تجمع حوامل سوريا-دردشة ورود سوريا-دردشة الغاليات

زهرة الحب · 10-28-2011, 03:36 AM

عذابك راحة بالفستق الحلبي ههههههه
أنا تحت أمرك شو مابدك أسئلي
أنا بساوي كبسة بس الرز بكون لونه أصفر ويقولوا إنه برياني بس كتير طيبة أهلي وزوجي بقولولي مافي حدا بيعرف يطبخ كبسة متلك عم يمدحوا فيني ههههههه
المهم
المقادير:
5 فخاد منظفين ومغسولين منيح
1كليو رز الشعلان
1بصلة كبيرة مقطعة ناعمة
3فصوص توم مطحون
3قرون فليفلة خضرا مقطعة مكعبات صغيرة
2جزرتين مقطعة مكعبات صغيرة
5بندورة مقطعة مكعبات صغيرة
حفنة بازلاء يعني مقدار كاستين شرب
2معلقتين زنجبيل
1معلقة صغيرة قرفة
معلقة ملح كبيرة
معلقة فلفل اسودصغيرة
معلقة كزبرة يابسة كبيرة
معلقتين كبار كاري
ورق غار
حب هيل
معلقتين كبار سمنة
معلقتين كبار زيت مازولا
ربع كيلو لحمة
ربع كيلو مكسرات مشكل يعني لوز وفستق وكاجو بس هدول حمصيهم بالسمنة
الطريقة:
بتحمي السمنة والزيت على النار بالطنجرة وبتضيفي البصل والتوم والكزبرة اليابسة وبتقليهم منيح وأنتبهي ليحترقوا بعدين بضيفي الفليفلة وبتقليهم لحتى تحسي تغير لونها يعني استوت بتحطي الجزر وبتقليه الجزر بطول شوي لحتى يستوي إذا شفتيه بده يعلق حطي نقطة مي بس استوى حطي البازلاء كمان تقلية لحتى تستوي حطي البندورة بس غلت حطي الفخاد وقليهم شوي بعدين حطي مي على عدد الكاسات الرز وبعدين بس غلت المي حطي ورق الغار والهيل والزنجبيل والكاري واتركيها تغلي لحتى تستوي الفخاد ارفعيهم من المي وطب الرز وطبعاً الرز بدك تكوني نقعتيه قبل بربع ساعة (رز الشعلان بده ينغسل بعدين ينتقع لاتنسي) بس طبيت الرز حركيه مشان يتخلط منيح بس استوى نتفي الفروج وطبي معهم وحركي واذا حبيتي حطيه على الوجه هاد حسب الرغبة
هلأ أجى دور التطبيقة
بتقلي اللحمة وبتطبي المكسرات معها وبتزين الجاط وألف صحة وهنا إذا في شي مال مفهوم أسئلي

سرووءة · 10-28-2011, 03:41 AM

لا مفهومة
خلص بجربها
زهرة ليش متطولي بالرد انا كتير نعست
بستاذنك هلا راح نام
لاتواخذيني ياعسل
بشوفك بكرا
ايمت بتدخلي بكرا
ولا ان زوجك بلبيت مابتفوتي

زهرة الحب · 10-28-2011, 03:44 AM

لاعادي خدي راحتك والله النت عندي كتير بطيء مشان هيك بتأخر بالرد
لا بفتح بكرا يعني بال5 المسا وبعد
تصبحي على خير

سرووءة · 10-28-2011, 03:45 AM

شكلك حتطولي بالرد
تصبحي عخير حبيبتي
وبكرا منكمل الطبخات هههه
وحهزي حالك شو عندك طبخة غريبة جهزيها
هههه

زهرة الحب · 10-28-2011, 03:47 AM

وأنتي من أهله
إن شاء الله عندي كتير

سلام

سرووءة · 10-28-2011, 05:00 PM

كيفكن بنات
وينكم
جمعة مباركة عالجميع

زهرة الحب · 10-28-2011, 06:51 PM

مسا الخير سرووءة كيفك اليوم؟

سرووءة · 10-28-2011, 07:17 PM

هلا زهرة
انا منيحة انت كيفك
وشووعملتي اليوم
انا هلا من شوي ضبيت الغدا
تغدينا متاخرين اليوم
لان فطرنا متاخرين
شو عملتي اليوم عالغدا

انا سويت رز عبزاليا وجزر وعليه دجاج
طلعت طيبة وجنبو سلطة لبن بخيار
يمي

رنووومة · 10-28-2011, 07:28 PM

مساء الخيررررررر

زهرة الحب · 10-28-2011, 07:35 PM

مساالنور كيفك رنوومة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
تجمع حوامل سوريا الحبيبة	soomaa83	إستفسارات حوامل من الشهر السابع إلى الشهر التاسع	4	08-18-2011 10:03 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM