دردشة بنات ليبيا , دردشة حوامل ليبيا , تجمع بنات ليبيا

[dr.loly]

اليوم طلعت اتدهورت فيك يانيوكاسل.....واخيرا مشينا السنتر نا وزوجي ...مشي طبعا كرعيا توا خلاص
شرا تي شيرت راقي يسوي 90 بليبي....وخديت نا تي شيرتين قماشتهن خياااال انعم من النعومه...الواحد ب 15 باوند عاد نا اقتصادية ندبر خخخخخخ زوجي مشكلته الحق يحب الماركات العالميه ونا بعد الزواج قعدت مش نفسه لان نفكر ف العيال . عموما لقيت اوشحة خيال. .شريت اثنين وشرينا ارنوب يهبل ولعبة لفروسي وشوية عطور وشامبو ليا والعيال بم ان خدوهن من الشناطي.... وبعدها الاء قعدت اتنق روحنا باقصي سرعه بعد سمعناها لعند ماكرعيا انشدن...زوجي يعلق عليا قال نقصتي 2 كيلو اليوم

[dr.loly]

المشاركة الأصلية كتبت بواسطة شموسه 88

امس ماقدرتش نفتح والله واجعني حالك يابلادي ابصرحه انقهرت عل الشباب لي ماتوا
حسبي الله ونعم الوكيل
ياربي الطف بينا والطف بعبادك ابجاه هل الايام المفترجا

لاحول ولاقوة الا بالله العلي العظيم...والله انصدمت بعد حكتلي ماما...بجد شئ يقهر والله
نبي نفهم القصه بالضبط مافهمتش وربي يصلح حال البلاد

[dr.loly]

المشاركة الأصلية كتبت بواسطة أمل ليبيا

ام فروسي ماشاء الله ان شاء الله تقعدي ديما منسجمه مع جوهم هكي وصحتين وع فكرة حتي اني صارلي الموقف لما رقدت في المستشفى طلبت شربة خضار ونرسملها في صورة في خيالي لين جابولي ميه فيها سفناري وشوية خضرة قعدت مصدومه ههههه
المهم تعرفي ديما نقول لزوجي ياريتنا في بريطانيا لانها قريبه من ليبيا وامريكا بعيده هلبا 16 ساعه او اكثر لانه ماما خاطرها تجي تحضر ولادتي لكن اني مانبيهاش تجي لانها ح تتعب هلبا صعب تتحمل السفر خايفه عليها والحمد لله وخلاص

والله يا اموله مش هذكا الانسجام اليوم بعد طلعنا حسيت بروحي خايفه هك...لدرجه مسكت ف دراع زوجي زين تمنيت انروح وانرد للفندق
لبسهن متعري جدا وف ناس نظراتهم غريبه وناس العكس تبتسملك...وانا الوحيده لي ف قروب الفندق نلبس ف بالطو طويل يمسح ف الوطا تحت تقدري تقولي وزوجات رفقاء زوجي هنا كلهن بنطالونات وجاكات فوق الركبه او بلوزات..حسيت روحي بكل بس هذي قناعتي اولا...وزوجي يبي هك ثانيا...فالوحبدة اللي ماغيرتش لبسها نفس بلادي نفس هنا هي ام فراس حتي مرات صديق زوجي تلبس ف طروف وبنطالونات ..فهل انا غلط او هم اللي فكرو بالتغيير يمكن عشان طبيعة للبلاد هنا او عشان سهولة الحركه

[sosolibya]

السلام عليكم ورحمة الله وبركاته

هذه خشتى من المراة مشيت ادهورت وهدرزت وغيرت جوى

[sosolibya]

المشاركة الأصلية كتبت بواسطة *ام فراس*

والله يا اموله مش هذكا الانسجام اليوم بعد طلعنا حسيت بروحي خايفه هك...لدرجه مسكت ف دراع زوجي زين تمنيت انروح وانرد للفندق
لبسهن متعري جدا وف ناس نظراتهم غريبه وناس العكس تبتسملك...وانا الوحيده لي ف قروب الفندق نلبس ف بالطو طويل يمسح ف الوطا تحت تقدري تقولي وزوجات رفقاء زوجي هنا كلهن بنطالونات وجاكات فوق الركبه او بلوزات..حسيت روحي بكل بس هذي قناعتي اولا...وزوجي يبي هك ثانيا...فالوحبدة اللي ماغيرتش لبسها نفس بلادي نفس هنا هي ام فراس حتي مرات صديق زوجي تلبس ف طروف وبنطالونات ..فهل انا غلط او هم اللي فكرو بالتغيير يمكن عشان طبيعة للبلاد هنا او عشان سهولة الحركه

ردى بالك ردى بالك (زى العزايز هههه)
ردى بالك يا ام فراس تغيرى من قناعاتك
أو من لبسك
راهو ربى هنا وغادى وانا عارفاتك ماشاء الله عليك مسلمة متدينة و واعية
بس ممكن مثل هالحاجة(سهولة الحركة وأريح وكذا وكذا)
يعنى هالحاجات ممكن تغرك وتغيرى رايك


حتى انا مرة صارلى هالموقف فى الجامعة

بس خلى نقولك شن صار باللك تاخديها منى

قلت كانى غيرت لبسى

ضاع عليا ألأجر وخسرت نفسى ومرات حتى احترامى لنفسى
وحاجة ثانية مهمة جدااااااااا

قلت لمانقعد بلبسى وحجابى هذا مرات ربى يجعله تغيير للكثير من حولى

أو على ألأقل لما يشوفونى يتذكرو ويتمنو ويحاولو

فقلت ليش نخسر هالأجر وهالحكمة من ربى انى نقعد فى حجابى

بس لو انى غيرت وبديت زينى زيهممعاش فيه من بيتذكر وتريح عليا وعليهم

[dr.loly]

والله ياسوسو كلامك صح ومقتنعه به وزينة العقــل ... بس نا انصدمت في الليبيات كلهن دبشهن تغير

هذا ليش حسيت روحي كأني غلط وزوجي يقول انتي ماتغيرتش هك احسن وانا مقتنعه بجد بس مرات الحق الشيطان يوسوس
اعوذ بالله منه

[dr.loly]

[dr.loly]

اختارن من رقم 1 الي 3 ... من اتوقعن يشبه ابوفرااس ع فكره يشبله وااااااااااااااجد

http://forum.hwaml.com/t260827.html

[أم أجنادين 80]

السلام عليكم ورحمة الله وبركاته

[أم أجنادين 80]

يارب احفظ بلادي من كل شر