دردشة بنات ليبيا , دردشة حوامل ليبيا , تجمع بنات ليبيا

[sosolibya]

اوشى بنسألك على غسالة الماعين

حق زى قلتها يعنى فيها تعب يها

لـأن زوجى قبل بياخذهالى عشان تحسس يديا

فقلت خنسأل عليها قبل

فقالولى انها للتعقيم وضرورى قبل ماتحطيهم فيها تكونى مصمصتهم

يعنى فيها فيها

وكأنها تعقم فيهم لاغير


شنو رايك اسعفينا بما انك مجربتها شخصيا

[اوشي]

سوسو بالنسبة للغسالة هادي انا شريتها عندي ......

وهي حلوة خاصة في الشتاء ... بس ضروري فرشك

يكون نظيف وبين فترة وفترة تغسليه للمحافظة عليه نظيف

مش انجي مثلا لفرشة زردة او فرشة دايرتها للعيال للوكال والشرب

وتغسليها بيها وتبيها تلمع .... هي صح تنورها اشويا بس ما تنظفهاش

لذلك اغسلي فرشك وديريله دورية باوقات محددة للغسله بالغسالة

[جوهرة ليبيا]

سوسو شن لونها الدار اللي درتيها جديدة
واختيار موفق وحلو ان شاء الله للستار والبساطات
حتي انا الاتاث الجديد اللي شريتة مازال يبي بساطات وتحف وعرس طويل ههههه
طبعا حاليا مانقدرش نشري يامنعاش لين تطلعلي جمعيتي بعد رمضان ان شاء الله

[اوشي]

قبل ما نجاوبك علي غسالة الماعين بنقولك علي طريقة

تغسلي بيها الفرش ويخليه يلمع بجد زي الالماس

اغسليه بصابون الوجه

[sosolibya]

تلبسو وتبدو باتلهناء اوشى وان شاء الله مبروكات مسعودات




جيجي زيدى فكرى ماجبتيشه الاسم قاعدة مازال

[جوهرة ليبيا]

عندي غساله الماعين لكن مانستعملش فيها الا لطواسي المرش كان عندي عزومة او تكدسولي فقط
الباقي دوة فاضية <<< ندوي علي غسالتي والله اعلم ممكن في هالتلات سنين في غسالات مطورة اكثر واحسن

[جوهرة ليبيا]

المشاركة الأصلية كتبت بواسطة sosolibya

تلبسو وتبدو باتلهناء اوشى وان شاء الله مبروكات مسعودات




جيجي زيدى فكرى ماجبتيشه الاسم قاعدة مازال

آآآآآآآآآهي حرام عليك كان اتمشي فيا مقلب والله انوريك منحبش المقالب زي هادي

[sosolibya]

لالا انا بصراحة مااقنعتش بيها الغسالة يا اوشى يعنى للغبرة وخلاص والبقع لا واحنا مع الصغار ماشاء الله

كيف طريقة صابون الوجه


تسلمى جيجى الله يسلمك على اللون الوردى وألأكحل وألأبيض

هذه الجلسة واكيد البساط ناخده وردى باش تضوى والستا بين بين شنو رايكم

[sosolibya]

لا ياجيجى مش مقلب بس فعلا قاعدة ماجبتيهس الاسم باهى بللا حتى انا شغليلى مخى وقوليلى الحرف الاول

[اوشي]

بالنسبة لغسالة الماعين انا امسميتها بنتي ماشاء الله عليها

لا قوة الا بالله ... قبل كل شيء ضروري يكونن طناجرك وطواجينك تيفال او سلستين

نغسل فيها السفر الصغار والطواجين والطناجر

واكيد بنمصمصهم تحت اشيشمة وانحطهم في الغسالة وهذا عشان مجرى الغسالة اللي ماشي شور

المجاري حشاك ما يتسكرش ....

وبعدين اتمصمصيهم في 5 دقايق والا تقعدي تغسلي فيهم علي ايديك ساعة بدون تعقيم

ويدياتك ايعدو فيها نصيحة اخت اشريها خاصة ان رمضان جاي وا ادراك عاد في مواعين رمضان