حملتة ( راح اكون ام ) بأذن الله .... تعااااااالو ي بنات نشجع بعض ] مافيه تطنيش هاه

[تمأإرآا]

السلام عليكم بنات انا نزلت الموضوع عشان نشجع بعض
ونعطي الامل انو راح نكون امهات قريبل

مافيه شي يصعب ع الله

انا اللي ابيه كل وحده تنزل برنامجه
وشنو اللي تعاني منه
وكم لها متزوجه وكم لها مستمره ع العلاج
ومتى فكرت بالحمل


ببدا بنفسي
انا لي 7 شهور تقريبل متزوجه
اعاني من قرحه والتهابات
وتعالجت ولا زلت اتعالج وموعدي بعد اسبوعين اشوف القرحه لو ماراحت اسوي كوي

طبعا انا من 2 يوم الدوره راح اسوي تحليل عن الغده وهرمون الحليب

وبعد الطهر بيومين نجوف القرحه لو ماراحت اسوي كوي والله يعيني

وباليوم ال21 من الدوره اسوي فحص البروجسترون

واكون ماشيه ع الرجيم وراح اكثر شرب شاي اخضر بالزنجبيل مع المشي وتمارين حق البطن
عشان انزل وزني وازيد من فرص الحمل عندي

طبعا ماراح افكر يالحمل راح ادلع نفسي واسوي تناضيف لبشرتي واهتم بنفسي وشربي واكلي

وراح اكثر مويه واكل برتقال كثير ولا اشرب غازيات ابد

ولمن تشرف الدوره اللي بعد الدوره هذي اكون باذن الله منزله وزني وطبعا ابدا بشرب اشياء ساخنا بايام الدوره
وابدا من اول يوم لدوره لليوم العاشر اكل الاناناس الطبيعي او اسوي انا اناناس طبيعي بنفسي

اشرب باليوم كوبين من العصير الاناناس

واتابع تبويضي

او يمكن ما اشرب اناناس اكل كبسولات رويال جيلي

وباليوم ال10 من الدوره اروح لدكتوره تجوف التبويض


دعواتكم لي ي بنات



يلا يابنات ابي تفاااعل


كل وحده تنزل مشكلتها وعلاجها



صححح نسيت اقول كمان اعاني من ضعف تبويض


يلاااا بنتظاااركم بنااااااااتتتتت

[ماء الغمام]

موضوع حلوو الله يسعدك ويكرمك بالحمل

متزوجة من سنه وشهر وبرنامجي بدا بعد 8 شهور بالتحاليل وكان هرمون الحليب مرتفع استخدمت بارلوديل باستشارة الدكتورة طبعا لمده 3 شهور تقريبا واخذت كلوميد وابره تفجيريه مرة وحده وماصار حمل اجلت الموضوع الين ما كملنا سنة على زواجنا وبدانا نفكر جدي رحنا لدكتورة ثانيه سوى تحليل والحمد لله سليم وسويت تحليل الهرمون وبرضو عالي اعلى من اول كمان هههه لاحول ولا قوة الا بالله كتبتلي الدكتورة على سيلينيوم اي سي اي وهو مجموعة فيتامينات لنا الاثنين و الدوستنيكس مده اسبوعين كل اسبوع يومين فقط انخفض هرمون الحليب الحمد لله وعندي موعد قريب عشان اتابع التبويض .. طبعا اهتميت لاكلي اكثر للرياضة احاول قد ما اقدر ابعد عن التوتر والزعل

الصراحة فكرت بالحمل بعد 3 او 4 شهور من الزواج

والحمد لله راضيه تمام الرضى لاني بعمل بالاسباب ومتيقنه تماما انو ربي ما قدرلي احمل طول الفترة السابقه وكلو خير ليه .. الله يكرمنا بكرمه ويبشرنا ويفرحنا

[زيزومة]

اهلين اختي
انا متزوجة لي ١١ شهر الحمدلله
و ماحملت بسبب لخبطة الدورة و الهرمونات
ماعندي هرمون حليب الحمدلله
بس عندي ضعف بالتبويض المبايض متكيسه الحمدلله على كل حال

بس امانةً ما سويييييت و لا شي
اللهم اخذت كلوميد و ماحملت؛ و ما اخذت بعدها اي شششي

لا اعشاب لا ادويه اللهم حبوب تنظيم الدورة

و السبب انشغالي بآخر سنة لي بالجامعة

و الحمدلله قبل امس تخرجت ياااااربي لك الحمد و الشكر ( ماشاء الله تبارك الرحمن )

بس قريت موضوع للاخت سالي٤٥
ابي اتبع طريقتها بإذن الله كوني فضيت و صار عندي وقت فراااغ. الحمدلله

[ام التوائم ان شاء الله]

موضوع راااااااائع ان شاء الله نستفيد من بعض

[تمأإرآا]

شاكره مروركن
ويارب نحمل والله قادر يفرحنا بيوم ولليله

برنامج سالي حلو انل قريت امس واعجبني ويارب يارب يفرح قلبها

ويفرح قلب حياتي توامي


واتمنى البنات يتفاعلون

[تــومــا]

موضوع رائع حبيبتي وربي يوفقك
انا قصتى طويله متزوجه من 11 سنه وحاولت كذا مرة يعني 3 مرات اطفال انابيب ومرة تلقيح صناعي وربي لسه ماارد انى احمل انا معاي انسداد بالأنابيب وضعف تبويض واحتمال الشهر الجاي اسوي طفل انبوب دعواتكم

[حياتي توأمي]

حبيبتي
تمارا
ادعوا ربي ان يرزقك يارب ياحبيبت قلبي
أحسك مثل الطفله البريئه الصورة توحيلي بذلك ههههههههه
المهم ...
بسم الله نبدأ
متزوجه صارلي 10 سنوات ولله الحمد عمري 29 سنه .. ظليت 4 سنوات بدون حمل بسبب السمنه والتكيس طبعاً اللي مرافقني
وطبعاً ضعف التبويض اللي نتج من الوزن والتكيس
المهم .. ظليت آخذ بعد زواجي لمده سنتين اتناول كلوميد من دكتورة لدكتورة كله يعطوني كلوميد حتى زاد التكيس عندي اكثر وماصار اي حمل
لحد ما يئست وقررت اترك الاطباء واشتغلت على نفسي ورياضه وريجيم لحد مانزلت من وزني 20 كيلو تخيلوا
رحت للدكتورة بعد مانزلت وزني وقالتلي انتي سويتي اعجاز بتنزيل وزنك والحين وزنك مثالي
وان شاء الله تحملي على طول
طبعاً التكيس ماراح بس خفت حدته
المهم ... عطتني ابر منشطه واستغربت قلت طول أول سنتين زواجي ليش مافي اي دكتور عطاني ابر منشطه ؟؟!!

المهم من بعد هالأبر ولله الحمد حملت من اول شهر علاج بالابر طبعاً كل هالكلام بعد مانزلت وزني من 80 إلى 60 كيلووو

الحمد لله ربي رزقني بالحمل بعد زواجي بأربعه سنوات .. أحمده على كل حال وربي رزقني بتواءم ولله الحمد عوض صبري 4 سنوات بتواءمي ولد وبنت الله يحفظهم لي يارب صار عمرهم الحين 7 سنوات
طبعا طول هالفتره تقريبا 6 سنوات انا وزوجي متفقين على عدم الانجاب بما ان عندنا تواءم قلنا خليهم ياخذوا حقهم في الرعايه .. طبعا ً زوجي كان مانع هالشيء وانا طبعاً ودي بالحمل بس شو اقول حكم القوي ..
وتقريبا من 6 شهور زوجي جاني وقال نبغي بيبي صغير ماتتصورون شو قد كانت فرحتي عاااارمة بسماع ذلك منه شخصياً وهالحين احاول من 6 شهور الحمل بس مثل ماتعرفون من أغلب مواضيعي لحد الآن اعاني طبعاً من التكيس وضعف التبويض
وطبعا وزني زايد يعني ما أتبع اي حميه او رياضه للأسف وموقادرة بصراحه لأني موظفه ارجع البيت هلكانه
...
بشكل عاااام معتمده ومتوكله على ربي قادر يكرمني ان شاء الله مثل ماكرمني أول مره وغطاني بفضله ورحمته الحمد لله وثقتي فيه كبيره يااااارب عجل ولاتؤجل لي ولأخوتي بالمنتدي يارب

وحالياً انا باليوم العاشر من الدورة ورحت للدكتورة اليوم الصبح كان عندي متابعه تبويض وكان عندي بويضه واحده بحجم 14 ونص طبعاً احسها باليوم 10 يعني حجمها معقول بس بنات أمانه كل من تقرى ماكتبت تدعيلي ربي يطرح البركه في هالبويضه وتكبر لحد يوم الثلاثاء لأن عندي متابعه وراح يكون يوم الثلاثاء اليوم 13 من الدورة
طبعاً كثفتلي الدكتورة ابر منشطه خذيت اليوم ابرتين ويوم الاثنين ابرتين والثلاثاء متابعه واذا حجمها تمام راح آخذ ابره تفجير

ادعووولي بناااات

ودمتم سالمين
ويارب ياتمارا يكون هالتجمع خير عليج ياحبيبتي وتصيري أحلى كرووووشه يارب

[قلبي يسجد لله]

السلام عليكم

ان شاء الله يااااااااااااارب كلنا خوامل ويعوض صبرنا خير ن شاء الله

بسم الله نبدا...

اسمي قمر من ليبيا متزوجه من سنه و7 شهور تقريبا .. ماصار حمل من 6 اشهور من زواجي حت لدكتوره كشفت عليا قالت الحمد الله مافيني شي لكن طلبت مني زوجي يسوي تحليل .. وكان نتحيه التحليل ضعيف وتشوهات والحمد لله .. واطته علاج لمدت 3 اشهور وماصار حمل
وبعدها ماشت لدكتوره ثانيا من الالم اللي في مبيض قالت مافيك شي وسوتني تحاليل كل شي تمام الحمد لله
وطلبت من زوجي تحليل اخر .. مازال في ضعيف اخذ دواء لمدت 3 شهور وماصار حمل
ماعش سوين شي بقات نستي معجزه واحمل وكل اللي تزوجو بعدي وقبل جبو واللي حوامل بس انا ماصار

رحني تونس تغير جو وبمره ماشت لدكتوره قالت مافيك شي
زوجي رح لدكتور مختص بعقم سوه له تحاليل وكشف قال مافي دوالي الحمد لله بس عطه دواء لضعيف ومازال يكمل العلاج 17 من شهر 6 وان شاء الله يارب خير

مافي حاجه اندير فيها بعد الدوره او قبل لانه زوجي عنده ضعيف يعني مافي فايده وخايفه ما احمل وما اكون ام ادعوللللللللي

ويارب يسمع مني ونكونو كلنا حوامل

[حياتي توأمي]

تمارا وينك
طمنينا عليج

[تمأإرآا]

شكرا بنات يارب كل من دخلت هنا وكتبت عن اللي تعانيه الله يرزقها الحمل عاجلا غير اجلا يااارب


حياتي توامي اصلا حتى زوجي يقول انتي احسك مثل الطفل البرئ وازعل واطفش عليه ههههههههههه

حياتي توامي ربي يرزقني وياك يارب وكل منتظره الحمل

بسراحه انا احس احبك فالله ارتاح لك كثير هههههه


وانا انتظر الدوره بفارغ الصبر عشان ارتاح من اللي انا فيه

ويارب وفقنا