اليوم اعلن انضمامي للقسم ولدي بعض الاساله اتمنى الاجاابه

[تمأإرآا]

اللهم تمم حملي وكل حامل بخير وسلامه وتمم لها فرحتها يارب

مع اني قبل فتره الدكتوره بينت انو لي ثلاث شهور و12 يوم يعني داخله بالرابع
وانا تلخبطت لان انا ماشيه ع الطريقه الاولى اللي حسبولياها
وانا بس ازور الطبيبه المره الجايه راح اخليها تاكد لي باي اسبوع انا وكم يوم
عشان امشي عليها

وانا بالنسبه لي اهم شي صحة الجنين

بس عندي سؤال
انا ماحس بشي بس اللي احسه لمن الحلمه تثير يعني توقف تعور بس مو حيل
هل هذا طبيعي

ولا احس بثقل فبطني
ومتى احس فيها

ومتى ممكن احس بحركته ???

وانا من كم اسبوع وانا فيني زكام هل هي من اعراض الحمل لان من حملت كان عندي زكام بس بشكل خفيف
وكل شوي عند المرايه انضف خشمي بشكل مستمر اسفه بس حابه اوضح
ولحين زاد الزكرم وسار بس ينزل خشمي وبس امسح


واسفه ع الاطااله وشكرا

[حياتي توأمي]

حبيبتي اولاً مبروك
انضمامك للمرحله الثانيه من الحمل

الله يتمم لج شهورج كلها على خير يارب

بخصوص الزكام هذا عادي حبيبتي لسه من شوي قريت بالنت يزيد الزكام بالمرحله الثانيه يعني بدايه من الرابع عند بعض الحريم
انتي اسألي دكتورتك تعطيج محلول ماء وملح بخاخ مايكون مضر بالجنين
وان شاء الله انا باقيلي كم يوم وأنضم لكم ان شاء الله

[تمأإرآا]

يبارك لك بايامك ياعسسل

الحمدلله يعني عادي
انا يمكن اروح بكرى او بعده عشان اتطمن اكثر
وبغاها تقول لي كم لي اسبوع
عشان اعرف حالي

والله يتمم عليك ع خير ياعمري

[نوره3]

الله يتمملك حملك و حملنا على خير يا رب
عادي حبيبتي انا قرأت انه بهالفترة يزيد الزكام وفيه ناس يصيبهم
وانا الحين في الرابع ودايما قبل لا انام يسكر خشمي وما اعرف انام .. الله يعين
حبيبتي حساب انتي بكم اسبوع زيدي اسبوع من اول يوم لاخر دورة لك وتكون بداية حملك ومنها بلشي احسبي

[Carmella]

ربي يثبت حملك حبيبي وتقر عينك بشوفة ضناكي
بالنسبه للزكام ماعندي خبره بس الدكتوره افضل مثل ماقالت اختي حياتي توأمي
بالنسبه للحلمات والمها انصحك بالترطيب على طول رطبيها
انا بالشاور استخدم زيت بيبي جونسون لكل جسمي واركز ع الحلمات اسويلها تدليك
وقبل النوم بالليل اصلا الدكتوره وصفتلي لوشن عشان لاتطلعلي تشققات استخدمته من الشهر الثالث عادي
ونفس الشي ارطب الصدر وخاصه الحلمه
حسبي حسابك انك راح ترضعي بعدين وحتألمك زياده لو كانت جافه

[تمأإرآا]

انا اخر دوره بالملادي كانت
ب 21/5/2013

انا ما اعرف احسب اتمنى اللي تعرف تحسب لي

كارميلا يسلمو ياقلبي
يعني لو استخدم كريمات حاليا ماياثر ?

[نوره3]

حبيبتي انتي كل 28 الشهر تدخلين بشهر جديد
يعني بداية حملك 28/5/2013
وانتي بديتي بالشهر الرابع من 3 ايام تقريبا وانتي الحين في الاسبوع ال14
الله يتمم حملنا على خير

[تمأإرآا]

اها يعطيك العافيه قلبي

[Carolina]

الف مبرووووووووووك ويتمم لك ع خير وعقبالنا ياااااارب وبالنسبة للزكام لا تخافي أنا عندي زكام من اول حملي
👏👏👏👏👏👏👏👏👏👏👏👏🎉🎉🎉🎉🎉🎉🎉🎉🎉🎉🎉🎉

[تمأإرآا]

وياك ياعمري