هل الخط الخفيف جدا في جهاز كشف الحمل يدل على شي؟؟

[ويدو الحبوبة]

طمنـــــــــــــــــــــــــــــــــــــــــيـــــ ـــــــــــــــنـــــــــــــــــــا

[مسكّ العطورّ]

يارحيم بشري حللتي ؟؟؟؟؟؟

[أمنية ..]

يبدُو أختنا - يا رحيم - ناوية تشوف غلاتكم عندها ..
طمنينا ، شوووو صار ؟

كل تأخيرة فيها خيرة ، إن شاء الله بشارة حلوة ؛

[يارحيم]

اخواتي العزيزات انا اسفه اني تركتكم كم يوم بدون رد.. بس كان ودي اجيب لكم الخبر الاكيد وكان ودي ازف لكم الخبر واحطه بموضوع واحط لكم كل تفاصيلي.. بس بما انكم تنتظروني على نار انا مايهون علي اطنشكم.. واساسا ما انتبهت للموضوع اليوم الله يجزاها خير يارب ارزقني توأم نبهتني انكم تنتظروني وانا مارديت..

انا زوجي ما رضا يوديني احلل دم لانه يتوقع اني اتوهم كالعاده ولما سويت اول تحليل وكان خط خفيف بالمرة بالمرة يالله تشوفينه ما اقتنع وسويت واحد ثاني وطلع خط واحد وقالي خرابيط..

الدورة ما نزلت وتأخرت ثلاث ايام رحت الصيدليه وشريت تحليل كلير بلو ديحيتال.. طبعا يالله جاني النوم بالليل وما قدرت انام لين الصبح قمت قبل الفجر من الحماس وسويته وقعدت بالحمام انتظر وتأخر وهو ما طلع وانا خلاص اعصابي تعبت ومتوووقعه انه بيكون سلبي.. وسبحان الله طلع ايجابي!! طبعا بعدها صليت الفجر وماقدرت انام وقعدت اسوي سيرتش بالنت واقرا هل ممكن التحليل يكون غلط؟؟ وقريت قصص انه فيه ناس سووه بالبيت ايجابي ولما سوو دم كان سلبي والسبب انه يكون فيه اجهاض مبكر جدا ما تحسين فيه ينزل زي الدورة وخلاص!! وانا من بعدها جاني رعب.. قلت لزوجي خذني احلل دم وارتاح قالي اني مشغول اليوم وبكرا!! يعني مشغول الخميس والجمعه.. والسبت والاحد بروح مدينه ثانيه ازور اقارب.. متى ان شاء الله بحلل؟؟ قالي زوجي الاثنين..

كنت حابه ازف لكم الخبر الاكيد يوم الاثنين واقولكم تفاضيل اكثر.. لكن ما هان علي اخليكم تنتظرون اكثر.. وان شاء الله اذا تأكد يوم الاثنين عاد بسوي موضوع كامل ازف فيه الخر واكتب كل التفاصيل..

واشكركم من كل قلبي على اهتمامكم ومتابعتكم.. انتم اشد من اخواتي ومالي غيركم بالذات هالفتره.. للحين ماعلمت اهلي ولا احد بهالدنيا لاني خاااااايفه ما يتم ويصير شي.. مارح ارتاح ولا اعلم احد لين اسمع نبضه باذني..

[مسكّ العطورّ]

ياعمرري انا حاسه انك حامل عشان كذا كنت منتظرتك من زمان تردين
ومدام مرتين يطلع موجب اكيد ميه بالميه حمل
انتبهي ع نفسسك زين مو تشلين ثقيل وتكثرين حركه والافضضل تقنعين زوجك وتحللين االيوم عشان تطمنين وترتاحين
والله يرزقك يارب
انا حاااسه انك حامل

[ρυяỉтч •]

^
يالله اقرا الصفحات شوي شوي اخاف القى رد لك ان الدوره نزلت .. بس لما قريت ذا الكلام

وسبحان الله طلع ايجابي!!

دموعي لا ارادي صارت تنزل :(
الحمدددلله والف مبروكك ياقلبي وبإذن واحد احد انه حمل ق١ .. بس ممكن توه ضعيف ف انتي لاتسافرين ولا على بالك
لان تلاقين حاليا نسبه الحمل ٧٥ وخطر جدا الاجهاض وممكن تفكرينه دوره بعد ..
لازم تروحين الدكتوره وتابعك وتعطيك مثبتات لو الحمل ضعيف
خذي كلام وحده مجربه واستهانت بنسبه الحمل وسافرت واجهضت ولامت نفسها لما شبعت :(
مع ان الحمدلله عندي اطفال بس ياختي الضنا غالي لو انه العدد الميه ..
والله داخله المنتدى ادور عليك بشوف وش صار معك لاني انشغلت وماقدرت ادخل :(
يارب عقبال ماتشيليه بين ايدينك يارب ق١
وزوك ياعيني عليه اكيد خايف يتحطم وكذذا تعرفين الرجال يجيهم البرود ب اوقات غلط
زيني فوق راسه لين يوديك تتطمنين ولاحقه تزورين اقاربك الدكتوره اهم الحين
واذا مو مصدق جيبو تحليل ثاني وبرضو عيديه عشان يتاكد
وبقولك شغله .. انا اراقب نسبه هرمون الحمل عن طريق تحليل البول
اذا نسبه الحمل ترتفع تلاقين كل يوم تعملين التحليل العادي اللون يغمق
واذا النسبه ثابته بيكون الخط خفيف مثل ماهو
واذا النسبه بدت تنزل ف الخط بيخف لين ينتهي :(
انتبهي لنفسسك قلبي ق١
وسوري حكيي وش كثرهه بس من فرحتي فيك والله ق١

[بنت صيدا]

ما بتعرفي لعله خير
ما الك الا تصبري وتعملي تحليل منزلي كمان مره
ولو طلع ايجابي فان شاء الله انك حامل

[يارحيم]

الله يجزاكم الف الف خير على اهتمامكم ومشاعركم.. والله انكم بمثابة خواتي اللي ماقد شفتهم.. كلكم ساندتوني بالاوقات الصعبه وفرحتو معي باوقات الفرح.. بضل ادعي لكم من قلبي لانكم سويتو معاي اكثر من الي يسوونه احبائي بالحياة الواقعيه ووقفتو معاي وساندتوني وصرتو اهل لي بهالفتره الصعبه..

انا بكرا عندي زيارة بكرا ماقدر اخليها لان ضيوف جايين كندا وماشين ولازم نشوفهم وكان ودي اشتري اليوم تحليل ثاني اجرب الخط يغمق ولالا عشان اتطمن وما امداني :( ان شاء الله بكرا يمديني واسويه يوم الاحد.. واساسا الاثنين تحليلي باذن الله..

[ام علوان]

حبيبتي لا تسوين تحليل خلاص انتظري للاثنين والف حمدلله يارب اكيد تبشرينا سوي تحليل رقمي عشان تطمنين اكثر
ومبروك مقدما ودعواتك لينا يارب

[نفسي أكون أم]

يا رب تطلعي حامل يا ختي في انتظار اخبارك