تجمع حوامل سوريا-دردشة ورود سوريا-دردشة الغاليات

[سرووءة]

اهلا اهلا
ام ملاك
يسعدلي هالصباح الرايق
هااتواجد الحلو
صحة وهنا عالبروست
يلا بانتظار الصحن ههههه^^
انا عملت مقلوبة بيتنجان ولبن بخيار وسلطة
كنت محتارة شو ساوي

ولاتخافي من صورة الرباعي الابعاد
انا سويتها باول السابع
كان كلو تمام ولله الحمد
طمنينا عنك بس تسويها
والله يرزقك يلي بتتمني ومتل ماقلتي أهم شي الخلقة التامة
انا معي بنوتة ^^

وين باقي البنات الكسالى ^^

[أم ملاك ومالك]

المشاركة الأصلية كتبت بواسطة سرووءة

اهلا اهلا
ام ملاك
يسعدلي هالصباح الرايق
هااتواجد الحلو
صحة وهنا عالبروست
يلا بانتظار الصحن ههههه^^
انا عملت مقلوبة بيتنجان ولبن بخيار وسلطة
كنت محتارة شو ساوي

ولاتخافي من صورة الرباعي الابعاد
انا سويتها باول السابع
كان كلو تمام ولله الحمد
طمنينا عنك بس تسويها
والله يرزقك يلي بتتمني ومتل ماقلتي أهم شي الخلقة التامة
انا معي بنوتة ^^

وين باقي البنات الكسالى ^^

هلا فيكي حبيبتي

تواجدك هو الآحلى

وصباحك يارب

ع قلبك يارب .. تكرم عيونك حبيبتي

بصراحة لو بعرف كيف انزل الصور كنت نزلت صورة هههههههههههه بس مابعرف

ياريت تعطوني طريقة لحتى اقدر نزل الصور ههههههههه جاهلة بالنت خخخخخخخخ

أوووووووووووووووووه صحة وهنا ع المقلوبة وخيار بلبن وسلطة

بصراحة أنا مالحقت أعمل تبولة لأني زوجي كان جايبلي عدة التبولة معو وكان جوعان

فقطعت بندورة وخيار وحطيت خس وكتشب وبس

إن شاء الله يارب الله يطمن قلبك يارب

والله يقومك بخير وسلامة يارب

وتشوفيها عروس يارب وتكون من الصالحات وحافظة كتاب الله يارب

مع كل الود

تحياتي (^_*)

[أم ملاك ومالك]

أتمنى أن يعجبك الصحن هههههههههههههههه

وإذا ماعجبك قوليلي بصراحة عادي بحب الصراحة

مع كل الود

تحياتي (^_*)

[سرووءة]

ام ملاك
اي شوووهاااد
يمي شي بشهي والله
منيح يلي ماعم اتوحم ههههه
شهيتيني قلت لزوجي بكرا الجمعة بدك تجبلي بروست خخخخ
بتعرفي شلون طريقتك بالقلي
انا مرة قليت فخاد دجاج بس مااستوا من جوا
صرت اشوين شوي بالفرن
ماشالله عليكي شكلك طباااخة الله يهني زوجك
^^
دايما ورجينا طبخاتك
الله يعطيكي العافية وصحة وهنا يارب

[ام ام]

السلام عليكم ورحمة الله الله يفرجها عليكم وينصركم يارب ويهلك الطاغيه والله ان قلوبنا معكم وكان اللي صاير لكم لنا لانكم اهلنا والله سبحانه كرررريم وقريب ولاتنسو الدعاء اكيد مابيحتاج اقول ولااذكركم الله معاكم حبوبات هذي اول مشاركه الي واذا مافيها كلافه ابغا طريقة التبوله والكبه لازم لها ماكينه؟ اعشقها للكبه لكن للاسف مااعرف اعملها ولااعرف طريقتها واذا مافيها كلافه كمان ابغا تدوني من النت ملف خاص بالاكلات الشاميه يعني بيكون مثل ماتعملوه واسفه على دخولي والله يهون عليكم الحمل والولاده ويرزقكم بالذريه الصالحه

[زهرة الحب]

كيفكن ياصبايا شو أخباركن
هدولة لسامانقلت عم استنى ساكنين فيها نازحين من حمص
وهلأ. بس رجعوا على حمص رح انتقل عليها حبيبتي انتي حامل
وماتشغلي بالك بالاخبار وكلي أمرك وأهلك بحفظالله
مشان ماتتعبي انا لما كنت بحلب واسمع كمان اخبار عن الشام وكان جوزي
بالشام مرضت كتير وتعبت نفسيتي كتير
جوري الله يسرلك هالنقلة وان شاء الله بتشوفي الخير عليه
وردة يسلموا ايدكي شو هالاكل الشهي انا اليوم رح اعمل شيخ المحشي تفضلوا
سرووءة كيفك ياحلوة صحة وهنا على مقلوبة بيتنجان كتير طيبة هلاكلة
ام ملاك تسلمي شو هالدعوات االحلوة امين والله يسمع منك
انتي مالك ختيارة ولا شي انتي اختنا الكبيرة انا من حلب وانتي من وين من حلب ؟
ام عبودي تشرفت فيكي انا اماني من حلب وعايشة بالشام عمري 20 ومتزوجة من سنتين ونص
وماعندي ولاد مالي حامل الله يتمم حملك على خير
ام عبودي تشرفت فيكي

[وردة سورية]

طبيخ المليحي أشهر المأكولات الحورانية ‏
ادخلي هي الصفحة في هاد القسم تنزلين تحت وتلاقي طرقة الكبة بالتفصيل
قسم الأطباق الرئيسية والشوربة
ام ام اهلا وسهلا فيكي حبيبتي تدخلين على الصفحة وبتلاقين طريقة الكبة انا كاتبتها وان شاء الله بكتبلك طريقة التبولة وان شاء الله عن قريب بدي اتفق مع البنات ونعمل ملف للاكلات السورية
واي سؤال انا بالخدمة حبيبتي

[وردة سورية]

وين البنات النشيطات
كيفكم اليوم سروءءة هدولة
جوري وينك يا كسلانة
زهرة ام ملاك ام عائشة عبورة رنوووووووووومة وينك اشتقنالك
ام عبودة مييييييييييييييييييييين في بعد ذكروني
طمنوني عنكم شو عاملين اليوم
انا من شوي فقت من النوم وجسمي مكسر
وعم فكر بطبخة اليوم

[زهرة الحب]

وعليكم السلام ورحمة الله وبركاته
حبيبتي انا رح اعطيك طريقة التبولة كتير سهلة
قطعي الخضار بشكل ناعم يعني طماطم 3وباقتين بقدونس
خس ليمون الخضار اللي ترغبيها بس اهم الشي تكون ناعمة
والبقدونس يكون كتير بعدها انقعي برغل خشن مقدار كاسة شرب. بماء مغلي لحتى تحسيه نفش
صفيه من المي وانا بعصره مشان ينشف شوي افرم بصلة ناعمةضيفي فوق البرغل حطي ملح وكمون وفلفية حمرة او دبس فلفية ومعلقة رب البندورة وزيت حلو ونصف معلقة صغيرة ملح ليمون اخلطيهن جيدا بعدها اقلبي البرغل فوق الخضار وحركيه بيدك وفي ناس بتحط دبس رمان بس هيك اطيب وصحة وهنا
بالنسبة للكبة بدها ماكينة *

[أم ملاك ومالك]

المشاركة الأصلية كتبت بواسطة سرووءة

ام ملاك
اي شوووهاااد
يمي شي بشهي والله
منيح يلي ماعم اتوحم ههههه
شهيتيني قلت لزوجي بكرا الجمعة بدك تجبلي بروست خخخخ
بتعرفي شلون طريقتك بالقلي
انا مرة قليت فخاد دجاج بس مااستوا من جوا
صرت اشوين شوي بالفرن
ماشالله عليكي شكلك طباااخة الله يهني زوجك
^^
دايما ورجينا طبخاتك
الله يعطيكي العافية وصحة وهنا يارب

تسلمي يارب وإن شاء الله تكون فعلا" الصورة واضحة حبيبتي

حبيبتي أنا كنت متلك كل أسبوع مرة أو مرتين اخلي زوجي يجيب بروست

بس دايما" بنتخانق لاني انا بحب الجلد فيه بيكون مقرمش وهو مابيخليني أكله قال كل سموم

الدجاج فيه ومن هل حكي ,, كنت أحيانا" أدخل أكلوا وأنا بالمطبخ

خخخخخخخخخخخخخخخخ قصة حياتي

المهم بالصدفة شفت طريقة عجبتني وعملت عليها شوية أضافات وصرت أعملوا بالبيت وأكل

الجلد ههههههههههه

الطريقة أول شي بتنضفي الدجاج وبتشيلي الجلد وبتغسليه وبتسلقيه وطبعا حطي معو بصلة

وكل البهارات الي عندك أنا بحط (زنجبيل مع زعفران ,, زنجبيل ,, هال ,, بهار أبيض ,,

أوريجانو ,, بهارات البروست ,, فلفل أحمر رش ,, بهار أسود ,, بهار مشكل ,, قرفة ,, وهال

حب وقرفة عود و ورق غار ,, والملح بحطوا بعد نص أو ساعة من السلق ,, وإذا بدك ياه حد

فيكي تحطي دبس فليفلة حد أو فيلفلة رش حدة )

وبس يستوي بطلعيه ومن الشوربة وبتتركيه يبرد

وبس يبرد أا برجع بحط كل البهارات عليه بس من دون ( هال حب قرفة عود و ورق غار )

وبتركهم ساعة تقريبا لحتى يأخد طعم البهارات ,,

بعدين بجيب طحين وبلتوا فيه وبعدين بالبيض وبعدين شوفان أو كعك مدقوق ,, ( بصراحة أنا

عاملة خلطة شوفان وكورن فليكس والسكويت الي بينحط مع التشيز كيك وبطحنهم مع بعض )

وبعدين بتقليه وبس لحتى يحمر وصحة وهنا يارب

ملاحظة بسيطة البسكويت بيعطيه لون غامق شوي بس الطعمة طيبة )

آآآآآآآآآآآآآآآآسفة ع الأطالة حبيبتي بس حبيت أقلك عن طريقتي

ويهنيكي أنتي وزوجك يارب وبارك الله فيكي ع الدعوة الحلوة متلك

الله يعافيكي يارب وصحة وهنا ع قلبك أنتي كمان

مع كل الود

تحياتي (^_*)

(والسلق ضروري شآن بالقلي مايطول وإن شاء الله تعجبك الطريقة )