اهلا باهل الجود والكرم **اهلا بسيدات ليبيا**

[dr.loly]

ماشاء الله جنوده ربي يعطيك الصحه
كسكسي الحوت هذا ماعمرنش جربناه
لان الغرب يديروا فيه معروووف
مره سألت عليه كيف يندار بس ماحد جاوب
بس هكي تخيلت طريقته يمكن


ولتوا مش متصوره كيف يقولوا ع دجاج مش مذبوح ع الطريقه الاسلاميه
عادي؟؟؟ استغفر الله ..

بالك ياكلو من كنتاكي كي اف سي في فروع منهم معلقين الحلال عندنااااا
والحمدلله حتي نحن نفس الشئ ..واللي مساعد حتي كثرة المحلات الحلال
والمطاعم العربيه خصيصا لبنانيه حاجة من الاخيييير

معش طلعتوا ادهورتوا لولايات اخري؟؟
والا ضغط دراااسه اكيد انتي وزوجك؟

[dr.loly]

جنوده مش ضروري تحطي ف اميه مسقعه حسيتهن كثرن الخطوات هكي
هو مجرد تنقعي ف اميه ساااخنه مدة ربع ساعه هكي
الي نص ساعه وبعدها حطيه ف كسكاس
وبعدها يتبوخ اهم شئ سكريه كويس بالمغطة نقصد
و حطيلها ولو
قطعة سيلفر(ورق المونيوم) تحت المغطة يطيب بسرعه ودام تبوخ مستحيل يلصق او يتعجن

وبعدها تسقي مره وحده ف الرز الامبوخ ..وترشي قرفه وتحطي زبدة اوسمن يمي
تعطي نكهة طيبه وفي نفس الوقت يجيك الرز حبه حبه ..

بالنسبه لبقيه انواع الرز ندير فيهن ع مرقة اللحم بعد يطيب نصفي ونحطي الرز
ف بدايه نعلي النار وبعدها نوطيها ع الاخر ونحركه ونغطي لعند يطيب

[sosolibya]

السلام عليكم ورحمة الله وبركاته كيف حالكم ومساكم ورد

طبعا اليوم جمعة وماعنديش فرصة نخش

الصبح فطور عائلي هههههههه انا وزوجي والصغار

وبعدين مشيت لإمتعيني والغداء عندهم زي ماعارفين وبعد الظهر مشيت لخواي وتلاقيت مع ماما وخالاتي والعصر مشينا لبنت خالتي ناجحة وووووووووبس

خولة ,,,,, أنا ماعنديش خوات إهىىىىىىىىءءءءءءءءءءءء

[dr.loly]

المشاركة الأصلية كتبت بواسطة اوشي

فروسة...

الحمدلله علي سلامة وليدك والله لحظة بلحظة كانه فلم صار

قدام عيوني تخيلتك باللقطة


ديما نقولك العين العين العين ... وحرااااام العيل الصغير زي القزازة

وايتحملش علي طول مااتبان فيه العين


وانت افطنيله راهو عيون النصارى واليهود قوية باهي اللي جاته ساهلة

وانت ماتقوليش جت هكي لاااااااازم من الرقية



وماعليش ديما الام مرعوشة ربي يعطينا صحيحاتنا ويبعد عنا كل عين حاسد وحاقد

الله يسلمك حبيبتي ..
والله يوم ماننساه ولحظات صعبه عشتهن بجد
الله لايجيبهن لكي..حسيت روحي انشليت
ووليدي ينزف لدرجة وجهه اختفا من الدم..

الحمدلله كثيراااا
وفعلا العين حق ..والرقيه نرقي ديما حبيبيتي
وقدر الله ماشاء فعل

حتي ماما ديما تقولي العيل صغير كيف القزازه

[sosolibya]

فروسة الطاجين هذا نحنا نسمو فيه طاجين خضره ولهذا مش ضروري تكون فيه جبنة


أوشي كيف حالكم ,,, وحة الكسكسي بالرغم من أني نغرف كسكسي طعام مش شعير

جنودة طريقك في الرز حسيتها طويلة شوية وحاجةثانية الرز مفروض مايتحركش لأنه يتفتفت ويتكسر وحت تنقيعك فيه في ألأول هلبة حتى هو يأثر ويخليه يتكسر

وطريقة حوش عمك نفس طريقة حوش عمي

وإما طريقتي هي طريقة أمي الغالية وبصراحة خياااااال..


كيف حاكم الكل وشن أخباركم

فروسة كيف حال راس فراس توا

فروسة تعرفيها نكتة قملة فراس حسن

[خوله 2014]

المشاركة الأصلية كتبت بواسطة اوشي

خولة ...
كيف حالك توة .. اهو ام فروسي ماقصرتش امعاك وجابت لك الموضوع
من الاخير ربي يقومك بالسلامة انت والبيبي
على فكرة انا جيت فارسة وجدتي هي اللي ولدت امي في الحوش
ومبــــــــــــــروووووووووك علي وخيك

الله يبارك فيك يا اوشي عالاهتمام والسؤال
سبحان الله

[تــومــا]

السلام عليكم كيف حالكم يابنات

[sosolibya]

صباااااااااااح الخير والعسل والمحبة

كيف حالكم اليوم,,

اليوم بإذن الله بنمشي نعاين في الجلدية توا الصبح

وماشااااااااااااااااااااء الله مطر مطر

زعمه تفتح العيادة

[sosolibya]

هلا وغلا بتوما منورة .. أنت جايتنا قبل صح

[sosolibya]

اللهم هب لنا نفوسآ مطمئنة ؛ تؤمن بلقائك
وترضى بقضائك ، وتقنع بعطائك .
اللهم إنا ندعوكـ سراً وجهراً أن تنير أيامنا بـ نور وجهكـ
الذي أشرقت به السموات والأرض
اللهم بَشرنا بشاره خَير في أيامنَا القادمه ؛
تُفرح بَها قُلوبنَا ؛ وَنَنسى بَها كُل همُومنَا
#دعوة
#يارب

إشترك الان في #تطبيق_سنن الشبابي الدعوي
حتى يتم النشر على صفحتك