شنو استفدتي من الرضاعه الطبيعيه ??

[تمأإرآا]

السلام عليكم
اخباركم خواتي ?

انا حبيت انزل موضوع وهو عباره عن رايكم عن الرضاعه الطبيعيه
يعني مثال استفدتي منها بانزال وزنك او شد جسمك
او سمنتك او اي شي

سوا شفتي منها فائده لك او لا
ابي تجاربكم
لاني ناويه بعد ما اولد ارضع طبيعي بس خايفه اسمن

ونبي منكم تكتبون اي شي يساعد بادرار الحليب
اعشاب اكلات اشيا مفيده

عشان نستفيد ونفيد

وشكرررا

[ام ترووك]

هلا اختي مشكووره عالموضووع

بصراااحه انا استفدت فائده جدا رائعه الحمدلله
خصوصا اني ولدين رضعتهم طبيعي وصناعي والثالث بس طبيعي

وبصرااااحه شفت فررررق جدا جدا كبير مايقارن
مايهمني انها شدت جسمي ونحفتني قد ماكانت النتيجه انو ولدي الحمدلله صارت عنده مناعه قويه ماشاءالله تبارك الله

اخوانه الاثنين اللي رضعو صناعي وطبيعي من شهرين حساسية صدر وكحه وادويه ومضادات وتلاقيني فالبرد ادور عالمستشفيات فيهم يتعبو ع طول

لكن سبحان الله ولدي اللي رضع طبيعي ماشالله الان عمره سنه واربع شهور
عمره مااخذ مضادات وبس يرشح رشح بسيط مع خافض للحراره يروح كل شي ولله الحمد

صحيح الرضاعه الطبيعيه متعبه ويبغالك كل شوي ترضعي
لكن نتايجها عالطفل معاه لحد مايكبر ترتاحي من الامراض بإذن الله

لكن المشكله فالامهات تقولك والله مو كل شوي اقعد ارضع
وابغا اروح السوق اخذ وقت مين يرضعه
صح انها ربطه مرره
لكن الان الاسواق اغلبها مجمعات وفيها مصليات
عشر دقايق بس ترضعي فيها ولدك وتشبعيه وتكملي تسويق
وموكل شوي سووق اذا اغراض ضروريه

وهذا رأيي بكل صرااحه عن الرضاعه الطبيعيه حبيت اشارككم فيه

وشكرا

[ام ترووك]

بالنسبه لادرار الحليب
عندي قاعده وحده بس
وراح يفهموها اللي رضعو صح

كل مارضعتي اكثر كل مادر الحليب اكثر
اما تاكل اعشاب ومدررات وهيا ماترضع باستمرار ماراح ينزل الحليب باستمرار

خصوصا فالمرحله الاولي يعني النفاس رضعي كل ربع ساعه حتى لو نايم صحيه حتلاقي الحليب من كتره ممكن ترضعي اطفال الحاره منه
هذا رايي الشخصي وتجربتي

[تمأإرآا]

ام ترووك مشكوره ع الافاده
والله حمستيني لرضاعه الطبيعيه
بس المشكله حلمات صدري تعورني مو عارفه السبب
الله يعين ويسهل علي

ونورتيني

واتمنى الافاده من باقي الاخوات

[**لولا**]

صح كلام ام تروك
كل مارضع كل مايزيد الحليب
وكل مادخلتي الصناعي يقل فرصة الرضاعة الطبيعية ويقل الحليب
وكل مانظمتي الرضاعة ينتظم ادرار الحليب..مثلا اول النفاس رضعي كل مابغا أي وقت اعطيه
بعد شهرين نظمي وراح ينتظم الادرار يعني وقت جوعه تلقي الصدر مليان وقت موعده بالزبط
واعطيكي مثال انا مارضع ولدي بالليل تقريبا من 10 الى 12 ساعة في البداية صدري كان يحجر ويألم جدا بعدين لما اتعودنا صار مايحجر الا بعد مرور هذا الوقت لان خلاص انتظمنا ع كدا سبحان الله اتوماتيك يصير

بالنسبة لادرار الحليب اشربي موية كتير,,اشتري كرتون قوارير ودايمن اشربي وخليها جنبك
ومسلوقة اللحم والدجاج والسلطة

[لمياء ماهر]

قررت باذن الله ارضع طبيعي مع اني كنت رافضضه هالشي من خوف يخرب صدري بس طلع فوائدها اكثرر

[تمأإرآا]

لولا مشكوره حبيبتي
بس ابي اعرف هي تنحف ولا تسمن لاني ابي انحف مابي اصير فيل هع

لمياء
انا بالعكس متحمسه ارضع طبيعي

[farfocha]

انا سمعت انها تسبب اتساقط كتيف للشعر وخفت كتير ياريت البنات ينورونا

[تراتيل]

انا رضعت ولدي طبيعي رضاعه مادخل معها صناعي ابدا لاعصاير ةلاغيره لانه ماكان يقبل شي

بصراحه نحفت مرررررره بشكل مو طبيعي صرت هيكل

وبالنسبه لصحة ولدي الثاني افضل من الاول قليل مايتعب بسم الله عليه لكن الاول مارضعته الا عشرين يوم ف النفاس وانقطعت لظروف صحيه

الحليب بيدر ادا اكلتي زين اذا جعتي مستحيل ينزل ومستحيل يشبع الطفل كولي زين يدر الحليب وعليك بالسوائل

بالنسبه لي كان عندي مشكله اني لما اروح السوق يجوع ومايرضى ياكل اي شي بس يبي حليب فكنت اضطر اطلع للسياره ارضعه وارجع اكمل والحمدلله مو من كثر روحاتي ولا طلعاتي لا للسوق ولا لغيره لذلك مامان عندي مشكله الا وقت رمضان كنت ارحمه اصوم ويجوع ومايلاقي شي ...

انصحك توكلي على الله ورضعي طبيعي ...

[دانة العراق]

انا رضعت بنتي طبيعي وكان حليبي جيد وبنتي صارت دبدوبة عليه
بس بصراحة سمنت
ومااعرف شنو السبب
وان شاء الله البنات يفيدوك اكثر