد لله هو توفي في ايام مباركة في عشرة العيد الكبير وقت الفجر كان مروح من طرابلس كانت ماسك توكة تبع كتيبة خشت فيه طانطا بالجرار بعيد عليكم واللي يطمن اكثر انه الراجل اللي اسعفه قال رفع صبعه السبابة وحرك فمه شوية وبعدها مشي في غيبوبة ان شاء. يكون نطق الشهادة وان شاء الله ينحسب من الشهداء

والله قصتك اثرت فيا يهديه وخاصه كيف كلمك خالك وبدالك بالمقدمات والله ربي يصبرك ويكون في عونك وان شاء الله اخر الاحزان يارب وان شاء الله ربي يرحم خوي احمد وخوك اجمد ويجعل مثوااااهم الجنة يارب وان شاء الله ربي يرزقنا بوليدات ونسموهم ع اسمهم ياااارب

المشاركة الأصلية كتبت بواسطة dr.loly

السلام عليكم ورحمة الله وبركاته

ان شاء الله تكونن كلكن بخير اخواتي الغاليات

امس تعرضت لموقف الله لا يجبه لصغاركن

فراس طاح ع زاوية الدفايه وفتحت جبهته وجنبي كان
ف دفاية المطبخ العيل بكا لدرجة قلبي انقبض برمت
ف لحظة يابنات وبدون مبالغه لقيت وجهه كله دم يسيل

معش عرفت شن اندير رغم اني دارسه طب ونزيف بالتفصيل
لكن ف اللحظه هذه نسيت كل شئ وجسمي كله قعد يرعش
وهو يبكي باعلي صوت ويبحت ف دم لي يسيل ع وطا جيت رفعته
وقعدت نحط ف مية مسقعه ع جرح تحت الشيشمة والدم يزيد
وبعد بان عليا الجرح عميق خلاص والله لا قريب دخت

ارضيه المطبخ كله دم بيجامته كلها دم

لابسه روب وردي هادي اكتوفي لبطني كله احمر قعد


بنرن ع باااته نرعش معس شفت شئ ونقال كله دم والله بدون مبالغه

حطيت راسه تحت الميه المسقعه هذا شئ لي اذكرته ان المسقع يقبض الاوعيه الدمويه اسرع

والاء تزحف ف وسط الدم ورعش مسكين حتتى هو يبحت فيه ومفجوووع


معش عرفت شن ندير اذا كان رقم وزوجي راسي يبرم معش عرفت نطلع

خصيصا ان السجل امتسح ف صبح بروحه
قعدت نستغفر ونحاول نهدي نفسي لين دورته ف قائمة ورنيت ماردش قاعد ف محاضره..

دزيت مسج بعدها كلمني بسرعه ..وجا بعد ربع ساعه بيش حصل تاكسي
هو ووصاحبه..
وشالوه المستشفي

وياما صار فيا بعدها انهرت وكلمت خواتي وقتلهم ماتقولهش لماما

حسيت روحي بنبكي عند حد انخنقت

العيل كان يلعب يالايا ونرد عليه ف حروف متعلمهم ويضحك
فجأه انعكس كل شئ


وباته ف مستشفي قعد يبعثلي ف صوره يلعب ف حضانة اطفال
ف انتظار

وبعدها قالي يراجوا ف اخصائية جروح الاطفال

شافوه دكتورين وطمنوه وقالوله يديروله لصقة جرح تلمه
لان الاطفال مايتخيطوووش

افتكينا من علامه الخياطه والحمدللله ..

قالي نظفوا جرح بعمق للحم والعظم وصبوله حاجة زي لصقة الاميره بخامتها
وسكروا بلصقة من برا
وقالوا تقعد يوم ونص اقل شئ

وعطونا كرت اصابه راااس فيها بعض الاعراض لوصارلنا نحيبوه بأسرع وقت
وهذه قصة فروسي ورعشتي عشية امس


والحمدلله الحمدلله يااااارب


ولنقانا ف روضه ركزوا عليه واجد امس من حبه للكتب والقصص
قالولي مش نفس الاطفال ف عمره ..

اهلين ام فروسه والله العظيم نقرا والدمعه في عيوني الف الحمد لله ع سلامته حبيبتي والحمد لله ستره ربي ونجاه والله زيك اني مانتحمل الموقف نحسه لو يصيرلي نقعد مصدووومه وخلاص الحمد لله في الاخير ربي هداك وعرفتي كيف تتصرفي وربي يكون في عونك موقف صعب وان شاء الله هذا حد السئ ومعاش يتكرر وردي بالك عليه هو والولي وارقيهم ديما وربي يحفظهم ان شاء الله من كل شر

[أمل ليبيا]

مافيش حد علق ع شريط الحمل الي في توقعيعي هههههه شكله الشريط الاول لما يتم يبدا بعد فترة يعاود بروحه وكل مره بنمسحه وننسى عموما شكله فال وربي يستر*_^

[أمل ليبيا]

[COLOR="blue"][هديه ماشاااء الله لاقوة الا بالله ع سوما ربي يحفظها من كل شر والله حتي اني زيك نقول حبي لفطومه مستحيل يتعاود لخوتها نحسها ح تقعد المميزة فيهم والله اعلم ومعليشي ان شاء الله ربي يرزقك بالحمل السليم المعافى بس نصيحتي حولي المانع وتوكلي ع ربي والله الحمل والولادة خارج ليبيا فرصه واكيد كندا ماتختلفش هلبا ع امريكا لذلك توكلي ع ربي وجيبي اوخي والا اوخيه لسوما وبعد ماتروحي عطلي كيف ماتبي


خوله زي ماقالولك البنات كثري من وضعية السجود وان شاء الله ربي يسهلك ولادتك يارب وتنوضي انتي والبيبي بالف خير والف مبروووك ع اوخيك وان شاء الله بطولت عمره


اوشي ان شاء الله انتي وسنافرك بالف خير وماشاء الله ان شاء الله غيث نافع ومحلاه الجو هذا نحبه برق ورعد لكن نخاف في نفس الوقت ههههه ان شاء الله ربي يهنيكم



جنودة كيف حالك وحال الدراسه وشن جو كاليفورنيا تعرفي ع ليبيات والا مزال تعرفي احتمال في عطلة راس السنه ان شاء الله نمشو لولايتكم ع حاطر جوها دافي في الشتا واني خااااطري في البحر يعني احتمال نتلاقو والله نتمنى وان شاء الله ربي يسهل


اثري الغاليه كيف حالك وحال اطفالك الحلوين ربي يحفظهم وان شاء الله لاباس عليك وربي يكون في عونكم من النت بس جربو تركبو (انتينة تقويه)حتي اهلي كان ضعيييييف هلبا بس بعد ماداروها بدا كويس وافضل بهلباااا


ام الحلوات جيجي كيف حالك وحال رينو وجكونه وشن قاعده تسهر فيك والا بدا يتعدل نومها وبديتي توكلي فيها والا لا اني فطومه خاطري بنبدا نوكلها شويه شويه لما تسكر اربع شهور باش تعاوني في الرضتعه وربي يعاونك حبيبتي


ام وسنه بااارك الله فيك ع دعواتك وسئالك وان شاء الله حتي انتي والحلوات تكونو بالف خير وربي يعينك ع المدرسه والله مسؤليه ربي يكون في عونك ان شاء الله


شموسه ان شاء الله تكوني بالف خير والله ليك وحشه ومخلية مكانك ان شاء الله تنوري التجمع قريييب


ام نوسه ان شاء الله تكوني بالف خير انتي والصغار وربي يوفقك وين ماكنتي/COLOR]

[أمل ليبيا]

المشاركة الأصلية كتبت بواسطة sosolibya

بنات بصراااااااااحة وبكل صراحة نبي شن رأيكم فيا


ممكن البعض يقول أنا وين نعرفها..

ولكننا أرواحنا هي التي تلتقي ولهذا فأنفسنا واضحة ورأيكم يهمني..

اهلين سوسو كيف حالك انتي وريومه وحموده قالو الزاوية مطر هلبا اكيد مستمتعه بالجو ان شاء الله غيث نااافع يارب


وبالنسبة لسؤالك مافهتش قصدك بالزبط بس بصفة عامه انتي سكر التجمع ديما تسلي فينا باخبارك وحكايتك عسوله وتخشي الخاطر ماشاء الله عقلك سابق عمرك وتحبي تتعلمي كل شئ وان شاء الله ربي يهنيك ويزويدك من فضله ومن كل شئ وحلو وتتمنيه

[أمل ليبيا]

ام فروسه حبيبتي الله يسلمك اني وفطومه بخير ومانحكيلك اني وبوها ديما نراقو فيها وخلاص اهو بدت تضحك اهو بدت تشد اهو بدت تلعب ع اساس نكتشفو في مهارتها واكيد مريتي بنفس الشئ لانه اول بيبي ديما نحسه هكي


بالنسبة للطاجين زي ماقالت سوسو نقولوله طاجين خضرة وبالعادة نزينوه بالجبنه من فوق بس اني لما نحكي مع حد هنا يقولولي لا هذا اسمه طاجين جبن فا بدين نقول زيهم وزي ماعارفه كل منطقه وشن يسمو


امتى بتروحو ان شاء الله وكملتي هداياك ةالا مزال وهل فكرتي تشحني اثات مثلا او حاجات المطبخ

انتم الضي عندكم 220 زي ليبيا تقريبا


تعرفي هنا عيبهم الضي 110 مش زينا فا يبي محولات وقصه مع اني خاطري هلبا حاجات نروح بيهم بس مش عارفه كيف


وامتي بتمشو لي لندن


ان شاء الله ربي يسهلك ويهنيك حبيبتي

[dr.loly]

المشاركة الأصلية كتبت بواسطة اوشي

كيف حالكم اليوم ياحبوبات

الجو عندنا مطر وصقع من امس بدت فينا عاصفة رعدية مع الشمس طالعة

بعدها اشوي والسحب تكاثفت ونزل مطر الله يبارك


واليوم نزل برد كبير الحجم مع امطار غزيرة

اللهم صيبآ نافعــآ..
ماشاء الله ..
ردوا بالكم من الصقع طلعة الشتا واعره ديما

عندي لولي وفروسي واخدين برده قويه
عارفتيها الكحه الشينه اللي متهنيش ف النوم
ياروحي عليهم ف ليل قطعوا قلبي