الحوامل اللي عندهم خبره بليز ابي شوي من وقتكم

[تمأإرآا]

السلام

انا بسالكم بخصوص الكريمات الخاصه فيك
متى تبدين تشترينها
وشنهي الاشياء اللي تستخدمينها وشنهي فايدتها
وابي خلطاتكم انتو مو من النت بدون تجربه
لان انا مابقالي شي وادخل الثامن وابي اشتري كريمات واسوي خلطات
خاصه لتشققات وابي اشياء تنعم وتفتح البشره
للن انا مع الحمل سمرت وخصوصا من دخلت السابع

وكيف اخلي بطني يصغر اخاف اصير مكرششه حيل

وكمان عندي سؤال هل صدق الرضاعه الطبيعيه تنحف ?


وبختصار ابي برنامجكم متى تبدون فيه بخصوص التنعيم وتنظيف البشره وتقشيرها

لاني شايله هم ولا عندي خبره متى ابدا وشنو اسوي

ربي يسعد ويسهل ويرزق كل من ترد علي

[لمياء ماهر]

لو نزلتي موضوعك ب قسم النفاس يمكن تلاقي تفاعل اكثر

بس معلومة الرضاعه تنحف اختي نحفتهااا كثير ولما وقفتها سمنت

شوفي كذا موضوع عن برامج النفاس ب القسم الخاص لنفاس انا حفظتها عندي وببداء اجهزها باذن الله

الله يسسر لنا

[ام البنوتة]

التشققات افضل شيء لها زيت الزيتون
وللتفتيح هناك ماركات مشهورة عندك مثلا جارنييه بي بي رائع جدا
واولاى ايضا رائع
لتقشير البشرة بستعمل نتروجينا جيد جدا
وممكن تبدأي بعد الولادة
ودي حقيقة فعلا الرضاعة تخسس لانها بتحرق دهون لانتاج الحليب

[اسماء24]

و الله موضوع رائع انا نصحوني بزيت الزيتون ربي يسلكك على خير

[تمأإرآا]

المشكله قسم النافس مافيه تفاعل اغلب المواضيع مسحوب عليهم

ام البنوته تسلمين حياتي

اسماء بس ما اتوقع زيت الزيتون لوحده ينفع

[حلى البحرين]

الله يسهل علينا الرضاعة تنحف ناس وناس عادي ماتأثر فيهم بس فوائدها كثيرة لج ولج للبيبي وبالنسبة للسمار بعد الولادة سبحان الله يروح شوي شوي وبالنسبث للتشققات عانيت منها في حملي تخف بس يبقى اثرها وعليجوبالرياضة والاكل الصحي والماء

[أكليل الجبل]

هلا تمااار عزيزتي

اكيد الجسم بعد الولاده يحتاج سنفره كامله هههه

واهم شي يكون اللي تستخدميه طبيعي /هذه اللي افضله/ ابتعادا ع تحسس الجسم


ممكن تاخذي لسنفره الجسم كاملا حمام مفربي بزيتون كثير روعه مع ليفه الخشنه

استعمليه مرتين او ثلاث اسبوعيا حتى تري النتيجه في توحيد لون بشرتك


وطبعا الوجه يحتاج لهتمام اكثر انا اضع له خلطه بياض الثلج النتيجه جدا رائعه

وشعرك حاولي تروحي صالون او في البيت تعتني به بحمامات الزيتيه ليرجع
لحيوته ولامعانه

وكذا تحاولي تغيري وتجددي لترجعي عروس مره ثانيه

واكيد كل هذا بعد فتره النفاس افضل
لان اولا

ستحتاجي لراحه في هذه الفتره وتغذيه الجيده

ثانيا
لن يكون عندك وقت فبيبي يشغل اكثر وقتك



اتمنى اني افدتك بشي عزيزتي

[Carmella]

نصيحه مني ابدي دحين كل جسمك ادهنيه بزيت زيتون مرتين باليوم
انا كنت ادهن بطني بس بكريم وصفته لي الدكتوره
من دخلت الثامت تعالي شوفي كل يوم اكتشف مكان تطلعلي فيه تشققات
مع اني يوميا بعد كل شاور لازم زيت بيبي جونسون بس مافاد
حاليا جالسه اعالجها عشان لاتتحول للابيض واورط ماعاد تروح
والبطن لحالها ما اتشققت بس سيقاني ورا الركبه والافخاد اتشققو

[تمأإرآا]

حلى البحرين
يب الرياضه لابد منها

كليل الجبل ههههههههههههههه
صدقتي ومشكوره ع النصيحه حياتي

كارميلا انا ادهن جسي بعد الاستحمام بزيت الزيتون بس مو كل استحمام
وان شاء الله يفيد
ويعطيك العافيه بجد هالشي غافله عنه
انا اكثر شي اركز ع بطني

يارب ماتزيد علينا هالتشققات

وشاكره كل من رد علي

[kim see ra]

انا كنت استخدم زيت الزيتون ولين الشهر السابع مافيني تشققات وبس تركته طلعت لي :(

زوجي مايحب ريحته وانا ماصرت احط عشانه وجسمي انعدم والتشققات بس ببطني ولسه حمرا ولا ادري ايش اسوي عشان اعالجها قبل تنقلب بيضا