اهلا باهل الجود والكرم **اهلا بسيدات ليبيا**

[أم أجنادين 80]

السلام عليكم كيف حال الكل

هلا نورتينا اثري

ايه النت عندكم قالت مرت خالي انه ضعيف هلبة

اممممم تسلم ايديك خولة ماشاء الله سهفتيني فيها وبالذات نجرب نديرها

انا خلي نجربها بالورق الجاهز قصدك حتي بالباف بستري نقدر نديرها

لو عندك صورة لورق القلاش بالباكوا متاع صوريهولي

انتي في اما دولة

سوسو شن صار في رزك المحمر

اعطينا الطريقة ولو صورتي حطيلنا الصور

[أم أجنادين 80]

وهذه خبزة طاجين بالخضرة

درتها البارح بطريقة جديدة

[جوهرة ليبيا]

هلا وغلا باثري

كيف حالك وحال الصغار ربوهم ربي يحفظهم

وكيف حال اميمتك

[جوهرة ليبيا]

خوله مشكوره حبوبه عالطريقه وباذن الله انجربها

فيفي كيف حالك ان شاء الله احسن وربي يسهل عليك حملك وولادتك

جنوده صحه الخبيزه اتسهف ماشاء الله سلم ايدياتك

وربي يكتبلك اللي فيه الخير ويرزقك ماتتمني ياااااااااااااااارب

[جوهرة ليبيا]

جنوده تكتبيلي الطريقه لو سمحتي ومشكوره

بنرررررررررررقد وجماني شكلها ننت الحبوبه

سلام توا

[خوله 2014]

المشاركة الأصلية كتبت بواسطة أم أجنادين 80

السلام عليكم كيف حال الكل

هلا نورتينا اثري

ايه النت عندكم قالت مرت خالي انه ضعيف هلبة

اممممم تسلم ايديك خولة ماشاء الله سهفتيني فيها وبالذات نجرب نديرها

انا خلي نجربها بالورق الجاهز قصدك حتي بالباف بستري نقدر نديرها

لو عندك صورة لورق القلاش بالباكوا متاع صوريهولي

انتي في اما دولة

سوسو شن صار في رزك المحمر

اعطينا الطريقة ولو صورتي حطيلنا الصور

سلمك يا ام اجنادين ولكن بالباف لال لا ما تطلعش حلوه الباف اني نموت فيها لفطاير وخاصة مع التفاح والقرفة وتصدقي اني اليومين الي فاتو اطلعت نبي نشري الباف لكن القيها غاليه بصراحة مقارنة بكميتها فلقيت اورق البكلاوة اشريتهم بذله ههخخخ وتبي الحق اني والله اليوم بس طلعت الزبدة بندير عجينة الباف وبعدين ما صارش رديتها بخلت هههخخ وحاضر توا انزلك الصورة متاع الباكو لان فضللي منها خيراات واني في كندا انتي في امريكا والا

[هدية الخالق]

السلام عليكم ورحمة الله وبركاته
فروسة اجرنا واجرك ان شاء الله بارك الله فيك
اثري اجرنا واجرك ان شاء الله بارك الله فيك واللي خبرني خالي تو نحكيلكم القصة باذن الله
امولة بارك الله فيك تعرفي حتي اني خوي الله يرحمه اسمه احمد وتعرفي لما سمعت مشيت لموضوعك اللي كاتبتيه علي خوك وقعدت نقرأ فيه ونبكي لانهم نفس الاسم وحسيت بمعناتك
واقسم بالله من لما سجلت في المنتدي طاحت عيني علي موضوعك وقريته وبكيت نين قلت بس اثر فيا هللللبة وقعدت ايام مضايقة عليك لدرجة حكيته لراجلي واني نبكي وقلتله تخيلت احمد خوي في مكانه لسمح الله تصوري موقفي وهوا متوفي هذاك الوقت هذا ليش حسيت
وحتي اني زيك الحمد لله صابرة لحد ما مقارنة بأهلي علي حسب قولتهم واني الحمد لله نحلم بيه ليا فوق الشهر كل ليلة يجيني في الحلم مستريح وفرحان ومافيش دلالات انه متوفي وحتي لما سمعت بيه قاعد يجيني في الحلم بالذات اول ليلة خبروني حلمت انه عطاني رائحة واكسسوارات والحمد لله هو توفي في ايام مباركة في عشرة العيد الكبير وقت الفجر كان مروح من طرابلس كانت ماسك توكة تبع كتيبة خشت فيه طانطا بالجرار بعيد عليكم واللي يطمن اكثر انه الراجل اللي اسعفه قال رفع صبعه السبابة وحرك فمه شوية وبعدها مشي في غيبوبة ان شاء. يكون نطق الشهادة وان شاء الله ينحسب من الشهداء

[هدية الخالق]

ام وسونة بارك الله فيك اجرنا واجرك ان شاء الله
سوسو تسلمي حتي انتي ليك وحشة وكل البنات
جيجي تسلميلي ياغالية ان شاء الله ماتنشغلي علي غالي بارك الله فيك
سامحوني الايام اللي فاتو نبي نخش ونهدرز ونغير جوي معاكم لكن مافضيتش يجوني ناس يعزوا الحمد لله اليوم اخر عيلة تعبت الحق احني الليبيبن سريب غدي وقعاد لعقاب الليل مفروض سويعة تعزاء ومواساء وخلاص

[هدية الخالق]

عندي ليكم بشارة أو تقدروا تقولوا استفسار لاني قاعدة مش متأكدة
احتمال اني حاااااامل
نبي نزيد نتأكد منكم اني موعد دورتي يوم 2 وقاعدة ماجتنيش وعندي مغض والم اسفل الضهر ونغزات في اجنابي
مش عارفة شن رايكم ؟
مش عارفة كيف نوصف شعوري اني متخوفة ومشوبة وفي نفس الوقت فرحانة قلت سبحان الله مرات حكمة من ربي بيعوضني بأحمد صغيرون
ان شاء الله يااااارب
واليوم متغديين عندي عيلة تعبت من الوقوف قريب نعيط وتوا نحس في مغص زاد وكأنه حاجة بتطلع مني خايفة يكون اجهاض
عموما منستني لنهاية الاسبوع ومندير الاختبار المنزلي والا منمشي نعاين
ان شاء الله خير

[ام معاد]

السﻻم عﻻيكم وصباح الخير والسعادة علي الكل