** ليبيا زين علي زين ليبيا ورد وياسمين ** تجمع الليبيات

[اوشي]

[sosolibya]

هلا بفروسة طلعت درت دورة عند امنتعيني وطقيت في جداي أنا والصغار ومحمد هرب لخواله وأنا جيتكم بنشوفكم

ماشاء الله فروووووووسة
قوليلي البارح ماجاتكش الشوهيقة
البارح قعدت نحكي عليكم لحبيب قلبي هههههههه \
قعدت نحكيله على عزوماتكم ومشترياتكم وهداياكم يعني كلها حكايات حلوة ماتخافيش ههههههه وكيف إنكم ضد التوفير بالرغم من أني معاك في الترويح عن النفس والعزومات والشري وووو ولكن في نفس الوقت زي ماقلتلك من قبل كويس لو قدرتو توفرو حتى بشىء بسيط عادي جدا ومافيها شىء يعني وخصوصا انك قلتي بعد ماتروحو بإذن الله بتخشو عالبني....

وتعليق زوجي يللي قلت بنحكيه لفروسة هو

قالي.. لو يصرفو عالطلوع والرحلات أفضل من الشراء..
لأنه قالي شايف زمان صحابه كيف قعدو معاااااااانااااااااااااة في المرواح قال نص البضاعة لوحوها لأن الحاوية قعد يقسمو فيها بالسنتيمتر..

وراك تحرجي مني ربي يهنيكم ويحفظكم ويسعدكم.......

[اوشي]

فروسة ...

سألتيني علي روى ورضاعتها وطعامها صح

طبعا خيتك زهايمر متقدم خخخخخخ

انا نرضع فيها طبيعي بس

والان تاكل معانا في اي شي وبديت نوكل فيها الدجاج بس الحوت ماتقبلاتش

واغلب الاحيان اندير الها في ارز مع خضروات طماطم بصل وثوم وبطاطا وكوسا وجزر وبكيوة

ونهريهن عالاخر ولما نطفي انحط اشوية زيت وطشة ملح


اتجي طعمته اتهبل حتى انا ناكل امعاها خخخخخخ


وانت عاد الله يبارك عندكم اخصائية متابعة معاكم وترشد فيكم جو سمح

امتى نوصلو للمرحلة هذي

[اوشي]

اثورة ..

حتى انت سألتيني بس سامحيني زهايمر مزمن

سألتيني علي بروان هي حلوة امتاعت الوجه والموس بس امتاعت المناطق الحساسة وااااااااااك تنتيش اسوووود

وتلقيها في اي محل عطور انا خذيتها زمان 195 دينار لكن توة اكيد ارخص وفي طرابلس بالذات

مش كيفنا نار ايشيطو فينا بالاسعار

[sosolibya]

دجاجة محمرة بالفرن,, من مطبخي...

[dr.loly]

المشاركة الأصلية كتبت بواسطة sosolibya

هلا بفروسة طلعت درت دورة عند امنتعيني وطقيت في جداي أنا والصغار ومحمد هرب لخواله وأنا جيتكم بنشوفكم

ماشاء الله فروووووووسة
قوليلي البارح ماجاتكش الشوهيقة
البارح قعدت نحكي عليكم لحبيب قلبي هههههههه \
قعدت نحكيله على عزوماتكم ومشترياتكم وهداياكم يعني كلها حكايات حلوة ماتخافيش ههههههه وكيف إنكم ضد التوفير بالرغم من أني معاك في الترويح عن النفس والعزومات والشري وووو ولكن في نفس الوقت زي ماقلتلك من قبل كويس لو قدرتو توفرو حتى بشىء بسيط عادي جدا ومافيها شىء يعني وخصوصا انك قلتي بعد ماتروحو بإذن الله بتخشو عالبني....

وتعليق زوجي يللي قلت بنحكيه لفروسة هو

قالي.. لو يصرفو عالطلوع والرحلات أفضل من الشراء..
لأنه قالي شايف زمان صحابه كيف قعدو معاااااااانااااااااااااة في المرواح قال نص البضاعة لوحوها لأن الحاوية قعد يقسمو فيها بالسنتيمتر..

وراك تحرجي مني ربي يهنيكم ويحفظكم ويسعدكم.......

لالا عليش بنحرج عادي هههه الموضوع هذا فكرنا ففيه واجد اكيد
ان شاء الله ح نقدرو نوفروا باقي حق الارض 15 الف بدينا من هالشهر ..
زي ماحكيت قبل زوجي مداير توكيل لخوه ع مصرفه سحب المبلغ لي مسيبه
ودفعه لخوهم الكبير لي يتاجر ف اراضي.. في ارض موقعها كويس شراها زوجي ونحن هنا
وباقي قلنا بعد نروحوا يعطيه له.. من توفيرنا

والبني مش بنبدو طول نحن كيف طالعين من بني قبل مانسافروا هههه
مازلت ما استمتعش بها شقتي لي حكيت عليهااا فوق سلفي

وتبيلها شوي تشطيبات بسيطه ف ديكور بس


فيلا العمــر تبيله سنوات
خصيصا بعد اقترحت ع زوجــي ان نديروها نظام خليجي

اي الصبه حتكون دبل .. لان بنديرو دروج ف وسط الحوووش

وتحت ان شاء الله استقبال رجال ونساء وقراج سيارات وحديقه
وحمامين ومطبخ كبير ودار ثالته لمبيت ضيوف

وفوق غرف نومنا كلها ومطبخ تحضيري وحمامات وغرفة معيشه

بشويه بشويه لين يتم فترة بيش يكبرو عويلتي ونقدر نقعد بروحي
بعد يمشي الحقل..
وهو حلم وان شاء الله يتحقق لو كنا من هل الدنيااا



بالنسبه للحاويه عارفينا موضوع بنصف متر يبدو بس ارتفاعها تشيل عشر كراتين


وهنا نظظااام توا تجيك الحاويه لي بتعبي فيهاا قدام حوشكــ

وشركة خاصه تركب الحاجات

وانت تستأجر مساحه ع قد دبشك يعني مش ح نوصلوا لمرحلة التلويح
لان الحاويه ح تسبقنا بفتره ع البحر



وهي بيشتركوا فيها زوجي واصحابه

وع فكرة لولا محركات الضي ماكناش استحقينالها

لان كل تذكرة ف طياره مسموحلها ب 23 كيلو

والفائض تددفع عليه فلوووس


كنا هك بنديروا بعد سمعنا ان الميناء ف بنغازي مش امن واغتقد ان اشاعات


لكن توا قروب بيأجر حاويه وبتنزل ف مسلاته

وبيشتركوا فيها زوجي ورفيقه من اجدابيا والاخخرين من زاويه و زليتن وغريان وطرابلس


لان صديق لهم هنا من الخمس ليهم 4 سنوات ويشحنوا ع ميناء هذا ديمااا



وان شاء الله خير



بالنسبه للمشتريات ف حاجات واجد حولناهن من القائمة
زي غسالة الصحوون ومجففف الملابــس .. واثات دار الصغار بالكامل

يادوب الات مطبخ والباقي هدايااااا .. ومستلزمات للعيال اعتقد ان متر ف متر يسدنا ههههههه


وكذلك حتى رحلة فرنسا ..هولندا لغينااااه بعد ماشفنا الهدايا خدن ميزانيه كبيــره ..


رغم ان طلعتنا تأشيرة الاتحاد الاوربي اهئ اهئ

لان لندن بروحهاااا تبي ميزانيه وبصراحه حرام الواحد يجي لبريطانيا ومايزورهش\



وكلا العزاااايم ابوفروسي شايف ان من واجب اصحابه العزابة مايقصرش معاهم..
هو وجارنا الحق لي تشاركنا مع بعض ف رمضان يوميا

مش امقصرين ...


والحق وربي شاهد اني فرحاااانه بهالشئ ..

تحسي انك اتطيبي بنية وانتي فرحااانه ..

وتوا اصحاب زوجي عاركوه ههه قالوله را معش نجوك خلي البساط احمدي

لان ديما انوع ف الاكل وجبه وموالح وجووو


فقالي زوجي معش تكثري ديري وجبه وكثريها مع سلطات

فلنا فترة ع اسلوب هذا

لعند جمعه لي فاتت درتلهم كسكسو بالبصله مع امسير ونوعين سلطه

وكيكة طبعا مع قهوة خاطي جو مربوعه ع طاوله المكسرات وفواكه وشوكلالاته وعصير



وامس عشا درت مكرونه مبوخه ع خضرة ..




حسيته النظام هذااا أريح الحق..

[sosolibya]

كيف صبيت العسل على البسبوسة,,,,,,

تفضلوا...

[dr.loly]

المشاركة الأصلية كتبت بواسطة اوشي

فروسة ...

سألتيني علي روى ورضاعتها وطعامها صح

طبعا خيتك زهايمر متقدم خخخخخخ

انا نرضع فيها طبيعي بس

والان تاكل معانا في اي شي وبديت نوكل فيها الدجاج بس الحوت ماتقبلاتش

واغلب الاحيان اندير الها في ارز مع خضروات طماطم بصل وثوم وبطاطا وكوسا وجزر وبكيوة

ونهريهن عالاخر ولما نطفي انحط اشوية زيت وطشة ملح


اتجي طعمته اتهبل حتى انا ناكل امعاها خخخخخخ


وانت عاد الله يبارك عندكم اخصائية متابعة معاكم وترشد فيكم جو سمح

امتى نوصلو للمرحلة هذي

ماشاء الله ربي يحفظها..

بالهنا ع قلبها الحبوبه

امس كارين ههههه هذا اسمها بدل مانكتب اخصائية او زائرة الاطفااال

هذه الخاصه بينا


حكيتلها ع انها ترضع واجد ب ليل وماتبش تاااكل وهكي عشان ترقد وتشبع

قالتلي لازم تشبعيها قبل نوم وشربيها ميه واجد هههه

ومرحلة الفطام تبدا من توا قالتلي لازم تحوليلها رضعتين

فطور لازم تاكل وجبه لانها تحتاج لمواد اخري

وكذلك الغداء او وجبة التي ( العصريه هههههه) يقولولها تي تايم .. وقت الشاي يعني



لازم تاكل دجاج ولحم وسمك و حبوب و ارز وعطتني وصفااات

قالت دام 10 شهور وكليها اي شئ .. بس بهارات مافش حتي من اكلكم


وحكيتلها ع ححليب صناعي رافضته

قالتلي احســــــــــن صدرك خير هههه قتلها عارفه وهكي


قالت بعد اتطق السنه لازم تشربه لان جسمها يحتاج كالسيوم اكثر ف فتره هذه

لو رفضاته عطيها حليب الابقار عادي ف كوب المخصص لسنهااا

وماتعوديهش ع رضاعه خلالاص عشان تسوس

طبعا اغلب الكلام لي حكاته عارفته بس الحق شجعتني وااااجد

[dr.loly]

اه وبعد قلتيلي احكيلي ع تطور الاء
حكيتلها عندها 3 سنون توا

قالتلي بديتي تستخدمي ف فرشاة الاسنان قتلها لا؟؟


وفراس ..؟ قتلها لا


ههههه قالتلي معقوله وانتي دكتورة اسنان

قتلها صغيرة عارفه ان مفروض نغسلها بفرشاه بس ميبه عشان تعود



قالتلي فراس جيبوله معجون خاص به ولازم تبديله



خخخخخخ تحشمت نقولها اول ماتخرجت ننصح ف الاهالي لي يجيبو عيالهم صغار رضع سنة ونص وسنتين
يبحثوا فيا باستغررراب




نحن جبناله فرشاة اطفال بس يتعود ويقلد




لكن ان شاء الله بكرة نجيبوله المعجون وبنبدا نعوده فروساااا

خصيصا ان العمر هذا عمر بناء العادات الصحيحه والسليمة

نفس ماحكتلي وح يطبقها طول عمر لان عادة منذ نعومة اظفاره تعود عليها

[dr.loly]

المشاركة الأصلية كتبت بواسطة sosolibya

كيف صبيت العسل على البسبوسة,,,,,,

تفضلوا...

صحتين والف عافيه