الخطوات الأولي لإدخال الطعام للطفل من عمر 4 شهور

[احمد حبيبي]

اللي متوهقة بطفلها وتبي تبدي توكله تدس
عندي الجوااااااااااب الشاااااااااافي
شوفي حبيبتي وركزي معاي

أول خطوة لإطعام الطفل هي زيادة السيريال مع حليب الممية وانا بديت فيها من لما كان عمر ولدي 3 شهور
أول شي زيدي نصف مكيال سيريال على الممية
وبعد يومين أو ثلاث زيدي مكيال واحد
وبعد أسبوع زيدي مع كل مكيال حليب مكيال سيريال
أما عن نوع السيريال ففي البداية استعملي سيريال الأرز لأنه وايد أخف وسهل الهضم على معدة البيبي ويشبع
*********وانتبهي عدل***********
لا تستعملين سيريال القمح قبل الشهر السادس لأنه يسبب حساسية
أنا سبب لولدي اكزيما خفيفة (يعني خشونة بسيطة على الخدود وكف اليد ولما وقفت القمح راحت بروحها)
نصيحتي الشخصية استعملي (هيرو أرز وحليب) وهم ميلوبا (أرز وخضار وايد زين)
كل شي رز حلو بس بعدي عن القمح أو البسكوت في أول فترة

ولكن الأهم هو تعويد الطفل على الأكل بالملعقة
ابدي بعد مرحلة زيادة السيريال على الممية يأسبوع وكليه سيريال الملعقة وسويه شوي سائل عشان ما يغص فيه
(((( طبعا اشتري ملعقة البيبي البلاستيك متوفرة بكل مكان)))
ولا تبدين توكلين الطفل بالقفشة إلا لما يكون يعرف يرفع راسه ويقعد متسند على كرسي بيبي أو مخدات ولا توكلينه وهو نايم
ابدي وجبة واحدة باليوم وبعدين وجبتين
أهم شي يكون الطفل جوعاااااااااان عشان ياكل ولا تنصدمين لو لقيتيه ياكل كمية قلية هذا العادي (ابدي بعمل مكيال واحد وخليه شوي سائل)
وبعد ما ياكل السيريال مدة اسبوع
نبدي مرحلة الجد

الأكل الفريش مافي أحسن منه ويغذي أحسن من السيريال مليون مرة
عندج البطاطا الحلوة اللي لونها أحمر فظييييعة وايد وايد مغذية غسليها حيل وقشريها عدل وطبخيها بماي فقط خليها تغلي تغلي لين تصير وايد طرية مثل المرهم وهرسيها بالشوكة عدل أنا ولدي واااااايد يحبها
عندج التفاح المسلوق (يقشر طبعا ويسلق جيدا)
الكمثرى المسلوقة (يقشر طبعا ويسلق جيدا)
ويراعى عند التقشير إزالة طبقة كبيرة من القشر عشان لو كان فيه اي أي شي خربان يطلع
الموز المهروس بالشوكة (بدون سلق) الدكتور يقول عنه أفضل غذاء للطفل وايد مغذي وسهل الهضم

طبعا كل الأصناف السابقة تنسلق جيدا بعد الغسيل وتنهرس جيدا جدا بالشوكة أو لو عندج خلاط مولينكس مال الأطفال وايد زين

**********************************
أما الغدا فتقدرين تسوين :
جزر مسلوق
كوسا مسلوقة
قرع مسلوق
وطبعا الكل ينهرس جيدا وممكن تضيفين معاه قفشة من السيريال عشان يشبع ولقيمة غذائية أفضل
في الفترة الأولى استعملي كل نوع أكل بروحة وبعدين تقدرين تخلطين
يعني سوي تفاح وكمثرى مع بعض
كوسا وجزر مع بعض
قرع وبطاطا حلوة مع بعض
جذي
وأهم شي

الاهتمام الكامل بالنظافة لأن وايد أطفال تبدي معاهم النزلات المعوية لما يبدون بالأكل
الاهتمام بنظافة كل شي تستخدمينه في الطبخ
وتخصصين للبيبي قدر صغير ستاينلس ستيل بروحه
******لا تستخدمين الألومينيوم ولا التيفال**********
هذي الأصناف اللي علمتج عليها من الدكتور ومناسبة لعمر 4-6 شهور بس أهم شي التدريج اللي علمتج عليه
وديري بالج الياهل اللي يتعود على أكل السيريال بس صعب تعودينه ياكل الأكل العادي
ولا تعودين الطفل على نوع واحد أكل بس دايما نوعي
ولا توكلين عسل أو سكر أو ملح قبل عمر السنة ولا تنسين تشربينه ماي بعد الأكل


منقووووووووول

[أم تااالين]

مشكوووره ياقمررررررر افدتيني كثييير وسيفت كلامك
بنتي لسى عمرها شهرين بس مجرد ماتدخل 4 شهور برجع لكلامك :)

[dr.loly]

شكرآ اختي علي الافادة .. ولكن لاينصح بأضافة السيريال او السيريلآك لرضاعة الحليب لانه يتسبب بلخبطة المكونات الحليب والسيريلآك
وعادة السيريلآك خصيصا نوع نستله مسوينه بالحليب بس ماء دافي مع لرضاعه ويعطي ...بارضاعه الخاصة بذلك او
بالملعقة


وتنصح منظمة الصحة العالمية بالبدء باطعام الطفل من عمر 6 اشهر

ويفضل البدء من عمر 5 بس بالتدريج


قبل ذلك لازم يتغدي علي الحليب عشان ياخد اكثر فائدة منه لاحتياجاته الضرورية من الكالسيوم والمعادن


وباقي الكلام معك فيه مئة بالمئة


ودي لكي

[نور العمر]

مشكوره يالغاليه على المعلومه .. وانا بديت مع بنتي اكلتها اب اخر اسبوع في الرابع ... بس طبعا تدريجي يعني شوي شوي لما تتعودعليه وتتقبلو وما يسبب الها مشاكل بالهضم ...

[بحــ العيون ــــــــر]

[ام مراوي]

مشكووووووورة

[برنسيسه2013]

يسسسسلموو ع المعلومات

انا بالرابع بديت اعطيها سيريلاك وموز
السيريلاك ماتقبلته كثير بس تقبلت الموز وحبته

وتركت السيريلاك وخففت الموز
والان هي بالخامس وناويه اتركها لين السادس اعجبتني بالصيدليه فواكه مهروسه
ع بعدين افكر ان شاء الله اشتريها لها


والله يعافي حبايب قلوبنا

[حياتي قمراتي]

شكرا
بس لي اعرف حتى ل6 شهور يبداالطعام

[ام ارجواااااان]

[ام منايا]

بليز باعرف هل تغذية الطفل في الشهر الرابع تتعلق بالوزن