دردشة بنات ليبيا , دردشة حوامل ليبيا , تجمع بنات ليبيا

[sosolibya]

تدللى حبيبتى أثرى
وأنا رح أبد بيكم
وزى ماقلتى أسئلة على الجانب الدينى


1 اين وصلت فى قراءة القران الكريم

2 مالاوقات يللى تجلسى فيها لقراءة القران الكريم

3 البرامج الدينية التى تتابعينها

[sosolibya]

1 اين وصلت فى قراءة القران الكريم

فى سورة الفرقان

2 مالاوقات يللى تجلسى فيها لقراءة القران الكريم

بعد صلاة الفجر
بعد صلاة الظهر
بعد صلاة العصر

3 البرامج الدينية التى تتابعينها

مراااااااااااااات برنامج عمر خالد (عمر صانع حضارة)

[sosolibya]

0 أحلى مثلجات من يدين الماما

[sosolibya]

يقين حطى صورة برهومة وقولينا لمن يشبه خخخخخخخخخخخخ هو مسكين قاعد لحمة حمراء

[ام وسونة]

السلام عليكم

صحة فطوركم جميعا

وبالنسبة لوين وصلت في الختمة وصلت في سورة ابراهيم

وموعد القراة قبل وبعد صلاة الفجر

والبرامج والله مرات خواطر ومرات عمر صانع حضارة وقصص الانسان من القران والاكتر نفتح كل يوم على قناة المجد

[sosolibya]

شورنى نهدرز بروحى ع قولة اثرى بس يللا نكملو هدرزة

امس قلت خلى نمشى نفطر عند عيالى قبل ماتجى حماتى يوم الاحد
مشى امى تصلت عزمتنا قالت مادامنى مدايرة فطور كويس( طاجين وعصبان وكوسا)
مشى قتلها خلاص باهى توا انا ندير طبيخة بقوليات ومعها رز بلاو

وتخيلو الموقف يللى صار














مشيت لامتعينى العصر بناخد الطنجرة متعتى لقيت حماتى قدامىى
ااااااااااااااااااااه تخيلو الموقف معاش فيها كيف وجهى تقشررررررررررررررررر


مشى كلمتها وقتلعا من الاخير هكى وهكى وانت شن جابك اليوم خخخخخخخخ قالتلى خلاص برى عادى
ماهو انا تحشمت قلت توا تقول على خاطرى ماهو حتى المرة الفاتت لما جت انا مشيت لعيالى بالصدفة

واليوم حماتى الاخرى جت
وانا درت فى حوشى
كيف قلت ماعندى نية فى شىء خ ندير حاجتين حلو وخلاص
ع اساس باسطى وعسلة
ولما مشيت غادى
لقيت حماتى عاجنة عسلة قتلها مستحيل نغير عجنتى
بس لما روحت غيرتها فركسى وامري لله
وزدت درت
رز بلاو بالزبيب والعسل واللوز
وباسطى بنكهة الليم الكينى والزبيب والعسل الطبيعى
وبعدين ولتلهم وقتلها غيرتها فركسى مشى قالولى حنا مدايرين خبزة بالطن قتلهم حتى انا ومش رح نغير مشى حماتى قالت خاطرى فيها بالدحى
قتلها لا ماعنديش دحى
ولما روحت امرى لله ماهانش عليا ودرتها بالدحى وخلاص



وطبعا دزيت راجلى للمحل مسكين
خدالى لوز وزبيب وزيتون وعصير




وهما دروا سياخ دجاج ومبطن وشربو وعصبان وعسلة وخبزة محشية بالطن


اه دهشت

[sosolibya]

حتى انا نحضر فى برامج امبسى ترى
مع ولدى
قصص الحيوان فى القران ورمضان ابو صيام وقصص الانبياء

[شمس الزمان]

السلام عليكم ورحمة الله وبركاته
اولا كل سنه وانت طيبات ان شالله ربي ايتقبل صيامكم اودعائكم
طبعا انا حالي الحمد لله مازلت ماجبت فايته موعدي ليا 8 ايام اونفسيتي مدمر لصفر كل يوم نبكي من قهري اونمشي لمستشفى ايدرولي في توسيع والرحم مابش ايزيد عن 2سانتي اه الحمد لله
يقونه اللف الف مبروك اوتربى في عزك اواحكيلنا اين اسهل الاولى ولا التانيه

[شمس الزمان]

عطوني لعند بكره قالولي دخول ليه صناعيه ادعلي ربي ايسهل عليا

[أم ورد]

السلام عليكم
كيف حالكم