دردشة بنات ليبيا , دردشة حوامل ليبيا , تجمع بنات ليبيا

أم أجنادين 80 · 04-18-2013, 01:11 PM

سوسو شن صارفيك
مناقشتك اليوم

شموسه 88 · 04-18-2013, 02:05 PM

السلام عليكم ورحمة الله وبركاته

شموسه 88 · 04-18-2013, 02:29 PM

كيف الحال ياصبايا او شن الاخبار كان النت فاصل امس شحنت نبي انخش انهدرز اشويا رقدت

ام وسونه

ربي اينوضك بسلامه او تفتحي اعويناتك عل خير حولي تاخدي فتره نقاهه قبل مايبدا الصدااع وان شالله اتجيبي من هنا نفرحو ابحمل جنوده من هنا

سوسو ربي ايوقفك في مشروعك لما اتنقشي مشروعك اتحسي روحك تخرجتي

ام فروسي مبرك البني اون شالله اعتبت خير عليكم والعقبه لبنيه الكبيره"العمر"

اوشي كيف حال الصغار او شن جو المنطقه الشرقيه يلكي بكره ماشين رحله لشحات

ام نوزه شن الاخبارك شن صوريلن مطبخك الجديد انشوفوه

جنوده كيف حالك يا احبيبيه اوربي ايسخرلك الحمل عاجلا وليس اجلا

اثري
كيف حالك او حال لعويله بما انك عيشه اجو الرجيم تعالي انقولك سر
انا توا وزني طق 58 والبطن الحمد لله تميت راضيه عليها وفضل نستعمل في خلطه اسمها مستخلص الزنجبيل تلقيه عند العطار ادهني بيها عل بطن اولفيها يسلوفان نيلوا اوشتغلي بيها حتحسي بلحراره انا ليا اسبوعين نستعمل فيها اول امس قست بطني القيت فرق 8 سنتي
اوكل صبح طبعا ليا تقريبا شهرا باديه فيها انحط نصل لتر اميه وانحط عليه كشيك زنجبيل مطحون او كشيك نعناع يابس اوكشيك شاهي احضر او كشيك كمون العريض خليهن يطبخن معا بعضهن اوصفين اوحطيهن في كاس اوكل قبل وجبه اشربي كبيه
والله نزلت اتقريبا فوق من5 كيلوا

dr.loly · 04-18-2013, 04:10 PM

الله يباركـ فيك شموووسه تسلمي... وماشاء الله وزنك 58 وخششتي البطن اللي بنبدا نخششها حتي نا.. بس مشكلتي بنتي معتمده عليا بسسس ف الرضاعه وشهيتي مفتوحه... وحنجرب خلطتك الكمون نشرب فيه بروحه عندي معلومه ان يخشش البطن...
ومستخلص الزنجبيل قصدك يندهن عالبطن زي الكريم؟؟

~~sosolibya~~ · 04-18-2013, 04:17 PM

السلام عليكم

~~sosolibya~~ · 04-18-2013, 04:19 PM

واااااااااااااااااااااااو ياحبيباتى باركووووووووووووووولى

شعور لايوصف

واو يعنى الحمد لله غمة وانزاحت

طبعا ناقشنا اليوم والتسليم الأسبوع الجاى بإذن الله

الحمد لله يارب

يللا نبى مباركات فرحونى

بس تعرفو ياريته بعد الامتحانات لأننا توا بدينا نفكرو فى الامتحانات

dr.loly · 04-18-2013, 04:21 PM

اقتباس:

المشاركة الأصلية كتبت بواسطة أم أجنادين 80

صباح الخيرات
الف لاباس ام نوزة
ام فراس تسكنيه بالهناء وصح هيا تعبة تبني مرتين بس تقدروا تاجروه
وزيادة راجلك يبي يكون مطمئن عليك
ربي يهنيكم

مساء النورات والليرات..
تسلمي الله يهنيكـ...
الله غالب صح هذي بنية جت بسرعه وبالضغط تعب زوجي فيها لكن البنية الكبيرة ان شاء الله حتكون بالمهل وبالراحة كل مرة تندار حاجه علي ماقدرنا نسكنوا فيها بروحنا وكبروا العيال تكون تمت والحمدلله ع كل حال...

~~sosolibya~~ · 04-18-2013, 04:21 PM

ام فراس قصدك الارضية تبع حوشك كلها سيراميك بدن فراشانت ابدا

تعرفو التوانسة شنو يقولو بلى الزليز ولا مرض الفراشات هما يعتبرو ان هم الفراشات أحرف وان مرض الزليز اهون

لان الفراشات غبرة وكذا

dr.loly · 04-18-2013, 04:31 PM

اقتباس:

المشاركة الأصلية كتبت بواسطة sosolibya

واااااااااااااااااااااااو ياحبيباتى باركووووووووووووووولى

شعور لايوصف

واو يعنى الحمد لله غمة وانزاحت

طبعا ناقشنا اليوم والتسليم الأسبوع الجاى بإذن الله

الحمد لله يارب

يللا نبى مباركات فرحونى

بس تعرفو ياريته بعد الامتحانات لأننا توا بدينا نفكرو فى الامتحانات

مبــــــــــــــــــــــــــــــــــــــــآرك...

الف الف الف مبارك
وعقبال النجاح بالامتحانات... بس ع شن كان مشروعك... مناقشتك..؟؟

dr.loly · 04-18-2013, 04:39 PM

كله ارضية سيراميكـ...لافراشات لاشئ خخخخخخخخخخخخخخخ...
و...منظفة السيراميكـ وقاعده كيف بيجي الغباار عدوي اللدود لان عندي حساسيه انف وجيوب انفيه ..وشكله فروسي ورثها مني
...اوخيتك اتهني هههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM